رواية اسيره في حمى الفارس
الفصل الخامس
نزلت جورى وهى طايره من الفرحه وقلبها بينبض بقوه
ومش مصدقه ان بقالها أخ
امنيه كتير كانت بتتمناها يكون لها أخ ويكون لها سند وحمايه
لما وصلت لباب الاوضه
ليلى حست أنها بتتنفض وايدها بتترعش مسكت ايدها
ودخلت بيها الأوضه
دارت بعنيها شافت طاهر وبعدين التفتت لعاصم اتلاقت نظرات عيونهم بلهفه
واتحجروا في مكانهم كأن الزمن واقف بيهم
ليلى مسحت علي ضهر جورى وطبطبت عليها: ده عاصم أخوكى ياجورى
جورى حاسه انها مش مش مصدقة ... معقووول دى حقيقية!!!!!!
ليلى: سلمى علي اخوكى ياحبيبتى
جورى كانت متوتره وواقفه ورا ليلى وعيونها علي عاصم
ومكسوووفه منه
عاصم قرب منها بلهفه وعيون مدمعه : حووور
ابتسمت له حور: انا حاسه انى بحلم
عاصم: لا مش حلم ياحور ده أحلى حاجة حصلت في حياتى كلها و
مد ايده يسلم عليها
بتوتر مدت ايدها سلمت عليه
مسك ايدها وباس جبينها وهو بيبكى بحرقه
لدرجه ان دموعه سالت علي جبين جورى
وهى كمان كانت منهاره في العياط
ورمت بنفسها في حضن اخوها
وكل الموجودين بقوا يعيطوا علي منظرهم وعياطهم في حضن بعض
عاصم باكيا : يااااه ياااحوووور اخيراااااا لقيتك
الحمدلله
حور: الحمد لله انا مبسوطه أوى ياعاصم أننا اتجمعنا بعد كل السنين دى
حست حور فى حضن أخوها بأمان مالوش حدود بحنان ...باحتواء
..بقوه
قوه عمرها ماحست بيها قبل كده!!
طاهر بسعاده: انا عمك طاهر ياحور يابنتى صاحب ابوكى الله يرحمه
جورى: اهلا بحضرتك ياعمى
بعد دقايق خرج طاهر وليلى وفضل عاصم وجورى .....
وبدأوا يهدوا
عاصم حب يكسر حاجز كسوف اخته
عاصن ممازحا: ايه ياحور مكسوفه كده ليه انا اخوكى مش جاى اخطبك امال لو جالك عريس هتعملى ايه😀؟!!
ابتسمت له جورى: وسألته هو انا اسمى حور؟!!
عاصم مبتسما: ايوه حور حمدى..
تصدقى فعلا فينا شبه من بعض..بس انتى أحلى طبعا
حور بابتسامة: تسلم يا عاصم متشكره
عاصم: لسه لحد دلوقتي حاسس انى بحلم
انا كنت قربت افقد الامل انى الاقيكى
جورى : انت كنت عايش فين ياعاصم؟!
عاصم: في بورسعيد عند واحد صاحب عمى طاهر اللي كان واقف هنا
عمى طاهر كان صاحب بابا اوى وانا عايش معاه من ساعه ماجيت من بورسعيد
أنا هسيبك هنا كام يوم عما ألاقى شقه تانيه
وتنقلي فيها اتفقنا
جورى بتردد: اتفقنا
عاصم: مالك ياحور انتى مش عايزه تيجى معايا؟!!
حور بحيره: اكيد عايزه طبعا أنا ماصدقت بقالي أخ وفي نفس الوقت انا اتربيت هنا وحاسه انى مش متخيلة انى أسيب المكان ده !!!
عاصم: أنا عارف ان الموضوع هيبقي صعب في الأول وبعد كده هتتعودى
أنا مقدرش اسيبك هنا ياحور...
أنا ماصدقت لقيتك
حور: ربنا مايحرمناش من بعض أبدا ياعاصم
قضى عاصم اليوم مع جورى وفضلوا يدردشوا في كليتها وهو قعد يحكى معاها عن حياته من الطفوله لحد ما جه القاهره
لكن ماقالش اى حاجه عن قتل والده ووالدته
ماحبش يزعلها في عز فرحتها بيه
عاصم: الحمد لله ياحور اول ماشفتك كده حمدت ربنا
حور بعدم فهم: شوفتنى كده إزاى؟!!
