رواية اسيره فى فى حمى الفارس
بقلم جنه الأحلام
الفصل الاول
داخل دار أيتام في القاهره
كانت بتعيش جويريه بنت جميله بطموح بسيطه انها تتفوق في الثانويه العامه وتدخل كليه الهندسه وتغير الواقع بتاعها المتواضع وهى ماتعرفش اللى هيحصل لها وان هيجى وقت تتمنى ان الواقع ده يرجع تانى..
لما حياتها فجأة هتتقلب رأسا على عقب...😥
..........
دخلت اسراء لجويريه وهى بتذاكر
إسراء: جورى ياحببتي قومى بقي مازهقتيش من المذاكره؟!! انا زهقت لك سلف
يلا نقوم نتفرج شويه علي التلفزيون انا قربت أطق
جويريه: استنى بس ياإسراء أخلص المسأله دى
ٱسراء برجاء: يعنى المسألة هتطير ياجورى تعالي فيه مسرحيه حلوه اوي في التلفزيون تعالي نلحق نتفرج شويه
انتى عارفه مش بيبقي للفرجه طعم الا معاكى
جورى مبتسمة وردت عليها بدلال: ماشي يا ستى أمرى لله...
جبتى لب؟!
إسراء بفرحه: جبته😀
جويريه: عملتى الشاى؟!!
صاحت فيها ٱسراء بمرح : ايه الذل ده
تصدقى انا غلطانه خليكى في المسأله بتاعتك وهروح اتفرج انا على المسرحيه براحتى وافرفش واكل لب وشكولاته كمان وخليكى قاعده لوحدك كده زى البعير الجربان 😁
انفجرت جويريه في الضحك : بعير وجرباااان كمان 😂 واهون عليكى ياسوسو خلاص انا جايه معاكى اتفرج على المسرحيه
اسراء بمرح ومتصنعه الغضب: بعينك تيجى معايا انسى خلاص فرصتك خلصت
ووقتك معايا انتهى
ابتسمت لها جويريه: طيب خلاص بقي المسامح كريم
اسراء وهى بتهز اكتافها: ابدا....
.جويريه : . طيب إيه اللي يرضيكى وانا اعمله
بصت لها إسراء نظرات مرحه وكأنها بتحتقرها وبصت لها من فوق لتحت: امشى انجرى ياجزمه اعملى لى كوبايه شاى بلبن
وسندوتش جبنه 😁وابقي حصلينى
جويريه ضاحكه: من عيونى ياسوسو بس كده
.......
فى أحد السجوووون
داخل إحدى السجون
سمع طاهر اسمه علي لسان العسكرى:
طاهر رضا البدوى
طاهر: أيوه
العسكرى: زياره يلا قدامى
جرى طاهر بسرعه و بلهفة ومشتاق يقابل أخوه قدرى
وقف طاهر وقدرى وبينهم سور عباره عن سلك حاجز بينهم
قدرى بحزن: عامل ايه ياطاهر شكلك المره مش عاجبنى
طاهر بحسره وألم: انا بموووووت ياقدرى عمرى بيروح منى وانا هنا
أحلى سنين عمرى ضاعت
وماقدرش يمنع دموعه من النزول
قدرى بحسره:
انت اتكسرت ياطاهر؟!!!
انت وعدتنى انك مش هتنكسر وهتخرج من هنا أقوى وهتاخد تارك منهم ايه اللي جرالك؟!!!!
داانت كل الحكايه سنه وهتخرج من هنا جيت علي الاخر وضعفت!!!
طاهر وهو حاسس بحزن وخوف: مش عارف كل اما معاد خروجى بيقرب بحس بالخوف والقلق
انا هدخل علي حرب مش سهله ابدا ياقدرى
دا يوم ماشكوا ان انا ضد هم اترميت في السجن خمسه عشر سنه
أمال لو أعلنت الحرب عليهم هيبقي مصيرى ايه؟!!!
قدرى حس بصدمه وذهول من حال اخوه اللي اتبدل فجأة: أنت اللي بتقول كده ياطاهر؟!!
