روايه أسيره في حمى الفارس
بقلم جنة الأحلام
الفصل السابع
★★★★★★★
آسر اتحرك بسرعه بعد ماسمع كلام عمه وخرج بالعربيه من باب الفيلا الخلفي
وقرر يدافع عن حور مهما كان الثمن
. بعد دقايق خرجت حور
وكان آسر بيستناها علي بعد خطوات من الڤيلا
ولما مرت جنب العربيه نادى عليها
آسر: جويريه!!
التفتت لقت آسر كملت مشى وماردتش عليه
نزل بسرعه من العربيه
آسر: ارجووووكى اسمعينى ياجويريه
حوربعصبيه: اسمى حور ومش عايزه اسمع منك كلام انا بكرهكم كلكم
آسر برجااااء: ارجوووكى افهمينى عمى بيخطط يأذيكى اسمعى كلامى وتعالي معايا
حور بعدم تصديق: والمفروض انى اصدقك؟!!! أو أثق فيك!!!
مش يمكن تكون انت اللي هتأذينى؟!؛
آسر بحب ولهفه: أنا عمرى مااقدر أأذيكى ياجويريه اقسم لك بالله صدقينى...
لمح آسر رجاله حسن خارجه من الفيلا
بسرعه مسك ايدها وحاول يشدها تركب العربيه
آسر بجدية: اسمعى كلامى وتعالي معايا
صرخت حور: لو ماسبتش ايدى دلوقتى هصرخ والم عليك الناس
اآسر باصرار: مش هسيبك وتعالي اركبى وانا هفهمك علي كل حاجه
صرخت جويريه لما شافت شابين ماشين بالصدفه
جرى عليها الشابين: في حاجه يااستاذه؟!
حور باستغاثه: ايوه الراجل ده عايز يخطفنى الحقونى
شاب منهم : امشى انتى. وسبيه واحنا هنظبطه
جرت حور وركبت تاكسى
والشابين هجموا علي آسر وبدأوا يضربوه بشده لكن أمن الفيلا جروا وبعدوهم عنه
آسر هبقاش عارف يتصرف ازاى ...ا...
التاكسي مشى ووراه عربيه رجاله عمه
وهو مش عارف الطريق؟!!!!
فقرر يروح للفيلا ويستناهم هناك
ركب عربيته وساق العربية بسرعه جنونيه ووصل للفيلا قبلهم
ووقف العربية في مكان مش ظاهر ليهم
وقدر يتسلق من علي السور ووصل لحديقه الفيلا
ومسك في ايده قطعه طويله من الخشب كانت في حديقة الفيلا ووقف وراء شجره قريبه من باب الفيلا
وقف يستناهم وعقله مشغول بجويريه وقلبه بيتعذب كل مايتخيل حاله الرعب اللي هى فيها دلوقتي😥
آسر: لو كان ربنا هداكى ياجويريه وصدقتينى !!!!
وبعد دقايق سمع صوت عربيه بتقرب وبوابه الفيلا اتفتحت ودخلت
العربيه
وسمع صوت جويريه بتصرخ بصوت مكتوم
نزلوا من العربيه وواحد كان بيجر حور بعنف وهى بتحاول تقاومه وفيه شريط لاصق علي شفايفها مش عارفه تصرخ
بسرعه جرى آسر ماقدرش يتحمل منظرها وهى بتتألم والدموع مغرقه وشها
وبقوه بدأ يضرب أول واحد علي رجله بقوه فوقع علي الأرض
لكن الاتنين انتبهوا لآسر وبدأوا يضربووه بشده
والرابع فضل ماسك حور عشان ما تهربش
.....
