وقعت في جحيم قلبه ♥️
الفصل:الثامن
الكل شغال شغل من نار ومنه قاعدة ف ركن ف المطبخ وحاطة خدها على اديها بملل محدش راضي يخليها تساعد ف حاجة بأمر من سعاد هانم عدت ساعة وهي على الحال ده فجأه سمعت صوت الجرس قامت ناطة من مكانها وبصوت عالي
منه:أخيرا يارب ده انا حسيت نفسي خللت من القعدة الكل بصلها بصدمة بعدين فضلو يضحكو جريت هي للسلالم ووصلت قدام الباب وكانت خلاص هتخبط افتكرت النضارة ال كسرتها خافت وشها حمر تراجعت ف انها تخبط ضربات قلبها ذادت وقفت للحظات تستعيد قوتها سمعت صوت الجرس من تحت رن تاني خبطت بسرعة علي الباب
حاتم بهدوء:ادخل *فتحت الباب براحة ودخلت كان واقف ف نص الاوضة وحاطت ايده ورا ضهره وباصصلها اترعبت قربت شوية وهي باصة ف الأرض
منه بتوتر:تحت أمرك ي باشا *قرب منها بغيظ وهي تراجعت بخوف لورا لحد ما لصقت ف الحيطة وبينه وبينها مسافة صغيرة باصة لفوق لعل وعسي انها تشوف وشه وياريتها مابصت الشرار طالع من عنيه بصت بسرعة للارض
حاتم بعصبية وهو بيطلع النضارة المكسورة من ورا ضهره وبيحطها قدام وشها
حاتم بعصبية:ايه ال كسرها
منه بدموع:كنت بنضف الكوميدينو ووقعت مني من غير قصد واتكسرت
حاتم بصراخ:وقعت منك دي لو وقعت من الدور العاشر مش هتتكسر كده قولي الحقيقة مبحبش الكدب انطقي
منه بعياط وشهيق:ااا انا كننت بنضفف الكوميدينو وشفتها وعجبتني وطلعتها عشان اجربها وركنتها علي الطربيزه ونسيتها وانا وبنضف الطربيزه وقعت مني من غير قصد ومخدتش بالي ودوست عليها
حاتم بصراخ:ومين سمحلك تجربي حاجتي انتي جاية تشتغلي ولا تلعبي
منه بشهيق وعياط:انا اسفة مش هكررها تاني والله العظيم *بصلها بغيظ وسابها راح ناحية الدولاب اخد جاكت البدله ومشي لحد عندها ووقف وهو باصص قدامه
حاتم ببرود:جهزي نفسك خلال يومين هتسافري معايا برة مصر
منه بشهقة خوف:برة مصر طب لو رفضت
حاتم ببرود:تعتبري نفسك مطرودة وسابها وخرج
اول ما اتاكدت انه نزل نزلت جري للمطبخ تعيط وقعدت مكانها وفضلت تعيط الكل اتفزع عليها مسحت اديها مي من المية وشالت مريلة الغسيل وجريت عليها حضنتها بخوف وطبطبت عليها بشفقة
مي بحزن:مالك ي منه الباشا زعلك انتي عملتي حاجة
منه بعياط: اه كسرت النضارة من غير قصد
مي بحزن:فداكي مليون نضارة ي قلبي متعمليش ف نفسك كده كبري دماغك وفكك منه *فضلت تواسيها وتخفف عنها سعاد طبعا مش قعدة بعد خمس دقايق هديت منه
منه بحزن:خلاص ي مي انا كويسة روحي لشغلك ل سعاد هانم تضايق
مي بفرحة:حاضر ي منه قومي انتي بقا اغسلي وشك وفوقي وتعالي تاني واقرفينا بحكاياتك
منه بضحك:حاضر اغسل وشي وافضالكم *سابتها ومشيت علي اوضتها وهي بتفكر هتعمل ايه تسافر مكان متعرفهوش وناس غريبة ومع شخص أغرب ومتعرفش ايه نهاية السفرية دي ولا ترفض وتتطرد هي وأخواتها ومسيره عمهم ياخدهم عنده ويتبهدلو وأخواتها ميكملوش تعليم وهي تتجوز ابن عمها بالغصب فتحت الباب ودخلت وردته وراحت للحمام اتوضت وصلت ودعت ربنا انه ييسرلها طريقها ويرشدها للصح خلصت دعي وقامت شالت سجادة الصلاة قلعت الاسدال والطرحه ولبست جزمتها وجات تفتح الباب
