وقعت في جحيم قلبه ♥️
الفصل:التاسع
رن المنبه صحيت منه علي الساعة ٦ كالعادة قامت من السرير بكسل وراحت لنورة وصحتها
نورة :ايه ي منه مش ورايا امتحان انهاردة ده بعد بكرة
منه بهمس:هوووشش انا عوزاكي ف موضوع مهم
نورة بغيظ:مقولتيش ليه امبارح ولا حتي استني لما اصحي
ضربتها منه بخفة:قومي مش عاوزة اختك تصحي
قامت نورة بغيظ:نعم
اتنهدت منه:انا مسافرة برة مصر مع حاتم باشا بكرة
نورة بصدمة:نعممم بتهزري انتي واعية للبتقوليه ي منه
منه بحزن:لو رفضت هنطرد من هنا وهنرجع تاني لنقطة الصفر عمي وابن عمي
نورة بدموع:هنتصرف ي منه ارض الله واسعة لكن انا مش مستغنية عنك انا وغادة محتاجينك
منه بحنية: ولا انا اقدر اسيبكم ولا ارضالكم بالبهدلة بعدين مش هنطول متقلقيش حاتم باشا انسان محترم جدا وسعاد اكدتلي كده ده غير اني مشوفتش منه حاجة وحشة هو اينعم عصبي وبيزعق لكن بيلزم حدوده مش زي مهند صحيح ي نورة خلي بالك من مهند ارجوكي خدي حذرك منه انا مش موجوده وحاتم بيه كمان متسبيش غادة ابدا ويفضل انكم متخرجوش برة الاوضة وانا هكلم سعاد تخلي بالها من غادة لما تروحي الامتحانات
نورة بطاعة:حاضر ي منه انتي بس خلي بالك من نفسك وطمنيني اول بأول هستنا اتصالك يوميا
منه بدموع:حاضر ولو غادة سألتك قوليلها اننا روحنا شرم ف شغل عشان متقلقش بردو دي طفلة ومش هتستحمل وكده
نورة اتنهدت:تمم *قامت منه وطلعت بدلة الشغل وراحت للحمام اخدت دوش وغيرت وطلعت صلت وبعدين خرجت وردت الباب راحت للمطبخ لقت سعاد بتشرب شاي بصتلها بفرح
منه:صباح الخير ي طنت سعاد
سعاد بحنية:صباح النور ي قلب سعاد تعالي ي منه اقعدي جنبي عوزاكي
منه بقلق:حاضر*جرت كرسي جنب سعاد على الطربيزة وقعدت
سعاد بقلك: هو انتي عملتي حاجة للباشا دايقته
منه بسرعة:لاء معملتش غير حكاية النضارة وبس والله
سعاد باستغراب:غريبة ده باين عليه مدايق منك اووي اديكي شوفتي اول ما جه من برة امبارح قبل العشا وهو مش عاوز يخليكي تطلعي
منه بغيظ:ريح يعني انا ال هموت واطلع
سعاد بضحك:يبت مش كده حاولي تراضيه علي كد ما تقدري عشان تستفادي منه يزود مرتبك يديكي أوضة لوحدك تطلعي بفايدة ي هبله
منه بطيبة:بس مرتبي كتير اووي مش محتاجة ذيادة واوضتي واسعة وفيها كل حاجة كفاية انه مستحمل اخواتي معايا ومقالش حاجة*فوق عند حاتم فاتح السبيكر وبيدخن وابتسامة السخرية مرسومة علي وشه
منه:ده جميل هشيله ليه العمر كله بس مقولتليش ي طنت سعاد هو بيشتغل ايه
سعاد بجمود:معاه شركات كتير بيديرها جوة وبرة مصر
منه بانبهار:ماشاءالله ربنا يكرمه *قفل حاتم الموبايل وقام من كرسيه وطلع ف البلكونه يشم هوا البحر شوية تحت عند سعاد
سعاد: طب قومي ي شاطرة اعملي فنجان قهوة وطلعيها للباشا فوق يلا بسرعة
منه بصدمة:هو هنا بعدين أمتي طلبها
سعاد بضحك:يبت اتلحلحي بقا بدل ماتيجي معيطة زي كل مرة *قامت منه بسرعة وعملت فنجان قهوة وخدته وطلعت بيه لفوق وقفت قدام الباب وخبطت
