وقعت في جحيم قلبه ♥️
الفصل:العاشر
بعد وقت قصير من نوم حاتم سمعت منه صوت شخير برقت بعنيها بصدمة وبصت لحاتم
منه بضحك:يلهوي ده بيشخر يافضيحتك ي حاتم *طلعت موبايلها ال عملاه علي وضع الطيران وفتحت الكاميرا وصورت فديو صورت الأول نفسها وهي بتشاور بمعني سكوت وودت الصورة لحاتم ال علي الجنب التاني همست لنفسها الصوت مش هيوصل اقوم ولا بلاش تلاقيه ف سابع نومه وفعلا قامت براحة تتسحب تحت نظر المضيفات ال بيضحكوا عليها لحد ما وصلت عنده وهي لازالت بتصور
منه بصوت واطي:ايوة كده كل حاجة واضحة ووو بس كفاية كده ارجع قبل ما اتمسك*قفلت الفديو وكانت لسة هتتحرك الطيارة اتهزت الظاهر عدو علي مطب وقعت منه تحت رجل حاتم صحي حاتم علي طول وبص تحتيه لقي منه ال واقعة وبتشاورله هاي بتوتر
حاتم بغيظ:انتي ايه جابك هنا
منه بخوف وهي بتقوم:ابدا كنت كنت كنت جاية اصحيك عشان اقلك احنا قربنا ولا لسة
حاتم بعصبية:ما فيه زفت مضيفات اهم اتنيلي اسأليهم
منه بخوف:حاضر معلش نسيت *وجريت للكرسي بتاعها وقعدت طلب حاتم فنجان قهوة عملته المضيفة وجابته واحدة تانية مايعة كده ومسهوكه وبتمضغ لبان بطريقة مقرفة زيها قربت لحاتم وادتهوله ووطت عليه بدلع
المسهوكة:محتاج حاجة تاني ي باشا
حاتم بجمود:لاء
المسهوكة:طيب لو عوزت حاجة انا تحتش امرك*وسابته ومشت بدلع كل ده ومنه باصالها بغيظ
منه ف سرها:ايه السفالة دي اما بنت قليلة رباية دي مقشفة *بعد ساعة وصلو ل روسيا واول ما وقفت منه قدام باب الطيارة هي ونازلة اتنفضت الجو تلج والهوا صاقع جدا نزلت منه ورا حاتم وخرجو بعد اجرائات السفر وركبو عربية فخمة كانت مستنياهم ركبت منه جنب حاتم امر حاتم السواق انه يتحرك بعد نص ساعة من فرجة منه من شباك العربية للمباني الفخمة والشوارع ال كلها تلج وصلو لمكانهم بصت منه للمكان بيوت كبيرة زي فلل من خشب بينها وبين بعضها مسافات محدودة كل بيت محاوط بسور فتح حارس من الحراس البوابة دخلت العربية لجوة وقدام باب البيت وقفت فتح الخادم الباب نزل حاتم بعدين فتح لمنه نزلت منه وشكرته دخلت منه ورا حاتم البيت وجريت لمكان الدفاية واتربعت
حاتم بسخرية:قولتلك تقلي
منه بغيظ:ده اتقل حاجة عندي اعمل ايه
حاتم بلا مبالاه:تعالي اوريكي اوضتك *قامت منه بغيظ كان نفسها تنام جنب الدفاية ومشت وراه البيت واسع طلعو فوق شاورلها علي اوضتها
منه باستغراب:وفين أوضة حضرتك
حاتم:دي ال قصادها
منه:تمم اروح اجيب شنطتي بقا
حاتم بجمود:شنطتك ف الاوضة الشغال طلعها
منه بأدب:تمم حضرتك محتاج حاجة
حاتم ببرود:غيري هدومك وانزلي جهزيلي حاجة أكلها
منه بتعب:تحت امرك *ودخلت اوضتها واسعة ومقفوله مفيهاش غير شباك ازاز صغير محكم ومكان للدفاية
منه بفرح:دي احلي حاجة ف الاوضة يتري الدولاب ده فيه إيه *فتحت الدولاب لقت لبس شغالين زي ال لبساه بالضبط بس شتوي صوف يعني ونضيف اتنهدت منه وخدته للحمام ال ف اوضتها وغيرت وطلعت نزلت لتحت لقت الخادم ال فتحلها باب العربية جنب الدفاية شاب ف نهاية العشرينات وسيم شكله من روسيا قربت منه منه وسألته بالانجليزي علي المطبخ وداها للمطبخ وسابها ومشي