غادة:منه مالك *لفت لورا وبصت لغادة وابتسمت
منه:ولا حاجة ي غادة
غادة:اصلك داخلة ومش حاسة بحاجة حوليكي هو حاتم زعلك ف حاجة
منه بغيظ:ايه حاتم دي هو بيلعب معاكي ف الشارع اسمها حاتم باشا متعكيش الدنيا
غادة بغيظ: يختي باشا علي نفسه *لقت منه أن الكلام معاها ملوش فايده خرجت وردت الباب وسندت ضهرها عليه بحزن كفاية البصة ف وش أخواتها كفيله انها تستحمل كل حاجة وتضحي بأي حاجة عشانهم هي الأخت الكبيرة هي ال تواسي وتطبطب وتابع وتشيل مسؤوليتهم وتيجي علي نفسها بس هي مين يطبطب عليها مين يشيل معاها مين يخفف ألمها ويشيل عنها همها نزلت دموعها مسحتها وراحت للمطبخ لقت سعاد واقفه جنب مي وبصالها الظاهر ان مي حكتلها قعدت منه مكانها قربت عليها سعاد وحطت كرسي جنبها وقعدت
سعاد بحنية:متزعليش ي منه هو بس تلاقيه متعصب وطلعهم فيكي
منه بشرود:مش ده ال شاغلني حاتم باشا طلب مني اني اجهز عشان هنسافر برة مصر خلال يومين
سعاد بفهم:هممم انتي قلقانه ليه حاتم باشا انسان محترم جدا هو عصبي شوية منظم شويتين بس مش لعبي زي مهند اديكي سمعتي لما واحدة من الخدم اشتكت للباشا ان مهند ضايقها راح حاتم باشا وداه السودان شهر بحاله ك عقاب ليه وجه مفحوم ومن وقتها حرم يضايق وحده
اتنتدت منه :طمنتيني ي سعاد هانم الموضوع ده كان فعلا شاغلني ولو كنت هروح هروح مكروهه يعني غصب عني
سعاد بضحك:طب خلاص يستي فكيها بقا وبعدين من هنا ورايح قوليلي ي طنت انا خلاص خدت عليكي
منه بضحك:حاضر ي طنت *الوقت عدي الساعة بقت ٢ الضهر ومنه قاعدة ف المطبخ مع مي بيحكو سوا عرفت منه أن مي معاها اخت اكبر منها ب ٣سنين واتوفت وهي حامل أثر ضرب جوزها ليها ضرب مبرح ف بطنها وراسها حزنت جدا عليها وعرفت ان معاها اخ صغير ف الاعدادي اكبر من غادة بسنه يعني حاليا هو بيمتحن ف٣ اعدادي بباها عاجز أثر وقعه غلط وهو بيشتغل ف البناء ضهره اتكسر ومحتاج عملية والعملية محتاجة فلوس كتيرة وهي حاليا بتشتغل عشان تصرف علي البيت قالت منه ف نفسها ال يسمع بلاوي الناس تهون عليه بلوته
منه:واخده فين العصير ده ي مروة
مروة:ل رحمة هانم*قامت منه من مكانها وخدت منها الصنيه
منه:هاتي انا هوديه
مروة بقلق:بس سعاد هانم منبهه علينا
منه بضحك:متقلقيش انا هعرف اتصرف معاها *خدت العصير وطلعت لفوق وخبطت علي الباب ال جنب أوضة حاتم
رحمة:ادخل *دخلت منه بوشها البشوش الطفولي وابتسامة هادية
منه بهدوء:العصير بتاع حضرتك ي هانم
رحمه بابتسامه:اي هانم دي قوليلي رحمة علي طول حطيه هنا علي الكوميدينو *حطته عليه بهدوء ووقفت جنبها
رحمه وهي قاعده علي السرير:اسمك إيه
منه:منه الله
رحمه براحة:الله اسمك جميل ي منه عندك كام سنة
منه بفرحة:عندي ١٨ وشهرين كمان هكمل ١٩ سنه