أنا مش قادر استوعب!!!!
وكمل بغضب مخلوط بحزن
خلاص لو ناويت تمشى جنب الحيط تعبتنا معاك ليه طول السنين دى..... داا أنا عرضت نفسى للخطر كام مره عشان اجمع المعلومات اللي بتتطلبها منى أول بأول عشان اما تخرج
من هنا تنتقم منهم كلهم وتاخد تارك وتار حمدى ولا نسيت!!!!!
طاهر: معلش ياقدرى اتحملنى انا نفسيتى تعبانه اوي اليومين دول
المهم طمنى الأخبار ايه؟!!
قدرى: الحمد لله كل حاجه تمام وعاصم اهوه كلها كام شهر ويتخرج من الكليه وصالح معاه ومش مقصر معاه في أى حاجة
بس هو دماغه ناشفه ومعدش بيرضي ياخد منه فلوس
طاهر بحيره: امال بيصرف علي نفسه منين؟!!
قدرى:كان بيشتغل في الصيف كاشير في محل
وبيقول محوش فلوس بس انا كلمت صالح وقلت له يضغط عليه تانى وبعت له فلوس
طاهر: والله كبرت ياعاصم وبقيت راجل وان شاءالله انت اللى هتساعدنى ناخد تارنا من عيله الجوهرى
طيب مفيش أخبار عن عبد الرحمن اخو حمدى ؟
قدرى بخيبه أمل: للأسف ياطاهر مفيش أى أخبار من يوم ما سافر بعد الحادثه بكام شهر لحد النهارده لا رجع مصر ولاحد يعرف عنه حاجه
طاهر: اللي صعبان عليا الولاد اتحرموا من بعض مفيش في ايدى حاجه اعملها اان شاء الله بكره اما اخرج كل الامور دى هتتصلح
قدرى بحماااس : ايوه كده.. عايزك تطلع من هنا طاهر اللي انا اعرفه
طاهر: ادعى لى ياقدرى ربنا يقوينى وينصرنى علي اللي ظلمونى
ويقدرنى اخد تارى وتار حمدى وولاده
دخل العسكرى ونادى بصوت عالي
خلاص انصراف الزيارة انتهت....
عائله الجوهرى
عائله كبيره وبالغه الثراء تمتلك قرى سياحيه وأعمال عقاريه كبيره اصل الشركه راجع لسليمان الجوهرى صاحب الشركه ومؤسسها ومن بعده ورث الشركه أولاده حسن ومصطفى
وكان لهم نفس طباع والدهم القسوه والشده
حسن كان هو المسيطر الأكبر. علي اداره الشركه وكان مصطفى ذراعه اليمين
حسن كان بيعشق شغله ومابيرحمش في الاخطاء
ومستعد ينسف اى حد يعرضه للخطر
له ولدين عز واخر مات غرقا وهو طفل صغير
أما مصطفى فكان بيحب السفر والرحلات في شبابه
تزوج اوروبيه في رحله من رحلاته وانجب منها ابنه آسر .وبنت اسمها حلا
وبعدها استقر في مصر في شركة والده
اسلوب حسن واخوه القاسى في اداره الشركه خلق لهم عدوات كتييير
وخصوصا حسن اللى كان شيطان على هيئة انسان
لكنه مكنش يعرف ان نهايته هتكون على ايد اخر واحد كان يتوقعه
.....
توفي مصطفى في حادث سير من عشر سنوات
رجعت زوجته لبلدها بعد وفاته واخذت حلا معها
اما آسر فأصر عمه علي بقاؤه في مصر ورباه مع عز إبنه
عز تربيه حسن الجوهرى عشان يكون وريثه في اداره الشركه واجبره يدرس البيزنس واداره الأعمال
اما آسر فكان بيحب مجال الحاسوب ودرس علوم الحاسب وكمل دراسته بره
واخد ماجستير بتفوق بعد تخرجه بفتره تعتبر قياسية وقرر يكمل في مجال تدريس علوم الحاسب ورفض الشغل في شركه العائلة
رغم محاولات عمه الكتير الا انه كان بيكره شغل البيزنس
عز كان سعيد جدا بقرار آسر ده برغم حرصه انه يبين العكس لانه عايز يكون هو الآمر الناهى في الشركه بعد والده.......
