(الحلقة الثالث)
رواية "الراقصة"
هدى:استني يا نورا
نورا:هجيب العصير
هدى:لا احنا مش جايين نشرب عصاير
نورا:مش فاهمة!!
هدى:اممممم هفهمك بصي طبعا احنا عارفين ان اختك مؤدبة ومحدش يقدر يكلمها او يقول عليها حاجة وابني معجب بيها بس ده كله ميمنعش ان احنا مستحيل نناسب رقاصة
رائد:ماما ايه الي انتي بتقوليه ده ؟؟؟
احمد:رقاصة!!!مين الي رقاصة
نورا:انا...وبعدين المفروض ابنكم كان يقولكم قبل ما تتعذبو وتيجو(بصت ل رائد)
هدى(بغرور):اها هو قاللي..بس انا محبتش اجيب سيرة ل باباه عشان ميتنرفزش
احمد:لالالا ده انا ع كدة مليش لازمة في البيت
نورا:لالا اكيد المدام متقصدش كدة هي قالت عشان حضرتك متتعصبش
احمد:هو بصراحة في الاول اكيد كنت هرفض لكن بعد اما شوفت اخلاقك وزوقك وجمالك....
هدى:ايه الي انت بتقوله ده ديه مهما كانت رقاصة
كريم(بصوت واطي):اتفضل يا عم ابوك بيعاكسها وامك مش طيقاها
رائد:اسكت انت خالص..اكيد قولتلها حاجة..هي كانت موافقة
خالد:اها هي رقاصة بس ديه اشرف من بنات كتير محدش يقدر يتكلم معاها كلمة
هدى:ده ميمنعش انها بتشتغل شغلانة مينفعش بنت تشتغلها
نورا:امال مين لامؤاخذة الي يشتغلها...وبعدين ده شغلي وانا حرة وبيتهيألي حضرتك مش جاية عشان تتكلمي معايا في اللي بشتغله
هدى:انا جاية بس عشان اقولك ان مستحيل ابني وابن الوزير يتجوز اخت رقاصة
رائد:ماما ايه الي انتي بتقوليه ده انتي كدة اكيد مش ام انتي....
نورا:رااائد(هزت راسها بعلامة نفي)
احمد:ايه الي بتقوليه ده يا هدى
هدى:ده الي عندي(قامت وقفت ومشيت لغاية الباب):ابقو نادو ع شيماء
احمد:يا بنتي ما...
نورا(بابتسامة هادية):مش تقول حاجة يا عمو...كان نفسي اقولكم اقعدو اتغدو معانا بس...للاسف المدام مش عاوزة
ابتسم احمد:اوعي تفتكري ان انا مليش كلمة ده انا الوزير احمد سراج الدين وهنشوف متزعليش من الي حصل
نورا:ولا يهمك
خرج احمد
رائد:نورا والله ما اعرف ان ماما هتعمل كدة...اتأكدي ان انا مش هسكت ومرام مش هتتجوز غيري
نورا:........(ساكتة)
رائد:نورا انا اعرف انك طيب اسف....وقولي ل مرام متزعلش وان انا بحبها
نورا بهدوء:اوكي
رائد:كابتن خالد انا عارف انهم بيعتبروك اخوهم بس كلام راجل ل راجل انا مش هتخلى عن مرام
خالد:ربنا يقدم الي فيه الخير...هطلع انادي شيماء
نورا:طيب
خرج رائد
بصت نورا ل كريم الي كان لسة قاعد ورفعت حاجبها
راح ووقف قدامها
كريم:كلمة رقاصة مش لايقة عليكي بس للاسف ديه الحقيقة يا نونو
نورا بابتسامة سحرته:بيتهيألي باباك بيسأل عليك
كريم:باي باي يا....نورا
نورا(بصوت واطي):في داهية
نزل خالد ومعاه شيماء
شيماء:باي باي يا نونتي(باستها من خدها)
نورا:باي يا قلبي
شيماء:هبقا اخلي كريم او رائد يجيبوني تاني
نورا:تنوري انتي ورائد
شيماء بخبث:طيب وكريم
كريم:يلا يا شيماء
شيماء:طووويب...باااي
نورا:باااي
ومشيو كان كريم ورائد في عربية وهدى واحمد وشيماء في عربية وطبعا عربيات الحرس بتوع الوزير وراهم
عند كريم ورائد
كريم:ما تفرد وشك ده