وبعد دقايق
آسر من شده الضرب بقي حاسس انه قوته بتضعف
لكمه واحد منهم لكمة قويه فوقع علي الأرض والالم معدش محتمل ووشه بقي غرقان دم
ومعدش عنده قدره يتحمل وحاسس انه ممكن يفقد وعيه في أى لحظه
دمعت عيونه لما فكر في المصير اللي مستنى حور لو ماقدرش ينقذها
تحامل علي نفسه وبدأ يقوم بصعووووبه من الأرض وفجأة لمح مسدس وقع منهم وهما بيضربوه
أخده بسرعه ورفع السلاح في وشهم
آسر مهددا: احسنلكم سيبوها حالا وافتحوا البوابه
ضحك القائد بتاعهم: مفكرنا هنخاف منك
سيب ياحلو المسدس لتتعور هههه
وبدون تردد صوب آسر علي رجله وضربه رصاصة في رجله
آسر بجديه: افتح البوابه يااما التانيه هتبقى في راسك
طبعا هما خافوا يضربوه بالنار
لانهم مايأمنوش حسن ممكن يعمل فيهم إيه
لو ضربوه بالنار
آسر : اخر مره هقولها افتحوا البوابه وسيبوها حالا
وصوب علي الثانى وضربه رصاصة في رجله و رصاصه في دراعه فوقع في الارض بيصرخ
الثالث خاف فجرى فتح البوابه بسرعه
وجرى آسر علي حوور ومسك ايدها بقوه وجروا سوا وركبوا العربيه ومشيوا بسرعه
لحد مابعدوا عن المنطقه كلها
حاولوا يمشوا وراه ويعرفوا راح فين لكن قدر يهرب منهم في النهايه
.............
الألم كان بيزيد علي آسر لحد معدش عنده قدره يتحمل أكتر من كده
فوقف العربيه وحاول يستريح شويه لما اطمن ان محدش منهم ماشى وراهم
حور كانت بتعيط طول الوقت وحاسه انها فى دوامه مش عارفه تخرج منها
آسر بضعف وباين عليه انه بيتألم : اهدى ياجويريه الحمدلله عدت علي خير...
حور: تعالى نروح مستشفى
شكلك متبهدل أوى
وفي اللحظه دى افتكرت منظر عاصم
لما راحت تزوره فتملت عينيها بالدموع
وبعدين دخلت فى نوبه عياط شديده
اشفق آسر عليها بتلقائية طبطب على كتفها
فصرخت فيه حور
انا ازاى تلمسنى؟!!!
كده حرام انا مش محارمك عشان تحط ايدك عليا!!!!
آسر اتفاجأ من رد فعلها وسحب ايده من علي كتفها
آسر بحرج: أنا أسف ياحور انا كان قصدى أهون عليكى مش قصدي حاجه وحشه...انا أسف
انتى هتروحى فين دلوقتي؟!!
ظهر الحزن علي ملامح حور: مش عارفه؟!!
وكملت بقله حيله : لو رجعت الدار أكيد هلاقيهم واقفين مستنين .....
حور سكتت دقايق وبدأت تفكر
حور لنفسها بشك: مش لازم اثق فيه مش يمكن كل ده كان مسرحيه عاملنها عشان اثق فيه ويكون ده كله تخطيط حسن!!!!
الاحداث الصعبه اللي مرت على حور خلال الايام اللى فاتت خلتها فقدت الثقه في اى حد وبقت بتشك في اى تصرف
فكان آسر بالنسبة لها مشكوك فيه وفي كل تصرفاته
حتى بعد اللى عمله عشانها مش قادره تثق فيه!!!
حور: انا متشكره لحضرتك علي اللي عملته عشانى
انا ماشيه
ومدت ايدها تفتح الباب
لكن آسر مسك ايدها بسرعه وبدون تفكير: استنى بس ... هتروحي فين؟!!
صرخت حور بعصبيه: قولتلك شيل ايدك عنى!!!
آسر بحنان: انا متأسف والله مش قصدي حاجه انا بجد كنت خايف عليكى.😥
حور بشك: ممكن اسألك سؤال يادكتور وتجاوبنى بصراحه؟!