حاتم بهدوء:ادخل
منه باستغراب الصوت جاي من بعيد فتحت الباب ودخلت لقته مش ف الاوضة عرفت انه ف البلكونه راحت للبلكونه ودخلت مديها ضهره
منه بأدب:القهوة ي حاتم باشا
حاتم بجمود:حطيها هنا *قصده على البلكونه قربت منه وحطتها ورجت لورا حاتم زي ماهو باصص للبحر
حاتم:اعملي حسابك البلد ال هنروحها تلج تقلي هدومك
منه بفرح:بجد ليه هنروح فين *بصلها بنص وشه وشاف سعادتها بص تاني قدامه
حاتم بسخرية:واخد بنت اختي معايا انتي مالك هنروح فين نفذي ال بقوله
منه باحراج:حاضر محتاج حاجة تاني
حاتم:نضفي الاوضة
منه بأدب:تحت امرك *دخلت منه الاوضة ابتدت بغسيل الكوبيات وتلميع الازايز ورص كل حاجة مكانها غيرت فرش السرير ومسحت الحمام ولمت الستاير وودتها للخدم يغسلوها وطلعت بستاير جديدة وكذلك السجاد شالته ومسحت الاوضة وفرشت غيره وعطرت المكان وروقت الدواليب الساعة كانت وصلت ٨ ونص بعد ما خلصت كل حاجة راحت للبلكونه بفضول يتري قاعد ده كله بيعمل ايه دخلت لقته قاعد علي كرسي ونايم قربت منه وبصت عليه بفضول وقالت ف نفسها انت إيه ال جابرك علي كده متدخل تتخمد جوه وانا مالي لفت وكانت هتمشي بعدين تراجعت بصتله بحزن مدت اديها لكتفه وهزته هزة بسيطة
منه:حاتم باشا ي بيه
حاتم فاق بفزع:ايييه*قالها وهو ماسك اديها جامد وبينهت شدت منه اديها بخوف
منه بقلق:حضرتك انا خلصت الاوضة تقدر تنام جوة بدل ما تاخد برد هنا قدام البحر *اتنهد حاتم وقام دخل اوضته واترمي على السرير
حاتم بهدوء:اقفلي البلكونه والشبابيك والستاير ضلمي المكان كله وردي الباب وراكي
منه بطاعة:تحت امرك ردت الستاير وقفلت الشبابيك وضلمت المكان وخرجت براحة وردت الباب نزلت بتعب وراحت للمطبخ جهزت فطار ليها ولاخواتها
سعاد بحنية:خلصتي
منه بتعب:اه خلصت والباشا نام
سعاد بحنية:خلاص انتي افطري وريحي شوية ولو احتاجك الباشا هصحيكي
اتهدت منه:ماشي عن اذنك
سعاد:اتفضلي ي حبيبتي شالت منه الصينيه وراحت للاوضة فتحت الباب ودخلت وردته وحطت الصنية علي الطربيزه وقربت منهم بلؤم
منه بصراخ:يبنااااااات الحقووو
البنات قامو مفزوعين:ايه فيه حصل اية
منه بضحك:جهزت الفطار يلا عشان تفطروا قومو*اتغاظو اووي غادة ونورة وشوحو عليها المخدات وقعدو علي حيلهم قربت منه الطربيزة منهم وجابت كرسي وقعدت قدامهم وابتدو يفطروا سوا ف نص الفطار
منه:غادة مسافرة فترة صغيرة مع الباشا وهرجع متتعبيش اختك ولا ابلة سعاد
غادة باستغراب:مسافرة فين ي منه
منه بكدب:شرم الشيخ الباشا ليه شغل هناك وانا عشان الشغاله بتاعته لازم اروح معاه
غادة بقلق:وهترجعي صح مش هتسبينا
منه بحنيه:اسيبكم ازاي ولمين انا ليا غيركم ي حبيبتي فترة صغيرة وهرجع وبعدين هتواصل معاكم علي التليفون علي طول
غادة بحزن:ماشي خلي بالك من نفسك ي منه احنا ملناش غيرك
