وقعت في جحيم قلبه ♥️
الفصل:السادس
مهند ف الطريق:ساكنه فين
نورة بجمود:ف سيدي جابر *اتنهد مهند ومد ايده وولع مزيكا اغنية تملي معاك لعمر دياب وفضل يغني مع الأغنية قال يعني صوته حلو مدت نورة اديها وطفت الكلاسيك بصلها بغيظ وسكت بعد ٣ دقايق
مهند: مامتك معاكو ف القلعة
نورة بحزن:اتوفت من اسبوع
مهند بدهشة:البقاء لله
نورة:سبحان من له الدوام
اتنهد مهند:وبباكي فين
نورة :متوفي من ١٠ سنين
مهند:ملكومش عمام ولا خيلان ولا حد
نورة بجمود:لاء*شفق عليهم بنات محترمين ملهمش حد ف الدنيا لقمة طريه للرايح وال جاي بعد ربع ساعة وصلو للشارع ال ساكنه فيه شاورتله لبيتها دخل بالعربيه الفخمة ووقف قدام البيت نزلت هي وراحت فتحت الباب بالمفتاح ودخلت
نورة:مشمش ي مشمش بسسس تعالي هنا معلش نسيناك *وشالته بفرحة وقفلت الباب تاني بالقفل وطلعت حطته ف العربية ولسه هتركب لقت حد مسكها من شعر راسها جامد
جبريل:مين ده يبت الجزمة ال بتتسرمحي معاه وفين باقية اخواتك ي*****
*نزل مهند بصدمه من العربية ومسك ايده ال ماسك بيها شعرها وشالها واداه بالبوكس
مهند بزعيق:انت مال اهلك بيها مين انت عشان تعمل كده
جبريل بخوف:انا عمها ومن حقي اعرف هي بتلف علي شعر راسها فين هي وباقية الفرقة *بصلها مهند بصدمة وغيظ وبعدين بص لعمها
مهند بزعيق: هي وباقي أخواتها شغالين ف قلعتي قلعة إبليس عشان يصرفو علي نفسهم وحسك عينك تقرب من حد فيهم وإلا وربي وما اعبد لوديك ورا الشمس ومحدش يعرفلك سكة ....وانتي اركبي العربية *قالها بعصبية وركب عربيته ومشي بسرعه والناس عمالة تتمطق وتخبط ايد علي ايد مهند جسمه كله اتشنج عروقه باينه النار بتطلع من عنيه ماشي بسرعه ونورة حاطة اديها علي قلبها وبتتشاهد بعد عشر دقايق كانوا ف مكان فاضي قفل عربيته وهما جواها بصلها بعصبية
مهند بهدوء: ١ مبحبش الكدب ٢ بردو مبحبش الكدب و٣ زيهم ايه ال خلاكي بقا تكدبي
نورة:حاجة متخصكش رجعني القلعة
مهند بتحذير:لو منطقتيش هرجعك ليه وهتاكد انك تفضلي مربوطة بيه
نورة بضيق:هقول بس مش عشان بتهددني لاني مبتهددتش بس عشان اخلص من زنك..... بعد وفاه بابا عمي عرض علي امي نروح نسكن عندهم ف بيت العيلة رغم انها كانت رافضة بس عمي وجدي أصروا بكده وقالو ان احنا ولايا ومينفعش نقعد وحدنا روحنا عندهم وشفنا كل أنواع الذل امي كانت تصحي من الفجر عشان تشتغل ف الارض والبهايم وفلاخر كوباية لبن لكل واحدة وجبنه قديمه محدش بيدفع قرش ماما معترضتش وقالت طلاما وسط ناسنا هنتحاما فيهم محدش يقدر يهوب جنبنا لكن ابن عمي ال لسه يمقابل ابوه ده غلس علي اختي ولما ماما عرفت رفضت تقعد معاهم دقيقة تاني ورجعنا اسكندرية وعشنا مرتاحين لحد ما ربنا خد أمانته جه عمي وولده رابع يوم بالضبط عاوز ياخدنا مرضيناش نروح معاه وهددته بالسكين ليلا ما مشي عشان كده مش عاوزين نرجع البيت مش هيسيبنا ف حالنا
مهند بحزن:ومقولتيش ليه
نورة بغيظ:واقولك ليه خليك ف نفسك
