روايه أسيره في حمى الفارس
بقلم جنه الاحلام
الفصل التاسع
★★★★★
عز: علا انتى ماقولتليش ليه انك كنتى مخطوبه قبل كده؟!!!!
انتفضت علا من سؤاله واتسعت عيونها من الصدمه وخافت يكون عرف حاجه وقبل ما ترد سألها. ممكن اعرف خطيبك سابك ليه وهاجر أمريكا؟!!!
علا ولمعت الدموع في عيونها : انا افكرتك عارف انى كنت مخطوبه قبل كده!!
عز بغضب: انا ماأعرفش غير النهارده ؟!! انطقى سيبتوا بعض ليه؟!!
علا بخووووف: عادى
ومحلصش نصيب
عز بشك: بس كده؟!!
علا بارتباك: اه
عز: مش داخل دماغى الكلام ..قولى الحقيقه ياعلا
علا : انا قلت لك ياعز حصل مشاكل واختلفنا
عز بتهديد:طيب هعديها دلوقتي لحد مااعرف الحقيقة بطريقتى ... المهم طبعا انتى من النهارده مراتى وياريت تكون كلمتى مسموعه اصل أنا زعلى وحش اوى ..اتفقناا
علا بخوف: اتفقنا
عز: أول حاجة عايزك تطلبيها ان يكون لينا فيلا لوحدنا
علا باستغراب : وهتسيب والدك لوحده؟!!
عز بغضب: حاجه ماتخصكيش واللى اقوله يتنفذ
انا دلوقتي هقولهم انك مصره علي كده
علا : ومادام انت شخصية ومسيطر كده ماتقول لوالدك انك انت اللى عايز كده
ولا خايف منه؟!!!
بص لها عز بغيط ومسك ايدها بقوها وضغط عليها
وعلا بتتألم: سيب ايدى أرجووووك
عز: آخر مره تتكلمى معايا بالطريقة دى انتى فاهمه؟!!!
علا بألم: حاضر..حاضر بس سيب ايدى بتوجعنى اوى ارجوك
عز: ماشى هسيب ايدك بس ابقي افتكرى الكلام اللي قلته ده واوعى تنسيه ده لمصلحتك
علا بخضوع: حاضر
★★★★★★
قدر طاهر إنه يزور عاصم بمساعدة قدرى اخوه
دخل عاصم وأول ماشاف طاهر على كرسى متحرك ماقدرش يملك دموعه
وسلموا علي بعض بحراره
عاصم: الف سلامه عليك ياعمو طاهر
طاهر: الله يسلمك انا كويس كلها كام شهر ان شاءالله واقدر امشى تانى على رجلى .... المهم طمنى عليك يا عاصم
عاصم بحزن : ربنا يهون ... الحمد لله
حور عامله ايه طمنى؟!!! ماجتش معاك ليه؟!!
طاهر: أنا جاى وعايز اتكلم معاك لوحدنا فى كذا حاجه كنت عايز أخد رأيك فيها وكمان في حاجات حصلت لازم تعرفها ؟!!!
................
خلص طاهر زيارته لعاصم وكان قدرى بيستناه بره
طاهر: اطلع بينا ياقدرى علي مكتب الاستاذه هيام
قدرى بخبث: ايه وحشتك ولا ايه😅
طاهر ضاحكا: تصدق بإيه انت رااايق أوى
قدرى: نفسى تتجوز ياطاهر وتستقر
طاهر:انا لو اتجوزت هيام هظلمها معايا بظروفى دى وممكن اعرضها للخطر لو ربنا كتب لى النجاه في حربنا مع حسن الجوهرى هتقدم لها فورا
انا نفسي أفرح ياقدرى واستقر واعيش حياتي اللى اتسرق نصها غصب عني 😥
بس انا عندي أمل كبير ان ربنا هيعوض صبري خير
قدرى: ونعم بالله
خلاص وصلنا لمكتب استاذه هيام
...........