آسر بصدق: أقسم بالله العظيم عمرى ماهكذب عليكى ياحور
حور : انت مش معاهم صح؟!!
يعنى مش بتضحك عليا؟!!
آسر : انا مقدرش اضحك عليكى او اخدعك ياحور او ياجويريه
أنا من أول ماشفتك شغلتى بالى
من غير ماأعرف عنك حاجه
وانا لحد دلوقتي مش فاهم أى حاجة من الكلام اللي اتقال في الفيلا
بس اول ماسمعت عمى بيتفق انه يأذيكى مقدرتش أقف ساكت
كنت مستعد أعمل اى حاجه ومحدش يقرب لك
يمكن تكونى مش مصدقانى وشايف في عنيكى شك وحيره
بس هى دى الحقيقه...
ممكن أنا اسألك سؤال؟!
حور: اتفضل
آسر: ليه خبيتى حقيقتك وليه داخله الكليه بإسم تانى؟!!
حور: ده موضوع يطول شرحه أنا همشى دلوقتي لان ماينفعش نفضل كده في العربيه
آسر: احنا وافقين في مكان عام والناس حوالينا مش مهجور ياحور؟!!!
حور: برده مش مستريحه كده
آسر: طيب فهمينى راحه فين؟!!
سكتت ثوانى
حور جت لها فكره: دكتور آسر!!!
آسر: أيوه ياحور
حور: ممكن توصلنى للمستشفى
آسر: ليه انتى فى حاجه تعباكى!!
حور: لا هنزور واحد هيعرفك كل اللي نفسك تعرفه
وبالمره حد يعالج الكدمات والجروح دى
آسر: ماشى قولى العنوان
حور: العنوان........
★★★★★★★★
يوسف بصدمه: ايه اللي انا سمعته ده ياعلا؟!!!!
علا بخووووف: ارجوك يايوسف سامحنى
يوسف صرخ فيها اسامحك؟!!؛
ومسك دراعها بقوه وبدأ يضربها بشده
ووالدتها بتحاول تخلصها من ايده ومش قادره
ساميه: خلاص يايوسف ارجوووك مش عايزين ابوك ياخد خبر
يوسف: سبينى اموتها وارتاح منها
علا وهى منهاره: موتنى انا اصلا بكره نفسى وبتمنى الموووت وكل اللى عايز تعمله أقل من اللي استحقه
بس خايفه عليك انت ماتستاهلش تضيع بسببى😥😥
ساميه: اختك حاولت الانتحار يايوسف ولحقناها على اخر لحظه
هى غلطانه ومليون غلطانه مش هقولك لا
لكن ربنا سترنا هنفضح نفسنا؟!!!
يوسف بحزن: ياخساره ياعلا
لولا بابا وماما وخوفى من الفضايح انا كنت دبحتك بإيدى
ومن هنا ورايح انا ماليش اخوات
علا بالنسبة لي ماتت
وانا هنزل اقول لبابا انك موافقه علي العريس
معدتش طايق ابص في وشك!!!!
وخرج من الاوضه وهو مصدوووم ومش مصدق....
وعلا انهارت في العياط لحد ماحست انها اتخنقت ومعدتش قادره تاخد نفسها بانتظام
علا بقهر: يااارب سامحنى انا ندمااانه
وتبت ليك اقبل توبتى واكتب لى الخير
★★★★★
في فيلا الجوهرى
صرخ حسن بغضب: أصل أنا مشغل معايا شويه عيال!!!!
يعنى إيه هجم عليكم واخد منكم البنت
واحد من رجاله: ياباشا احنا ممكن كنا نضربه بالنار بس خوفنا من سعادتك
وهو كان بيضرب بقلب ميت
وخوفنا يموت حد فينا
حسن بغيظ: ده كله يطلع منك يا آسر!!!
ياويلك منى ...