مهند بضحك:يخربيت مزاجك يبت اثبتي علي ملة الواحد مش عارفلك قلبه من عدله*ربعت اديها وبصت للشباك ضحك عليها ومشي بعربيته رجع القلعه اول ما وصلو نزلت وخدت مشمش وخدها معاه من الباب الرئيسي ودخلو جريت بمشمش علي اوضتها ودخلت وردت الباب
غادة بفرحة:مشمش حبيبي وحشتني معلش ي غالي اتنسيت شوية*قالتها وهي حضناه بتبوس فيه
نورة:يعععع احضنية ماشي لكن تبوسيه
غادة بتطلع لسانها:ملكيش دعوة المهم لحقتي روحتي وجيتي حد وصلك
نورة بتوتر:اه عم عبدو وصلني *وسابتها ودخلت الحمام ف المطبخ مي بتلف شاش علي صوابع منه بحزن
مي:مش تاخدي بالك ي منه ده كلام
منه بحزن:انا مش عارفة اخد ببالي من ايه ولا ايه ولا ايه
سعاد اتنهدت:طب خدي دول مرتب اول الشهر وهتاخدي زيهم اخر الشهر مش ف نصه
منه بذهول:كام دول
سعاد:٦٠٠٠ جنيه
منه باستغراب:بس كتير اووي المبلغ ده
سعاد:الباشا عاوز يريحك عشان تكوني امينه وصادقه ومجتهده ف شغلك عشان لما تغلطي يعاقبك وهو مش ندمان نهائي
منه باستغراب:بيشتري امانتي وصدقي بفلوسه وحتي لو كان مفيش فلوس انا مبخونش ولا بغدر ده مش طبعي ولا ربايتي
سعاد براحة:انا متأكده بس خدي حذرك الشغلانه ال انتي فيها مش سهلة خليكي ديما كده نقيه واصيله
سعاد بتذكر:صحيح ي بنات فيه عقد ضايع مني محدش شافه *برقت منه بعنيها قدامها وبعدين رجعت لهدوئها
مي:لا والله ي سعاد هانم مشفتهوش
منه بتوتر:ولا انا مخدتش بالي منه هو غالي ولا اية
سعاد بلا مبالاه:لاء ده فالصو بس غالي عليا شوية مش مشكله*وسابتهم ومشت طلعت منه وراها علي طول وجرت لاوضتها فتحت الباب وجريت للسرير ورفعت جزء من المرتبة اتصدمت مدت اديها واتلافت العقد ونزلت المرتبه تاني وهي باصة للعقد بذهول
نورة باستغراب: مالك واقفة كده ليه وعقد مين ال ف ايدك ده
منه بخوف:بتاع سعاد هانم الظاهر اني اخدت علي المكان بسرعة دي ليله واحده بيتها هنا
نورة وغادة بذهول:ينهار اسود انتي لحقتي
منه باصرار:نورة انتي هتقفلي الباب بالمفتاح سمعاني
نورة بحزن:حاضر *خرجت منه بالعقد وردت الباب وراها وراحت لاوضة سعاد هانم وحطته قدام الباب ومشت للمطبخ وقعدت علي الطربيزة
مي باستغراب:روحتي فين بالسرعة دي
منه بتوتر:روحت الحمام وجيت صحيح فكرتيني اروح اغير فرش السرير بتاع حاتم باشا *وسابتها وطلعت لفوق فتحت الباب ودخلت غيرت فرش السرير ولمت هدومه الموسخة وروقت المكان وخدت الفرش والهدوم ونزلت ادت الفرش للخدامين يغسلوه وغسلت هي هدومه وكوتها وطلعت فوق حطتها ف الدولاب ومسحت الحمام وزقت الصبار ولمعت البلكونه وعفش الاوضة وعطرتها وخرجت وردت الباب الكل اتلهي ف مصالحه لحد الساعة ما بقت ١ الضهر رجع حاتم من بره ودخل القلعة وطلع علي طول لفوق طلعت وراه بخمس دقايق منه وخبطت
حاتم:ادخل *فتحت الباب ودخلت كان قاعد علي السرير وماسك راسه بإديه واضح انه مصدع
منه بجمود:محتاج حاجة يا باشا
حاتم بهدوء: تصحيني بعد ٥ ساعات
منه باستغراب:تحت امرك ي باشا حاجة تاني
حاتم:غوري