......
في فيلا الجوهرى
آسربسعاده : بارك لي ياعز
عز بدهشة: خير ياآسر هتخطب ولا ايه؟!
آسرببسمه: لا حاجه تانيه؟!
دخل حسن: خير ياولاد سامع سيره خطوبه
حد فيكم هيحس علي دمه ويخطب فيكم؟!
عزضاحكا: أعوذ بالله ليه السيره الوحشه دى
حسن: يبقي انت ياآسر فرحنى
آسر: لا لسه ياعمى الموضوع غير كده خالص
حسن بغيظ: يكونش فاكرين نفسكم لسه صغيرين؟!! انت ياعز بقي
عندك ٣١ سنه
وانت يادكتور آسر بقي عندك ٢٨سنه
انا وابوك اتجوزنا وخلفنا وكنا اصغر منكم
آسرمبتسما: انا مستنى عز هو الكبير
عز ممازحا: بقي كده يااسر بتحطنى في وش المدفع
والتفت لوالده
حاضر يابابا اول مالاقي الانسانه اللي تدخل مزاجى هخطبها علي طول
حسن بدهشه: كل ده ومالقتش دا انت صاحبت نص بنات البلد ياشيخ
عز بفخر: لسه النص التانى وبعد كده اختار براحتى واحده من وسطهم
حسن بغيظ: انا هقوم اخد دواء الضغط وانام جتكوا القرف انتو الاتنين
آسر هامسا: لازم تنجر من لسانك وتقول خطوبه اهو جلبت لنا الكلام
عز بلا مبالاه: ياعم سيبك منه المهم قولى إيه الخبر الحلو اللي جاي تقوله؟
ابتسم له آسر: تصدق انا نسيت إحنا كنا بتكلم في ايه بعد طلعه عمى فينا دى
المهم ياسيدى الخبر الحلو.... جالي عقد عمل في جامعه القاهره مع أول الدراسة
بص له عز باشمئزاز: تصدق مش لاقي كلام أقوله لك
يعنى اتهزقنا بسببك وده الخبر اللي جاى فرحان بيه
انت ياابنى عبيط؟!!!
جامعه ايه اللي فرحان بيها
حد يسيب امبراطوريه الجوهرى دى ويروح يشتغل في جامعه
وحكومية كمان !!!!
سيبك منها وانا من بكره اشغلك في اكبر اكاديميه خاصه في البلد
آسر:لا انا حابب اشتغل في الحكومى أكتر
عز باستغراب: اشمعنى ياعم الفقرى؟!!!
آسر: عشان بحب الطلبه العبقريه اللي دخلوا الجامعه بذكائهم مش بفلوس بابى ومامى
مجالنا ده ممتع جدا في الشغل مع العقليات النابغه اللي عندها هدف عايزه توصله
مش جايه من باب الدلع والرفاهية مش أكتر
عز بسخريه: ياسلام عليك ياطلعت باشا حرب
ربنا يخليك للعلم والتعليم
أول مره اعرف ان في عليتنا فرع أهبل 😁
آسر بضيق: تصدق انا غلطان انى بتكلم معاك
علي العموم كل واحد حر في حياته واختياراته تصبح على خير
عز ببسمه ساخره: وانت من أهله يانابغه زمانك
دخل آسر اوضته وهو حاسس بالضيييق من كلام عز وعمه
ديما حاسس انه وحيد
محدش بيشاركه احلامه فيهم ديما طريقه تفكيرهم مختلفه وشايفينه ديما غلطان وتصرفاته مش طبيعيه
بس لأنه رافض يمشى في طريق البيزنس اللي بيكرهه
فى كلية التجارة
خالد: يااااااه ياعاصم نفسى بقي الايام تجرى كده بسرعه ونتخرج بقي انا زهقت
عاصم: ومستعجل على ايه ياخالد شايف يعنى الشغل مقطع بعضه
خالد : انا دميااطى يعنى مستقبلى مضموون هتخرج واشتغل مع أبويا في الورشة بلا قلبه دماغ
عاصم: وانا شكلى هرجع اشتغل كاشير زى ما كنت
خالد ضاحكا: فاكر ياعاصم واحنا فى سنه أولى وبنحلم نتخرج ونشتغل محاسبين في بنوك والبليه تلعب معانا هههههههههههه والله كنا عيال مجانين
وكلنا امل وتفاؤل
عاصم: أيااااام ياابنى بس خلاص الحمدلله عقلنا دلوقتي😁
وعرفنا اللى فيها.