وهو راح فين بعد ما خرج من الفيلا؟!
الرجل: مانعرفش ياباشا جرينا وراه بالعربيه بس تااه مننا في الطريق
حسن بعصبية: امشوا من وشى مش طايق اشوف حد منكم...دا انا لو مشغل معايا عيال كانوا اتصرفوا أحسن منكم...
وصرخ على عز ونادى عليه وهو في قمة الغضب
عز : أيوه يابابا حضرتك عايز حاجه؟!!
حسن بشك: انت قولت لآسر علي اللي قولتهولك هنا قبل ما البنت تمشى
عز: لا طبعا دا انا حتى ماشوفتوش من ساعه ماكنا سوا كلنا وقت ما البنت دى جت ...
وبعدين دخلنا سوا المكتب
من ساعتها ماشوفتوش
حسن: يبقي كان بيتجسس علينا
ماشي يا آسر حسابك معايا عسير......
★★★★★
وصل آسر وحور المستشفى
وكان حاله آسر بقت أسوأ والكدمات بقت تألمه أكتر وكان بيمشى بصعوبه
حور: دكتور آسر... أنت كويس؟!
شكلك تعبت زياده
آسر متحامل على نفسه: أنا كويس ياحور
المهم انتى عامله ايه دلوقت؟!
حور: الحمد لله
آسر: فين الراجل اللي قولتى هيقولى كل حاجه؟!
حور: لا لازم تتعالج انت الأول وبعدين نروح له
.......
بدأ الدكتور يطهر جروحه ويعالج الكدمات ...
الدكتور: اتفضل المسكن ده هيريحك
آسر بضعف: متشكر يادكتور..انا فعلا محتاجه .. حاسس بألم في كل جسمى
الدكتور: ان شاءالله نص ساعه ومفعوله يبان وياريت تاخده كل ٨ساعات..وطبعا الراحه التامه على الاقل يومين
آسر: حاضر....متشكر يادكتور
بعد نصف ساعة بدأ يحس آسر بالتحسن
آسر: يلا ياحور ودينى للراجل اللي قولتى عليه
حور: اتفضل معايا يادكتور
طلعوا لاوضه طاهر
خبطت علي الباب واسأذنت تدخل
طاهر: اتفضلى
حور: ازيك يا عمو طاهر
طاهر بقلق: كنتى فين ياحووور قلقتينا عليكى جدا والحااجه ليلى واسراء
كل شويه يكلمونى وموتين روحهم من العياط من خوفهم عليكى....
حور: تلفونى اتسرق منى
طاهر بقلق: طيب احكى اللي حصل بسرعه
الاستاذه هيام بتقول انك ركبتى تاكسى ومروحه الدار الكلام ده من العصر كنتى فين ده كله؟!!
ومين الاستاذ اللى معاكى ؟!
حور : طيب ممكن تليفونك اكلم ماما ليلى اطمنها وبعدين احكى لحضرتك كل حاجه
......
وبعد المكالمه
حور: تسمح لى اعرفك يادكتور اعرفك
ده عمو طاهر صديق والدى الله يرحمه
وده ياعمو الدكتور آسر مصطفى الجوهري...
ذهل طاهر لما سمع إسمه وبان عليه الصدمه
طاهر باستغراب شديد: وانتى تعرفيه منين ياحور؟! وابخ اللي عامل فيك كده؟!!!
آسر : حور طالبه عندى فى الكليه
طاهر: طيب ممكن تفهمونى الحكايه ايه بالضبط؟!
آسر: المفروض ان انا جاى لحضرتك عشان انا اللي مش فاهم الحكايه!!
وحور قالتلى انك هتفهمنى وتعرفنى كل حاجه !!
طاهر بغضب: عايز تفهم ايه ياابن مصطفى الجوهرى؟!!!
آسر: عايز افهم كل حاجه وليه عمى كان عايز يأذى حور؟!!