وبعد نصف ساعة دخلوا
هيام بان على ملامحها الفرحه لما شافت طاهر
هيام مبتسما: أهلا استاذ طاهر حمدالله على السلامه
طاهر: الله يسلمك يا أستاذة هيام
اخبارك ايه؟!!
هيام: الحمدلله بخير ... اخبارك انت ايه؟!
طاهر: الحمد لله ...أخبار موضوع عاصم ايه؟!فى أمل؟؛
هيام بخيبه امل: مش عايزه اكدب عليك الوضع صعب
حسن الجوهرى من الواضح انه استعان بمحامى والموضوع مرسوم بمنتهى الدقة
وللأسف عاصم ماضى بخط ايده علي الورق اللي بيثبت الاتهام عليه
وبيأكده
لكن هنحاول نعمل اللى علينا وربنا يتولى الامر
طاهر بحزن: ونعم بالله .... ياترى اخرتها معاك ايه ياحسن ياجوهرى؟!!!!
★★★★★
في ڤيلا حسن الجوهرى
حسن: يعنى إيه العروسه عايزه ڤيلا لوحدها؟!!!
عز: واحده عايزه تاخد راحتها في بيت خاص بيها ..ايه الغريب في كده؟!!
حسن بشك: هى برده اللي عايزه كده ياعز؟!!
عز بثقه: اسألها لو مش مصدقنى
حسن بغيظ: على العموم لو فاكر انك لما تروح تعيش في مكان تانى مش هعرف اخبارك تبقي أهبل
عز: بابا هو حضرتك عايز تتخانق معايا وخلاص
حسن: لا بصراحه مفيش فيا دماغ قدامك شهر عما عروستك تخلص امتحاناتها تكون خلصت كل حاجه
عز بضيييق.: حاضر....أوامر تانيه
حسن: آسر ابن عمك مااتصلش عليك؟!
عز: لا اتصل ولا عبرنى وبعتله دعوه يجى كتب كتابي ماردش عليا
حسن: معلش بكره هخليه يجى يبوس جزمتى وهو راكع
عز: ازاى ؟!!
حسن: بكره تعرف.....
★★★★★★
في الدار
كانت حور واسراء مشغولين بالمذاكره لان امتحانهم بكره
دخلت ليلى: حووور عمك طاهر عايز يكلمك
حور : قامت حور ترد على التليفون
طاهر: الو السلام عليكم
حور: وعليكم السلام ازيك يا عمو طاهر
طاهر: اهلا ياحور اخبار المذاكره ايه حور : الحمدلله تمام
طاهر: مش عايزه اى مساعده معايا دكتور ممتااز في البيت
حور باستغراب: دكتور ايه؟!
طاهر: دكتور آسر
حور : آسر ىبيعمل عندك ايه في البيت ياعمو؟!!!!
طاهر: آسر ساب ڤيلا الجوهرى من يوم اللي حصل ياحور ولما خرج من المستشفى قولت له يجى يقعد معايا عما ربناا يفرجها
حور باستغراب: آسر كان في المستشفى؟!!
طاهر: أيوه وعمه خلى رجالته يضربوه ويرمووه فى الشارع قدام المستشفى
حور بذهول: معقووول...ليه كل ده؟؟!
طاهر: عشان انقذك يوم ما رجاله حسن خطفوكى
حور: اللي اسمه حسن ده الظاهر فعلا معندوش قلب
طاهر: على العموم انا بكلمك عشان اقولك ان آسر جاى لكم في الطريق
حور بحيره: جاى ليه؟!؛
طاهر: بصراحه انا اللى طلبت منه كل ليله امتحان يجى يراجع معاكم عشان الايام اللي غيبتى فيها
حور: مالوش لزوم ياعمو
طاهر: مش هنخسر حاجه ياحور انا عايز تقديرات ممتازه
آسر بيقول انه متوقع تكونى الأول على الدفعه عايزينك ترفعى راسنا
حور: ربنا يسهل...مفيش اخبار عن عاصم
طاهر: عاصم زى الفل وبيسلم عليكى كمان انا كنت عنده امبارح
حور بلهفة:بجد ياعمو
طاهر : ايوه وبيقولك أهم حاجه تاخدى بالك من نفسك ومذاكرتك
حور باكيه: حااضر ربنا يطمنا عليك ياعاصم
.........