خالد بتردد: عاصم هو انا ممكن اسألك سؤال جه في بالي كتير وكنت بتردد أسألك؟!!
عاصم: قول ياخالد
خالد بمرح كعادته: انا ملاحظ انك عمرك ماجبتلى سيره عيلتك خالص هو انت عليك تار ياواد وهربان من الصعيد 😂
عاصم بحزن: أنا ماليش حد والدى ووالدتى ماتوا في حادثه
خالد: أمال انت عايش مع مين؟!
عاصم: واحد صاحب والدى الله يرحمه اخدنى وربانى مع ولاده وكنت عايش معاهم لحد الاعداديه بس بعد كده قالولى
انت كبرت وانا عندى بنت فجهزوا لى أوضه علي السطوح وقاعد فيها لوحدى 😥 بس هما احيانا بيطلعوا يقعدوا معايا شويه
خالد: وانت ماتعرفش اى حاجه عن عيلتك؟!
عاصم: لا ماأعرفش اى حاجه .....
المهم غير السيره دى مابحبش اتكلم فيها
وماتنساش تجيب لى مشبك معاك وانت جاى يادمياطى يابخيل
خالد : مابقاش الا أنت ياأبو العربي اللي تتكلم طيب مالكش مشبك عندى😁
عاصم ضاحكا: احنا اسفين الدمايطه اجدع ناااااس
خالد : ايوه كده اظبط النظام 😁
مر حوالى. تسع شهور وخلال الفترة دى
كانت جويريه وإسراء خلصوا امتحانات الثانويه العامه وفي انتظار النتيجه علي نااااااار
وكلهم أمل يجيبوا مجموع يدخلهم الهندسه.....
عاصم اتخرج من الكليه
وبدايشتغل عشان يقدر يصرف علي نفسه
.... خرج طاهر من السجن بعد سنين طويلة بيجهز فيها نفسه عشان ينتقم
من عيله الجوهرى اللي ضيعوا مستقبله ومستقبل صديق عمره
وقرر يهرب لبورسعيد يختفى فيها عن الانظار عشان يرتب ورقه ويخطط بهدوء ازاى هيقدر يغلب الثعالب دول.........
......
ظهرت نتيجه الثانويه العامه
وجويريه جابت مجموع ٩٤%
اما إسراء فكان مجموها ٩٠%
وكانت منهاره جدا مش عشان مجموعها اقل
عشان مش هتقدر تكون مع جويريه في نفس الكليه اللى ياما حلموا بيها سوا
دخلت جويريه لقت إسراء منهارة ومقهوره اخدتها في حضنها لحد ما بدأت تهدى
جورى:ايه ياسوسو حد يزعل كده وهو جايب المجموع ده؟!!امال لو لاقدر الله كنتى جايبه ٨٠% ولا حاجه احمدى ربنا
إسراء وهى تبكى: مش هكون معاكى ياجورى سامحينى انا وعدتك أننا هنكون سوا
جورى: ومين قالك أننا مش هنكون سواا
اسراء بحزن: مجموعى مش هيدخلنى معاكى هندسه
جورى: انا كمان وعدتك أننا هنكون سوا
مش هقدر أدخل كليه من غيرك دا انا لما بخرج أول الشارع لوحدى وانتى مش معايا بحس انى وحيده وخايفه
إسراء: طيب هنعمل ايه دلوقتي؟!
