( الحلقة الاول)
رواية"الراقصة"
. خلونا نروح عند بطلتنا في الكبارية
شخص:ما خلاص يا فنانة بقا استهدي بالله واطلعي ع المسرح الناس مستنينك
البنت:اسمعني شغل قلة الاصل ده ميمشيش معايا و رحمة ابويا لو حصل تاني مش هيحصل كويس سامع ومتنساش ان انا اللي بجيب الفلوس اللي معيشاك وفاتحالك الكباريه ده
صاحب الكباريه:ما خلاص يا نورا بقا كانت مشكلة وراحت لحالها وبعدين كل الراقصات بيعملو حفلات خاصة
نورا:الا انا يا روح مامي
نتعرف ع نورا(نورا بنت عندها26 سنة مامتها ماتت وهي بتولد اختها من 18سنة باباهم مات بعدها ب 8 سنين في حادثة عربية واتولت نورا مسؤولية اختها من وهي عندها 16 سنة وكانت بتدرس وتشتغل وسابت دراستها والظروف قدرت انها تبقا رقاصة لغاية اما بقت غنية ومعيشة اختها في احسن مستوى وبتعلمها احسن تعليم ومبتخليش حد يتعرض لاختها بكلمة)
نكمل
صاحب الكباريه:يعني انتي عاوزة ايه دلوقتي يا نورا
نورا:تعويض يا عنيا وعقد توقع عليه ان انا مش هروح حفلات خاصة والاا...
صاحب الكباريه:لا بلاش والا ديه هنجيب العقد وهوقع عليه والتعويض الي انتي عاوزاه هتاخديه
نورا:اتفقنا كدة
صاحب الكباريه:يلاا بقا اطلعي الناس مستنينك ع نار
نورا:ماشي اما نشوف اخرتها
(نسيت اقولكم ان نورا بنت جميلة جدا كل اللي بيروحو الكباريه بيموتو فيها ومستعدين يصرفو فلوسهم كلها ع ليلة واحدة بس معاها بس هي مبترضاش نورا شعرها اسود ناعم طويل ورفيعة جسمها متناسق عيونها عسلي فاتح ده غير غمازتها ولون بشرتها القمحاوي الفاتح)
وطلعت نورا ع المسرح ورقصت والكل كان متابعها وكانو بينزلو فلوس كتييير عليها وخلصت رقصها ودخلت اوضتها وكان موجود شخص في اوضتها
نورا:انت تاني ؟ انت ايه مبتزهقش
الشخص:لا
نورا:طب اسمع يا عنيا انا مش بتاعة الكلام ده واطلع من هنا بدل ما اندهلك الي يعرفو يطلعوك
الشخص:يا ساتر عليكي الواحد ميعرفش ينفعك ولا يستنفع منك
نورا:لا واطلع يلااا
دخلت مساعدتها:في عسكري عاوزك
نورا:خليه يتفضل
دخل الظابط
نورا:اهلاا اهلاا خير
العسكري:الرائد كريم سراج الدين عاوزك
نورا:عاوزني ازاي يعني
العسكري:انا اش عرفني هو يقولك
نورا:خليه يتفضل هي جات عليه
خرج العسكري ودخل شاب في حوالي ال29 من عمره طويل لون بشرته قمحاوي غامق شوية عيونه عسلي فاتح داخلو ع الصفار شاب يجزب اي بنت بوسامته وثقته في نفسه وعيونه(وهو رائد في امن الدولة))
نورا كانت قاعدة ع الكرسي وهو واقف وراها ولفتله وقامت وقفت
نورا:اهلا وسهلا خير
كريم:.......
