وقعت في جحيم قلبه ♥️
الفصل:السادس عشر
بقلم ايمان هشام
يوسف بقلق:في ايه ي ماما صوتك عالي ليه
مامته بخوف:اخوك مبيردش عليا شوفو ليكون عمل ف نفسه حاجة ي ولدي
اخوه بقلق:حاضر متقلقيش *خبط جامد وفضل ينادي بصوت عالي دب الرعب ف قلبه رجع خطوتين وزق الباب ب كتفه اليمين الباب اتكسر دخل وأمه دخلت وراه شافوها سيد واقع علي وشه ف الارض جري عليه اخوه وعدله بفزع
اخوه برعب:سيد ي سيد *لحظة هدوء صدمه جسمه تلج شفايفه زرقه مخلوطه بسائل ابيض لزج
امه بصراخ:والدااااااااي*صراخ لطم عياط دموع وبتشد ف شعرها اخوه حاضنه جامد وبيعيط بنحيب وصراخ الناس اتلمت عليهم بخوف وفضول ف ناحية تانية واحد جاي يجري وهو ماسك طرف جلبيته بفزع وفضل يصرخ
الغريب: يانااااس علي الشافي اتقتل علي الشافي ال واخد بت الحج احمد جوهري اتقتل المنطقة اترعبت الكل عارف ان النار قامت الكل خايف وبقا يخبط علي اديه بقلق فيه حرب جايه والدم ميغسلهوش غير الدم.....عند رهف
احمد بباها:اسمع ي صابر هتاخد اختك وامك وتطلع علي مصر لحد ما الأمور تهدي ونشوف الوضع هيثبت علي ايه
صابر برفض:لاه يبوي انا هفضل جنبك خلي وليد يروح معاهم هو أصغر مني وراجل يسد عين الشمس
احمد بزعيق:انت هتنفذ ال بقولك عليه مترجعش غير لما اقلك فاهم
صابر بخضوع:حاضر ي ابوي ال تشوفه
مامتها بخوف وعياط:طب ورهف هناخدها ازاي اديك شايف اعصابها تعبانه دي الدكتور ديما بيديها مهدئات عشان تنام
احمد بهدوء:هشوف حل روحي جهزي نفسك ولموا حاجتكم.....*نروح ل إيطاليا شوية ف قصر كبير قاعد ف البهو علي كرسيه بيشرب دخل واحد من الحرس ووقف قدامه
الحارس:سيد جيمي لقد اتي من تنتظره
جيمي بلؤم:ادخله*دخل راجل كبير ف السن بس باين عليه المكر
العجوز:مرحبا سيد جيمي كيف حالك
جيمي بهدوء:ادخل ف صلب الموضوع لا احب الثرثرة
العجوز بمكر:اعتقد ان حاتم لديه قطه صغيرة
جيمي بتركيز:أين ومن
العجوز بابتسامه شر:لكل شئ ثمن
جيمي بلؤم:كل ما تريده لكن أخبرني من هي
العجوز:خادمته الجديدة صغيرة جدا ف السن لكن من الواضح انها تهمه *رجع جيمي ضهره لورا بتفكير لا يبشر بالخير وهو مبتسم بشر
جيمي بفحيح:أخيرا ي حاتم لقد انتظرت كثيرا لكن لا مشكله لقد حان وقتك...* نروح ل مصر ف القلعه حاتم نزل لتحت حست بيه منه قامت من مكانها وطلعت من المطبخ وقفت بعيد بتراقبه بهدوء عكس ال جواها أبتسم حاتم بلؤم وهو لابس نضارته السوده خرج من باب القصر ركب عربيته ومشي اتنهدت منه باضطراب قلق رجعت للمطبخ خدت فطار وراحت لاوضة أخواتها دخلت وردت الباب لقت نورة واقفة وحاطه اديها ف نصها وبصالها بغيظ وغاده قاعدة علي السرير ومربع اديها وبتحاول تقلد نورة وتبص ل منه بغيظ
منه بتهرب:فيه اي مالكم عاملين كده ليه
نورة بهدوء:اطلعي برة ي غادة
غادة بتقليد:اطلعي برة ي نورة عاوزه احكي مع منه ف كلام سر
نورة بعصبية:غادة
