رواية من قلب الظلام كامله جميع الفصول بقلم عمرو علي

 رواية من قلب الظلام 

بقلم عمرو علي 

البارت الاول والثاني

البارت الاول

ما تقومي يابت ترق*صي شوية ل ابوكي

= نعم!

أنتي لسة هتستغربي ، ابوكي مز*اجه مش ر*ايق وعايزينه يروق

= روحي انتي ارقص*يله يا مرات ابويا

معايا بنت في الجامعة غريبة جدا ، تصرفاتها ، لبسها ، كلامها ، كل حاجة غريبة فيها ، متحسهاش بنت لا دي تحسها ولد ، فضولي كان كل يوم بيزيد عشان اقرب منها وأعرفها اكتر خصوصا اني عمري ما كلمتها قبل كدا ، كنت خايف ترفض كلامي او بمعنى اصح كنت خايف من رد فعلها عموما ، قعدت على جنب عشان افكر في طريقة مناسبة أو صدفة حتى ممكن تجمعني بيها ، حسيت ب خطوات حد جاي ، ببص لقيته سامح

قاعد لوحدك ليه يا يوسف

= لا عادي

شايفك مركز مع حد 

= غريبة البنت دي

قصدك ندى

= هي اسمها ندى

اه ندى مشاكل

= يعني ايه

مفيش حد اتكلم معاها كلمة واحدة غير لما تت*خانق معاه

= طب و دي هكلمها ازاي يا سامح

انت ملقتش غير ندى ، بنات الجامعة كلهم قدامك اهو بس ابعد عن دي

" كلامه كان بيحفزني اكتر عشان اتشجع و اقرب منها ، فضلت اراقبها كل يوم و اراقب تصرفاتها لحد ما كملت أسبوع ، كان عندي مكان بحب اقعد فيه لما أكون عايز ابقا لوحدي ، قعدت و لسة بستريح ، سمعت

بقالك كتير بتراقبني ، عايز حاجة

" كنت مصدوم من جر*ائتها ، خصوصا ان مفيش بنت هتيجي تقول كدا حتى لو انا براقبها

= وانا هراقبك ليه يعني

اسأل نفسك ، انت مفكر اني مش شايفاك ولا ايه

= اكيد بيتهيألك

عايز مني ايه يا يوسف

= كمان عارفة اسمي

طبعا ، و دلوقتي عايزة اعرف انت عايز ايه

= عايز اعرفك أكتر

وتعرفني ليه

= تقدري تقولي اتشديت ليكي

بس دا مش هيدوم كتير

= ليه

عشان مفيش ولد بيحب ولد 

= ازاي مش فاهم

يعني انت مشدود عشان شايفني بلبس لبس ولاد ، بتكلم زيهم ، بتعامل بطريقتهم صح

= صح

كل دا عشان اقدر اخفي اني بنت نهائي

= وأنتي عايزة تخفيها ليه

مش مهم ، ابعد عني يا يوسف

= عايز افهم

مش هتستفاد حاجة

= ممكن الاول كان فضول بس اللي انا متأكد منه انه حاليا مش فضول ، انا حابب اتعرف عليكي

مش هينفع صدقني

= ليه 

عشان انا هختفي

= مش فاهم

يعني انا هعمل عم*لية تح*ويل من بنت ل ولد!!  

من_قلب_الظلام

عمرو_علي🌓❤️

يتبع

البارت الثاني

انا هعمل عملية تحويل من بنت ل ولد

= انتي بتهزري! ، ليه تعملي حاجة زي كدا

كرهت كوني اني بنت ، كرهت جسمي ، كرهت نظرات الرجالة ليا

= وهو أي راجل يبص ل بنت ، تروح تعمل عملية تحويل

كفاية كدا ، انا مش قادرة اتكلم

= بس انا عايز اسمع

انت ملكش علاقة بيا

= عايز يبقا ليا

مش هينفع

= ايه اللي هيمنع طالما مش خايفة مني

انا مش بخاف لا منك ولا من غيرك

= عايز اسمع كل اللي جواكي يا ندى

تسمعه عشان تقرف مني وتمشي

= أوعدك مهما كان اللي هسمعه ف انا عمري ما همشي

ومين قالك اني بصدق وعود الرجالة

= طب وحياتك انتي 

وهو انا مهمة عندك عشان تحلف بيا

= لو مكنتيش مهمة مكنتش هقف الوقفة دي

بس انت متعرفنيش يا يوسف

= حابب اعرفك

" زي اي طفل بيكبر يلاقي مشاكل بين ابوه و امه ، بس المشاكل بتاعتنا كانت غير ، مشاكلنا كانت بسبب الفقر

اتصرف يا ياسر ، اعمل اي حاجة

= وانا هعمل ايه يعني ، مفيش شغل ولا اي مكان راضي يقبل بيا بسبب اني مش معايا شهادة

انا وبنتك هنموت من الجوع

= استحملي يا ريهام لحد ما اشوف حل

وهنعمل ايه في مدرسة ندى ، دول عايزين المصاريف بكرا ، عايزين 2000 جنيه

= من رأيي بلاش تعليم احسن ، و اول ما تكبر شوية نشوفلها عريس ونجوزها

انت عايز ترمي بنتنا يا ياسر

= لا خليها معانا في الفقر دا ، خليها قاعدة جنبك

مش مهم الفقر ، المهم اني اكون مطمنة عليها

= انا فيا اللي مكفيني ومش ناقص محن نسوان ، انا نازل يمكن الاقي شغل

" كانت الايام بتعدي علينا انا وامي كأنها سنين ، بنبقا تعبانين ومش بنقول عشان مش معانا فلوس نجيب علاج ، استحملنا الوضع دا 3 سنين لحد ما في يوم دخل علينا ابويا وهو شايل اكل ولبس وحاجات كتير اوي