منه بفرحة:عسول اووي الود ده كفاية أدبه والله ياريت حاتم يتعلم منه شوية *وابتدت تجهز اكل بما ان الجو صاقعة فقررت تعمل شوربة خضار ولحمة مشوية ورز وسلطة بعد ساعة الاكل كان جهز حطته علي صينيه وطلعت بيه لفوق خبطت سمحلها تدخل فتحت الباب ودخلت كان علي الارض بفالنة كت بيعمل تمارين ضغط علي ايد واحدة
منه بصدمة:الجو ساقعة هتاخد برد *بصلها بعصبية وقاملها حطت منه الاكل علي الطربيزة قرب حاتم منها
حاتم بغيظ:ابوس راسك متدخليش ف ال ملكيش فيه يارب الذوق يجيب نتيجة معاكي الدور ده
منه بغيظ:انا اسفة محتاج حاجة تاني
حاتم ببرود وهو مديها ضهره :لاء غوري
منه بغيظ:تحت امرك *وخرجت وردت الباب وراها ونزلت تحت للمطبخ وكلت
منه بغيظ وهي بتاكل:انا نفسي اتفتحت اووي للأكل بعد البراشيم ال ادهالي الدكتور لااا انا كده هتخن بلاش اخدها تاني احسن
الشاب بضحك:بس حضرتك مش تخينه بالعكس محتاجة تتخني
منه بصدمة:انت بتتكلم عربي
الشاب بابتسامه:ايوة وحلو جدا كمان
منه باستغراب:بس شكلك مش عربي
الشاب:فعلا انا من هنا بس يتيم وحاتم باشا اتولي رعايتي من وانا عندي ١٥ سنه بعد ما اتمسكت قبل كده ف قضية مخدرات كبيرة حد لبسهالي ظلم هو خرجني ومن هنا وخلاني خادم ف المكان ده
منه باستغراب:هو المكان ده بتاعه
الشاب:اه ملكه
منه بابتسامة ومدت اديها:انا منه الله
الشاب وهو بيصافحها:وانا جيك
منه بفرحة:اهلا بيك ي جيك انا مبسوطة اووي ان فيه حد هقدر اتكلم معاه هنا
ضحك جيك:خلاص احنا كدا أصدقاء
منه بابتسامة:أصدقاء * رن الجرس ف المطبخ طلعت منه علي طول لفوق خبطت سمحلها حاتم تدخل
حاتم ببرود:شيلي الاكل ده وفيه شاب هتلاقيه تحت اندهييه
منه بتسرع:جيك
حاتم باستغراب:انتو اتعرفتو بالسرعة دي
منه بتوتر:اه ده انسان كويس ومحترم جدا
حاتم بغيظ:مش عاوز مياعة سامعه
منه بعصبيه:من غير ما تقول ي حاتم باشا انا محترمة ومليش ف الكلام ده محتاج حاجة تاني
حاتم بهدوء:غوري *طلعت منه من غير ما تردوسابت الباب مفتوح دليل علي اعتراضها اتنهد حاتم بغيظ
حاتم:انا مالي ومالها متعمل ال هي عوزاه نزلت منه لتحت بالأكل وودته المطبخ جيك كان بياكل
منه بهدوء:جيك حاتم باشا عاوزك
وقف جيك:تمم طالع دلوقتي حالا طلع جيك وخبط سمحله حاتم انه يدخل
جيك بأدب:تحت امرك ي باشا
حاتم ببرود:جهزلي حمام السباحة ال ف البيت
جيك بطاعة:تحت امرك محتاج حاجة تاني
حاتم ببرود:لاء روح
جيك:تحت امرك *نزل جيك وجهز حمام السباحة بعد نص ساعة نزل حاتم وراح ناحية الحمام ودخل كل ده ومنه قاعدة بملل بعدين افتكرت انها لازم ترن على اختها تطمنها طلعت موبايلها واتصلت
منه بغيظ:طبعا مينفعش عشان انتي برة مصر ي غبية انا اروح لجعفر ال فوق ده يارب يوافق* خرجت من المطبخ وطلعت لفوق خبطت مردش قلقت ليكون نايم فتحت الباب براحة ودخلت الاوضة فاضية وباب الحمام مفتوح