وقفت غاده:ايه حصل انا عارفة هتحكو ف ايه هتزعقي لمنه عشان هي بتحب حاتم
ونورة بزهول:ايييه مين قالك الكلام ده
غادة بغيظ:محدش قالي دي حاجة بتتشاف وبتتحس شغلي مخك شوية
نورة بصدمه:انتي يبت مين قالك الكلام ده اكيد مهند الكلب
غادة ببرائة:متقوليش علي نودي كده مش هو ده جيك صاحب منه هو ال قالي
منه بصدمه:جيك....معلش ي غادة عشر دقايق بس وتعالي
غادة بغيظ:اووف حاضر طالعة *خرجت ورزعت الباب بصت منه ل نورة ال مربعة وبتهز رجلها بعصبيه
منه بهدوء:من غير لف ودوران اه بحبه ازاي أمتي ليه معرفش
نورة بصدمه:انتي هبله ده دا كبير عنك وبعدين مد ايده عليكي وعلامات ضربه لسه موجوده علي جسمك منه انتي ايه بالنسباله ....خدامته مش اكتر حاولي تشيلي الفكرة دي من دماغك عشان متتعبيش
منه بدموع:بس هي مش ف دماغي *قربت نورة وخضنتها بحزن عيطت منه الباب خبط جامد دخلت سعاد بتنهت
سعاد بخوف:عمك هنا ومعاه الشرطه
منه بفزع:اييييه*..........ف شقة شهاب
رحمه بحزن:شهاب عشان خاطري فكر شوية حاتم عصبي ومش هيدينا فرصه نوضحله خليني انا اروح الأول اتفاهم معاه
شهاب بهدوء:زي ما اختفينا سوا هنظهر سوا ي رحمه انا ال طالبه منك انك تثقي فيا مش هسمحله انه يعملك حاجة انتي زي اختي بردو
رحمه بقلق:تمم براحتك*خرجو من شقتهم ونزلو ركب عربيته وجنبه رحمه ال وشها قلب الوان اتحرك ب عربيته للعنوان ال أداه ل حاتم .....ف كافيه علي النيل حاتم قاعد بهدوء شرب فنجان قهوة ساده وباصص للنيل بشرود دخل شهاب برعب ووراه رحمه مستخبيه الكافيه فاضي خالص الواضح انه أجره خاص ليه انهاردة قام حاتم قلع ساعته وقف شهاب بعيد شوية
شهاب بخوف:حاتم اهدي عشان نتفاهم
حاتم ببرود:سامعك اشجيني ي صاحبي*شمر كم قميصه بعد ما قلع جاكت البدله قرب علي شهاب ال تراجع خطوتين لورا
شهاب برعب:هي مظلومه ملهاش ذنب *خد لكمه قوية خلته ينزف دم صرخة رحمه برعب وعياط
رحمه بترجي:ونبي ي حاتم هو ملهوش ذنب*بصلها حاتم وعينه سودت كشت ورا شهاب
شهاب بألم: هي ضحية ي حاتم *لكمة تاني اقوي من ال قبلها وقع شهاب علي الارض قرب حاتم من رحمه ال بتعيط وتتنفض مد ايده ومسكها من شعرها جامد
رحمه بصراخ:ونبي ي حاتم انا معملتش حاجة ابوس ايدك اسمعني الأول *قلم واحد كسرلها مناخيرها شهاب وقف ف النص وضرب حاتم بالبوكس تراجع حاتم بعصبيه وغضب
شهاب بزعيق:خلينا نحكي لو حدنا عشان متخسرهاش صدقني انت ال هتندم *بصلها وبصله بغيظ شاورلها شهاب تقعد بعيد عنهم رجع حاتم لكرسيه وقعد بهدوء راح شهاب لرحمه وطلع منديل حطهولها عشان النزيف ورجع لحاتم قعد قصاده
شهاب بحزن:رحمة ضحيه أعمالنا ي حاتم
حاتم باستغراب:مبحبش الالغاز اتكلم
اتنهد شهاب بألم:جيمي ال ورا الموضوع ي حاتم *هدوء للحظات جسمه اتشنج عينه دمعت وشه حمر وقف حاتم بجمود وقام شهاب بقلق وبعد شوية زق حاتم الطربيزة بايده لبرة كسرت الازاز ووقعت ف النيل تحت قامت رحمه برعب وتراجعت فضل حاتم مديهم ضهره وهو حاطت ايده ف جيبه وباصص للنيل لدقايق ورحمه بتعيط وتتنفض قربت منه وهي سلمت أمرها لله مدت اديها علي كتفه