رحمة بسعادة:طب اقعدي واقفة ليه*قعدت منه قدامها علي السرير وبصتلها
رحمة:انتي شغاله هنا من امتي
منه بتسرع:من اسبوع كده
رحمة:جديدة يعني طب مامتك اختك الكبيرة اخوكي الكبير بباكي حد فيهم شغال هنا
منه بحزن:ماما وبابا اتوفو وانا اكبر واحدة ف اخواتي معايا اختين أصغر مني قاعدين معايا هنا بس مش بيشتغلو يعني
رحمه بحزن:الله يرحمهم طب انتو ممعكمش بيت يعني
منه بفهم:هنا احسن لان احنا بنات وصغيرين والناس مش بترحم ف حسبتها ولقيت هنا امان واضمن
رحمة بحزن:ياريت كنت زيك وبحسبها صح كده
منه بعدم فهم:قصدك ايه مش فاهمه
رحمة غيرت الموضوع:انتي مرتبطة
منه:لاء ولا ناوية... اعلم اخواتي البنات واجوزهم دي مسؤليتي وانا لازم اشيلها *كد ايه كبرت ف نظر رحمة كل ده يطلع من بنت صغيرة ضعيفة خدتهم الحكاوي والكلام استمتعت جدا رحمة بالكلام معاها تحس انك قاعد بتحكي مع طفل لذيذ مش بتزهق منه لحد الساعة ما وصلت ٥
منه بدهشة:ياااه الساعة وصلت ٥ انا محستش بالوقت انا اسفة الظاهر صدعتك بكلامي
رحمة بضحك:ده انا ال بشكرك انا كنت محتاجة حد زيك كده يخرجني ال انا فيه *قامت منه وانحنت بمنظر كوميدي
منه بضحك:تحت امرك ي حضرة الأميرة ف اي وقت تعوزيني هتلاقيني متلقحة تحت ف المطبخ فاضية مبعملش حاجة
رحمة بضحك: يابخت المطبخ والله
منه بضحك:ده تلاقيهم بيبوسو اديهم وش وضهر اني مختفيه اروح بقا اقرفهم سلام
رحمة براحة:سلام اشوفك علي العشا
منه وهي خارجة:عنيا
نزلت منه بحماس وهي بتنط سلمة وتسيب غيرها لحد ما وصلت للمطبخ وأول ما دخلت جريت للتلاجة وفتحتها
سعاد بضحك:متقلقيش وديتلهم اكل انتي كنتي مختفية فين دا كله
منه بفرحة:شكرا ليكي ابدا كنت مع رحمة بنحكي سوا
سعاد باستغراب:انتو اتصاحبتو بقا
منه بضحك:يعني حاجة شبه كده
مي بضحك:يبت اهمدي انا خايفة تطلعي ف الاخبار انك كسبتي جايزة نوبل ف ان العالم كله صاحبتيه
منه وهي بتطلع لسانها:ملكيش دعوه ي غيارة
مي بغيظ:بقا كده ي منه ماشي*وعملت نفسها زعلانه وبصت للمواعين ال بتغسلها جريت منه عليها وحضنتها
منه بتمثيل:انا اقدر علي زعلك ي مي ده اموت والله*ضحكت مي عليها وعلي برائتها
سعاد بضحك:بس ي بقاشة سيبها تخلص ال ف اديها
منه بفرحة:حاضر
سعاد:احتمال كبير شهاب بيه وزياد بيه يحضروا خلو اطباق ذيادة علي السفرة مي انتي ومنه هتكونو معايا جنب البشاوات عشان العدد كبير وممكن يحتاجو حاجة ابقي غيري بدلتك دي والبسي واحدة نضيفة وخدي دوش
مي بقلق:حاضر *طلعو البنات من المطبخ مع سعاد هانم
منه بفضول:هي ليه مروة وال معاها مبيتكلموش خالص يعني علي طول ساكتين
مي بفهم: يعني زي ماتقولي كده هما مش بيحبو الاختلاط جايين للشغل وبس عشان ميعملوش مشاكل
منه بتفهم:ااه طيب براحتهم*الساعة وصلت سبعة ونص الخدم جهزو كل حاجة ورصو كل مستلزمات العشا من اطباق وفوط...الخ علي السفرة سعاد ومنه واقفين علي الباب دقيقتين ودخل حاتم
حاتم بجمود:العشا جاهز