وبعد ربع ساعه وصل آسر لمقر الجمعيه
ليلى: يلا ياحور انتى وإسراء الدكتور آسر وصل وقاعد بيستناكوا في مكتبى تحت انا هسبقكوا
...
ليلى: مش عارفين نشكرك ازاى يادكتور ربنا يجعله في ميزان حسناتك
آسر: ولا يهمك ياحاجه المهم ربنا ييسر أمرهم وينجحوا بتقديرات ممتازه ان شاء الله
دخلت إسراء وحور
وبدأ آسر يراجع معاهم المادة
آسر: بدايه كنت عايز أسألكم في اى نقطه في المنهج مش فاهمنها؟!
حور بعنااد: لا مفيش
إسراء: كان فيه نقطه يادكتور كنا انا حور مختلفين عليها صفحه ٧٠ في الكتاب
آسر سأل حور سؤال فى النقطه دى فجاوبت اجابه غلط
آسر: انا هشرح لكم الجزء دى وهقولكم الأسئلة بتيجى فيها ازاى؟!
وقدر آسر خلال ساعات قليله ان يراجع لهم المنهج بالاسئله بأسلوب سهل وممتع
آسر: كده انا اطمنت عليكم بالتوفيق يابنات
إسراء بامتنان: متشكره جدا يادكتور
آسر: ولا يهمك المهم عندى انكم تشرفونا
اى سؤال قبل ماأمشى؟!
التفت له حور:لا كده تمااااام...شكرا يادكتور
ابتسم لها آسر: مش هتنازل عن الأول
حور مبتسمة: تفتكر ممكن؟!!
آسر: ثقتى فيكى مالهاش حدود ان شاءالله
استأذنكم السلام عليكم
حور واسراء: وعليكم السلام
.........
حور خرجت من الامتحان مبسووووطه جدا
ٱسراء بفرحه: الحمدلله ياحور الامتحان كان صعب أوى مش عارفه هنعمل ايه لو مكنش الدكتور آسر راجع معانا
حور: فعلا عندك حق
بس مش ملاحظه انه اتأخر
إسراء: فاته جاى
وبعد دقايق وصل آسر: أسف على التأخير يابناااااات كان عندى شويه حاجات بخلصها
اخباركوا إيه عملتوا إيه في الامتحان؟!!
إسراء: الحمدلله يادكتور الفضل لله وبعدين حضرتك
آسر: وانتى ياحور؟!
حور: الحمدلله تمام
آسر: عقبال بقيه الامتحانات
يلا عشان أوصلكم
★★★★
وبعد مروررر شهر
خلصت حور وإسراء الامتحانات علي خير وآسر طول الشهر معاهم خطوه بخطوه
انتهى عز من تجهيز فرحه وانشغلت علا فى امتحاناتها طول الشهر
ومكنش بينها وبين عز تقريبا أى تواصل غير والدتها كانت احيانا تعزمه على الغداء
حتى ماأخدش رأيها في اى شىء اختاره
........
حسن: ابعت لابن عمك جواب دعوة الفرح علي عنوان الجامعه
وأكد عليه يجى
عز : وانت عايزه ليه يابابا؟!
حسن: تسمح تعمل اللى بقولك عليه وبس
عز : حاضر
حسن: اخباره ايه؟!
عز: زى ماهو قاعد مع طاهر وعامل بدى جارد لست الحسن والجمال
حسن بتوعد: مااااااشى تمااام أوى كده
هااانت ياآسر
★★
........
وصلت دعوه الفرح لآسر
قطعها بغضب وبعتها تانى على عنوان الشركه متقطعه.....