رحمه بشهيق وعياط:حاتم سامحني غصب عني والله العظيم اقتلني وانا مسمحاك *مسك اديها وشدها قدامه بصتله بألم دموعه نازله حضنها جامد وهي تعيط
حاتم بدموع وصوت مبحوح:انا اسف حقك عليا انا عمري ما هسامح نفسي ي رحمه سامحيني*.......ف القلعة ركبت منه وأخواتها البنات العربية مع عمهم بحكم قانوني غصب عنهم غاده تعيط ومنه دموعها نازله ونورة هاديه اتحركت العربية بيهم
عمهم بشماته:كنتو فاكريني اهبل مش هعرف اجيبكم تبقوا اغبية ده انتو لو ف بق الحوت هوصلكم الشرقيه مستنياكم ولد عمك مستنيكي ي منه بفارغ الصبر ....*حسرة عياط نحيب ألم بس جواها مش موضحه عشان أخواتها ال فيهم ال مكفيهم هما مين وليهم مين ولا حد مش محسوبين ضمن ال بني ادمين ال عايشين يعني لو حد قتلهم محدش هيسأل فيهم يرتضوا بالواقع ويتحملوا مفيش قدامهم غير كده
مهند قاعد مع ذياد ف النادي وساكت
ذياد بقلق:ايه في اخبار جديده
مهند بهدوء:حاتم رجع
ذياد بسعادة:الحمد لله ..ورحمه جات معاه*قالها بقلق
مهند بهدوء:لاء بس هي ف امان
ذياد باستغراب:انا مش فاهم حاجة
مهند بلا مبالاه:خليك انت ف نفسك ي بتاع مي
ذياد بتوتر:مي مين
مهند بغيظ:مي ال كل يوم تيجي تشوفها بحجة انك بتزورني مقضيها نظرات انت وهي وانا عامل نفسي مش واخد بالي لاني كنت مشغول ذياد انا مسمحش بكده مي متجوزة وعندها بيت يعني انت يوم ما اتنيلت وقعت وقعت علي واحدة متجوزة
ذياد بهدوء:مي مش متجوزة ي مهند
مهند بصدمه:ايه
ذياد بضحك: هي قالتلك كده عشان تسيبها ف حالها البت جاية تسترزق مش تلعب
مهند بخبث :وانت عرفت منين بما انها جاية تسترزق
ذياد بغيظ:ملكش دعوه وسيبها ف حالها تعرف ي مهند لو اشتكت منك هعمل فيك ايه
مهند بزعيق:هتعمل ايه
ذياد بتمثيل:هعيط *فضلو يضحكو رن موبايل مهند
مهند باستغراب:الو خير ي سعاد
سعاد بصوت مبحوح:الحق ي مهند بيه منه وأخواتها جه عمهم ومعاه شرطه اخدوهم غصب
مهند وقف:أمتي ده حصل
سعاد بدموع:من ٣ ساعات وانا برن علي حضرتك وحاتم باشا تلفوناتكم مقفوله
مهند بعصبية:خلاص انا هتصرف *قفل موبايله ومشي مشي وراه ذياد
ذياد بقلق:في ايه تاني
مهند بجمود:في مصايب مش و اخده نفسها نازلة علي دماغنا *وصلت منه وأخواتها للشرقية دخلو بيت العيله استقبلتهم مرات عمهم
مرات عمهم بقرف:حمدلله بسلامة الهوانم جبتهم من انهي شارع ي جابر
جابر بزعيق:اكتمي خشمك ي وليه وروحي وديهم مطرحهم البيت بيتكم ي بنات وانتي ي منه جهزي نفسك انهاردة بالليل كتب كتابك علي ولدي ودخلتك انتي جاهزة وانا ولدي جاهز اوضته متشطبه لوكس وهتعيشي وسطينا وتاكلي وتشربي معانا
منه بدموع:مش عاوزاه ي عمي