عاصم: اقصد لبسك وحجابك ماشاء الله حاجه تفرح وكمان زى القمر كده وشبهى😁
ضحكت حور: يعنى حلوه بس عشان شبهك ماشى مقبوله منك
عاصم : تعرفي ياحور
لو كان بابا وماما عايشين اكيد كانوا هيفرحوا بيكى أوى
ماشاء الله أدب وأخلاق وتفوق كمان ربنا يبارك لى فيكى
سبحان الله وجودك هنا كان نعمه ليكى
محدش عارف لو كنتى فضلتى مع مرات عمى عبدالرحمن كان إيه اللي حصل ايه؟!
وحكى لها حكايتها مع مرات عمها
حور: سبحان الله فعلا لو علمتم الغيب لاخترتم الواقع
عاصم: ان شاءالله بكره اجى معاكى ونروح للمحاميه وهى هتعرفنا ايه الإجراءات اللازمة عشان تقدرى ترجعى لاسمك الأصلي
حور: ان شاءالله
..........
تانى يوم راحوا المحاميه وبدأت تقولهم علي الخطوات اللي هيعملوها
ومارحتش طبعا الكليه
كام يوم
★★★
دخل آسر المحاضره وعيونه بتدور عليها في المدرج
لكن مالقهاش ودماغه مشغوله وقلق عليها عمرها مافوتت محاضره من يوم ماجت الكليه
ياترى مالها؟!!!!
فكر يروح يسأل عنها اسراء لكن أتردد
عشان مايلفتش النظر لاهتمامه بيها
في مقر شركه الجوهري
دخل عز مكتب والده حسن بحماااس: عندى ليك اخبار جديده
عرفت لك هو غطسان فين بقاله كام يوم
حسن باهتمام: ها فين؟!!
عز: بيجيب اخته اللي كانت متربيه في دار تبع جمعية خيرية
حسن: اقعد واحكى لى الحكايه من اولها بالضبط ايه موضوع اخته ده
..........
★★★
في مكتب المحاميه
طاهر بامتنان: تسلمى يا استاذه هيام على تعبك معانا واهتمامك
هيام بابتسامة تخفى وراها مشاعر تانيه: ده شغلي يااستاذ طاهر
طاهر: طيب فيه حاجه افتكرتها معرفش كانت غايبه عنى إزاى الفترة اللي فاتت
هيام متسائلة: ايه ياترى؟!
طاهر: حمدى الله يرحمه كان له شقه ملكه ومكنش له حد الا أخوه وماافتكرش انه كان باعها او اتصرف فيها وحتى زوجته الله يرحمها كانت بنت عمه وكانت وحيده وأهلها متوفين
إزاى اتأكد ان محدش اشتراها او حط ايده عليها
انا رحت هناك وفضلت اخبط واضرب الجرس محدش رد وسألت الجيران قالوا ان بقالها سنين مقفوله
هيام: قولى حضرتك العنوان بتاعها وانا هتأكد لحضرتك من ملكيتها
طاهر: متشكر جدا عنوانها .٦ شارع..........
وبعد يومين اتأكدوا أن الشقه مقفوله زى ماهى من أيام الحادثه
وقرر عاصم انه هيعيش فيها هى واخته
.وبدأ في تجهيزها
جت اللحظه اللي عاصم بيستناها وراح عشان يجيب حور من الدار عشان تعيش في بيتها الحقيقي
سلمت حور علي اسراء بحراره
اسراء باكيه: مش عارفه هنام واقعد هنا لوحدى ازاى من غيرك ياجوورى
حور وهى بتقاوم دموعها وبتحاول تهديها: أنا معاكى ياسوسو كل يوم في الجامعه ويوم الجمعه هقول لعاصم واجى اقضى معاكى اليوم
إسراء: ماشي اتفقنا
واعملى حسابك ترجعى الكلية من بكره
كفايه الايام اللي فاتت
جورى : ان شاءالله
خرجت جورى لقت عاصم بيستناها علي السلم
اخد منها شنطه الهدوم
عاصم: يلا يا باشمهندسه حور
حور باسمه: مستغربه اوى حور ده
عاصم: بالعكس ده اسم حلو اوي بكره تتعودى عليه
وبعد ساعه تقريبا
وصلوا للشقه
عاصم بسعااااده نورتى بيت العيله ياحور
حور: متشكره ياعصوم
عاصم ضاحكا: عصوم بتدلعينى دا انا مااتدلعتش وانا صغير هدلع وانا شحط كده😁
حور: ايوه كان نفسي يبقى ليا أخ وادلعه
عاصم: ربنا مايحرمنيش منك يااختي ياحبيبتى
بصى بقي ياستى
أنا هقعد في اوضه بابا وماما وانتى هحطلك هدومك في اوضتنا وانا صغيرين
حور بمرح: لا ماليش دعوه اشمعنى انت تقعد في اوضه بابا وماما