منه:حاضر *وخرجت وردت الباب بغيظ ونزلت دخلت المطبخ وقعدت علي الكرسي جنب الطربيزة وسندت رأسها علي اديها واتنهدت بغيظ وطفولية
مي بضحك:يبقي خدتي كلمه ف جنابك
منه بضيق:مفيش غيري ال بيطلع مشاكله عليا
مي بضحك:عشان انتي الشغاله بتاعته
مهند وهو بيدخل المطبخ
مهند بضحك:لو كنتي بقيتي الشغالة بتاعتي كنت ريحتك *لوت مي بقها وبقت تلم المواعين جاب مهند كرسي وقعد جنب منه
مهند بتمثيل:عملك ايه الود حاتم الوحش ده
منه بزعل:ديما بيزعق فيا بسبب او من غير سبب كل شوية غوري غوري غوري وانا اقوله حاضر تحت امرك انا زهقت والله
مهند بتمثيل:معلش ي منه منتي لو تعرفي ماضي حاتم وايه وصله لكده كنتي قدرتي ال هو فيه
منه بفضول:ليه حصل ايه *مي مركزه معاهم وهي كمان عاوزة تعرف وطي مهند بلؤم علي ودن منه وفضل يوشوشلها حوالي ٥ دقايق ومنه دموعها نازلة وبتشهق
مهند بتمثيل:وعشان كده هو بقا كده بس متجبيش سيرة لحد والا الموضوع ده فيه رقاب هتطير
منه بعياط:من غير ما تقول والله ربنا يكون ف عونه ده ال مر بيه صعب اووي واستحاله حد يتحمله
مهند بتأثر وتانيب ضمير:ياااه ي منه لو كل الناس زيك كده طيبه وخصوصا اختك العقربة دي
منه باستغراب:اي واحده فيهم
مهند باستغراب:هو انتي معاكي حد غير نورة
منه:اه معايا غادة ف الاعدادي
مهند بتفكير:هممم قولتيلي طب سلام بقا هلحق اريح شوية
منه: مش هتتغدي
مهند بتمطع:لاء كلت برة *وسابهم وخرج جريت مي عند لؤة وقعدت جنبها وبصتلها
مي:كان بيهمسلك باية ده كله
منه بحزن:سامحيني ي مي مش هقدر اقولك دي امانه*لوت مي بقها وقامت تكمل شغل راحت منه لاوضتها ودخلت وردت الباب
منه:غادة اطلعي برة ف جنينه الخدم عاوزة نورة ف كلمتين
غادة بعند:لاء هتحكو ف ايه من ورايا
منه بعصبية:غادة قومي واسمعي الكلام
غادة:اوووف حاضر*خرجت غادة وردت الباب وراها بصت نورة لمنه باستغراب قربت منه جنبها وقعدت
اتنهدت منه:نورة انتي قابلتي مهند كام مرة
نورة بتوتر:ليه يعني وبعدين ايه قابلته دي هو ال بيطلع ف وشي
منه:طيب احكيلي بالتفصيل ايه حصل لما شوفتيه*اتنهدت نورة وحكت لاختها كل ال حصل
منه بشهق:هاااا وبعدين حصل ايه
نورةبحزن:مسكه مهند وضربه وبعدين ركبت العربية ورجعني وف نص الطريق رفض يتحرك غير لما يعرف حكاية عمي وحكيتله كل حاجة
منه بحزن:مكنش ينفع تحكيله حاجة دي مشاكلنا احنا الخاصة مفروض مندخلش حد غريب وسطينا
نورة بدموع:كنت مخنوقة ومحتاجة احكي انتي ديما شغالة مش فاضية وانا بين اربع حطان بمووت من جوايا وانتو مش حاسيين*منه حضنتها بعياط
منه:عارفة ي نورة حاسة بيكي والله كلنا كده مش انتي بس لكن هنعمل ايه قدر ربنا نحمده ونشكره على كل حاجة *فضلت تواسيها وتخفف عنها وتمتص حزنها طب وهي مين يطبطب
عليها اتمنت للحظة انها متكونش الكبيرة اتمنت ان يبقا ليها اخت اكبر منها تحتويها زي ما هي بتعمل مع اخواتها*ريحت ساعتين وبعدين صحيت راحت المطبخ جابت اكل لاخواتها
وتغدو سوا ولمت الاكل وراحت ودته المطبخ لقت سعاد قعدة بتتغدي مع مي غسلت هي المواعين رغم ان مي عارضت كده خلصو سعاد ومي اكل ونضفت مي المكان وقعدو يحكو