عمها بزعيق:انا مش باخد رايك البنات هنا ملهاش كلمه انا عارف مصلحتك فين ولدي تتمناه الف بيت مفهوش حاجة تعيبه ما يعيبش الراجل غير جيبه واحنا ميسرة معانا الحمد لله
نورة بزعيق:مش هتتجوزه ي عمي هو غصب احنا هنشتكيكم *محستش غير بصفعة قوية من عمها وقعتها ف الارض جريو عليها أخواتها وقوموها بدموع
عمها بزعيق:صوتك ميعلاش هنا بعدين انتي دورك جاي قريب متغيريش من اختك
نورة باحتقار:وانتو فيه حاجة فيكم الواحد يغير عليها كفاية وشكم الواحد بيقرف يبص فيه
مرات عمهم:بتقولي ايه يبت الجزمة انا هربيكي من اول وجديد ي قليله الرباية الظاهر ان الشارع ال جابوكو منه نساكو الادب ي قليله الادب*قربت عليها ومسكتها من شعرها وقعتها ف الارض وفضلت تضرب فيها ضربت منه وغادة فيها علي امل انها تسيبها مقدروش
منه بعياط:سبيها كفاي ة والله العظيم مش هنعمل كده تاني
جابر بشماته:ربيها طلعي عينها عشان تتلم بت****
وقفت منه بجمود رجعت لورا حطت اديها ف جيبها وطلعت مسدسها وصوبته عليها
منه بهدوء:سبيها ....بقل ك سبيها*قالتها بصراخ الكل بصلها برعب مسدس ال مسكاه قامت مرات عمها بفزع ورجعت لورا
مرات عمها بخوف:اهدي ي منه انا عاوزة مصلحتكم مينفعش ي بيتي ال بتعمله ده الكلام ده ميصحش هنا انا بحبكم والله
منه بعياط:انتو اوسخ ناس شفناهم ف حياتنا ربنا ياخدكم عشان نرتاح *محستش غير بحد وراها مس اديها بالمسدس كان خيري قاومت هو يشد وهي تشد صوت ضرب نار هز المكان لحظات من الهدوء قبل الصراخ
منه بفزع:ه ه هو ال سبب
مراه عمها بصراخ:والداااااا ااي قتلتي ولدي يمفترية اااااااه *ابوه طب من مكانه خيري واقع ف الارض الدم مغرق المكان بصت منه برعب حولي ها حضنوها أخواتها بخوف الناس اتلمت علي صراخ وصويت ام خيري ...... عند حاتم قاعد ساكت ف بلكونه ف فندق مشهور ومعاه شهاب
حاتم:فيه شحنه جيمي هيدخلها لبنان ف خلال يومين
شهاب بفضول:وانت ناوي تاخدها صح
حاتم ببرود:لاء هولع فيها لا انا ولا هو
شهاب باستغراب:والنتيجة
حاتم بفحيح:نطلعه من جحره
شهاب بخوف:حاتم
حاتم ببرود:أنجز
شهاب:انا اتجوزت رحمه علي سنة الله ورسوله وقانونيا
حاتم بهدوء:بسيطه هتطلقها
شهاب بتوتر:ح حاضر* رن موبايل حاتم
حاتم ببرود:الو
مهند بعصبية:انت فين
حاتم بقلق:في ايه
مهند:عم منه اخدها هي وأخواتها بأمر محكمه وانا ف السكه
حاتم بجمود:تمم روح هاتها وتعالي
مهند ببرود:بس كده مفيش حاجة تاني
حاتم بجمود:سلام*قفل حاتم السكه وقام مشي ومعاه شهاب عند مهند
ف العربية
جيك بقلق:قربنا خلاص الشارع ال علي يمينك ده *دخلو الشارع واسع بيوت بعض منها مبنيه بالطوب اللبني وبهايم من بره وقف مهند جنب واحدة شايله برسيم
مهند :لو سمحتي فين بيت جابر ابو خيري
الست:البيت ال عنده الناس هناك ده
مهند بفضول:هو ليه في لمه هناك