انا عايزه افضل انا فيها حاجه من ريحتهم
عاصم ممازحا : ايه البت الرخمه دى والله أرجعك تانى واقول مااعرفش عنها حاجه 😁
حور ضاحكه: بعينك دا انا هطردك واقعد انا في اوضه بابا براحتى ههه
عاصم: أصيله ياأختى لا انا كده هشك في نتيجه التحليل
انا اخترت الاوضه دى عشان سريرها كبير
مش شيفانى طويل زى العمود😁
يرضيكى انام علي السرير الصغير ورجلى بره السرير بتتفسح في الهوا هههه
حور: لا مايرضنيش ياعصووم عشان تعرف بس ان انا طيبه
عاصم: شطوره ياحور... عندى سؤال واتمنى يارب الاجابه تكون
زى ما انا عايز
حور متسائلة: خييير؟
عاصم: بتعرفى تتطبخى ولا هتدبس انا في الطبخ😁
حور ضاحكه: حاجات وحاجات
عاصم بحماس: فرحينى بالحاجات دى يااختى بتعرفي تعملى ايه؟؛
حور مبتسمة: بص ياسيدى بعرف اعمل شاى بلبن وسندوتشات جبنه بس حاجه كده احتراف
....إسراء ماكانتش تحبهم الا من ايدى
عاصم ضاحكا: لا ياشيخة !!!
طمنتى قلبى والله
لا مدام اسراء حبتهم يبقي بشره خير والله😁
طيب ده هنعتبره فطار غير كده بتعرفى تعملى ايه؟!
حور بتفكير: اممممم بعرف أعمل بيض مقلي وبيض عيون وبيض مسلوق وسلطه
عاصم: لا واضح اننا هنغرق بيض بس كويس انك بتعمليه بكذا طريقه التنوع مطلوووب😁 عشان مانزهقش طيب بتعرفي تعملى عجه بقي عشان تبقي قفلتى طقم البيض كله ههههه
حور : لا مش بعرف وبعدين انت عمال تتريق عليا انت بتعرف تعمل ايه؟!
عاصم ممازحا: بعمل شاى من غير لبن وسندوتشات جبنه وخيار خيياااال
وبعمل بطاطس مقليه وبطاطس مسلوقه وبطاطس صنيه😁
حور بمرح: ماشى اتريق براحتك
عاصم بثقه: يابنتى انا طباخ ممتااز بكره تتحايلى عليا اعلمك الطبخ
حور بتحدى: لا مش عايزه اتعلم
عاصم: ماشي براحتك وربنا لما يجى حد يطلب ايدك منى لقوله انك فاشله في الطبخ
حور: هههههه كده هعنس واقعد جنبك
عاصم: احسن يعنى بعد مالقيتك افرط فيكى بسهولة لاى حد كده!!!
حور: ربنا مايحرمنيش منك يا عاصم
عاصم: ولا منك يااحلى حور
ممكن بقي تظرفينا طبق بيض من الحلوين بتوعك اصلى جعان
حور بثقه : من عيونى ياعصووم
بص هتنبهر لما تدوقه
عاصم بعد تصديق : قولى يااارب😁
★★★★
في فيلا علاء الدين
رجعت للدكتوره ساميه من عمليه ولاده متأخر
الدكتوره ساميه: ياام محمووود
ام محمود: ايوه يادكتوره تأمرينى بحاجه
ساميه: نور اوضه علا لسه والع
اطلعى قولى لها تنام عشان تلحق كليتها الصبح
ام محمود: حاضر يادكتوره
طلعت ام محمود لأوضة علا خبطت اكتر من مره ماحدش رد
قلقت فتحت الباب لقت علا واقعه علي الأرض مغمى عليها
وشفايفها زرقاء
صرخت بأعلى صوتها وخرجت تجرى علي ساميه
الحقينى يادكتوره علا مابتردش عليا وواقعه مغمى عليها في اوضتنا
ساميه بذهووول: علا ااا
وجرت علي اوضتنا ولما شافتها جرت بسرعه
ام محمود نادى بتوع الامن يحطوها في العربيه هوديها المستشفى مش هستنى الاسعاف
ام محمود: حاااضر
وجرت. بسرعه ورجعت باتنين شالوها للعربيه
وراحت بيها للمستشفى بأقصى سرعه
وحولوها لقسم السموم
وبعد ساعه
خرج الدكتور: الحمدلله انكم جيتوا فى الوقت المناسب
لو كنتو اتاخرتوا شويه مش عارفين كان ممكن يحصل ايه بس للاسف الأدوية اللي اخدتها عملت لها نزيف وفقدت الجنين
ان شاءالله هتفضل يومين تحت الملاحظه
وتخرج
الف سلامه عليها
كانت ساميه بتسمع كلام الدكتور ومن الصدمه مانطقتش لحد ما مشى الدكتور وسابها مصدووومه
ساميه باكيه: كده ياعلا!!!!!
