وقعت في جحيم قلبه ❤
بقلم ايمان هشام
الفصل:السابع
منه نزلت علي السلالم جري ودخلت المطبخ بتتنطنت بفرحة مي وسعاد استغربيو
منه بضحك:الباشا اداني شكولاته باين عليها حلوة مين عاوز
سعاد باستغراب:حاتم باشا اداكي شكولاته
مي بشك:متأكده انها شكولاته
منه بضحك:اه والله *وفتحتها وداقتها
منه بفرحة:طعمها حلو اووي دوقي ي سعاد هانم
سعاد بضحك:يحبيبتي عندي السكر مقدرش اكل منها
مي بفضول:انا عاوزه*ادتها منه الشكولاته وداقت منها
مي:اه دي طعمها حلو اووي انا مدقتش زيها قبل كده
منه وهي بتكسر حته:خدي دي ي مي
مي باحراج:لا شكرا ي قلبي مش عاوزه
منه بتمثيل:مش هكلمك تاني لو مخدتهاش خدي*خدتها مي وشالتها لأمها تدوق منها ف البيت وراحت منه تدوق أخواتها دخلت وردت الباب
منه بلؤم:معايا شكولاته غاليه اووي *غاده ونورة بصو لبعض بدهشة وقامو وقفو جنبها
نورة:جبتيها منين
غادة:من مرتبها طبعا
منه بضحك: عمو حاتم ادهالي
نورة وغادةباستغراب: عمو حاتم مش مفروض الباشا
منه بضحك:مهو بعد الشكولاته دي هقول عمو حاتم بس بيني وبينكم
غادة باستغراب: هو كبير ف السن
منه باستغراب:مش اووي يعني ف التلاتين كده
نورة بقلق:طب اداكي ليه الشكولاته ليه
منه ببرائة:عشان كان بيعاملني وحش اوي وهو مش حاسس لحد ما زعقت فيه وقولتله اني انسانه وبحس هو الظاهر ندم
نورة:غادة اطلعي برة
غادة بضيق:طيب كل شوية اطلعي برة منا كبيرة زيكم اووف*وخرجت ورزعت الباب
نورة بشك: خدي بالك ي منه انا مش مطمناله ليكون بيلعب بيكي
منه ردت بسرعة:لاء ده باين عليه محترم اووي مقارنة بمهند ده لما عرف ان مهند دايق واحدة من الشغالين واشتكتله وداه السودان اخد شهر هناك وجه مفحوم علي رأي مي هههههه
نورة بضحك:يستاهل
منه بضحك:ولما كانو بيتعشو امبارح حفل عليا شوية راح حاتم باشا قله لو محترمتش نفسك هوديك سوريا عند المليشيات
نورة بضحك:ياريت ياخد سنه هناك يتربي *فضلو يضحكو وندهت منه غادة ووزعو الشكولاته علي بعض عدو ٥ ايام والحال كما هو حاتم زي ماهو عصبي بارد قاسي ومهند بيحاول يقرب من نورة لكن نورة معلماه الادب ومنه زعلانه كانت فاكرة ان بعد الشكولاته ال ادهالها هيحسن معاملته معاها بس للاسف متغيرش الحاجة بتغيب من الخدم ومنه بترجعها مكانها الحكاية بقت زي لغز محدش فاهم حاجة الساعة ٨ الصبح منه قاعدة ف المطبخ مع مي وبيحكو
مي:بس والله الواحد هيتجنن من ال بيحصل هنا
منه بتوتر:هو إيه ال بيحصل
مي بدهشة:الحاجات ال بتغيب ويلقوها بس مش حرامي ال بيعمل كده الكل متاكد ان فيه روح شريره ف القلعة دي وانا حاسة ان كلامهم صح وانها مسكونه
منه بتمثيل:متخوفنيش ي مي مبحبش الكلام ده
مي بحنية:انتي بس اقري قرآن علي طول وشغلي بردو ف اوضتك قرآن ومش هيحصل حاجه