منه بألم:حاضر يقلبي*خلصو الفطار ودت منه الصينيه المطبخ ورجعت تاني لاوضتها وهي سرحانة دخلت وردت الباب وقلعت جزمتها ونامت ف المنطقة الشعبية ف الاقصر في بيت من البيوت البسيطة عند ام سيد القلق هيموتها
يوسف ولدها:يمه تلاقيه سهران مع صحابه اهدي شوية مسيره هيرجع
ام سيد:لاه ولدي معملهاش قبل كده دي اول مرة تحصل ويبات برة البيت انا قلبي مش مطمن *الباب بيخبط جريت بسرعه عليه وفتحته شافت سيد بس الظاهر مش ف وعيه وواحد من اهل المنطقة سانده
ام سيد لطمت:بمصيبتي مالك يولدي ماله ي محروس ايه ال عمل فيه كده
محروس وهو بيدخله ويوسف بيساعده
محروس: الظاهر ان حد اداه حاجة وشربها ده ريحته خمرة
يوسف بضيق:بس سيد ملهوش ف الطريق ده
ام سيد بعياط:منك لله يبت سحر اللهي يجعلها جوازه سوده عليكي وعلي ناسك *خده يوسف الحمام ومشي محروس ورد باب الحمام امه فضلت تخبط جامد
مامته:افتح ي يوسف هتعمل ايه
يوسف بغيظ:ملكيش دعوه يمه هو وصل لكده بسب دلعك ليه *فتح الحنفية ومسك راسه حطها تحت الميه حاول سيد يبعد بس معرفش اخوه يوسف مكتفه
سيد بدون وعي:سيبني اوعاااا ملكش دعوه بيا
يوسف بضيق: تعمل ده كله عشان حتت بت متسواش مركوب ف رجلك ي معفن
سيد بعياط:سابتني ليه انا مقصرتش ف حاجة كل طلباتها أوامر
يوسف بغيظ:عشان اهبل وبتضرب علي قفاك كانت بتلعب بيك بتسحب ال عوزاه بطريقتها وانت ي غبي مش حاسس صحيح مراية الحب عامية*نرجع بقا للقلعة بعد ساعتين نورة وغادة كانو بيصحوا منه وهي مش قادرة تفوق قامت نورة عبت كوباية ميه صاقعة ودلقتها علي وشها
منه بفزع:هاااااا ايه فيه ليه كده
نورة بغيظ:سي السيد ليه اكتر من خمس دقايق بيرن الجرس ده لما صدعت
منه بخضة:يلهوي اوعو كده *وجريت لفوق وهي شعرها منكوش ومن غيد الجزمة وهدومها فيها ميه خبطت الباب
حاتم بعصبية:ادخل*بلعت ريقها وفتحت الباب ودخلت كان ف وشها عينه بتطلع شرار قرب منها ولف ورد الباب وبصلها من فوق لتحت باستغراب
حاتم بفضول:كنتي مخمودة
منه بخوف:اه نمت شويه
حاتم بعصبية:ليا ساعة برن الجرس معقول مسمعتيش ده لو ميت كان صحي
منه بعياط:والله العظيم كنت تعبانة شوية وفوقوني بالعافية زي ما حضرتك شايف منظري ده انا جيت حافية بعد ما فوقت *بصلها تاني من فوق لتحت ومسح وشه
حاتم بهدوء:فين الشرابات مش لاقي ولا شراب ودتتيهم فين
منه بفزع:هشوفهم حاضر*فتحت الدولاب والادراج ودورت ف كل مكان فجأة افتكرت حاجة
منه برعب:انا غسلتهم بس نسيت ما اقولك
حاتم بزعيق:انتي بتفتكري حاجة اساسا غوري هاتيهم
منه بخوف:ح حاضر *وجريت لبرة نزلت علي السلالم جري مرتين تقع وتقوم وصلت لاوضتها فتحت الباب وجريت لسريرها رفعت المرتبة وللأسف الشديد الشرابات كلها مع بعضها تحت المرتبه لمتهم بسرعة
نورة وغادة بقلق: ربنا معاكي *سابتهم وطلعت جري لفوق الباب مفتوح طبعا نسيته دخلت علي طول وهي بتنهت ومدت اديها بالشرابات ليه وهي حابسة دموعها