الحمدلله ان الدكتور ده مايعرفنيش كان فاتنا اتفضحنا
وانهارت ساميه وهى مذهوله ومش مصدقه ان علا تعمل كده؟!!!!!!!
وبعد ساعات بعد ماعلا بدأت تفوووق اصرت ساميه علي خروجها من المستشفى
ورجعت بيها البيت
كان زوجها ويوسف ابنها في سفر تبع الشغل
حمدت ربنا انهم مش موجودين
بعد يومين بدأت علا تستعيد صحتها جزئيا
ساميه: ابوكى واخوكى جايين بكره وهقولهم انك اخدتى دور برد
علا: هزت راسها
ساميه بعتاب: ليه ياعلا عملتى كده؟!! مش قادره اصدق ومصدوووومه فيكى ياعلا
علا انهارت في العياط: سامحينى ياماما ضحك عليا الحيوان ده
ساميه بغضب: باسم خطيبك مش كده؟!
هزت علا راسها: ايوه
ساميه: انا من الاول ماكنتش طيقااه
علا: الواطى سافر أمريكا ومعدش راجع
ساميه بقوه وتماسك : في داهيه ولا كأن حاجه حصلت وركزى في مذاكرتك وكليتك واتعلمى بقي الدرس
علا: بس انا كده ضعت
ساميه: ولا ضيعتى ولا حاجه كل حاجه هتتظبط سبيها عليا بس توعدينى انك ماتعمليش حاجه تانيه غلط وتخونى ثقتى فيكى تانى
علا بانهيار: اوعدك ياماما عمرى عمرى ماهعمل كده تانى
ساميه: خلاص وانا مصدقاكى وزى ما اتفقنا محدش علي الأرض كلها يعرف حاجه
انتى كنتى قولتى لحد من صحباتك حاجه؟!
علا: لا ماقلتش لحد محدش يعرف اننا كنا متجوزين عرفى الا اتنين جابهم شهود وحتى شكله مايعرفهمش وجابهم بالفلوس
ساميه:: والكلام ده حصل من امتى وانا نايمه على ودانى ؟!!
علا ببكاء: من شهر واحد
ساميه: وفين ورقه العرفي؟!
علا بحزن: معايا الورقتين سلمهم لى ال ايه عشان اثق فيه قد ايه كنت مغفله وعبيطه!!!
ساميه بارتياح: زى الفل هاتى الورقتين دول هحرقهم بنفسى ونقفل باب الموضوع ده خالص
علا: حاضر ياماما
.......ولما رجع والد علا واخوها ساميه فهمتهم إنها انهارت بسبب باسم لما فسخ الخطوبة وسافر امريكا زعلت وانهارت
ولما راحوا بيها المستشفى بالليل اخدت برد شديد
★★★
رجعت حور كليتها ولما شافت إسراء دخلت في احضان بعض كأنهم بقالهم سنه ماشافوش بعض
اسراء: وحشتينى أوى أوى ياجورى
حور: وانتى كمان ياسوسو وحشتينى أوى
وخلاص بقي فكك من جورى دى
اسراء: مش عارفه انا متعوده على جورى انتى خلاص ثبتيه هنا في الحامعه هنا؟!
حور: لا لسه فيه شويه اجراءات المحاميه هتعملهم وبعدها اغيره هنا
اسراء:
طمنينى عامله ايه مع اخوكى مرتاحه ؟!
حور: عصوم ده سكر مش عايزه اقولك قد ايه طيب وحنون ودمه زى العسل
شوفى جابلنا ايه ؟!
وفتحت شنطتها تفرجها
شيكولاته وبسكويت ليا وليكى
إسراء: جاب ليا معاكى؟!!تلاقيكى انتى اللي قولتيله
حور: لا والله هو اللي جابهم وقالى ليكى انتى واسراء
هو عارف انا بحبك قد ايه
دا انا صدعته كلام عنك
اسراء بخجل: انا شفته على فكره
حور : شوفتيه فين ياسوسه؟!!