الست بحزن:بيت اخوه كان عاوز يجوزها لولده الوحيد ويسترها بس طلعت واطيه ضربت نار علي ولده وطب وقع فيها عمها مستحملش*اتحرك مهند بقلق بسرعه لحد ما وصل للبيت ونزل دخل وسط الحشد لحد ما وصل لباب البيت لقي الستات جوة بيصتو دخل مهند بخوف
مهند:فين البنات منه ونورة وغاده فين
ام خيري بصراخ:اللهي ربنا يقحمها هي وال معاها مطرح ما هما قاعدين شوية*** قلنا نلمهم من الشارع ومش عاجبهم عضو الايد ال اتمدتلهم *مسكها مهند من رقبتها وخنقها الستات صرخت بفزع دخلت الرجاله عشان تحجز وقفوا جيك وزياد وراه وهما مصوبين المسدس
ذياد بزعيق:ال هيقرب يقول ي رحمان ي رحيم علي روحه *الكل اترعب ورجع لورا ام خيري وشها قلب بنفسج
ذياد بخوف:مهند مش وقته ابوس ايدك خلينا نلحق البنات *بصلها مهند وعنيه بطلع شرار رماها علي الارض
مهند بوعيد:راجعلك متقلقيش *سابها وخرج الكل وسعله ركب عربيته ومعاه جيك وزياد وراحو لاقرب قسم ....عند رهف بتفوق امها جنبها وصابر
رهف بضعف:ماما احنا روحنا
مامتها بدموع:اه ي حبيبتي
رهف بضعف:انا فين دي مش اوضتي
صابر بحزن:احنا ف مصر ي رهف ابوكي امر بكده
رهف بنحيب:يبقي النار قامت قتله صح
صابر بجبروت:انا ال قتلته ولو عليا كنت عاوز اقطعه الأول وبعدين يموت براحته
رهف بدموع:مش كده ي صابر إلا القتل فيه قانون يجيبلي حقي
مامتها بعياط:خلاص قفلو علي الموضوع انتي ي رهف فوقي بقا كفاية ي بتي متحسرنيش عليكي اكتر من كده
رهف بنحيب: اتحرمت من كلمه ماما ي ماما *فضلت تعيط حضنتها امها بتواسيها بألم محدش هيحس ال فيها غيرها من بعد ربنا ......دخل حاتم اوضته قلع الجاكت بتاعه ودخل الحمام خد دوش وغير هدومه طلب من سعاد تعمله فنجان قهوة ساده راح للبلكونه ناحيه الصبار ومسك ال ساقية عشان يسقيه بص باستغراب لقي نبته جنب الصبار
حاتم باستغراب:فل مين هيزرع فل هنا *مد ايده بغيظ عشان يقطعها جاله هوا البحر منقذ ليها غمض عينه واستنشق لحد ما صدره اتملي جه ف خياله ريحت منه الطفوليه اتنهد ساب الساقية وكذلك الفل وراح لسور البلكونه حط ايده وهو باصص قدامه لقي حاجة تحت اديه بص اتصدم مسكها جزمة منه بتاعت الباليه
اتنهد حاتم:وبعدين بقا *حطها ف جيبه وطلع موبايله
حاتم بجمود:عملت ايه
مهند بعصبيه:ايه قلقان
حاتم ببرود:لسانك طول عليا خلي بالك
مهند بندم:معلش بس الوضع ذاد عن حده
حاتم بقلق:في ايه
مهند:منه قتلت ابن عمها بالمسدس ال انت ادتهولها
حاتم بصدمه:منه منه
مهند بحزن:اه منه *قفل موبايله واتنهد بألم طلع خد جاكت البدله ولبس جزمته وساعته وخد محفظته ومشي ...ف المغفر
الضابط بزعيق:يعني مش هتقولي ال حصل خلي بالك كل ده هبيقي ضدك*منه بتعيط بحرقة وفزع أخواتها بره حاضنين بعض وبيعيطو دخل مهند من الطرقه شافهم جري عليهم ووراه جيك وزياد
مهند بقلق:انتو كويسين
نورة بنحيب:مهند كويس انك جيت الحقنا ي مهند بالله انا مستعدة اشيل القضية دي بدالها
مهند وهو بيملس علي شعرها بحزن:محدش هيشيل حاجة ان شاء الله متقلقوش