حاتم ببرود:انا قرفت منك ومن نسيانك واهمالك ده مش عارف ايه ال مصبرني عليكي وه ي *الصوت بيوطي الدنيا بتضلم مش سامعه غير صوت قلبها ووقعت مغمي عليها بصلها ببرود وبعدين خرج لبرة
نزل حاتم لتحت عند السلم
حاتم بزعيق: سعاد ي سعاد
سعاد جات جري:تحت امرك ي باشا
حاتم بجمود:منه الظاهر اغمي عليها شوفو مالها واعملوا المطلوب *خلص كلامه وطلع للجنينه سعاد ندهت البنات وطلعو لفوق جري فتحو الباب لقوها واقعة جنب الدولاب علي جنبها وماسكة الشرابات ف أديها شالوها وحطوها علي السرير وسعاد قعدت جنبها وخدها ف حضنها
سعاد بخوف:اجري يبت أملي كوباية ميه صاقعة
مي بخوف:حاضر *جريت مي وعبت كوباية ميه وجابتها خدتها سعاد منها وابتدت تدلق شويه قليلين علي اديها وتمسح وشها كررتها كذا مرة بس مفيش فايدة
سعاد بفزع:مروة اطلبي دكتور حاتم بيه حالا قوليله يجي
مروة بدموع:حاضر *نزلت تجري لتحت تجيب موبايلها وطلبت الدكتور مي وسعاد بيحاولو يفوقوها مسكت مي اديها وبصت ل سعاد
مي بقلق:ده ايديها متلجة الظاهر ضغطها واطي خالص بعد عشر دقايق الدكتور كان بيكشف عليها بعد ما خلص طلع من الاوضة
سعاد بلهفة:طمني ي دكتور مالها
الدكتور براحة:الحمد لله بسيطة هبوط نتيجة ان أكلها ضعيف انا كتبتلها علي محلول وشوية فيتامينات تاخدهم ف معادهم وان شاء الله هتبقي كويسة
سعاد براحة:تسلم ي دكتور معلش تعبناك معانا
الدكتور بحنيه:لا تعب ولا حاجة بالشفا ان شاء الله سلام عليكم
سعاد:وعليكم السلام وصلي الدكتور ي مروة
مروة بأدب:حاضر*دخلت سعاد لقت مي حاضنه منه وبتملس علي شعرها
سعاد:هتفوق أمتي
مي براحة:معرفش بس الدكتور أداها حقن وركبلها كولينا الظاهر هتاخد محلول
سعاد بايماء:فعلا *ابتدت منه تفتح عنيها بالراحة
مي بفرح:بتفوق اهي
سعاد قربت:منه سمعاني ي منه
منه :هممم
سعاد بفرحة:حمدلله بسلامتك كدا تقلقينا عليكي ده احنا قولنا مين ال هيقرفنا تاني بحكاويه غير منه
مي بضحك:وعملنا قرعة وكنا هنشوف غيرك كمان
منه بابتسامة: وانا اسيبكم كدا من غير ما اصدعكم ميرضنيش بردو*فضلو يضحكو وطت مي عليها وباست راسها دخل حاتم وقفت مي وبصت ف الارض فتح الدولاب وطلع جاكت البدلة وخد جزمته والشراب بتاعه وراح ناحية الكوميدينو جنب منه ال بصاله بهدوء وخد محفظته وخرج اتنهدت سعاد
سعاد بحزم:مي ساعديني نوديها اوضتها عشان ترتاح
مي:حاضر*خدوها لتحت وهما ساندينها ووصلو لاوضتها خبطت مي فتحت نورة اول ما شافت منظر منه اتخضت ومسكت فيها وغادة جات تجري عليها
نورة برعب:مالك ي منه حصلها ايه ي أبلة سعاد
سعاد بهدوء:متقلقوش ي بنات شوية هبوط والدكتور كتبلها علي ادويه ومحاليل وهتبقى تمام بإذن الله *ودوها للسرير دخلت مروة عليهم بالعلاج خدت سعاد منها الكيس وطلعت المحلول وركبتهولها بصت لمي
سعاد:مي اعمليلها كوباية كبيرة عصير مانجة وحليه بالبنجر روحي وانتي ي مروة سخنيلها طبق شوربه ونص فرخة
مي ومروة:تحت امرك