منه بخوف:حاتم باشا حضرتك موجود ....مفيش رد الظاهر خرج*كانت هتطلع موبايله رن استغربت ومسكته رقم غريب مردتش وخدت الموبايل ونزلت لتحت راحت المطبخ لقت جيك قاعد بياكل تفاح
منه بقلق:جيك متعرفش فين الباشا
جيك بهدوء:امشي لنهاية الطرقة اخر باب علي ايدك اليمين
منه بتسرع:تمم*وخرجت بسرعة مدت لحد ما وصلت للآخر خبطت علي الباب بس بردو مفيش رد فتحت الباب براحة ودخلت
منه باستغراب:حمام سباحة هنا ف البيت *أوضة كبيرة جدا فيها حمام سباحة الغريب ان ف الجو الساقعة ده الاوضة دي دافية المكان ضلمة مفيش غير نور ازرق طالع من البسين قربت منة للحمام وقعدت علي رجلها علي البسين وشافت حاتم تحت خالص ف نهاية القاع ومش بيتحرك ومغمض عينه اتفزعت منه
منه بصراخ:حااااتم ي حاتم سامعني*دموعها نزلت قامت بصت حوليها شافت بتاعة كده زي عصاية وفيها شبكه بينضفو بيها حمام السباحة مسكتها وراحت تاني مكانها ودخلتها المية ونزلت فيها لتحت لكن قصيرة موصلتش نزلت السلالم ال ف البسيم وحاولت كانت هتنزل ف المية رغم انها مش بتعرف تعوم
منه بعياط:حااااتم ونبي اصبر... لو غرقت لا انا ولا هو حد هيخرجنا * طلعت من المية وجريت لبرة راحت للمطبخ مسكت ف دراع جيك وشدته
جيك بقلق ومنظرها ال كله مية :مالك حصل ايه
منه بعياط:تعا حاتم غرق
جيك بفزع:ايييه *جريو للحمام ودخلو بص جيك ومنه ف البسيم ملقوش حاتم
جيك باستغراب:فينو
حاتم باستغراب:مين هو*بصو وراهم لقو حاتم
منه بعياط:يعني انت مغرقتش انا شفتك وانت ف قاع الحوض ده وانت مش بتتحرك
حاتم باندهاش:عادي دي هواية بحب اطبقها *ضربته منه ف صدره جامد
منه بصراخ:ياخي ابقي قولنا الأول قبل ما تعمل حاجة زي كده حرااام عليك انا كنت هموت من الرعب *وفضلت تعيط جيك شاف المنظر وطلع ورد الباب وراه
حاتم بغيظ:انتي ازاي تعملي كده
منه بصراخ:ده كل ال هامك بس ازاي اعمل كده مش هامك واحدة كانت هتنزل المية رغم انها مبتعرفش تعوم عشان تجيبك ومش فارق معاها هتطلع ولا لاء
حاتم باندهاش اكبر:ليه ليه كنتي هتعملي كده
منه بتفكير:عشان مين هيرجعني تاني مصر غيرك لو لقدر الله حصلتلك حاجة هفضل هنا علي طول
*حاتم بصلها بغيظ عليها وعلي غبائها وخدها من دراعها وفتح الباب وخرجو
منه بعياط:سيب ايدي بتوجعني خلاص مش هكررها تاني والله *جرها لفوق لحد اوضتها ودخلها ف نص الاوضة ووقف قصادها
حاتم بعصبية:غيري هدومك مش ناقص تتعبي انا عاوز وحده تخدمني مش اخدمها
منه بشهيق ومحاولة لانها تبطل عياط:ح حاضر ههه هغيرها*طلع ورزع الباب وراه *ف القلعة الساعة ٩ شهاب كان ف الرسبشن
سعاد بأدب: تحت امرك ي باشا
شهاب بهدوء:قولي ل رحمة هانم اني محتاج اقابلها فوق ف اوضتها عشان موضوع مهم بيني وبينها
سعاد باستغراب:تحت امرك ي باشا *وطلعت سعاد لاوضة رحمة خبطت سمحتلها رحمة بالدخول