رائد بصله وبص قدامه
كريم:ماشي براحتك يا دكتور
نسيبهم ونروح عند هدى واحمد
هدى:انت ساكت ليه.....انا كان لازم اعمل كدة
احمد:انامش هرد عليكي عشان البنت والسواق بس قاعدين ولينا بيت
هدى:......(ساكتة)
عند نورا
خالد:مش هتطلعي ل مرام
نورا:خايفة يا خالد انا مقدرش اسوفها زعلانة وبسببي كمان
خالد:ايه الكلام ده يا نورا هو ايه الي بسببك قومي اطلعي ل اختك شوفيها...وانا هبص ع المطعم وهاجي عشان اكل معاكم
نورا:طيب متتأخرش
خالد:اوكي باي
ومشي خالد
نورا:ياااا رب اطلعلها ولا اعمل ايه...هطلعلها
لا مش هطلع اكيد زعلانة مني
لا هطلعلها مش هقدر اسيبها لوحدها خلاص انا هطلع
طلعت نورا وخبطت ع الباب ودخلت
وشافت......
في بيت الوزير
دخلو كلهم الفيللا
احمد:هدى هانم يا ريت تقوليلنا اتصرفتي كدة ليه
هدى:عشان ابني اكييد مش هيتجوز اخت رقاصة
شيماء:ايه!!
كريم:اطلعي ع اوضتك يا شيماء ومن غير نقاش
طلعت شيماء
رائد:طب ازاي ده انتي كنتي موافقة كنتي بتباركيلي ومبسوطة...ده كله تمثيل؟؟!!
هدى:طبعا
احمد:طب وليه؟؟
هدى:عشان تخلوني اروح
احمد:وصلت بيكي الجرأة انك تروحي عشان تهزقي الناس في بيتهم
هدى:لا عشان ديه تبقا عبرة لكل بنت هتحاول توقع ابني عشان فلوسه وعشان باباه وزير
رائد:فلوس!!!فلوس ايه...ديه بتشتغل كدة من وهي عندها 17سنة يعني تخيلي عندها فلوس قد ايه...ثم ان فيه شباب كتير اغنى مني اتقدمولها وهي موافقتش
هدى:هي حرة...لمن انت لا وجواز من البنت ديه مفيش
احمد:ومين الي قرر ده؟
هدى:انا....ويا انا يا الجوازة ديه هنا في البيت ده
احمد:يبقا.....
كريم:بابااا
هدى:سيبه يكمل..كمل يا سيادة الوزير
سابهم ومشي
رائد:ماما انا بحب البنت ديه ومش هتجوز غيرها
هدى:وانا قولت الي عندي
كريم:اهدى يا رائد
رائد:انت تخرس خالص اكيد انت...
هدى:رائد كلم اخوك كويس
رائد:اكلم اخويا كويس!!اه طبعا ما هو ابنك نن عينك الي متقدريش ترفضيله طلب لا انتي ولا بابا انما انا انتي مش همك افرح ولا ازعل ولا حتى اموت
هدى:رائد!!!
رائد:لو كان ابنك كريم هو الي هيتجوز ومهما كانت شغلانة البنت كنتي هتوافقي عشان تسعديه بس انما انا لا انا بقيت حاسس ان انا مش ابنك انتي معندكيش غير ابن واحد وهو كريم متقدريش ترفضيله طلب وبتعملي المستحيل عشان تنفزيله طلبه
هدى:رائد انت بتقول ايه انت ابني وكريم ابني انتو الاتنين عندي واحد
رائد:هههههههه انتي بتكدبي ع نفسك ولا بتكدبي عليا كفاية كدب بقا
كريم:راائد انت زودتها اووي رد ع امك عدل ايه الطريقة ديه
رائد:طبعاا لازم تدافع عنها ما انت ابنها الوحيد...اعرفي ان برفضك للموضوع ده انتي كدة فعلا بتخسري ابنك التاني ده لو بتعابريني ابنك
سابهم وطلع
هدى:رااااائد
كريم:ماما سبيه يهدى وانا هبقا اطلعله
في مكان تاني جديد اول مرة نروحه في الصعيد بالتحديد:
....:بتشتغل رجاصة
....:ده الي سمعته يا عمي لما رحت مصر لا والرجالة كلها هتموت عليها
....:جابتلنا العار!!ديه لازم تموت
....:يا نجوزها
....:نجوزها؟
....:....