حسن كان الشرر بيطاير من عنيه: اقسم بالله لادفعك التمن غالي ياآسر انت واللى انت قاعد معاهم وفرحان بيهم دول
★★★★★★
في ڤيلا علاء الدين
كانت علا خلصت الامتحانات ومش باقى على الفرح الا أيام
وكل مايقرب المعاد بتحس بخوف وقبضه في قلبها
وبتدعى ربنا ليل نهار انه يسامحها ورغم معامله عز القاسيه معاها الا إنه كان بيصعب عليها جدا لانها حاسه انها بتظلمه
فكرت تحكي له لكن والدتها حذرتها
لان بكده هتبقي فضيحه للعائله بكل المقاييس
ده لو عز ماقتلهاش بايده
استسلمت للامر الواقع وعملت لها والدتها العملية
وخلاص جه يوم الفرح
اصرت علا انها تكون محجبه رغم رفض عز في البدايه
وفى وسط انشغال الكل يوم الفرح حسن كان بيخطط لحاجه تانيه تماما
حسن لأحد رجاله: المره دي مش عايز غلطه واحده
مفهوووم
الرجل: مفهوووم ياباشا
★★★★
في منزل طاهر
رن جرس التليفون
كانت الحاجة ليلى بتصرخ
طاهر: ارجوكى ياحاجه ليلى اهدى عشان افهم ايه المشكله
ليلى باكيه: البنات خرجوا من الدار ولسه مارجعوش
عمرهم ماخرجوا من غير اذنى الحقونا
طاهر: عملها حسن الكلب
وبعد ساعه
وصل طاهر وآسر للدار عشان يفهموا اللى حصل
ليلى وهى منهارة: انا كنت في المستشفى بعمل شويه تحاليل مطلوبه منى
رجعت مالقتهمش
سألت الموجودين هنا قالولى ان فى واحده جت سألت عليا عايزانى في حاله انسانيه
فقالولها ان أنا في المستشفى
وبعدها خرجوا وقالوا لهم انهم جايين لى المستشفى يطمنوا عليا ومحدش جالى هناك لحد مارجعت
ولسه هما مارجعووش
آسر: أكيد هو مفيش غيره!!!
انا رايح له
طاهر: اصبر بس ياآسر تفتكر مرواحك هيجيب نتيجه؟!!
صرخ آسر: هحاول مقدرش اقف اتفرج كده ...
اتفاجأوا بدخول اسراء وهى في حاله انهياار ومتبهدله
الكل جرى عليها
آسر بلهفة: فين حور ياإسراء؟!
اسراء بانهيااار: اخدوها اخدوها ورمونى من العربيه
طاهر: مين دول وراحوا فين؟!
إسراء باكيه: مش عارفه
في واحده اتصلت وقالت تبع المستشفى وان وان ماما ليلى اتحددت لها عمليه حالا وعايزه حاجات ليها من هنا
طبعا مامحدش فينا شك في حاجه
نزلنا لقينا تاكسى ركبنا فيه وبعد دقايق شمينا ريحه غريبه ومافوقتش غير وانا مرميه في الشارع ومالقتش حور
آسر. حاسس ان الدنيا بتدور بيه وخرج من الدار بيجرى وركب تاكس وراح ڤيلا عمه
وصل آسر الفيلا وهو في حاله شبه انهيار
دخل آسر لقى حسن قاعد بهدوء: اتأخرت ليه ياآسر دا انا بستناك من بدرى
آسر : فين حور ياعمى
حسن: حور مين؟!! انا افتكرت انك جاى
فرح ابن عمك....خلاص للدرجه دى م غيرها علي بالك
آسر: أرجوووك ياعمى طلعها من الخلافات اللي بينا هى مالهاش ذنب
حسن: وانا مالى ومالها ياابنى انا بقالى فتره مشغووول مع عز في تحهيز فرحه
اللي المفروض كنت انت اللى تكون معاه
بس الظاهر انك خلاص ماعدش بيفرق معاك حد غير حبيبه القلب بس
آسر: ارجووووك قل هى فيين؟!!