منه بتعب:مش عاوزة اكل ولا اشرب معدتي تعبانه
نورة بغيظ:انتي تخرسي خالص من هنا ورايح هتسمعي كلامنا ياما قولنالك ي منه كلي كويس اكلك ده مش هينفع انتي بتتحركي وبتشتغلي وانتي منشفة دماغك
منه بحب:حاضر خلاص هاكل كفاية بقا لعيط هنا
سعاد بحنية:ربنا يخليكم لبعض بصي ي نورة انتي مسؤولة عن دواها ده قبل الأكل ودول بعد الأكل ٣ مرات ف اليوم ال قبل الأكل بس مرة واحدة ف الغدا
نورة باستغراب: تمم بس هي هتسافر بكرة مع الباشا ولا اية
سعاد بحزم:طبعا هتسافر احنا نزغطها انهاردة عشان صحتها للأيام ال جاية تبقي كويسة هي حالتها بسيطة
منه بتأييد:فعلا ي نورة انا كويسة والله هو بس شوية دوخة من قلة الاكل هاكل وهبقي تمم *بعد خمس دقايق دخلت مي بالعصير والاكل شربت منه نص الكوباية بالعافية وكلت شوية عدا اليوم والكل متابع معاها لحد ما جات الساعة ٩ بالليل الباب خبط فتحت نورة لقت واحدة غريبة
نورة باستغراب:نعم مين حضرتك
رحمة بتوتر:انا رحمة اخت حاتم جاية اشوف منه عرفت من سعاد انها تعبت
نورة بترحيب:اتفضلي تعالي المكان مكانك *دخلت رحمة وردت نورة الباب شافت منه رحمه داخله وحاولت تقوم
رحمة:خليكي زي ما انتي انا جاية اطمن عليكي اخبارك دلوقتي
منه بدلع:صباع رجلي الصغير مصدع*الكل فضل يضحك
رحمة بضحك:منتي كويسة اهو قلقتيني عليكي ي جزمة
منه بضحك:انا قلقت كل اهل القلعة عليا مفيش حد الي الان مش زارني الا حاتم باشا ومهند بيه ده ال ناقص *فضلو يضحكو الباب خبط قامت نورة تفتح
نورة:اكيد مي بكوباية العصير بتاعها اي ي مي ان انت خير عاوز حاجة *قالتها بغيظ ومهند واقف نص واقفة وساند ايدة علي الباب ومبتسم
مهند:عاوز اطمن علي منه اصلي سمعت انها تعبانه بصراحة قلقت اووي عليها
نورة بغيظ:لاء أصيل متقلقش منه كويسة هي دلوقتي نايمه ابقي فوت عليها بكرة*وجات ترد الباب حط رجله ومنع انه يتقفل
مهند:اومال رحمة بتعمل ايه جوة*وفتح الباب ودخل وسط استغراب رحمة وضيق منه وبلاهة غادة
منه بتوتر:اتفضل ي مهند بيه اهلا وسهلا
مهند بلؤم:طيبة اووي ي منه ياريتها كانت جات ف الوحش المخشب ال ف دماغي *طبعا الكلام علي نورة ال واقفة شايطة من تلميحاته
مهند:الف مليون سلامه عليكي يا قلبي
منه باحراج:الله يسلمك ي مهند بيه *طلع مهند من جيبه شوكلاته كبيرة وحطها جنبها علي السرير
مهند بابتسامه:لو اعرف انك تعبانة وانا جاي كنت جبتلك كراتين منها بس تتعوض ان شاء الله ف الخير مش هتقل عليكي ي حياتي سلام بقا
منه باحراج:شكرا ي بيه مع السلامة *خرج وهو باصص بلؤم لنورة اول ما طلع رزعت نورة وراه الباب بغيظ
نورة بغيظ:انسان مستفز
منه بتلميح:احمم عيب ي نورة ده البيه مينفعش كده
نورة باحراج:انا اسفة والله نسيت خالص انك هنا