نرجع ل نورا
دخلت نورا ع مرام
نورا:راحت فين مرااام..ميروو
راحت خبطت ع التوليت مردتش
نورا:مرااام(راحت عند الفرندا وشافتها قاعدة ع السور):خضتيني عليكي قاعدة كدة ليه
مرام:نورا..انا اسفة(نزلت دمعة من عينها)
نورا:ع ايه!
مرام:لانك وبسببي بتتعرضي للاهانة كل يوم
نورا:ايه الهبل ده حد قالك ع اختك انها ضعيفة انا محدش يقدر يهينني لان انا مبديش فرصة لحد وبعدين ده انا الي جاية اقولك متزعليش عشان رائد
مرام:مش زعلانة انا الي ميقدرش ويحترم اختي يبقا مع السلامة(وعيطت)
نورا:تؤتؤ ايه الندالة ديه بقا الواد يقولي انا بحب مرام ومش هتتجوز غيري وانتي مش فارق معاكي
مرام:قالك كدة بجد
نورا:اه..بس واضح ان انتي مش بتحبيه
مرام:بالعكس والله انا بموت من جوايا يا نورهان بموت
حضنتها نورا:خلااص بقا متعيطيش ومتقوليليش نورهان تاني
مرام ضحكت من بين دموعها
نورا:يلا بقا عشان جعانة وخالد قرب يجي
مرام:لا مش جعانة
نورا:لالا هتاكلي والا هزعل
مرام:خلاص اوكي يلا
رن موبايلها
نورا:احم احم..ردي يمكن يطلع حبيب القلب
مرام:
نزلت نورا وردت مرام ع الموب وطلع فعلا رائد واتكلمو وهو اتأسفلها ونزلت تتعشى وخلص اليوم
تاني يوم عند رائد وكريم
دخل كريم اوضة رائد:ممكن ادخل
رائد:افندم!!
كريم قعد جمبه:ايه يا عم براحة علينا شوية مالك كدة
رائد:كريم متنرفزنيش انت تلاقيك اصلا السبب في ده كله عشان مش راضي تقتنع ان واحدة رفضتك وانها محترمة و...
كريم:بس كلام فارغ بقا من امبارح وانت عمال تقول كدة اكيد انا مش إعمل في اخويا الوحيد كدة عشان نفسي انا مش معنديش احساس للدرجة ديه يعني
رائد:اديني سبب تاني مقنع
كريم:معرفش والله ما اعرف...بس زي ما بتقول ان امك بتسمع كلامي هحاول اقنعهالك عشان تصدق..ومكنتش متخيل انك تعمل معايا انا كدة وتقول عليا كدة
رائد:ههههههههههههه ده ع اساس ان انا كنت ماشي معاك وفضحتك واتكلمت عليك بالوحش قدام الناس
كريم:ههههههههه ايوة كدة يا عم اضحك..انا إروح افطر عشان ورايا شغل مهم
رائد:ماشي يا عم المهم
كريم:ماهو اخوك مش ظابط اي كلام باردو انا ليا هيبة
رائد:يلا ياض من هنا خليني البس عشان اروح للكلية
كريم:للكلية باردو ولا للدكتورة الي في الكلية
رائد:ملكش دعوة