ايه دا يا ياسر ، ايه الحاجات دي كلها

= فرجت خلاص يا ريهام ، ربنا رزقنا 

بجد ، الله ايه اللبس الجميل دا 

= من النهاردة هناكل احسن اكل وهنلبس احسن لبس

منين دا كله

= اشتغلت خلاص

فين ولا مع مين

= مع المعلم حامد

" بمجرد ما امي سمعت الاسم ، رمت من ايدها الحاجات اللي كانت شيلاها 

المعلم حامد تاجر المخدرات

= اه

وانت بتشتغل ايه معاه

= بنقل البضاعة بس

دا تاجر مخدرات يا ياسر ، انت عارف لو اتمسكت هتاخد فيها كام سنة

= كفاية نكد بقا ، مبتعرفيش تفرحي ، دا رزق ومبعوت لينا ، ولا عايزانا نفضل في الفقر طول عمرنا

بس دا خطر يا ياسر

= متقلقيش ، ان شاء الله ربنا هيسترها ، خدي الفلوس دي و ادفعي مصاريف مدرسة ندى وهاتي كل اللي نفسك فيه 

" على قد امي ما كانت زعلانة لكن كانت طايرة بالفلوس ، ابويا اختار اصعب طريق ومشي فيه ، كل ما كانت الايام تعدي ، كانت العيشة بتكون حلوة اكتر ، نقلنا بيت جديد ، عندنا عربية ، عيشتنا بقت مرتاحة أوي ولكن كان دايما ناقصنا حاجة ، ناقصنا ابويا

حمدالله على سلامتك 

= الله يسلمك ، حضري الاكل عشان انا جعان اوي

مش كفاية كدا يا ياسر

= كفاية ايه

كفاية شغل 

= انتي اتجننتي يا ولية ولا ايه

لا انا عقلت ، لو كنت وافقت زمان دا عشان كنت عبيطة لكن خلاص انا جبت أخري

= وانتي ايه اللي مضايقك

الفلوس الحرام هي اللي مضايقاني ، عيشتنا كلها حرام ، اكل وشرب ولبس وكل حاجة حرام ، بقيت قرفانة من نفسي وانت السبب ، منك لله ، كلنا ممكن نضيع بسببك وبسبب قلة عقلك يا ياسر

" اتشجعت انا كمان لما لقيت امي بتتكلم وقررت اواجه

انا كمان يا بابا زهقت من اللي انا فيه ، بقيت خايفة طول الوقت ، خايفة تروح مني ، ولو روحت احنا كلنا هنضيع بعدك ، دا غير طبعا انها فلوس حرام و الحرام عمره ما هيدوم

" كلامي كان الشرارة اللي خلت ابويا ينفجر

هو ليه كلكم جايين على ياسر ، هو مش ياسر دا اللي غير حياتكو ، اللي خرجكو من الفقر والقرف اللي كنا فيه ، مش

 ياسر دا اللي خلاكو تلعبو بالفلوس لعب ، ليه دلوقتي جايين تلومو عليا ، وهو انا كنت عملت كل دا ليه ، مش عشان اعدل حياتنا و اخليها احسن ، دلوقتي ياسر بقا وحش ، مالك يا ريهام دا انتي اكتر واحدة المفروض تشكريني ، جبتلك دهب

 من فوق ل تحت ، بقا عندك خدامة تعملك كل اللي أنتي عايزاه وأنتي قاعدة زي الملكة ،  وأنتي يا ندى ، مصاريف جامعتك بدفعها ، عندك عربية بتروحي بيها في كل مكان ، عايزين ايه تاني من يااااسر

= عايزين نطمن يا ياسر ، عايزين نعرف ننام و احنا مرتاحين

لو مشكلتك في النوم يا ريهام ابقي خدي منوم ، بقيتي مش عارفة تنامي دلوقتي انما لو كنتي بقيتي في الشارع و وبناكل من الزبالة كنتي هتعرفي تنامي كويس صح ، وقسما بالله اللي هيلومني او هيعاتبني حتى هحط صباعي التخين في عينه افقعهاااله 

" كنت مضطرة اسكت و استحمل سواء كنت انا او امي ، خلاص احنا مش هنقدر عليه ولا هنعرف نوقفه عن اللي بيعمله ، قررت اركز في نفسي بس ، مليش دعوة بيه ، كلامنا بقا مقتصر جدا ، عبارة عن عامل ايه ، انا محتاجة فلوس ، لكن ابويا مكنش هيسكت كدا ، سمعت صوت الباب بيتقفل ف عرفت انه رجع ، دقايق وسمعت امي بتصوت ، خرجت بسرعة 

في ايه

= تعالي شوفي ابوكي ، عايز يتجوز

نعم! 

" لفيت وبدأت اوجهله كلام

انت بجد عايز تتجوز

= اه هتجوز ، فيها حاجة دي

ازاي عايز تتجوز على امي 

= بصراحة امك مبقتش مكفياني ، وانا راجل وليا احتياجاتي ، امك كبرت في السن وانا محتاج واحدة صغيرة تدلعني

" بالله كفاية كملي ، الاسم فوق وتحت فضلا اقرأه "

من_قلب_الظلام 

بقلم عمرو_علي

                   الفصل الثالث من هنا

تعديل المقال