رواية"الراقصة"
( الحلقة الخامس)
خلصت نورا الرقصة ودخلت اوضتها وغيرت وعدت ع صاحب الكباريه واخدت الفلوس وخرجت وراحت عند العربية ولسة بتركب ايد مسكتها
...:هتركبي معايا
نورا بعصبية:نعم!!ومين انت ان شاءالله عشان اركب معاك
..:هتركبي وغصب عنك
نورا بستهزاء:كان غيرك اشطر
..:يلا ومن غير كلام كتير
نورا:مين انت عشان تكلمني كدة
...:انا ابراهيم ابن عمك
نورا:انا ماليش اهل ومليش ولاد عم وسيب ايدي
ابراهيم:طيب تعالي عشان تتأكدي(وخدها وراح بيها ع العربية الي مأجرها)
ابراهيم:البطاقة اهيه
قرتها نورا بصوت عالي:ابراهيم ادم سويلم
نورا:ايوة يعني عاوزين ايه مني
ابراهيم:الكلام هنا مش هينفع اركبي
نورا:مبركبش مع حد
ابراهيم بعصبية:تركبي برضاكي احسن ولا بالعافية
نورا:طيب همشي ورا عربيتك بالعربية بتاعتي
ابراهيم وعينه بتطق شرار:نورااااا(ومسكها من دراعها وركبها في العربية بالعافية وقفل الباب وركب الناحية التانية)
عند الكبارية وتحديدا عند الحرس
...:مين ده الي ركبت معاه نورا
الحارس:معرفش انا اول مرة اشوفه يا كريم بيه
كريم بعصبية:وازاي تخلوها تركب معااه
عند نورا
نورا بعصبية:ممكن افهم انت موديني فين
ابراهيم:وطي صوتك احسنلك وبعدين انا ابن عمك
نورا بستهزاء:طيب يا ابن عمي احنا رايحين فين
ابراهيم:هنتكلم
نورا:في اييه
ابراهي وقف العربية:في انك هترجعي معايا
نورا بصدمة:نعم!!ارجع معاك فين انت مجنون
(نزلت من العربية وهو كمان نزل ومسك ايديها وزقها ع العربية وحط ايديه الاتنين ع العربية وهي كانت في النص)
ابراهيم:هترجعي معايا البلد ونتجوز(كان قريب اووي منها)
نورا بعصبية:ايه الكلام الفارغ ده انا اتجوزك انت لا وكمان ارجع معاك البلد
ابراهيم قرب وشه منها ومسك طرف دقنها
نورا بعصبية:ابعد عني
ابراهيم:نورا اهدي انتي هتبقي بتاعتي(ولسة بيقرب منها حس بأيد ع كتفه)
...بعصبية مكتومة:بيتهيألي قالتلك ابعد عنها
...:نوراا روحي اركبي العربية(بعصبية اكتر)رووووحي
ابراهيم بستهزاء:ومين انت
...:الرائد كريم سراج الدين امن دولة..تحب تمشي بهدوء ولا تلبس قضية متعرفش تخرج منها
ابراهيم بغيظ:ماشي سلام هنتكلم تاني يا نونو(ومشي(يارب تعمل حادثة))
لف كريم ل نورا بعصبية:مركبتيش ليه
راحت نورا ركبت من غير ما تتكلم وراح كريم وراها وركب وشغل العربية ومشيو وطول الطريق ساكتين لحد اما نورا قطعت الصمت
نورا:احم ممكن توصلني ع الكباريه وهاخد عربيتي من هناك
كريم بيكتم عصبيته:ممكن تسكتي(سكت شوية):اما انتي مش بتركبي مع حد ايه الي خلاكي تركبي معاه وكمان وانتي متعرفهوش
نورا:كان بيقول انه ابن عمي
كريم:هو اي حد يقولك انا ابن عمك تروحي معاه ليه طفلة انتي
نورا بعصبية:لا بس وراني البطاقة بتاعته
كريم:افرض البطاقة مزورة
نورا:معقدش.ثم انه ركبني بالعافية...بس انت كنت بتعمل ايه هناك؟!