كريم:بس اسمها حلو ع فكرة هو مش بس اسمإا بصراحة كل حاجة
رائد:ديه مرات اخوك يا حقير برررة الاوضة ياض
كريم:انا ماشي اصلا سلام
ومشي كريم ونسيب رائد يلبس ونروح عند مرام ونور
نزلت نورا من اوضتها لقيت مرام ع السفرة
نورا:صباح الورد والياسمين
مرام:صباح النور كله ع احلى نورا
نورا:اممم حاسة انه كلمك
مرام:عاوزة الصراحة اه امبارح ودلوقتي وطمنني
نورا:ربنا يطمن قلبك ع طول
مرام:امين..وراكي شغل النهاردة
نورا:اها
مرام:هترجعي امتى
نورا:مش عارفة
مرام:طب ما كفاية شغل كدة احنا عندنا فلوس كتير
نورا:نسيتي الشرط الجزائي
مرام:اوووف
نورا:خلاص هانت...وانا مش عاوزاهم لو سبت الشغل يأذوكي بعد الشر يعني
مرام:اوكي يا نونتي انا هروح البس واروح الجامعه
نورا:اوكي خلي بالك من نفسك
مرام:وانتي كمان
وراحت مرام تلبس ونورا بتفطر
نسيبهم ونرو عند
الصعيد:
....:نجوزها؟
....:ايوة
....:بس لمين مين هيرضى
.....:انا ممكن اتجوزها انهي العار الي جابتهولنا
في مكان تاني من نفس البيت
بنتين في سن ال18 قاعدين
البنت1:شايفة عسولة كيف
البنت2:بس مهما كانت ديه رجاصة
البنت1:بس يا غبية ده جاللي انها مشهورة في مصر(الي هي القاهرة) وان الكل هيموت عليها ورجصها محدش يعرف يرجص زيه وشايفة كيف هي زينة(حلوة)
البنت2:هي من يامة زينة فهي زينة حق ده انا يالي بنت عاجبتني امال للرجال يسوو ايه
نسيبهم ونرجع تاني عند الرجالة
.....:تتجوزها انت
....:ايه مش بنت عمي وانا اولى
....:مجولناش حاجة بس هي نجيبها في الاول
.....:هتاجي متخافش
نسيبهم يتحرقو ملناش دعوة بيهم نروح عند جامعة مرام ورائد
رائد قابل مرام في الكافيتريا
رائد:اخبار القمر ايه
مرام:تمام الحمدلله وانت
رائد:بخير طول ما انتي بخير...قاعدة هنا ليه
مرام:عندي بريك..قولت اجي اشرب حاجة
رائد:طب افرض حد عاكسك وانتي زي القمر كدة
مرام:احم..محدش يقدر
رائد:ههههههههه تشربي ايه
مرام:كوفي
رائد:ليه كدة
مرام:انا ونورا مدمنين قهوة
رائد:بس غلط عليكم كدة يا دكتورة
مرام:عارفة بس نعمل ايه بقا مش عارفين نبطلها
رائد:ع فكرة اهتك زادت في نظري اووي من امبارح
مرام:ربنا يخليها ليا
رائد:امين ويخليكي ليا
مرام:احم...وبعدين
رائد:خطيبتي وبراحتي
مرام:لسة ما....
