الفصل الاول
بقلم نور علي
ازاي يا بابا عايزني اتجوز بنت عمي ...... أنا أصلا مبحبهاش
كمال الأب: مبتحبهاش ايه هو انت عمرك شوفتها هههههه ضحكتني يا معتز ههههه
معتز: أنا متأكد إني مش هحبها دي من الصعيد يا بابا عايزني اتجوز فلاحه ........ وبعدين انت عارف إني بحب مروه ازاي بقى عايزني اكره الإنسانه إلي بحبها بقالي ٤ سنين واحب واحده فلاحه وكمان معرفهاش
الأب : مروه مين إلي بتحبها أنا قولتلك انسى البنت دي وتقطع علاقتك بيها .... وبعدين جوازك من بنت عمك دا وصيه جدك الله يرحمه ازاي عايز متنفز وصيه جدك ..... بص اخر كلامي معاك يا معتز هنروح البلد علشان تشوف بنت عمك وهتكتب كتابك عليها غصب عنك يا معتز ....... اجهز علشان هنسافر بليل .
أنا معتز الدغيدي عندي ٢٥ سنه . ابن كمال الدغيدي صاحب اكبر شركه حديد في الشرق الأوسط كله . وانا إلي ماسك الشركه دي كلها بعد تعب بابا أصله راجل كبير في السن شويه ويعني بييجي يشرف على إدارتي وشغلي ويطمن على الشركه ويمشي . بحب السكرتيره بتاعتي مروه .رغم أن كلو بيقولي دي طمعانه في فلوسك مش اكتر .بس أنا مش مصدق .
طبعا ماعرفتش أعارض بابا واطريت اني انفز كلام بابا وخصوصاً أن دي وصيه جدي الله يرحمه .
جه الليل ومعتز جهز شنطته وودع مامته ونزل ركب العربيه بستنى والده .
اه أصله وحيد أمه وأبوه ووالدته مدلعاه شويه بس كانت متشوقه لجوازه من بنت عمه علشان تخلص من البنت الرزله إلي اسمها مروه .
كمال ودع جميله مراتو ونزل ركب العربيه مع معتز .
طول الطريق معتز لاوي بوزه ومتنرفز ومش طايق نفسه .كمال شايف اد ايه ابنو متعصب فمحبش يكلمو.
وصلوا البلد ونزلوا قدام سرايه كبيره .معتز كان مندهش من جمال السرايه ومصدوم من التراز بتاعها القديم وهو سبب جمالها .
كمال : هو دا البيت يامعتز يا ابني
معتز : المكان جميل اوي يا بابا على عكس ما توقعت
سعيد خرج يستقبل أخوه إلي ماشافوش من ٧ سنين .
سعيد : اتوحشتك ياخوي فينك مابتطولش علينا لييه ؟
كمال : اسف والله يا سعيد بس الواحد عجز ومبقاش بيقدر .
سعيد : هو دا ابن اخوي ؟
معتز : اه يا عمي . كان نفسي اشوف حضرتك من زمان ببس مشاغل الدنيا لهياني يا عمي .حقك عليا.
سعيد شافو وقال في نففسو شاب چميل وطويل ومحترم وشبه الرچاله يا رب يكون من نصيبك يا بنيتي .
سعيد : ولا يهمك يابني .تعالوا ادخلوا يا چماعه . بص يا معتز ياولدي دي سرايتك ومكانك ومطرحك يعني تاخد راحتك علأخر .
معتز : حاضر يا عمي .
كمال : طب يلا بينا ندخل بقى لأنا تعبت من الوقفه هههه. ودخلوا ولسه يادوبك بيدخلوا سمعوا زغاريد بعلو الصوت رجت المكان كلو من قوتها صوت جميل أوي .
سعيد : هههه سدي حنكك يا وليه متفزعيش الصبي هههه. تهاني : يا ألف خطوه عزيزه نورتوا البلد كلاتها ياسلفي .وبصت لمعتز وقالت : الجمر دا ابن سلفي ؟
رد معتز وهو بيضحك : اه يمرات عمي .
استووووووب : أنا بعتزر لوقولت كلمه صعيدي غلط والله مااعرف بيتكلموا ازاي 😂😂.نرجع لروايتنا
تهاني : انتوا نورتونا وشرفتونا . فاتكوا على لحم بطنكوا وطلبت من الخدم يعملوا كل الأكلات وكمان يدبحوا دبيحه بمناسبه وصول سلفها وابن سلفها.
وفعلاً بعد تلات ساعات السفره كانت مليانه أكل جميع الأصناف .
سعيد: يلا يا چماعه بسمالله .عايزك تفترس الخروف دا يا معتز ههههه
معتز : هيحصل يا عمي دأنا جعان أوي هههه
راحوا كلهم قعدوا على السفره ولسه معتز هياكل لقى بنت جميله اوي نازله من على السلم من كتر جمالها فضل متنحلها .
مريم : ياماما انت ماقولتليش انزل أكل ليه ! .بصت مين قاعد لقت راجل غريب وشاب قاعدين على السفره .
مريم : اااععع .مين دوووووووول ؟
دي مريم بنت جميله أوي وعودها سامبتيك بس قصيره شويه . عندها ٢٠ سنه وفي كليه طب اسنان . تبقى بنت سعيد الدغيدي . المفروض انها من الصعيد بس لو شفتها وسمعت كلامها تقول دي من القاهره . راقيه جدا ورقيقه لأبعد حدود .كائن جميل من الأخر .
سعيد : اكتمي يا مريم عيب .دا مش حد غريب ...... دا عمك كمال ودا ولدو معتز .
بص معتز لمريم وقال في باله : معقول القمر دي بنت عمي إلي أنا هتجوزها ....... اد ايه أنا متخلف ومبفهمش ازاي قولت مش عايز اتجوزها ؟!
أنا حسبي الله فيا .
ورجع بص لمريم ولشعرها الحرير إلي هيا سيباه وواصل لتحت ركبتها ومداري وشها من كتر ماهو تقليل ويبص لجسمها إلي زي مايكون مرسوم بالمستره من الأخر مش قادر يتنفس من كتر جمالها .
مريم جت قربت من السفره وسلمت على عمها .
مريم : عامل إيه يا عمي أنا أسفه على رد فعلي بس أنا ماشوفتكش من زمان أوي .أنا بجد اسفه جدا لحضرتك .
ورجعت سلمت على معتز .
مريم : عامل إيه يا معتز ؟
معتز : ايه .اه .بتقولي ايه؟
مريم : ههههه بقولك عامل إيه يا معتز ؟
معتز : اه ... الحمدلله ..... انت عامله ايه؟
مريم : بخير الحمدلله .
مريم : طب يلا نأكل أنا جعاننه اويي هههه .
معتز طول القعده باصصلها ومبياكلش .كمال لاحظ وقالو : في إيه يا معتز ما تاكل ......
معتز : باكل يابابا باكل .
معتز وسعيد ضحكوا .وخلاص خلصوا الأكل ومريم طلعت اوضتها .
مريم : عن اذنكم يا جماعه طالعه اوضتي . تصبحوا على خير .
تهاني : استني يا مريم خدي ولد عمك فرچيه جوضته يا بنيتي .
مريم : حاضر . يلا يا معتز .
معتز : اه يلا .
وهما طالعين