اسراء: امبارح وقفت في الشباك عشان اشوفك وانتى ماشيه لاقيته ماشى جنبك وشايل شنطه الهدوم شكله ذووق ومحترم اوى ياجورى ربنا يبارك لك فيه...
حور بحماس: ماتيجى يابت يااسراء اجوزك عصوم ونتلم كلنا في بيت واحد
الله والله تبقي حكايه حلوه
اسراء: تصدقى شكلك دماغك ضربت من مفاجاه رجووع أخوكى
يلا علي المحاضره يامجنونه اتأخرنا.....
٭٭٭٭٭٭٭٭٭
فى مقر شركه الجوهري
موظف زميل عاصم: ازيك يا عاصم
انا فين ياابنى؟!
عاصم: معلش كنت في اجازه كان عندى ظروف
الموظف: طيب خلص الشغل اللى قدامك ده بسرعه وراجع الكشوف
احنا بقينا نص الشهر وكده هيتأخر صرف الرواتب وهتبقي مصيبه ممكن تطير فيها من هنا
عاصم: ماتقلقش إن شاء الله هخلصه النهارده
وبعد كاام ساعه
كان بدأ عاصم يتعب من المراجعه
رجع له للموظف: ايه ياابنى شكلك تعبان ولا ايه؟!!
عاصم: صدعت من كتر التركييز
الموظف: الف سلامه عليك
بقولك ياعاصم أمضى على الورقتين دول
عاصم : بتوع ايه دول
الموظف: دى لجنه المحاسبة ورق روتين بنمضيه كل شهر ماتشغلش بالك
بكره تتعود على النظام
اخد عاصم الورق ومضاه للأسف ومش واخد خوانه😥
٭٭٭٭٭٭٭٭٭٭
بعد يومين......
آسر كان داخل المحاضره وبيتمنى تكون موجوده
أول مادخل بص على مكانها وفرح لما شافها موجوده
ابتسم لها و نظرته فيها الف كلمه ومعنى
حست بخجل من نظراته وحست ان كل اللي في المدرج بيبصوا لها
حست بتوتر رهيب وخدودها احمرت
إسراء هامسه: مالك يابنتى وشك ضرب الوان ليه؟!
حور: مفيش
خلصت المحاضره ولقيته بيناديها: ازيك يا جويريه
حور بخجل: الحمد لله
آسر: كنتى غايبه ليه المحاضره اللي فاتت قلقت عليكى
جويريه بدهشة: معلش كان عندي ظروف
استأذن حضرتك
ومشت ودماغها مشغوله باهتمامه بيها بشكل ملحوظ وايه معنى قلقت عليكى 😍
الجامعه ملياانه بنات جذابين
اشمعنى انا !!!!
٭٭٭٭٭٭
روحت حور بعد ماخلصت
دخلت من باب البيت شمت ريحه أكل حلوه اوي
حور: السلام عليكم
الله الله الله
ايه الروايح دى ياعصووم
عاصم: وعليكم السلام
حمدالله على السلامه ياحور
عملك النهارده صينيه بطاطس باللحمه
بصى مش هتنسيها أبداً
حور: تسلم ايدك يا عصوم الريحه بتقول انها تحفه
هروح اغير هدومى بسرعه و جايه حالا
وبعد دقايق رجعت كان عاصم جهز الاكل وحطه علي السفره وقعد يستناها
حور بفرحه: حبيبى يا عاصم ربنا مايحرمنيش منك يااحن أخ في الدنيا
عاصم بحنان: اقعدى يلا فاتك بتجوعى هناك أوى
حور: اجوع هناك ايه وانت كل يوم تملى الشنطه بسكويت وباتيهات ..طول النهار بناكل انا واسراء....
وبتشكرك اوى علي فكره علي ذوقك
عاصم: ألف هنا ....يلا دوقى وقولي رايك
أكلت حور ملعقه من البطاطس
حور باعجاب: تحفه بجد ياعصووم لا لازم تعلمنى بتعملها إزاى
عاصم بمرح: بعينك تعرفي هههه
لاحظت حور ان ملامحه مرهقه
حور: عاصم انت شكلك تعبان ولا إيه؟!