رائد:هتبقي ان شاء الله
مرام بصوت واطي:ان شاء الله
ابتسم رائد وراح يجيب الي هيشربوه
نروح عند كريم
كان قاعد عند ظابط بتاع اداب
كريم:هاا
الظابط:لالالا نورا معليإاش اي خاجة وبتهيألي مدخلتش القسم في حياتها الا ممكن عشان البطاقة
كريم:امممم يعني نضيفة
الظابط:هي سمعتها سبقاها اصلا محدش يقدر يقرب منها مبتسمحش لحد
كريم ابتسم:طيب تمام شكراا عاوز حاجة
للظابط:ولا يهمك انت تؤمر..لا مش عاوز مع السلامة...بقولك صح..انا هروح النهاردة في مهمة للكباريه لو عاوز تيجي
كريم:تمام هخلص الي ورايا بدري واروح معاك
الظابط:ماشي
خرج كريم وراح ع مكتبه في امن الدولة
نسيبه ونروح عند نورا
نورا خلصت الي وراها في البيت ولبست
نورا:اشجااان
اشجان:ايوة
نورا:لما تيجي مرام حطلها الاكل
اشجان:حاضر..هترجعي امتى
نورا:مش عارفة لو هتبقي عاوزة تنامي نامي
اشجان:لا هستنى حضرتك
نورا:ابقي نامي لو اتأخرت يلا باي
اشجان:مع السلامة
راحت نورا ع الكبارية ودخلت عند صاحب الكباريه
صاحب الكباريه:وانا اقول الكباريه نور ليه اتاري القمر دخله
نورا:ماشي هنعدي البكش ده..بس فين العقد الي طلبته والتعويض يا مهدي
مهدي:ادي يا ستي العقد اقريه وزودي الي انتي عاوزاه وادي شيك اكتبي الرقم الي انتي عاوزاه
نورا:اهو كدة الكلام المظبوط
مهدي:انا مقدرش ع زعلك يا حبيبة قلبي
نورا بصوت واطي:حبك برص....هطلع امتى
كمان ساعة كدة يكون الناس جات والمعجبين وصلو
نورا:طيب
مهدي:روحي ع غرفتك وهبعتلك الكوافيرة تظبطك
نورا:ماشي انا رايحة
وبعد مرور ساعة من الزمن
مساعدة نورا:دورك يا نورا يلا ده محمود الليثي هنا
نورا:لا بجد؟ ايه الي جابه
مهدي:انا اعتبريه هدية عشان تصالحيني
نورا:ههههههههه لا كدة خلاص سامحتك
مهدي:عاوزاه يغني ايه
نورا:اي حاجة
مهدي:ايه رأيك في محمود ايه ده يا محمود
نورا:ههههههههه ماشي
مساعدتها:ابقي غني معاه
نورا:اغني ازاي انتي اتهبلتي ولا ايه
مهدي:عندها حق سمعت ان صوتك حلو يلا انتي الي هتغني
خرج
نورا:استنى بس..انتي يا ام سبع السن انتي
مساعدتها:انا مالي انايلا عشان تطلعي
نورا:يلا قايمة اهوه
خلوني اوصفلكم شكل نورا(كانت لابسة عباية بيضاء ضيقة وفيها فتحتين واصلين لغاية الركبة وكانت مفتوحة من فوق شوية وفي وسطها متحزمة ب(مش فاكرة اسمه)لونه بينك فيه استراس فضي والميك اب بتاعها كان رقيق وشعرها كانت فرداه وكان اسود وطويل اووي وخلخال ذهب في رجلها)
واول ما طلعت ع المسرح الكل سقفلها وصفرلها
واشتغلت الاغنية وهي كانت بتغني معاه وبترقص
في نفس الكباريه عند البار
كان قاعد كريم مع الظابط
الظابط:ليهم حق الرجالة تموت فيها
كريم:ليه...وقعت ولا ايه؟
الظابط:بصراحة هي جميلة جدااا كفاية عيونها ولونهم الي يسحر اي حد
كريم اتضايق:طيب خلاص ياعم ما تروح تتجوزها احسن
الظابط:ياااا ريت بس خاطب للاسف
كريم:حقيير هقولها
الظابط:لا بالله عليك ديه بتغير من خيالها
خلصت الرقصة بتاعة نورا وراحت ع غرفتها
كريم:عن ازنك
الظابط:ع فين
كريم:هروح الحمام يا عم
ومشي كريم راح لنورا
عند نورا
مساعدتها:نورا كريم سراج الدين برة
نورا:بجد دخليه
نورا:بجد! دخليه اما نشوف عاوز ايه
ودخل
كريم:ازيك يا نونو
نورا:روحي انتي دلوقتي
وخرجت مساعدتها
نورا:نعم!!
كريم:ليه المعاملة ديه طيب
نورا:عاوز ايه يا سيادة الرائد
كريم:انا في ايدي اخلي اختك سعيدة وتتجوز اخويا
نورا:امممم ازاي
كريم:الوالدة بتسمع لكلامي شوية
نورا:طب ما تكلمها
كريم:هكلمها.....بس عندي شرط
نورا:ايه هو؟؟
كريم:..........
يا ترى ايه هو الشرط؟؟
ونورا هتوافق ولا لا؟؟؟
ومرام هتنخطب ل رائد ولا لا؟؟