نورا:في ايه يا سيادة الرائد مالك تنحت ليه كدة
كريم:كلموني كتير عن جمالك واغرائك وجاذبيتك بس مصدقتش(مسك ايدها)
نورا:ايييدك خليها جمبك لحسن تتكسر....وبعدين مش قالولك اني ممكن اكسر اي حد يقرب ناحيتي
كريم:ههههههه قالولي بس قولتلك مصدقتش
نورا:لا صدق..واتفضل عشان هغير(وراحت تفتح الباب)
مسك ايدها وشدها ليه وبقت تقريبا في حضنه وفضل كريم باصص في عيونها
كريم:فعلا عيونك بتسحر
زقته نورا بعيد عنها
نورا:انت لسة متعرفش مين نورا كويس واوعى تفتكر ان انا هخاف من سلطتك انا مبخافش غير من الي خالقني ويلا من غير مطرود
كريم:انا مش طالب غير ليلة وهعيشك اميرة بعدها
نورا: كان غيرك اشطر يا ابن الذوات
كريم:هنشوف يا قطتي
وخرج كريم
وغيرت نورا لبسها وخرجت ركبت عربيتها وروحت بيتها وفتحت الباب ودخلت واول ما دخلت شافت بنت نازلة ع السلم بتجري في حوالي ال18 من عمرها نازلة تجري وكلها حيوية ونشاط وامل وفرحة وكانت في قمة الجمال شبه نورا بس بأختلاف ان شعرها قصير وهي قصيرة شوية وعيونها بني فاتح
البنت:نورا نورا نورا
نورا:ايه يا مرام انتي لسة صاحية
مرام:بكرة اجازة وانا مستنية اختي حبيبتي عشان احكيلها ع اللي حصل معايا النهاردة
نورا:هههههههه ايه الي حصل يا مجنونة
مرام:النهاردة كان احلى يوم في حياتي استني ثانية
وراحت مرام تجيب حاجة ورجعت وهي في ايدها شنطة صغيرة
نورا:ايه ده
مرام:النهاردة وانا في الجامعة شاب زي القمر يا نورا الواد مز البنات كلها هتموت عليه جه وقالي انه معجب بيا بس اختك جدعة ومحترمة سبته ومشيت جه بعد ما خلصت محضارات واداني الشنطة ديه وقالي انه مش عاوز حاجة غلط وقالي ابقي اقرأي الجواب الي في الشنطة واخدت الشنطة وركبت العربية ولقيته ماشي ورايا بعربيته لغاية اما وصلنا هنا ومشي شوفتي هو جنتل ازاي
نورا:هههههه واضح بصراحة وهو في كلية ايه
مرام:طب زيي بس هو جراحة...وانا هبقا امراض نسا
نورا:امممم طيب وريني الجواب
ووريتها مرام الجواب وكان كاتب فيه(طبعا مستغربة تصرفي وستغربة حكاية الجواب بصي يا ستي هعرفك بنفسي انا رائد وانتي اكيد عارفة سني وعارفة ان انا في طب جراحة وياريت تكوني بتقرأي الجواب قدام اهلك عشان مش نبقا بنعمل حاجة غلط انا عارف انك حلوة وشباب الجامعة كلهم عينهم عليكي وانا كنت بحاول اقاوم جمالك ومبقاش واحد
من الي معجبين بيكي بس بصراحة مقدرتش تقريبا كدة انا قولت كل الي عندي مستني اعرف الي عندك)
نورا:ههههههههه ده مجنون بس شكله محترم
مرام:انا قولت كدة باردو
نورا:هههههه طيب انتي عاوزة ايه دلوقتي
مرام:عاوزة اعرف ارد عليه ولالا ولو رديت هقول ايه
نورا:لو انتي معجبة بيه ومقتنعة بيه ردي عليه اما حكاية تقوليله ايه ديه فانتي تقولي كل الي في قلبك وبصراحة
مرام:ربنا يخليكي ليا يا احسن اخت في الدنيا
وقامت مرام
نورا:مرااام
مرام:نعم
نورا:ع فكرة هو كاتب رقمه في اخر الورقة
مرام:احم طيب اوك
نورا:كلميه
مرام:بجد!!! اوووكي
نورا:مش هتاكلي
مرام:اشجان حطتلي الاكل وكنت جعانة واكلت
نورا:اوكي يا قلبي بالهنا والشفا
في مكان تاني في فيللا
واحد:انا تزقني بعيد عنها وتتكلم معايا كدة ده انا مفيش بنت رفضتني ده كلهم هيموتو عليا
شخص:ما تهدى يا كريم اهدى مش كدة هي مين ديه الي عملت فيك كدة..وبعدين ما يمكن محترمة
كريم:محترمة!!!ديه رقاصة..رقاصة ترفضني انا يا رائد
رائد:وهما الراقصات مش محترمين انت عقلك متخلف اوووي وقديم اوي
كريم:نعم ياخويا وهي لو محترمة تعرض جسمها للناس ليه
رائد:ما يمكن اضطرت...وبعدين هي رفضتك انت بس
كريم:لا ديه بترفض كله وده الي هيجنني
رائد:عشان تعرف انها محترمة