جيك بحزن:غادة انتي كويسه *حضنته غادة بعياط طبطب عليها بحزن وهو باصص لمهند
مهند بأمل:يارب تكون منطقتش بحاجة عشان الموضوع يبقي أسهل
نورة بعياط:ليه هو ممكن يحصل ايه ده حصل من غير قصد والله بعدين هما ال غلطانيين *مسح مهند دموعها بألم وراح ناحية الاوضة ال فيها منه ادا الكارنيه بتاعه للعسكري ال واقف بره
مهند بحزم:خش اديه للظابط ال جوه وقوله اني عاوز اقابله
العسكري بحزم:تحت امرك ي باشا *خبط ودخل سلم الكارنيه للظابط
الظابط وقف:دخلو ي عسكري انت لسه واقف اخلص
العسكري بحزم:تحت امرك ي باشا *خرج العسكري ودخل مهند
لوحده استقبله الظابط بحراره وسلم عليه
الظابط بسرور:اتفضل ي باشا المكان مكانك *شافت منه مهند بصتله باستنجاد طمنها بنظرته ال كلها حنان قعد علي الكرسي قدامها والظابط قاعد ف مكانه ومبتسم
الظابط:تشرب ايه ي باشا
مهند بحزم:انا مش جاي اشرب انا جاي عشان خاطر منه
الظابط بحزن:للأسف منه مش راضية تساعدنا وتقولنا حصل ايه عشان نعرف نخرجها من ال هي فيه سكوتها ده هيلبسها القضية
اتنهد مهند:طب ممكن تسيبنا مع بعض شوية
الظابط بترحيب:تحت امرك ي باشا خد راحتك * سابه وخرج وقفل الباب وراه
منه بعياط وشهيق:انا مكنتش هقتله والله هو ال عمل كده
مهند بهدوء:اهدي ي منه عشان نعرف نحل الموضوع ده انتي حكيتي حاجة
منه برفض ونحيب:لاء خالص. ...كنت مستنيه حاتم هو ال يجي
مهند بحنية: وانا يعني منفعش
منه برفض:مقصدش والله
مهند بضحك:ياريت كل الناس ذيك كده واضحة مش بتلف وتدور المهم خليكي ساكته متقوليش غير انك بريئة وملكيش ذنب وانك مظلومة بس متقوليش حاجة تاني ماشي
منه بخوف:حاضر
مهند بقلق:هتتحل ان شاء الله هسيبك انا عشان الحق اتصرف
منه بدموع:حاتم مش جاي
مهند بحزن:معرفش سلام * سابها وخرج حطت منه اديها علي وشها وفضلت تعيط نورة قامت لما شاقت مهند خرج جريت عليه بصتله بأمل
نورة:ايه هتخرج
مهند بحزن:مش بالسهوله دي لازم نتصرف ونغير كل حاجة
نورة بخوف:يعني ايه
مهند بهدوء:يعني حاتم لازم يجي *......نروح للاقصر شوية جنازتين ف نفس الوقت البلد كلها ماشية وراهم خسروا اتنين من انقي واحسن شباب البلد الكل حزين العيلتين دفنو بس عيله علي محدش فيهم اخد عزا .....عند احمد
ابنه يحي:محدش اخد عزا يابا وانت عارف ده معناته ايه
احمد بحزم:معناته خدو حذركم واجهزوا
وليد بحزن:يابا الدم هيجر دم حل الموضوع من غير ما حد يتقتل
يحي بتأييد:ايوة ي ابويا احنا ندفع ديه ال المجلس يحددها عشان نخلص احنا بردو ورانا ولايا ومعانا عيال
احمد بهدوء: مش هيقبلوها بس احنا نحاول بردو *.....عند عبد الشافي ابو علي
مرته بنحيب:هتعمل ايه ي عبدالشافي
عبدالشافي بانتقام:هحسره علي عياله واحرق قلبه زي ما حرق قلبي علي ولدي الوحيد *.. ..طلعت منه الكلبشات ف اديها حاولت نوره وغاده يوصلولها مسكوهم جيك وزياد بحزن