سعاد بدهشة:اسكتوا مش لقيت العقد لقيته قدام الباب معرفش ايه وداه قدام الباب
مي باستغراب:يمكن حد سرقه وخاف ليتكشف ورجعه تاني
منه بتوتر: م سعاد هانم قالت ان العقد فالصو واكيد ال اخده عرف انه فالصو ورجعه*هزوا سعاد ومي رأسهم مقتنعين بفكرتها
سعاد بتفكير:بس كده او كده فيه حرامي ف القلعة لازم يتعرف*غيرو السيرة ومنه كانت مرعوبه عدت ساعة ونص وقفت منه
منه:اروح اصحي حاتم باشا عشان ده معادو صح ي سعاد هانم هو حاتم باشا بتصحيه ازاي
سعاد باستغراب:ليه
منه بخوف:خايفة اصحية بطريقة غلط يقوم يحدفني من البلكونه
سعاد بضحك:يخرب بيت مطنك ي منه انتي مشكله خبطي بس وبعدين افتحي الباب لو رد يبقي صحي مردش وده نادرا ابقي اندهي عليه براحه
منه بقلق:لا هيرد من اول خبطه ان شاء الله *طلعت منه لفوق ووقفت قدام الباب وخبطت مردش خبطت تاني مردش فتحت الباب براحة ودخلت نورت النور لقته نايم وعرقان وبيهلوس كلام مش مفهوم
منه بخوف:الظاهر بيشوف كابوس*قربت منه وهي بتنادي لحد ما وصلت جنبه مدت اديها ولمست دراعه
منه بخوف:حاتم باشا فوق حا ااااه *مسكها جامد من اديها وحط المسدس ال كان تحت مخدته علي راسها
منه بعياط:دي انا منه والله العظيم *اتنهد براحة وسابها وشال مسدسه ف الدرج وقعد علي السرير ومسح بايده وشه
حاتم:اعملي فنجان قهوة
منه بخوف:مش هتتغدي*بصلها بصة خلتها خرجت وردت الباب ووقفت تاخد نفسها ونزلت تعمل القهوة قام حاتم اخد دوش وغير هدومه وطلع لقاها واقفه وماسكه القهوة دخل البلكونة دخلت وراه
حاتم:حطيها هنا *وشاورلها جمبه علي البلكونه حطتها ورجعت لورا وهي باصة ف الأرض
حاتم بجمود وهو باصص للبحر قدامه:افتحي دورج الكوميدينو هتلاقي شكولاته خديها
منه بدهشة وفرح:بجد *وراحت للكوميدينو وفتحته لقت كيس شكولاته كبير وباين عليه غالي خدته ورجعت تاني عنده ووقفت جنبه بصتله بفر
منه ببرائة:دي ليا لوحدي
حاتم بغيظ وهو باصص قدامه:لاء للقصر كله خديها وغوري من وشي
منه بفرحة:شكرا ي حاتم باشا *وجريت لبرة وردت الباب اتنهد بجمود وطلع سيجارته وولعها وهو باصص للبحر فتح موبايله لقي رحمه رنت عليه ٥ مرات رن عليها
رحمه بخوف:الووو ازيك ي ابيه وحشتني اوووي
حاتم بابتسامه:ازيك انتي ي حيوانه عاش من سمع صوتك
رحمه بتمثيل:كويسة ي ابيه مشغوله والله
حاتم بشك:صوتك مش عاجبني مالك
رحمه بتماسك:ابدا بس اخدت دور برد وبعدين مزنوقه ومحتاجاك جنبي
حاتم بدون تردد:خير ي رحمه اطلبي ال عوزاه محتاجة فلوس
رحمه بتردد:اه محتاجة ٢ مليون جنيه
حاتم باستغراب:دلوقتي يكونو عندك بس ليه المبلغ ده
رحمة بكدب:اصلي هبيع المعرض وهفتح واحد غيره اكبر واحسن يعني ذي ما تقول مشروع جديد
حاتم براحة:هبعتهملك حالا وفوقيهم ذيادة لو احتاجتي
رحمه بدموع:شكرا ي ابيه ربنا يخليك ليا
حاتم بحنيه:خلي بالك من نفسك مع السلامة *وقفل وهو قلقان هو قفل من هنا وعيطت رحمه فحضن شيماء من هنا وهي بتحاول تواسيها علي المصيبة ال هي فيها