سعاد:منه حاتم باشا وصل من خمس دقايق
منه بذهول:حاتم باشا ده عكس الناس يسهر بالليل وينام ف النهار
سعاد بحزم:منه ملناش دعوه روحي زمانه ادايق لأنك مطلعتيش روحي قبل ما يرن عليكي *طلعت منه جري لفوق وخبطت
حاتم بعصبية:ادخل
*دخلت منه برعب لقته بيدور ف الكوميدينو والدولاب
منه باستغراب: تحت امرك ي باشا
حاتم بعصبية:فيه ساعة ناقصة من ساعاتي
منه برعب:هدي أعصابك شوية وانا هدور معاك *طلع موبايله ورن علي سعاد وخلال دقيقة وصلت
سعاد:تحت امرك ي باشا
حاتم:فيه ساعة غايبة
سعاد بقلق: ي باشا من اسبوع والحاجة بتغيب وتاني يوم نلقيها الكل اشتكي من الموضوع ده
حاتم بعصبية:وازاي متقوليش
سعاد بخوف:حضرتك الحاجة بنلقيها فلو حد فعلا سرقها مكنش رجعها تاني
حاتم بشك:قصدك ايه
سعاد:يعني زي ما الكل بيحكي الظاهر القلعة مسكونه
حاتم بزعيق:ايه الكلام الأهبل ده انا ناقص في حد بيلعب هنا بس مسيره هيتمسك ولما اعرفه مش هرحمه *باصص ل منه ال باصة ف الأرض برعب وشاكك ف حاجة
حاتم بزعيق:غورو من وشي
منه وسعاد:تحت امرك ي باشا *وخرجو وردو الباب ونزلو لتحت جريت منه لاوضتها ورفعت المرتبه ولقت الساعة 😨
منه بعياط:ينهار مش فايت اعمل ايه دلوقتي ده لو اتمسكت مش هيرحمني وعدت ساعات كتير وخرج حاتم بعد ما اتغدي علي العصر استغلت منه الوضع ورجعت الساعة لحد ما تشوف هتعمل ايه بعد كده ورجع الساعة ١٠ بالليل جهزوله العشا اتعشى مع مهند وطبعا خفة دم مهند كانت محليه الجو
مهند:بكرة رحمة هتنزل علي مصر
حاتم بسعادة مخفية:كويس ربنا يعقلها وتفضل هنا
مهند:يارب *خلصو اكلهم وطلعو نامو دخلت منه اوضتها وردت الباب وقعدت ف الارض تعيط*غادة كانت نايمةونورة صاحية بتذاكر اول ما شافتها جريت عليها وقعدت قدامها
نورة بخوف:فيه إيه مالك حد زعلك هنا ردي ي منه
منه بخوف:انا خايفة اروح أكرر ال عملته ده حاتم باشا موجود انهاردة ف القلعة
نورة بتفكير:خلاص انا هسهر انهاردة
منه بخوف:ولو النوم غلبك ونمتي بعدين وراكي امتحان لازم ترتاحي
نورة :لو حسيت اني نعست هصحيكي
منه بتفكير:لاء هاتي المفتاح*طلعتلها المفتاح خدته منه منها وقفلت بيه الباب ورمته من تحت الباب لبرة
نورة بذهول:ومين هيفتحلنا
منه:بكرة يبقي يحلها ربنا*اتنهدت نورة وراحت منه غيرت ونامت علي طول من التعب بعد ساعة نورة طفت النور و نامت الساعة ٣ بالليل وقفت منه من سريرها وراحت للباب ووطت تبص من تحته للمفتاح مش هتقدر تجيبه وقفت وبصت للشباك ركبت علي كرسي وفتحته وركبت عليه ونطت هو ارتفاعه متر عن الارض اول ما طلعت راحت لباب المطبخ ال من ناحية الجنينه ودخلت طلعت لفوق عند حاتم فتحت الباب ودخلت وردته حاتم كان نايم حس بفتح الباب ورده فاق علي طول فيه صوت أقدام بتقرب منه حط ايده علي مسدسه تحت المخده وبحركه واحده ولع النور وهو مشاور بالمسدس لصوت الاقدام انذهل