كريم:ههههه محترمة يا رائد يا خويا انت غلبان الي زي دول مبيبقوش محترمين(نسيت اقولكم ان رائد اسمه رائد سراج الدين اخو كريم يعني)
رائد:والله متخلف...المهم تعالى احكيلك الي حصل معايا النهاردة.......(وحكاله)
كريم:ههههه سابتك ومشيت عبيط
رائد:لا ديه محترمة
كريم:المهم حلوة؟
رائد:مكنة.....ما تحترم نفسك انت مالك ديه هتبقا مرات اخوك
كريم:هههه مرات اخويا...ده انا اخويا طلع بيقع بسرعة
رائد:تصدق ان انا غلطان اني بحكيلك
كريم:خلاص يا عم هعملك تحريات عنها بكرة
رائد:نعم يا خويا تحريات عن مين ما تعملها فيش وتشبيش احسن اخرج منها يا عم انا واثق فيها اوي
كريم:طيب انا طالع انام ورايا شغل
رائد:وانت فاضي للشغل ولا للكباريهات
كريم:اسكت خالص متفكرنيش بيها بس مسيرها تقع
رائد:شكلك انت الي هتقع
كريم:ههههههاااي يبقا متعرفش اخوك كويس
رائد:حاسب بس ابوك يعرف
كريم:انت فاكر ان سيادة الوزير ميعرفش ما هو عارف وهو مكران عليا من شوية..بس مش عارف يمسك عليا غلطة شغلي كله تمام
رائد:هيجي يوم ويمسك
كريم:انا هروح انام احسن
رائد:روح..وانا هروح اشوف موبايلي بيرن..ده رقم مين
رائد:الو
صوت بنت:الو مش ده رقم رائد
رائد:كنت عارف انك هتتصلي يا مرام
مرام:يا سلام وعرفت منين
رائد:قلبي قاللي
مرام:ههههههه
رائد:بس انتي بتتصلي من ورا اهلك؟
مرام:لا طبعا اختي الكبيرة عارفة وتعتبر هي كل اهلي
رائد:ازاي
مرام:بابا وماما ماتو وهي الي ربتني واتولت امري من وهي عندها 16 سنة وحتى سابت التعليم بعد الثانوي عشاني واشتغلت وصرفت عليا وكبرتني وعيشتني في احسن مستوى واحسن تعليم
رائد:ليه هي اختك بتشتغل ايه
مرام:اختي!!
رائد:اها
مرام:اختي...راقصة
رائد:ايه؟!
مرام:زي ما سمعت اختي راقصة في كباريه ولو ميشرفكش ده وعاوز تسيبني انا معنديش مانعas you like D.r باي
وقفلت مرام السكة في وشه ورمت الموبايل ع السرير ونامت
اما رائد ف استغرب: ازاي اختها رقاصة وهي الي مربياها وتربيتها كويسة كدة
وعدى اليوم ع ابطالنا وجه الصبح عند نورا:
كانت نورا قاعدة ع السفرة مستنية مرام ومرام نزلت شافتها قاعدة
مرام:صباح الخير
نورا:صباح النور ايه الكسل ده كله يا عم مش عوايدك يعني
مرام:معلش رحت في النوم شوية...امال فين الفطار انا جعاانة
نورا:هههههههه وايه الجديد..يا اشجاان حطي الفطار
اشجان:حاضر
واتحط الفطار وبيفطرو
مرام:عندك يغل النهاردة
نورا:ليه
مرام:زهقانة عاوزة اخرج
نورا:يبقا هنخرج...خلصي فطار وهخرجك
مرام:قشطة
نورا:عملتي ايه امبارح مع الدكتور
مرام:كلمته وقولتله ع كل حاجة بصراحة واديته فرصة يفكر مع نفسه
فهمت نورا قصدها:اسفة يا ميرو
مرام:نعم!!ايه اسفة ديه مين المفروض يتأسف لمين انا المفروض اتأسفلك 1000 مرة عشان انتي عملتي ده كله عشاني انا سيبتي تعليمك واشتغلتي كل حاجة وفي الاخر اشتغلتي رقاصة عشاني انتي المفروض حل العالم يحترمك ولو عليه لو مش عجبه يمشي ميهمنيش المهم انتي
نورا:هسس خلاص انتي لما بتتفتحي مبتسديش
مرام:هههههه..انا هروح البس عشان نخرج وانتي كمان قومي
نورا:انا قايمة اهوه اشجان تعالي لمي الاطباق
وراحت نورا ومرام يلبسو عشان يخرجو مرام لبست جيبة سودا قصيرة جلد وعليها بادي كات ابيض وجاكيت قصير اسود جلد
نورا لبست بنطلون اسكيني تلجي وعليه بادي اصفر كات وجاكت ابيض دانتيل ورفعت شعرها كحكة كبيرة عشان شعرها طويل
ومرام شعرها قصير وفرداه دخلت مرام ل نورا
مرام:خلصتي..ايه ده لا هتتعاكسي مني كدة
نورا:هههه انا باردو ايه الجيبة القصيرة ديه
مرام:خلاص بقا يا نونو متركزيش
نورا:ماشي يلا بينا
ونزلو ركبو عربية نورا
يا ترا هيروحو فين؟؟
وايه اللي هيحصل معاهم ؟؟
ورائد:هيكمل معاها ولا لا؟
وكريم هيعمل ايه؟؟
هنعرف في الحلقات الجاية
ده لو حابين اكملها