كريم:احم مش مهم انا كنت بعمل ايه
نورا:طيب عمتا شكرا
كريم:عادي لو اي واحدة غيرك كنت عملت كدة باردو
نورا:طيب
كريم:ممكن تاني مرة متسمعيش كلام حد او ابقي هاتيلك بودي جارد انا مش هبقا موجود كل مرة
نورا:انا مسمعتش كلام حد قولتلك انه اخدني بالعافية
كريم بعصبية:الي انا شوفته انك كنتي مستسلماله مش بتقوميه حتى
نورا بعصبية:انا مسمحلكش انا كنت بقوله يبعد عني مكنتش اقدر اعمل اكتر من كدة عشان ميتهورش اكتر
وصلو قدام بيتها
كريم بحنية:نورا عربيتك هتكون عندك بكرة الصبح
نورا بهدوء:لا مش لازم مش طالبة حاجة منك انا هبقا اجيبها
كريم:ههههههه انتي قطة فعلااا..بس شرسة وعنيدة
نورا عجبها شكله اووي وهو بيضحك اخد عقلها بضحكته كانت بصاله وهو سكت وبصلها عيونها كانت في عيونه قرب منها وحط ايده ع خدها ولسة هيقرب تاني موبايل نورا رن بعدت بسرعة عنه ونزلت من العربية
كريم:نونو متنسيش الي اتفقنا عليه لو خلصتي تفكير في الموضوع رني..وعربيتك هتبقا هنا الصبح(ومشي)
نورا بعصبية:حقييير-_-هلاقيها منه ولا من الي اسمه ابراهيم ده(ودخلت البيت وهي بتكلم نفسها نزلت مرام وشافتها)
مرام:ايه بتكلمي نفسك ليه؟
نورا:من الي حصل النهاردة
مرام:ايه الي حصل..ومين الي كان بيوصلك ده
نورا:اسمعي
مرام:كلي اذان صاغية
نورا:....(وحكتلها كل حاجة ماعدا اخر حاجة حصلت بينها وبين كريم واخر جملة قالها كريم)
مرام:ابن عمنا!وخاي يتجوزك ويرجعنا البلد!بس كريم طلع شهم اهوه خلصك منه.ماتتجوزيه يا نونو
نورا بعصبية:متقوليليش يا نونو..وبعدين دول اخر اتنين افكر فيهم ال اتجوزه ال
مرام:طب الاولاني كريم مين التاني
نورا:الزفت ابراهيم
مرام:طب والله كريم شكله طيب
نورا بعصبية:قوومي يا بت من هناا قووومي
مرام:هههههه طيب قومت
نورا:اقولك خليكي انا هقوم
مرام:مش هتاكلي
نورا:هاخد شاور واغير وانزل
مرام:طيب
نسيبهم يخلصو الي وراهم
عند كريم
طلع كريم ع اوضته بعد ما سلم ع الكل قلع الجاكيت وقعد ع السرير بيكلم نفسه(اتجنن يا عيني)
كريم:انا اتضايقت ليه لما قرب منها
لا اكيد انا كنت هتضايق لو اي بنت تانية مكانها باردو...صح يعني الموضوع مش متوقف عليها....ااه ياني خلاص قريب اووي نورا هتبقا معايا
بس افرض موافقتش
لالاا اكيد هتوافق عشان اختها..اما نشوف اخرتها معاكي يا نورا...هتجيلي وبرجلك(بقيت شرير يا كيمو)احم نرجع للقصة
وكالعادة دخل عليه رائد
رائد:كيموو عملت ايه في موضوعي
كريم:مين الي قالك تدخل
رائد:ايه الاحراج ده يا عم.اوضة اخويا وادخل براحتي..ها عملت ايه بقاا
كريم:متقلقش هتسمع اخبار حلوة قريب
رائد:احلف..مش مصدق انت احسن اخ في الدنيا(اه لو عرفت الي فيها بس مش هقولك خلي مرام تنفعك)نرجع للقصة
كريم:عشان تعرف اني لما بقول حاجة بعملها
رائد:هروح اقول ل مرام
كريم:لالالامش دلوقتي خالص.لما اقولك ابقا قولها
رائد:ليه
كريم:عشان...نبقا نعملها مفاجئة ونروحلهم بقا ونتقدملها
رائد:صح عندك حق
نسيبهم ونروح ل نورا
كانو قاعدين يتعشو
نورا:مرام
مرام:نعم
نورا:انتي بتحبي رائد قد ايه
مرام قلدت الاطفال وفردت دراعتها:قد كدهوه
نورا:هههههه مش قصدي اقصد انتي متمسكة بيه
مرام:عارفة يا نورا هو الشخص الوحيد الي حسيت معاه بالامان ع نفسي بعدك طبعا وحسيت انه بيحبني وخايف عليا مبيرضاش ع زعلي يعني لو انا الي غلطانة وهو زعقلي لازم يصالحني قبل ماانام بس تعرفي انا خايفة من مامته اوي لحسن متوافقش