طاهر بخوف: عايز يأذيها إزاى؟!!قولى كل اللي تعرفه؟!!
آسر: انا كل اللى أعرفه انى اتفاجأت بخناق في الڤيلا روحت اشوف في ايه لقيت حور وعز بيضربها
.....وحكى له آسر اللي سمعه من كلام حسن وعز ومؤامرته علي حور
...... ده كل اللى حصل لحد ماوصلنا هنا المستشفى
طاهر كان بيسمع وهو سااااكت وملامحه بدأ يبان فيها قلق وخوووف
وحور قعدت على كرسى ومااتكلمتش وبتسمع كلام آسر وهى مصدووومه و مش مصدقه اللى كان حسن ناوى يعمله فيها😥😥
آسر: ده كل اللي أعرفه عن الموضوع ده
ممكن حضرتك تفهمنى بقي ايه الحكايه وايه سر العداوه بين عمى وبينكم؟!!!
طاهر: يعنى عايز تفهمنى انك ماعندكش اى فكره؟!!
آسر: لا ماعنديش اى فكره
انا ماليش في اى حاجه تبع شغلهم ومشاكلهم
طاهر: انا عارف ياآسر انك مش زيهم ومالكش دعوه باللي بيعملوه
لكن انا مكنتش اعرف ان حووور طالبه عندك في الكليه
آسر: ايوه انا عايز افهم هى مين جويريه ولا حور ومين اخوها اللي اتسجن وليه؟!
وايه علاقه بابا الله يرحمه بوفاه والدها ووالدتها
طاهر: وزود عليهم ايه علاقه ابوك و عمك بسجنى ١٥ سنه والحادثه اللي دبرهالى عمك
آسر: أرجوك قولى بسرعه خلاص معدتش قادر أصبر.....
طاهر: اقعد ياابنى واسمه الحكايه..........
...........
آسر بعدم ثقه: أنا مش مصدق الكلام ده مستحيييل مستحيل
طاهر : انت مش سمعت عمك كان بيخطط لايه لحور؟!!
وهى بريئه مالهاش اى ذنب وشفت كان عايز يعمل فيها إيه؟!!!
ليه مش مصدق انهم ممكن يعملوا كده؟!!! وأكتر من كده كمااااان
فجأة وقف آسر والتفت ناحيه الباب وخرج من غير ولا كلمه
طاهر بشفقه: تصدقى الشاب ده صعبان عليا ياحور!!
حور باستنكار: صعبان عليك ده ابن مصطفى الجوهرى؟!!!!!
طاهر: انا عارف انه غيرهم ياحور
وبعدين انتى ليه قاسية عليه كده
ده كفايه اللي عمله معاكى النهارده !!
حوربشك: مش يمكن لعبه بيلعبوها علينا كلهم
انا خلاص معدتش بثق في حد
طاهر: لا ماافتكرش...هو كدكتور عندك في الكليه رأيك فيه إيه؟!
حور: بصراحه كويس جدا ومحترم ومجتهد في شغله...بس بتسأل عنه ليه ياعمو طاهر؟!!
طاهربحيره : ابدا كنت بفكر في حاجه كده.
..
حور: حاجه ايه؟!!
طاهر: بعدين ياحور ......المهم دلوقتي انا هكلم قدرى اخويا يجى ياخدك ويرجعك الدار وماتخرجيش من هناك الا لما اقولك
اتفقنا؟!!
حور: حاضر...
وصل قدرى المستشفى بعد ساعه
طاهر: قدرى وصل حور الدار وخلى بالك كويس
وبعدين ارجع لى هنا عايزك في موضوع مهم
قدرى: حاضر يا طاهر
يلا بينا ياحور
وصلها قدرى ورجع لطاهر المستشفى
طاهر: إيه الاخبار؟
قدرى: الحمدلله الدنيا هاديه عند الدار مفيش حد هناك دلوقتي
طاهر: طيب الحمد لله...كنت عايزك تجمع لى كل المعلومات عن أسر مصطفى الجوهرى
عايز اعرف عنه كل حاجه في أقرب وقت؟!