جورى مبتسمة: هندخل سوا حاسبات ومعلومات
مسحت اسراء دموعها وهى مش مستوعبه من المفاجاه: لا ياجورى ازاى انتى مجنونه
ده حلمك ياعبيطه هتتخلى عنه كده بسهولة!!!
لا مش هسمح لك تعملى كده
جورى باصرار: خلاص ياسوسو انا خدت قرار
وبعدين ماهى حاسبات ومعلومات هنطلع منها اسمنا مهندسين برده
وبعدين انا مااقدرش استغنى عنك ياسوسو
دا انتى كل عيلتى
اسراء اخدتها في حضنها بقوه: ربنا مايحرمناش من بعض أبدا ياجورى
وبالفعل دخلوا سوا كليه الحاسبات والمعلومات وجويريه كانت سعيده جدا جدا انها خلاص وصلت للجامعه
وهتشوف الدنيا الكبيره ومعاها اختها إسراء اللي بتحس معاها بالأمان والراحة
واللي ماندمتش ابدا انها دخلت معاها الكليه
★★★
وصل طاهر لبيت صالح
طاهر: مش عارف اشكرك ازاى ياصاحبى انك حافظت علي الامانه طول السنين دى
صالح: ماتقولش كده ياطاهر ربنا وحده يعلم معزه عاصم عندى إيه؟!
ولولا مراتى وبنتى عمرى ماكنا أخرجه من الشقه ابدا
طاهر: عداك العيب ياصاحبى
فين عاصم مشتاق اشوفه أوى
اخر مره شوفته كان عمره سبع سنين
صالح: هو لسه في الشغل قدامه نص ساعه يوصل عما نكون شربنا الشاى سوا
طاهر: مالوش لزوم ياصالح ماتتعبش نفسك انا هطلع اقعد في أوضه عاصم عما يرجع
قوله ان فيه واحد عايزك في موضوع مهم
صالح: ماشى ياطاهر زى ماتحب
وبعد ساعه وصل عاصم وصالح بلغه زى ماطاهر قاله
عاصم حس باستغراب شديد
مين ده اللي عايزه وصالح مارضيتش يقوله
وصل عاصم أوضته لقي طاهر قاعد بيستناه
عاصم بحيره: السلام عليكم
طاهر لقى قدامه شاب طويل بارز العضلات ملامحه هاديه بشعر شديد السواد والكثافة وعيون بنفس اللون
طاهر بابتسامة: وعليكم السلام ورحمه الله وبركاته
ازيك ياعاصم ماشاء الله كبرت وبقيت راجل ملو هدومك
عاصم ازدادت حيرته: حضرتك مين؟
وتعرفنى منين؟!
طاهر: طيب هفهمك كل حاجه بس قرب وتعالى سلم عليا ياابن الغالي
قرب منه عاصم ومد ايده يسلم علي طاهر
بس اتفاجىء إن طاهر اخده في حضنه بحراره
طاهر: اقعد ياعاصم انا عارف ان انت مستغرب
أنا هفهمك كل حاجه
بص ياسيدى أنا صاحب أبوك الله يرحمه الروح بالروح
عاصم: غريبه!!عمى صالح عمره ماجب سيرتك ولا شفت حضرتك هنا قبل كده؟!!
طاهر: أنا اللى كنت صديق والدك الله يرحمه
صالح مايعرفش ابوك ولا عمره شافه حتى!!
اتسعت عيون عاصم من الذهول: ازاااى امال ليه كان ديما يقولى انه صاحب والدى انا مش فاهم حاجه!!!!
طاهر: والدك كان صاحبى أنا وانا اللي طلبت من صالح يقولك كده...
وانا اللي قصدته ياخد باله منك لحد ماأطلع من السجن
عاصم بذهوووووول: سجن!!!!!!
حضرتك لخبطتنى على الآخر
يعنى حضرتك دخلت السجن بعد والدى ووالدتى عملوا الحادثه؟!!
طاهروالحزن بيعتصر قلبه: ماعملوش حادثه والدك ووالدتك اتقتلوا ياعاصم!!!