رحمة بضحك:عادي ولا يهمك هو يستاهل اكتر من كده اخويا وانا عرفاه ده فولة مختلفة خالص عن ابيه حاتم مش عارفه طالع لمين *بعد عشر دقايق من الحكاوي والضحك سابتها رحمة وطلعت لاوضتها نامت منه بعد ما خدت علاجها واتعشت صحيت علي صوت المنبه فصلته وقامت شالت المحلول وفضلت قعدة شوية علي السرير وبعدين قامت للدولاب خدت هدوم الشغل وراحت اخدت دوش وغيرت طلعت لبرة براحة وردت الباب راحت للمطبخ لقت سعاد بتفطر
سعاد بحنية:تعالي افطري معايا يلا بسرعة ومتعاندييش
منه بفرح:حاضر *قعدت معاها خلال عشر دقايق كانو خلصو فطار قامت منه تجهز فطار لنورة عشان طالعة لامتحانها
سعاد بتذكير:وضبي هدومك عشان السفر متنسيش
منه بصدمة:انا نسيت خالص
سعاد بضحك:عارفة حاتم باشا قالي هتتحركو علي الساعة ٨ كده
منه بحزن:بس انا مش معايا شنطة هدوم
سعاد بتفكير:بصي بما ان علاقتك كويسة مع رحمة هانم ممكن تستأذني منها انك تاخدي شنطه من شنطها وبعد ما تيجي ترجعيها تاني اصل معاها شنط كتيير
منه بهدوء:تمم هشوفها*وخدت الفطار ودخلت اوضتها وردت الباب حطت الصينيه علي الطربيزه وراحت صحت نورة قامت نورة غسلت وشها وابتدت تفطر طلعت منه وردت الباب وطلعت لاوضة رحمة لقت باب أوضة حاتم مفتوح استغربت اتنهدت وبعدين خبطت
حاتم بجمود:ادخل *دخلت منه لقته مطلع شنطة كبيرة حط فيها ورق متغلف من تحت وحاطت هدوم علي السرير وبيطلع غيرهم من الدولاب
منه بقلق:محتاج حاجة ي باشا *بصلها حاتم باستغراب
حاتم:انتي كويسة
منه براحة:اه الحمد لله
حاتم ببرود:جهزي الشنطة *وسابها ودخل البلكونه اتنهدت منه وحطت كل الهدوم ف الشنطة وحاجات تاني ممكن يحتاجها وقفلت الشنطة راحت للبلكونه ودخلت
منه بجمود:جهزتها ي باشا محتاج حاجة تاني
حاتم ببرود*لاء جهزتي حاجتك
منه ببرود مماثل:بجهز فيها
حاتم:غوري
منه بهدوء:تحت امرك *وسابته وطلعت وردت الباب وراها وراحت لاوضة رحمة وخبطت مرتين
رحمة بكسل:ادخل *دخلت منه بإحراج وولعت النور
منه باحراج:انا اسفة جيت بدري بس محتاجة منك حاجة*قامت رحمة بكسل واهتمام
رحمة:قولي ي منه متتكسفيش خير
منه:محتاجة شنطة سفر عشان مسافرة بعد ساعة مع حاتم باشا وأول ما هرجع هرجعهالك علي طول
رحمة بضحك: بس كده طيب ي ستي افتحي الباب ده واختاري الشنطة ال تعجبك *راحت منه فتحت الباب ال شاورتلها عليه لقت أوضة حجمها متوسط فيها هدوم وجزم وشنط وكل حاجة اتفاجئت وبعدين راحت للجنب ال فيه الشنط واختارت شنطة بامبي بعجل حجمها متوسط وجرتها لبرة وقفل الباب
رحمة بابتسامه:عجبتك
منه هزت راسها:ايوة جميلة جدا ماشاءالله ولونها حلو
رحمة بضحك:طيب ي منه خديها خالص مش محتجاها
منه بزعل:لا ي رحمة انا بس مزنوقة دلوقتي لكن بعد ما ارجع ان شاء الله هشتري واحدة
رحمة بحنية:اعتبريها هدية مني ليكي ومتكسفنيش بقا
منه بقلة حيلة:تمم ي رحمة بس هردهالك