حاتم بصدمة: انتي *هي ولا سمعاه وطت علي رجليها وفتحت الكوميدينو وابتدت باديها تحس الحاجات
حاتم بدهشة وهو بيشاور بيده قدام وشها :انتي نايمة بجد *خدت النضارة وقامت ولفت وخرجت قام هو وخرج وراها نزلت ونزل وراها راحت لاوضتها وهو وراها ووطت اتلافت مفتاح ف الارض بعيد عن الباب وفتحته ودخلت شاف حاتم الشباك ال مفتوح والكرسي تحته ردت الباب وقفلته بالمفتاح وشوحت تاني المفتاح من تحت الباب وهو لسة مصدوم (يعيني😂😂)
اتنهد حاتم ومسح وشه بغيظ وطلع لاوضته ورد الباب
حاتم بغيظ:ده ال كان ناقص بتسرق وهي نايمة جديده دي اول مرة اعرف حد بيسرق وهو نايم بس هي مش حرمية لانها بترجع الحاجة مكانها*طلع غيار وخد دوش ونزل مشي بعد ٣
ساعات صحيت منه وقامت من سريرها جريت علي الباب بتفتحه لقته مقفول اتنهدت براحة خدت هدومها بتاعت الشغل ودخلت اخدت دوش وطلعت راحت تصحي نورة عشان امتحانها
منه بهدوء:نورة ي نورة قومي امتحانك فاضله ساعتين يدوبك تلحقي تفطري وتلبسي *قامت نورة بكسل واخدت دوش عشان تفوق وطلعت لبست هدوم الخروج وجهزت نفسها لقت منه قاعده علي السرير وساكته بحزن
نورة باستغراب:مالك ي منه علي الصبح *بصتلها منه وهي بترفع اديها وماسكه نضارة مكسور
نورة بقلق:مش فاهمة
منه بحزن:قعدت علي السرير دلوقتي سمعت صوت كسر قمت ورفعت المرتبه لقيت نضارة حاتم باشا
نورة بدهشة:الباب مقفول والمفتاح برة طلعتي ازاي *بصت منه علي الشباك فهمت نورة وراحت قعدت جنبها
نورة بحزن:هتعملي ايه
منه بخوف:هقوله اتكسرت وانا بوضب الحاجة دي باين عليها مستورده وانا مش هعرف اجيب زيها
نورة بتحاول تخفف عنها:يبت فكك يعني هيزعل علي نضارة بعدين دي معفنة ولاتزعلي لو حكي معاكي نص كلمه اديلو ٥٠ جنيه ف وشه وسكتيه
منه بضحك:خمسين جنيه بحالها ده انا فكراها بعشرين*قعدو يضحكو طلعت نورة من الشباك وراحت للمطبخ ودخلت مكان الاوض ووطت خدت المفتاح وفتحت الباب
نورة:يلا يختي عاوزة الحق افطر
منه براحة:طيب ي نورة:وقامت راحت المطبخ لقت سعاد خلصت فطار
سعاد بحنية:متأخرة انهاردة يعني
منه بحزن:اسفة خدتني نومة
سعاد بضحك:ولا يهمك انتي معادك ف الصحيان لما حاتم بيه يجي وهو لسه مجاش
منه باستغراب:ليه هو طلع
سعاد:اه خرج الفجر
منه بخوف:متعرفيش كان مزاجه ازاي
سعاد باستغراب: عادي مش متعصب ولا مبسوط*اتنهدت منه وخدت فطار ليها ولنورة وراحو فطروا سوا ف فيلة شهاب هما الاتنين قاعدين سوا بيحكو
شهاب بغيظ:يعني الشحنه وصلت بخير من غير شوشرة قالب ليه وشك ليك كام يوم
حاتم بعصبيه:من ال بشوفه منتا مانتخ هنا ولا داري بحاجة
شهاب باستغراب:هو إيه ال مش شايفه مالك ي حاتم