انا هعمل اى حاجه تطلبها منى بس سيبها في حالها
حسن بشك: أى حاجة
آسر: ايوه اى حاجه بس ماتخليش حد يأذيها
حسن: يبقى تسافر لوالدتك وأختك ومعدش ليك علاقة بالناس دى
آسر : حاضر حاضر بس رجعها
حسن: مفكرنى اهبل اما تسافر اول اوعدك ارجعها
صرخ فيه آسر: انت ايه؟!! اقسم بالله لو مارجعوها لكون مبلغ عنك البوليس
حسن بغيظ: وصلت لكده ياآسر طيب بكره هسلمك جثتها
آسر مابقاش في وعيه ومسكه بقوه من هدومه : لو حور جرالها حاجه انا اللي هقتلك بايدى!!!
حسن نادى علي رجالته اللي هجموا علي آسر
الظاهر ان الضرب المره اللي فاتت ماجابش نتيجه ياريت تضربوا بذمه شويه
سلام
خرج حسن عشان يروح فرح عز
وخرج معاه كام واحد من رجالته
آسر حاول يقاوم لكن عددهم كان كبير وكانوا بيضربوا بغل وقسوه
وبعد دقايق
دخل واحد منهم كان علي البوابه كفايه عليه كده ليموت في ايدكم ويعملنا مصيبه
سيبوه وانا هرميه بررره وروحوا انتو على البوابه وانا هطلعه من البوابه اللى ورا
حاول آسر بصعوبه يقوووم لكن مكنش قادر قرب منه الرجل
وحط ورقه فى جيبه بهدوووووء وهمس له احنا عندنا بنااات بس نعمل ايه اكل العيش
ابوس ايدك ماتجيب سيرتى
هز له آسر راسه لكنه مكنش قادر يرد عليه
وسنده لحد البوابه ووقف له تاكسى
ودخل بسرعه جوه قبل ماحد يشوفه
★★★★★
في قاعه أفراح فخمه جدا تليق بعائلة الجوهرى وعائلة علاء الدين
عز بسخرية: ازيك يا عروستى اوعدك اخليكى أسعد واحدة في الدنيا هههههه
علا: ممكن اسألك سؤال؟!
عز: خيير؟!
علا: انت مش طايقنى اتجوزتنى ليه؟!
عز: قولتلك ماتدخليش في اللي مالكيش فيه
علا بذهول: ماليش فيه ازاى؟!
عز: انا سألتك انتى وافقتى ليه؟!
علا: لا
عز: يبقي تسكتى خالص وتعدى الليله السوده دى علي خير
.........
وبعد ساعات خلص الفرح وعز أخد علا علي الڤيلا
عز: اعملى حسابك بعد بكره هنسافر القرية السياحيه بتاعتنا عشان نقضى شهر العسل الأسود
علا : حاضر
عز ببروووود: اطلعى فوق عايز اقعد لوحدى شويه
طلعت علا وهى مقهوره وحاسه ان كل حاجه قدامها سواد في سواد
طلعت الاوضه خلعت فستانها ودخلت اخدت شاور يهدى أعصابها ولبست اسدالها وصلت العشاء
وقرأت وردها وفضلت تستغفر كتييير وهى بتعيط بحرقه
لحد ما تعبت واستسلمت للنوم في مكانها علي الكنبه
في الوقت ده كان عز بيغلى من الغيظ ورايح جاى فى المكان
اتصل عليه واحد من اصحابه
كريم : الو ازيك ياعريس اخبارك؟!
عز بغيظ: زفت
كريم ضاحكا: يادى الكسوووووف
عز : كريم انا مش ناقص هزارك ده دلوقتى أنا على أخرى
كريم: يااخى انت مش وش نعمه مالها عروستك بنت ناس وشكلها هاديه وجميله عايز ايه تانى؟!!!
عز: عايز اختار بمزاجى ان شاالله تكون غوريلا بس اكون انا اللى مختارها
تصدق علا دى بتفكرنى بايه؟!!
•كريم: بإيه يافيلسوف زمانك؟!!