نورا افتكرت كلام كريم
كريم:انا ممكن اخلي ماما توافق لانها بتسمع كلامي شوية
نورا:طيب ما تكلمها
كريم:بس بشرط
نورا:ايه هو
كريم:انتي
انتي
انتي
انتي
فضلت الكلمة تتردد في عقلها ابتسمت لاختها بحزن
نورا:متخافيش طلاما بتحبيه وطول ما انا معاكي الي انتي بتتمنيه هيتحقق
مرام:ربنا يخليكي ليا يا احلى اخت في الدنيا
نورا بابتسامة حزينة:ويخليكي ليا
مرام:مالك؟
نورا:ماليش بس زعلانة عشان هتمشي وتسيبيني
مرام:لسة بدري متقلقيش..وبعدين ما انا قولتلك اتجوزي كريم
نورا بعصبية:مرااااام متجيبيش سيرته تاني فاهمة
مرام:هههههه طيب طيب خلاص
نورا:انا هقوم انام شوية عشان تعبانة
مرام:اوكي وانا كمان هطلع انام
وطلعت كل واحدة لاوضتها
عند نورا
مسكت موبايلها وقعدت ع السرير:اعمل ايه..هي بتحبه وهو كمان بيحبها.خلاص يا نورا لازم تضحي عشان سعادة اختك طلاما انتي ملكيش حظ في الدنيا ديه يبقا كل الي انتي مأخدتهوش اختك لازم تاخده
فتحت الموبايل وكتبت عليه رقم واتصلت عليه بعد تردد
نورا:الو
...:الو ايوة مين معايا
نورا:مش ده رقم الرائد...
قاطعها كريم:ايوة هو رقم الرائد يا نورا
نورا في عقلها:عرفني ازاي!
كريم:ههههه اتخضيتي ليه كنت متوقع اتصالك ها فكرتي(في نفسه:يا ترا هتقولي ايه؟قولي لا يا نورا...ومعرفش هو عاوزها تقول لا ليه)
نورا:اها...ف..فكرت..انا..م..م..وا..ف..قة(موافقة)
كريم اتضايق وفرح في نفس الوقت:طيب امتى
نورا:مش مهم في اي وقت بس عندي شرط
كريم:طيب نتقابل ونتفق ع كل حاجة
نورا:طيب اوكي فين
كريم:هنروح مطعم...الساعة5 كويس
نورا:ماشي تمام(وقفلت من غير ما تقول سلام)
نامت ع السرير وحضنت المخدة:اااه يا بابا لو كنت موجود مكنش حصل ده كله ليه سبتنا ليييه(ونزلت دموعها)انا بموت يا بابااا محتاجة ليك انت وماما اوووي(ونامت من كتر التفكير والعياط)
وعدى اليوم
الساعة 4ونص عند نورا
كانت نازلة من ع السلم لابسة بنطلون اسكيني اسود جلد وعليه بادي كت ابيض وجاكيت اسود قطن قصير من قدام وطويل شوية من ورا ورافعة شعرها كحكة
مرام:رايحة فين
نورا:مشوار وراجعة بسرعة متخافيش
مرام:مش هتخرجيني
نورا:اما ارجع باي
ومشيت
عند كريم خرج من شغله ع المطعم ووصل هو الاول وبعدين هي وصلت وشافته قاعد وراحت عنده
نورا:مساء الخير
كريم:مساء النور..تشربي ايه ومتقوليش مش عاوزة عشان هتشربي
نورا:اوكي اخد كوفي
كريم:طيب(وطلب اتنين قهوه)
كريم:ها ايه شرطك
نورا:شرطي...هو
جه الجرسون وحط القهوة وخد كل واحد فنجانه
كريم:كملي سامعك
نورا:شرطي..اننا نتجوز
كريم بصدمة:ايه!!!
نورا:نتجوز حتى لو ليوم واحد وطلقني تاني يوم..انا مقدرش اعمل غير كدة
كريم:.....
عند ابراهيم
بيتكلم في التليفون
ابراهيم:يا عمي مكانتش راضية
سعد:طب وهتعمل ايه
ابراهيم:مش عارف..وكمان طلعلي ظابط كدة من امن الدولة ومكملتش كلام معاها
سعد:طب ما تروحلها تاني الكباريه
ابراهيم:مش بتروح النهاردة
سعد:وبعدين
ابراهيم:خلاص انا عرفت هعمل ايه
سعد:هتعمل ايه؟
ابراهيم:كل خاجة في وقتها حلوة سلام
سعد:سلام
وقفلو مع بعض
يا ترا كريم هيوافق ع شرطها ولا لا؟
وهيقولها ايه؟؟
وايه الي ناوي عليه ابراهيم؟؟
ورائد ومرام هل هيتجوزو فعلاا؟
هنعرف في الحلقات الجاية