حاتم بعصبية:البت ال جايبها مجنونه *بصله شهاب بدهشة وسكت لحظه بعدين انفجر ضحك
شهاب:ههههه نفسي ف مرة تشكر فيها ياراجل دي مش مقصرة ف حاجة وعسولة اووي ونقية جدا كفاية البصة ف وشها تحس انك بتبص ف الجنة
حاتم بضيق:بتكلم جد البت بتسرق وهي نايمه من وقت ما جات قلبت القلعة كلها الكل اتسرق حتي انا بس ال مصبرني انها بترجع الحاجة مكانها
شهاب بضحك:قول حاجة غير كده يانهار ابيض بتسرق وهي نايمة ههههههه
حاتم بغيظ:مخلاص ي زفت منتا بتمشي وانت نايم بردو
شهاب بلؤم:عادي دي حاجة معروفة ان الواحد يمشي وهو نايم لكن تسرق دي جديده هههههه
حاتم:طب قفل علي الموضوع
شهاب بلؤم:مش عارف بس البت دي بتأثر فيك وبتشغلك
حاتم بجمود:انا محدش يشغلني غير شغلي وبس واجهز عشان بعد يومين هنسافر روسيا
شهاب بقلق:انت مقتنع ان جيمي عاوز تحالف
حاتم بلؤم:تبقي غبي لو صدقت الكلام ده روحة روسيا دي بداية النهاية ي شهاب*رجع شهاب ضهره لورا وهو قاعد علي الكرسي وبيبص لحاتم ال قاعد قدامه بخوف لان الموضوع الدور ده مش هيعدي بالساهل بعد ما خلصوا كلام قام حاتم
عشان يجيب رحمة من المطار وصل هناك وهي كانت لسه نازله من الطيارة استني خمس دقايق عشان الإجراءات وبعدين طلعت اول ما شافته جريت عليه وحضنته ودموعها نازله
رحمة بألم:وحشتني اووي ي ابيه
حاتم بسعادة:وانتي اكتر مال وشك مصفر كده ليه انتي مبتاكليش طبعا عشان الدايت *هزت رحمه راسها بحزن بمعني اه
حاتم بغيظ:حسابك ف القلعة انا هخليهم يزغطوكي هناك*ضحكت رحمه رغم حزنها خدها حاتم للقلعة
سعاد بعجلة:جهزتو كل حاجة ي بنات
البنات ايوه ي سعاد هانم
سعاد بحزم:يلا ي منه عشان نستقبلهم
منه بقلق:حاضر *وخرجو لباب القلعة ال من جوة ك العادة ووقفو دقيقتين دخل حاتم وفي بنت عسولة داخلة معاه
حاتم:سعاد اوضة رحمة جاهزة
سعاد بحزم:ايوة ي باشا كل حاجة تمم
حاتم:تمم طلعيلها الفطار ف اوضتها عشان هي تعبانه من السفر وشوفيها لو ناقصها حاجة
سعاد:تحت امرك ي باشا
رحمه بصوت ضعيف:حاتم مليش نفس اكل انا مصدقت وصلت عاوزة انام
حاتم بحزم:هتفطري بضرب الجزمة واي كلام تاني هاجي افطرك بنفسي وانتي مجربة
اتنهدت رحمه بابتسامة:حاضر ي حاتم هفطر *طلعت رحمة لاوضتها وأول حاجة عملتها دخلت اخدت دوش طلع حاتم لاوضته وطلعت بعديه منه خبطت مردش خبطت تاني مردش عرفت انه مش محتاج حاجة نزلت بغيظ
منه: يعني كان تقيل عليه يرد*دخلت المطبخ
سعاد باستغراب:هو مردش
منه:اه الظاهر مش محتاج حاجة
سعاد براحة: يبنات اعملو حسابكم انهاردة رحمة هانم وحاتم باشا ومهند بيه وصاحبه ذياد بيه هيتعشو سوا خلال الساعة ٧ كل حاجة تكون جاهزة
البنات:تحت امرك ي سعاد هانم
سعاد:وانتي ي منه متناميش عشان ممكن ف اي لحظة حاتم باشا يعوزك طلاما منامش
منه بغيظ:حاضر