عز: بتفكرنى بكوبايه اللبن اللى كان أهالينا يغصبونا نشربها الصبح رغم انها حلوه ومفيده بس كنا بنكرها عشان مغصوبين نشربها كل يوم
كريم ممازحا: طيب روح يلا ياعز اشرب كوبايه اللبن بتاعتك بدل ما تسيح لك في العيله بكره😁
عز: تصدق انك رخم مش عارف ايه اللي مصبرنى عليك
وقفل الخط وقفل تليفونه
وزفر بقوه وكأنه بيخرج شحنه الغضب من جوااه
وطلع الاوضه لقى علا نايمه على الكنبه والمصحف على رجلها
عز ساخرا: هى جايه تتووب هنا ولا ايه؟!
وكنت بقول علي البنت اللي عز بيحبها رابعه العدويه أمال دى ايه إن شاء الله
عز بعصبية: علا !!! علا!!! قومى
قامت علا مفزوعه على صوته
عز: ايه مانمتيش من سنه
داخله من الباب تنامى؟!!!
علا: أنا متأسفه نمت غصب عني
قرب منها عز بكل برووود وكأنه شىء عايز يعمله ويخلص منه
وعلا كانت متوتره وخايفه وحاسه ان كل جسمها بيتنفض من الخوف والقلق
وعيونها بتسيل منها الدموع
الموضوع انتهى على خير وعز ما اكتشفش حاجه
لكن اتفاجأت بيه قام وقالها: هدخل اخد شاور أرجع مش عايز الاقيكى في الاوضه
علا بحيره: امال هروح فين
عز ببرووود: الاوض كتير اختارى اى اوضة ونامى فيها وأما ابقى اعوزك هبقي ابعت لك تيجى
وسابها ودخل ياخد شاور
حست علا باإهانه وجرح كبيير وانهارت في العياط
وقامت لبست هدومها ورتبت السرير ورجعت كل شىء زى ماكان واخدت اسدال الصلاه ومصحفها وخرجت من الأوضه مكسوره ومذلوله
وهى بتقول فى نفسها: ده عقاب ربنا ليا
وذنبى اللى هفضل أدفع تمنه طول العمر😥😥
دخلت اوضة ثانيه واغتسلت وفضلت تستغفر كتييير وتبكى لحد ماالفجر أذن صلت ونامت
★★★★★★
أما بالنسبة لآسر
ركب التاكسي وطلع الورقه اللى فيها العنوان من جيبه وبلغ سواق التاكسي بالمكان
واتصل علي طاهر
آسر: أيوه يااستاذ طاهر أنا عرفت مكان حور فى مدينه .............
انا رايح لها دلوقتي ياريت استاذ قدرى يحصلنى على هناك بسرعه
طاهر: حاضر ربنا معاك ياآسر
وصل آسر للمكان وكان عباره عن عماره لسه جديده تحت الانشاء في مدينه جديده مفيش فيها سكان كتير
بدأ يطلع بهدووووء
استغرب آسر ان مفيش أى صوت اخد معاه لوح خشبي عشان يدافع بيه عن نفسه
وصل للمكان
كسر الباب ودخل الشقه سمع صوت أنين مكتوم مشى وراء الصوت لقى حور قاعده على الارض و ايدها ورجلها مربوطين ومغطين عيونها
وشريط لاصق علي شفايفها أول ماشافها قلبه وجعه على منظرها 😥
قرب منها آسر: ماتخافيش ياحور انا آسر
حست حور بأمان وراحه لما سمعت صوته
رفع الرباط من علي عيونها وشال الشريط اللى على شفايفها
أول ماشافته عيطت بحرقه
آسر بخوف: حد منهم قرب لك ياحور
هزت راسها لا
آسر بفرحه : الحمدلله
فك الحبل من ايدها ورجلها
وأول ما وقفت رمت نفسها في حضنه من غير تفكير وهى منهارة
آسر: حمدالله على سلامتك يا حور
حور بانهيار: الله يسلمك انا كنت خايفه أوى ماتلاقنيش
آسر: عمرى ماكنت هسامح نفسى لو جرالك حاجة
تعالى نخرج من هنا بسرعه قبل مايرجعوا
هما راحوا فين كلهم
حور ببكاء: سمعتهم بيقولوا انهم مشغولين النهارده مع حسن عشان فرح ابنه وهيرجعوا بعد الفرح
في الوقت ده كان قدرى وصل ركبوا معاه العربيه وخرجوا بسرعه من المكان قبل رجوع رجاله حسن
طاهر كلمهم وقالهم يجوا عنده الشقه عشان في موضوع مهم لازم يتكلموا فيه
ولما وصلوا اتفاجأوا ان الشقه متدمره وكل حاجه فيها اتكسرت
طاهر: حمدالله على سلامتك يا حور
حور باكيه: الله يسلمك يا عمو طاهر
طاهر: اهدى ياحور معلش يابنتى انا عارف انك اتبهدلتى معانا الفترة اللى فاتت
معلش ربنا يهون علينا كلنا
والتفت ناحيه آسر: جميلك فى رقبتى ياآسر لولاك مش عافين كان حصل ايه
الحمدلله
آسر: الحمدلله حصل خير .... ايه اللي حصل للشقه؟!!