سعاد:ايوة ي باشا
حاتم:ابعتي حد ل رحمة قوليلها تنزل
سعاد:تحت امرك
حاتم ببرود:وانتي متجيش ورايا مش عاوز اشوف وشك
منه بدموع:حاضر*وسابها وطلع *طبطبت سعاد علي منه بحزن
سعاد:متزعليش هو شكله متعصب شويه
منه دموعها نزلت:اتعودت خلاص يعني مش اول مرة
سعاد بحنية:طب روحي اغسلي وشك واندهي رحمة هانم عشان العشا
اتنهدت منه:حاضر*سعاد راحت تعلم الخدم انهم يبتدوا يجهزو السفرة وغسلت منه وشها وطلعت لفوق راحت عند أوضة رحمة وخبطت
رحمة:ادخل *دخلت منه وردت الباب وشافتها وشها احمر
منه بخضة:انتي بتعيطي ليه حد زعلك حاتم باشا اكيد السبب
رحمة بضحك:لاء ليه كده ده ابيه عمره ما زعلني هو قاسي مع الكل إلا معايا قلبه ابيض وطيب اووي علي فكرة بس الظروف خلته قاسي كده
اتنهدت منه:هو كويس اووي لل مش بيخالف اوامره او مبيغلطش ولل مش بينسي بس ال غلط حتي لو كان غصب عنه بيتعاقب نفس عقاب ال غلط قصدا*كلامها صح او بالأصح فوق رحمة ابيه حاتم مبيرحمش بيدلع ويطبطب لكن عند الغلط مش بيشوف قدامه قلبها بينزف يتري لو عرف هيعمل ايه فيها كده كده هيعرف هي حكاية وقت مش اكتر
منه بمشاورة:روحتي فين ي رحمة ليا ساعة بنده يلا لحسن زمانهم حطو الاكل
رحمة بحزن:انزلي انتي وانا جايه وراكي
منه باستغراب:حاضر متتاخريش سلام
رحمة:سلام *طلعت منه من اوضتها وهي ماشية باصة ف الأرض بتكلم نفسيها:يتري مالك ي رحمة ايه سبب الحزن ال ف عنيكي ده و آآآآه هااا انا اسفة مقصدش مخدتش بالي *خبطت ف حاتم ال كان خارج من اوضته بصلها ببرود
حاتم ببرود:وأنتي من امتي بتاخدي بالك بعدين مال رحمة سمعاكي بتجيبي ف سيرتها
منه بتوتر:ابدا ولا حاجة بس الظاهر انها تعبانة من السفر شوية
حاتم بعدم اقتناع:متدخليش ف ال ملكيش فيه خليكي ف نفسك *وسابها ونزل كان نفسها تزقه برجلها بس مكنش هيأثر فيه اتنهدت بغيظ ونزلت وراه هي راحت للمطبخ تساعد ف اي حاجة وحاتم راح للرسبشن قعد فيه بعد ١٠ دقايق الكل كان متجمع علي السفرة حاتم ومهند وشهاب وذياد ورحمه ف وسط الاكل
حاتم: شهاب انت هتقعد هنا تدير شغلي بدالي لحد ما أرجع
شهاب ب ايماء:حاضر ي حاتم
حاتم ببرود:مردتيش عليا هتيجي ولا اشوف غيرك *كان بيبص لمنه ال اتصدمت من سؤاله
منه بتوتر:هروح ان شاء الله
مهند بفرحة:هتطولو هناك صح
حاتم بتحذير:شكوي واحدة بس ومن غير ما اتأكد هتروح سوريا زي ما وعدتك
ذياد بضحك:ونبي من دلوقتي وديه وانا ال هشتكيلك منه
شهاب بضحك: هو ال جايبه لنفسه
مهند بزعل: تعمل فيا كده ي أبيه ده انا اخوك الوحيد ي راجل
حاتم بتحذير:ده اخر تنبيه ليك سامع
مهند بخوف:حاضر ي باشا انا هبيت ف الجنينه وهقعد ف عشة الفراخ الم البيض ف النهار حلو كده*الكل فضل يضحك ورحمة بتدعي الفرح والضحك قدامهم ومي فطسانه ضحك هي ومنه مع بعض الاكل خلص السفرة اتلمت قعد شهاب مع
حاتم ف المكتب نص ساعة يحكو ف الشغل وذياد ف الجنينه مع مهند بيتونسو ورحمة طلعت نامت علي طول عند مهند