رحمة بضحك:ماشى ي ستي وانا موافقة *ودعتها منه ونزلت اوضتها طلعت هدومها الشتوي وحطتها ف الشنطة وطلعت طقم شتوي جديد ليها وحطته علي السرير تلبسه جهزت شنطتها وقفلتها وغيرت هدومها لبست بنطلون اسود وعليه بوت اسود طويل لحد قبل الركبة وبكعب عالي وفيه فرو من جوة ولبست بلوفر صوف تقيل سكري بزراير قصير وطاقية صوف عليه وحطت الجاونتي ف جيبها وسرحت شعرها وسابته مفرود وعليه الطاقية وشال حضنتها نورة بدموع
نورة:خلي بالك من نفسك وابقي طمنيني ديما
منه بتماسك:حاضر خلي بالك من غادة انا مش موجودة انت دلوقتي مكاني انا كلمت عم عبدو هيوصلك للامتحان ويجيبك
نورة:حاضر*قربت منه علي غادة ال نايمة ووطت وباستها ف راسها وخرجت بشنطتها لحد المطبخ شافتها سعاد ومي خرجو وحضنوها
سعاد:خدي بالك من نفسك وخدي ادويتك ف معادها
مي :وابقي طمنيني علي طول تروحي وتيجي بالسلامة
منه بدموع:حاضر *فضلو ينبهو عليها ويفكروها بحاجات لحد ما حاتم نزل وشافها
حاتم ببرود:يلا بينا
منه:حاضر سلام ي طنت سعاد سلام ي مي
مي وسعاد:مع السلامة ي حبيبتي تروحي وتيجي بالسلامه *ودعتهم منه وهي مرعوبة مش عارفة ايه السبب يمكن عشان دي اول مرة تسافر وحدها مع حد غريب وهتروح بلد غريبة ركب حاتم وركبت منه جنبه وحط الفراش الشنط ف شنطة العربية وقفلها
حاتم:اتحرك للمطار
السواق:تحت امرك *اتحركت العربية ومنه ماسكة مصحف صغير بتقري فيه ف سرها وحاتم باصص قدامه ببرود
وحاطط رجل فوق التانية لحد ما وصلو للمطار نزلت منه بعد ما نزل حاتم والشيال خد الشنط وداها المكان ال مخصص للفحص مشت منه ورا حاتم دخلو من الباب اخدو خمس
دقايق للاجرائات بعدين طلعو علي السلالم ال مودية للطيارة استقبلتهم المضيفة ووصلتهم لمكان الدرجه الاولي ال خاصة برجال الاعمال قعد حاتم ف كرسي وراحت قعدت منه الناحية التانية المكان فخم ال صف كله مفهوش غير اربع كراسي
مختلفين عن كراسي الركاب ال ف الدرجة التالته كمان فيه بار صغير فضلت منه تتلفت حوليها تتفرج على المكان زي العيل الصغير وحاتم قاعد حاطط رجل فوق التانيه بيبصلها من تحت
لتحت ببرود المضيفة أعلنت ان الطيارة هتتحرك وأنهم يحطو حزام الامام بصت منه علي الشاشة ال فوق ف السقف وقلدتها وركبت الحزام وابتدت تقرأ قرآن لحد ما الطيارة اتحركت
الطلوع كان صعب بعد خمس دقايق الوضع استقر المكان هدي شوية ريحت منه لورا ونامت بعد نص ساعة صحيت علي صوت بسيط المضيفة ادت مشروب لحاتم وراحت نحيتها
المضيفة:محتاجة حاجة اجبهالك
منه:اه هاتيلي مية وساندوتش جبنه*ابتسمت المضيفة برقة وراحت وجات ف خلال خمس دقايق جابت صنية عليها ازازة مية وعصير وطبق مغلف فيه رغيفين فينو جبنه وقربت منها وفردت الطربيزة الصغيرة ال ف الكرسي وحطت عليهم الصينية
المضيفة بأدب:محتاجة حاجة تاني
منه بسعادة:تسلميلي كتر خيرك *سابتها المضيفة ومشت بصت منه لحاتم لقته بيبصلها ببرود وابتسامة السخرية مرسومة علي
وشه بصت للأكل بلا مبالاه ومدت اديها فتحت المية وشربت وبعدين اكلت جات المضيفة خدت الصنية وسابتلها العصير ومشت فضلت منه الطريق كله باصة من شباك الطيارة بشرود وحاتم نايم