طاهر: رجعت لقيتها زى ماانت شايف
الظاهر رجاله عمك كانوا بيزرونا!
طاهر بشفقه: ايه ياآسر شكلك تعبان اوى معايا مسكن كويس خد منه حبايه تريحك
الحمدلله انه كان ف. جيبي
جاب له قدرى ميه واخد الحبايه
دقايق ووصلت الاستاذه هيام
هيام: مش معقول ايه اللى حصل؟!!
قدرى: حسن بيهددنا الموضوع عمال بيزيد اوى ياجماعه هنعمل ايه؟!!!
طاهر: اسمعونى ياجماعه احنا دلوقتي كلنا في مركب واحده فى حرب احنا مش قدها
استاذه هيام كلمتنى وقالت ان عندها اقتراح
اتفضلي يا استاذه هيام
هيام: لو تفتكر يااستاذ طاهر أول يوم جيت لى المكتب وحكيت لى المشكله اللي بينك وبين حسن الجوهرى قلت لحضرتك اننا لازم ندور على مركز من مراكز القوه
اللي نضمن بيها اننا مانتعرض لظلم حسن الجوهرى
بس للاسف هو سبقنا قبل مانتحرك
علي العموم انا روحت للاستاذ عبدالخالق المصرى المحامى الكبير
وانا شخصيا بثق فيه جدا وعرضت عليه المشكله
ووافق جدا على وجهه نظرى
هو طبعا له معارف وموكلين كبار ومراكز في البلد ووعدنى انه هيكلمهم
وهيبدأوا يراقبوا شغله ولو ثبت انه شغال في بيع الآثار وقتها يبقى الموضوع انتهى
طبعا حسن دلوقتي موقف كل نشاطه على حسب المعلومات اللى عندى وعايز يخلص مننا في أى وقت عشان يقدر يشتغل براحته فلازم دلوقتي نهدى تماما ويستحسن نبين اننا استسلمنا وهربنا
آسر بحيره: إزاى؟!!
هيام: بالنسبة لحضرتك اقترح انك تسافر بره لعيلتك الموضوع ده هيريح حسن كتير لانه واضح انه متأثر جدا من ساعه ماسبت الڤيلا وجيت على هنا
والأستاذ طاهر والاستاذ قدرى يرجعوا بورسعيد
كفتره مؤقته بس تبينوا انكم استقريتوا وخوفتوا وقرتوا تستسلموا
آسر بصدمه: طيب وحور هنمشى كلنا ونسيبها؟!!!!!
طاهر: بالنسبة لحور انا كلمت عاصم واتناقشت معاه كتير
وقالى انه عايزها تروح دمياط تتدارى هناك المده دى
حور باستغراب: دمياااط اشمعنى ؟!
طاهر : عاصم عايز حور تتجوز خالد
صاحبه لانه قالى انه الوحيد اللى بيثق فيه وهيكون مطمن لحور معاه ومصر جدا على رأيه وشايف إنه أنسب حل
عشان هتكون في مكان بعيد مايخطرش على بال حسن الجوهرى!!!!!!
وبيطلب منك ياحور تنفذى طلبه ده عشان يكون مرتاح ومطمن عليكى
.
الفصل العاشر من هنا