عاصم: كان عندى ضغط شغل النهارده
ومصدع هتغدى واخد حبايه مسكنه ان شاءالله
حور : طيب يلا كل
وفجأة سمعوا خبط جامد علي الباب
عاصم بقلق: ادخلى جوه ياحور اما اشوف مين
قامت حور وهى محتاره مين جايلهم وبيخبط بالشكل ده؟!!
عاصم : مين بيخبط
صوت قوى: افتح بوليييس!!!
سمعت حور الصوت اترعبت لبست هدومها وطرحتها وخرجت بسرعه
عاصم: ايوه عايز مين حضرتك؟!
ضابط شرطة: انت عاصم حمدى اللي شغال في شركة الجوهرى؟!
عاصم بحيره وقلق: ايوه أنا خير في ايه؟!!
في اللحظه دى كانت حور لبست وخرجت تشوف في ايه؟!!
ضابط شرطة: معانا امر ضبط واحضار ليك واذن بتفتيش البيت......
حور صرخت: مش معقووول
في ايه ياعاصم
واخدينك ليه أرجوووووك قوووووول
بدأ العساكر في تفتيش البيت
عاصم وهو مرعوب عشان اخته وحاله الخوف اللي هى فيها: انا ماعملتش اى حاجه غلط ياحور صدقينى
دا معناه انهم كشفونى
حور بعدم فهم: هما ميبين دول؟!
عاصم: مفيش وقت اشرحلك كلمى عمى طاهر من تليفونى وقولي له يقابلك عند المحاميه اللي كنا عندها
وهما هيفهموكى على كل حاجة
وماترجعيش هنا تااانى مفهوووووم
ارجعى علي الجمعيه اوعى تيجى هنا
حور وهى منهاااره: مخبى عليا ايه ياعاصم
هتروح وتسيبنى وانا ماصدقت لقيتك!!!!!
عاصم: انا كنت هقولك كل حاجه بس مالحقتش
انا مش خايف علي نفسى اهم حاجه انتى ياحور
عايز اكون مطمن عليكى واي حاجه تعوذيها
تروحى لعم طاهر فورا
كان العساكر خلصوا تفتيش البيت
ومالقيوش حاجه
واخدوا عاصم معاهم وحور منهاره وبتعيط بحرقه ومش عارفه تتحرك من مكانها😥😥
وبعد ساعه بدات تستجمع قوتها وكلمت طاهر وحكتله اللي حصل وبدات تلم هدومها واجنده صغيره كان عاصم بيكتب فيها الحاجات المهمه وتليفونه
بصت علي السفره والاكل اللي طبخه ومالحقش يدوقه
بكت بحرقه: هشيله في الثلاجه ياعاصم ياحبيبي ان شاءالله بكره ترجع وناكله سوا😥
وخرجت بحسره من البيت اللي مالحقتش نفرح برجوعها ليه
طاهر كلمها وقالها تروح الجمعيه وهو هيطلع علي القسم هو والمحامية
وبكره هيقابلها ويحكيلها كل حاجه
بس هى ماقدرتش تصبر
راحت الجمعيه وسابت شنطتها هناك
وحكت لاسراء وليلى اللي حصل
وراحت قسم الشرطة
وهناك عرفت ان عاصم اتلفق له قضيه
اختلاس وتلاعب في رواتب ومكافئات
بدون وجه حق
وفيه موظف زميله شهد ضده
وعاصم مصدوووم ازاى
قرب منه زميله.. وهمس: حسن بيه بيقولك دى قرصه ودن صغيررره أوى
ولو مابعدتش لسه اللعبه مابدأت والتقيل جاى
خاف علي نفسك وعلى أختك....
عاصم حس انه بيغلي من الغضب والرعب في نفس الوقت
خاف علي حوور مش عايزها تدخل الدايره دى
ازاى هما متابعينه خطوه بخطوه
وهو مكنش واخد باله؟!!!
قدر طاهر وحور يتكلموا مع عاصم خمس دقائق ووصاه ياخد باله من حور وحكى له علي تهديد حسن ليه ولاخته....
طاهر: الناس دى ايه كتله شر!!!!
خرج طاهر من قسم الشرطه مع حور والمحامية
هيام:من الواضح انهم بيراقبونا كويس جدا
ولازم كلنا ناخد بالنا من نفسنا الفتره الجايه دى
طاهر لمح راجل شكله كفيف بيحاول يعدى الطريق وبينادى حد يساعده
ومجرد ماطاهر اتقدم كام خطوه لقدام عشان يساعده اندفعت عربيه بسرعه ناحيته وضربته وهربت بسرعه البرق.........
الفصل السادس من هنا