نورة بصراخ:منه ي منه انا هشيلها متخافيش مش هنسيبك *بصتلها منه لورا وهي ماشية
منه بعياط:خلي بالك من نفسك غادة ف عنيكي موصكيش عليها لا إله إلا الله
غادة بعياط:محمد رسول الله ربنا معاكي*منظر مؤلم لكل ال شافه لسه بنات ف بداية حياتهم وباين انهم ولاد ناس ومحترمين ايه ال رماهم علي المر ده الكل كان بيتحسر عليهم خد جيك البنات وركبهم العربية وراح بيهم لاقرب فندق حجز جناح كبير دخلهم اوضتهم بالحمام بتاعها
غادة بحزن:هنعمل ايه ي جيك
جيك بقلة حيلة:مش احنا ال هنعمل دلوقتي حاتم هيجي
نورة بعصبية:هو ال أداها المسدس صح قول صح اختي هتجيبو منين منه لله هو السبب ف ال حصل*قالتها بصراخ ونحيب خرج جيك ورد الباب وحط ايده علي رقبته بألم وطلع برشام من جيبه اخد حباية وشرب ميه وراها ونزل تاني .....منه ف زنزانه لوحدها مفيش غير شباك صغير مقفول بالسياج فوق خالص ومصطبه مسطحه عليها اكليم قديم قعده عليه وبلاعة وفوقيها حنفية وجردل حديد الحيط كلها جحور المكان الرؤية فيه صعبة منه حاضنه نفسها بخوف ودموع
منه بنحيب:يارب مليش غيرك يارب*أصوات زواحف وحشرات غمضت عنيها بألم وفضلت تعيط حاجات بتمشي علي جسمها هي مش عارفة ايه هي ساكته مش قادرة تتحرك كل ال تقدر عليه انها تعيط وتتنفض....بره ف القسم مهند قاعد ف مكتب هو وزياد دخل حاتم عليهم
حاتم بجمود:وصلتوا لحاجة *قام زياد رد الباب
مهند بحزن:منه محكتش حاجة بس وضعها صعب
حاتم ببرود:لا صعب ولا حاجة هتخرج بس مش دلوقتي
مهند بقلق:ليه
حاتم ببرود:حاجة متخصكش طلع حاتم مشي ظابط قدامه لحد مكان الزنزانة دخل العنبر مختلط بروائح كريهه والفران ف كل مكان المكان متدهور مشي حاتم بثبات ووقف قصاد زنزانتها مشي الظابط سامع صوت عياطها ونحيبها وزنها البسيط الظاهر صوتها راح من كتر العياط لحظات من الألم ال مش عارف سببه ....منه شمت البرفان بتاعه قامت بأمل وراحت للباب غير مبالية باي حاجة حوليها وقفت جنب الباب
منه بضعف:انت هنا
حاتم بحزن:اه
منه بدموع:هتخرجني
حاتم بألم:مش دلوقتي
منه بعياط:انا مكنش قصدي اقتله هو كان عاوز ياخد مني المسدس
حاتم باستغراب:وانتي ايه الوضع الخطير ال خلاكي تطلعي المسدس
منه بنهت:اختي كانو بيضربوها
حاتم بألم:وبعدين
منه بتكملة:وكان انهاردة كتب كتابي ودخلتي غصب عني علي ابن عمي ال قتلته
حاتم بغيظ:ومقتلتيش عمك ليه بالمرة
منه بعياط:مش وقته ي حاتم ونبي طلعني المكان هنا وحش اووي ومرعب
حاتم بجمود:استحملي
منه بالم:لأمتي
حاتم بشرود:هانت سلام
منه بنحيب:مع السلامة (ي حبيبي) همستها لنفسها مسمعهاش بس حس بيها طلع برة العنبر الضابط كان واقف
حاتم بأمر:تتنقل لاوضة لوكس سامع
الظابط بحزم:تحت امرك ي باشا من دلوقتي حاضر
حاتم بشر:ولو عرفت ان حد شم خبر هيكون اخر يوم ليك فاهم
الظابط برعب:تحت امرك ي باشا محدش هيعرف حاجة *سابه حاتم