ذياد:مين البنتين الحلوين ال كانو حاضرين العشا معانا
مهند بلؤم:دول خدامتين جداد بس اية صواريخ
ذياد بضيق:يعم اتلم ترضاها لاختك
مهند بضحك:اومال بتسأل ليه ي حضرة الشيخ عليهم
ذياد بإحراج:ابدا بس يعني وجة جديد وسنهم صغير
مهند بلؤم:واحدة متجوزة والتانية هبلة صعبت عليا ف بعدت عنها
ذياد باستفسار :مين ال متجوزة
مهند بلؤم:القمحاوية شوية بس ايه عليها عود وجمال شرقي أصيل ياراجل تقاطيع وشها تحسها مرسومه
ذياد بتفكير:هي ماشاءالله عليها جميله جدا امممم والتانية ال طلعت هبلة وصعبت عليك والدور ده مش خايل عليا اشجيني
مهند بغيظ:دي شغالة حاتم ارتحت
ذياد بضحك:قول كده بلاش صعبت عليك انت صعبت عليك نفسك لو حصلك حاجة بسببها حاتم هينفخك
مهند بتمثيل:قاسي اووي حاتم ده
ذياد بضحك:بالعكس ده انسان كويس اووي*قضو حوالي ساعه من الكلام والمناغشة خد ذياد عربيته ومشي وهو ف الطريق لقي بنت ماشية وحدها وقف عربيته جنبها
ذياد بخوف:انتي بتعملي ايه هنا
مي بقلق:ابدا مروحة خلصت شغل*عرفها ذياد دي ال كانت واقفة جنب سعاد ف العشا
ذياد بحنية:طب اركبي هوصلك الطريق ضلمه وصعب تلاقي مواصلات دلوقتي
مي بخوف:لاء شكرا انا متعوده
ذياد بغيظ:اركبي والله مهعملك حاجة هوصلك للموقف وبعدين روحي *بصت مي حوليها بتفكير وبعدين ملقتش فايده وركبت ورا ردت الباب واتحرك ذياد بالعربية
ذياد بفضول وهو باصص ف المراية:انتي بتروحي لوحدك ف الضلمه دي
مي بقلق:مش ديما سعاعات بنبقي كذا واحدة ونمشي سوا لكن شغل النهاردة كان كتير والباقي مشيو وكده
ذياد بتفهم:همم ربنا يكون ف عونك انتي معاكي اولاد
مي باستغراب:انا مش متجوزة
ذياد بدهشة:مش متجوزة اومال مهند قالي انك متجوزة
مي بخوف:انا بصراحة مفهماه كده عشان بس مهند بيه بيحب الهزار ذيادة وانا جاية للشغل ارجوك متجبلهوش سيرة
ذياد بتفهم:حاضر *الطريق كله ساكتين وصلها للموقف شكرته مي وركبت الأتوبيس وروحت ف منطقة شعبية بقا ف مدينه الاقصر ف احد قراها شوية شباب قاعدين سوا ف حته فاضية وسط الجبال محاوطين النار ال مولعينها
محمد:ياراجل اجمد مش كده بكرة تتجوز ست ستها
سيد:دي باعتني انت عارف زمنها دلوقتي فحضن واحد غيري
اشرف بضحك:مش حضن غريب ي عسل ده حضن جوزها انت اتجوز وغيظها بقا
سيد بحزن:مقدرش مش قادر انساها هظلم نفسي وهظلم ال هتجوزها معايا
محمد بلؤم:طب جرب البرشامه دي هتنسيك امها يلا
سيد بتردد:لا ي صحبي انا مليش ف الكلام ده وانت عارف
اشرف بلؤم:ياراجل مقولناش خدها علي طول انت جرب ولو معجبتكش متخدش تاني مش هتخسر حاجة يعني *اتردد
سيد بس كل ما يفتكر حبيبته رهف ال باع الدنيا عشانها ورفض أهلها ليه وجوزوها واحد غيره خلت دمه فار خد
البرشامة وبلع وراها خمرة وعدا اليل منهم حزين ومنهم مشغول ومنهم مهموم ومنهم ندمان ويطول الليل مع كل شخص منهم زعلان لكن مسيره النهار هيطلع والشمس هتشرق وتنور كل الأركان