قدرى باستغراب: اشمعنى آسر ده مالوش دعوه بأى حاجه؟!
طاهربشرود: بفكر في حاجه كده...وقبل ما أعملها
لازم أطمن لآسر ده علي الأخر
ولو اللي في دماغي ده حصل هنقطع شوط كبير أوى في حربنا مع حسن الجوهرى
قدرى: حاضر ولو انى مش فاهم حاجه
بس كل اللي طلبته هيكون عندك في أقرب وقت
طاهر بامتنان: ربنا مايحرمنيش منك يا قدري....
★★★★★★★
في فيلا علاء الدين
يوسف: بابا حضرتك فاضى أتكلم مع حضرتك شويه
علاء: اقعد يايوسف خير ؟ عايز تقول إيه؟!!
يوسف: كنت عايز ابلغ حضرتك ان علا خلاص موافقه تقابل عز وان شاءالله يحصل نصيب
علاء بفرحه: بجد يايوسف؟!تفتكر هتوافق عليه؟!
يوسف: ايوه يابابا انا حاسس انها هتوافق
بس كان عندى اقتراح
علاء: قول يايوسف انا سامعك
يوسف: بفكر لو حصل نصيب وقبول بينهم
نخلى الفرح في أسرع وقت
علاء باستغراب: ليه يايوسف؟! كش يتعرفوا علي بعض الاول...
يوسف: أنت عارف يابابا الخطوبه لما بتطول بيبقي فيها مشاكل واهو نتعلم من اللى حصل في الخطوبه الأولى
وبعدين اسمع ان عزعصبى وعلا عنيده ولو الخطوبه طولت مش هيكملوا سوا ...
علاء: هنشوف لما يجوا ويقعدوا مع بعض
ونشوف إيه اللي هيحصل
أنا هتصل علي حسن الجوهرى ونخلى معاد الزيارة الخميس الجاى
واللي فيه الخير يقدمه ربنا..
★★★★★★
خرج آسر من المستشفى وهو موجوووع
وبيتألم مش بس وجع الجروح والكدمات اللي تعباه
ده وجع في قلبه وروحه... وعقله اللي اتشتت من ساعه الكلام اللي سمعه من طاهر
آسر محدثا نفسه: معقووول تكون هى دى الحقيقه؟!!!
معقول هى دى حقيقه بابا وعمى حسن؟!!
وحووووور
واخوها
واللي جرالهم ولسه بيجرالهم بسبب عمى حسن
مش قادر أصدق؟!!!
ولو طلع كلامهم صح...
ازاى هقدر أعيش مع عمى بعد اللى عرفته؟!!
وكده هبقي خسرت حور للأبد 😥😥
عمرها ما هترضى ترتبط بواحد ابوه قتل ابوها وأمها
حتى لو كان الواحد ده بيحبها أوى
ومعدش له حد في الدنيا غيرها😥
حتى لو بتكرهينى ياحور مش هسمح لحد يأذيكى او يمس شعره منك
وهقف قصاد أى حد يحاول يعمل كده ولو كان عمى وابن عمى
بس مش هعمل كده عشان أكفر عن ذنب ماعملتوش..
هعمل كده عشان بحبك ....
بحبك...ونفسى ماتبعديش عنى وتحاكمينى بتهمه عملها غيرى....
فضل أسر بيفكر ومش عارف بتصرف ازاى؟! وبعدين ركب العربيه وقرر يروح يواجه عمه بكل اللى عرفه
آسر: لازم أتأكد من كل حاجه بنفسى
ولو طلع كلام طاهر صح
أنا أول واحد هقف في وشك ياعمى
مهما كانت النتيجة😥😥😥😥.....
الفصل الثامن من هنا