سعاد :شهاب بيه تحت وطالب انه يطلع لحضرتك محتاج يتكلم معاكي ف موضوع مهم
رحمة باستغراب:طب خليه يطلع
سعاد بأدب:تحت امرك *نزلت سعاد وبلغته انه يقدر يطلع
شهاب بتحذير:مش عاوز حد يهوب فوق فاهمة
سعاد بقلق:تحت امرك *طلع شهاب ووصل لاوضة رحمة خبط
رحمة:ادخل*دخل شهاب كانت رحمة قاعدة علي الكرسي وأول مادخل وقفت مدت اديها وابتسمت
رحمة:اهلا ي شهاب شرفت*قرب شهاب ومد ايده بس علي شعرها وشد شعرها جامد
رحمة بصراخ:اااه ي شهاب فيه اية
شهاب بزعيق:يعني متعرفيش فيه إيه وعملالنا فيها الخضرة الشريفة وانتي بتلفي علي شعر راسك ف فرنسا انتي فاكرة ان اخوكي مش هيعرف
رحمة بعياط ونحيب:مظلومة والله العظيم مظلومة
شهاب بعصبية:اتمسكني ك العادة كل وساختك جات لحد عندي الوسخ ال بتلفي معاه ليكي سنتين باعتلي وساختك انتي وهو ف بوكس هدايا مغلف احمدي ربك إن حاتم مش قاعد والا زمانك كنتي مدبوحة دلوقتي
رحمة بعياط:طب ممكن تسمعني بس ارجوك
حاتم بصريخ:انتي متنطقيش نهائي انتي ليكي عين تتكلمي يشيخة ده شالك فوق راسه وانتي حتطيها ف التراب اسمعي ي***أول ما اخوكي يرجع هطلبك منه شهرين بالكتير وهرميكي وده عشان استر علي صاحب عمري ومحطهوش ف موقف وسخ زي ده من ورا راسك وانتي هتوافقي سامعه
رحمة بعياط:حاضر سامعة بس ونبي متجبلهوش سيرة *رماها ف الارض وبصق عليها ومشي لبرة انهارت هي عياط ونحيب عليها وعلي حظها الأسود نروح بقا لروسيا تاني غيرت منه هدومها وسرحت شعرها وخرجت نزلت المطبخ لقت جيك قاعد وقعدت قدامه علي كرسي وف النص بينهم طربيزة صغيرة
اتنهد جيك:بتحبيه
منه باحراج وتوتر:لاء طبعا ده زي بابا الله يرحمه
جيك بضحك:هو مش كبير اووي كده ده لسه شاب
منه بتسرع:بس هو ف مقام بابا مش اكتر وبعدين وظيفتي تجبرني اني اخاف عليه واحميه
جيك بابتسامه:دي مش وظيفتك انتي وظيفتك تخدميه وتشوفي محتاج ايه
منه بتغيير:انت ليك حد هنا
جيك بتفهم:لا او اه امممم بصراحة معرفش اصلي اتربيت ف ملجئ معرفش اهلي الحقيقين وانتي
منه براحة:انا بابا اتوفي من ١٠ سنين وماما اتوفت من اسبوعين وشوية ومعايا اختين أصغر مني بشتغل وبصرف عليهم
جيك بابتسامة: يكفي ان ليكي حد تتعبي عشانه
منه بضحك:هيجيلك يوم وتتعب عشان حد واتنين وتلات وأربع
جيك بضحك:وخميس وجمعه وسبت *فضلو يحكو ويضحكو لحد بعد ساعة حاتم رن الجرس جريت منه لفوق وخبطت
حاتم:ادخل
منه:تحت امرك
حاتم ببرود:صحيني بعد ٤ ساعات
منه:حاضر محتاج حاجة تاني
حاتم :لاء غوري
منه :تحت امرك *خرجت وردت الباب بغيظ ونزلت للمطبخ
منه :جيك انت هتفضل هنا لأمتي
جيك بضحك:لحد ما امووت
منه بشهيق:بعد الشر عليك متقلش كده انا قصدي مش هتمشي ولا تنام ولا وراك حاجة
جيك بضحك:لاء ليه
منه باحراج:طبب ممكن بعد ٣ ساعات تصحيني عشان اصحي حاتم باشا
جيك بحنية:تمم روحي نامي
منه بفرحة:شكرا ي جيك هردهالك وعد*وجريت لاوضتها وردت الباب واترمت علي السرير واتغطت بالبطانية ونامت براحه نوم عمييييق
