بقلم #لولو_محمد
(((((((ته مربوطه )))))))))
الحلقه الثالثه
مصطفى / سرحان فى ايه يا عم حسام
حسام / و لا حاجه الف مبروك ياعم بس متنسانيش فى الحلاوه
مصطفى / بس كدا انت تيجى بس و متقلقش هظبطك
حسام / سبها لله هسيبكوا بقى عشان يادوب انام
ليلى / ربنا معاك يا حبيبى
......................
حسام يقفل المكالمه و يحط الموبايل عالكومدينو جنب السرير و يسرح ثوانى
/////////////////////////////
فى الكليه بعد فتره طويله
حسام شايل رول لوح و مشغول بيقرا فى ملزمه عيل قصير لابس كاب اسود و تيشيرت بكم اسود و بنطلون جينز اسود يجرى جرى و يقف قدامه يجى يمين يجى يمين يجى شمال يجى شمال
حسام / متوسع يا اخ
العيل يرفع راسه لفوق تطلع سمر
سمر / ايه معرفتنيش
حسام / لا بس مش مصدق نفسى
سمر / ازيك عامل ايه انا مصدقتش نفسى لما شوفتك
حسام / انتى ايه اخبارك انتى عامله ايه انا افتكرتك ولد
سمر / بجد امال العيال الزباله صحابى مش مقتنعين بيا ليه تعال اما اعرفك عليهم و لا انت وراك حاجه
حسام / كان ورايا و هطنش انا مصدقت انى لقيتك انتى مش متخيله انا دورت عليكى قد ايه انا بشبه عالكاب ده
سمر / اه بتاعك وقع منك لما كنت بتجرى ورايا زمان
حسام / حلو عليكى احلى من مكان عليا
سمر / طبعا يابنى مش كفايه ان انا اللى لابساه تعال تعال
سمر تاخد حسام و تعرفه على تلت شباب
سمر / سعيد سيد سامى معايا من ثانوى و ده بقى حسام صديق الطفوله
سعيد / صديق الطفوله ايه ده يعنى اخيرا لقينا حد شافك و انتى بنت قبل متقلبى
سمر / اه للاسف عاش الفتره دى بس بزمتك يا حسام مش كدا احسن
حسام / هو انا ممكن اتكلم معاكى دقيقه
سمر / اه طبعا عن اذنكوا شباب
حسام و سمر يروحوا يقعدوا فى حته لوحدهم
سمر / قول يا سيدى
حسام / انتى ايه اللى جرالك
سمر / اه ابتدينا انت كمان هتكلمنى على انى بنت و مينفعش اللبس كدا و مينفعش صحابى يبقى كلهم شباب مش كدا
حسام / لا يا سمر مش ده قصدى يعنى انا اقصد انتى بتتكلمى بتقعدى بتمشى بتتحركى كانك ولد
سمر / كدا احسن انا مرتاحه كدا صدقنى فرقت معايا اوى
حسام / طب خلاص اللى يريحك احكيلى بقى كل حاجه من يوم ممشيتوا انا بجد التلت سنين اللى فاتوا ناقصين جامد اوى من حياتى و عاوز اعرف كل حاجه فاتتنى
سمر/ بص يا سيدى احنا روحنا جمعيه كدا اسمها امل مصر بصراحه الناس هناك كانوا زوق اوى جابولنا بيت ايجار و علموا ماما الخياطه و جابولها مكنه تفصيل و كمان بقو يسوقولها منتجاتها ووقفوا جنبنا اوى طول الفتره اللى فاتت و مش بس كدا دول جابولى شغل انا كمان فى الاجازات و وقت الفراغ و الحمد لله انا زى مانت شايف دخلت هندسه ذيك و حياتنا بقت مستقره و مش ناقصنى حاجه بالعكس بقيت اسعد من زمان
حسام / شغل ؟؟؟
سمر / مش شغل يعنى بس زى متقول كدا بساعد حالات فى الجمعيه مقابل اجر رمزى يعنى اقرالهم اكتبلهم حاجات عالكومبيوتر حاجات من دى اهو بسلى وقتى و بعمل خير و بكسب فلوس
حسام / ليه هربتى يوميها ليه مكلمتنيش
سمر / هاااااااااااااااه ياه هقولك ايه الفتره دى كنت تايهه و خايفه و معنديش ثقه فنفسى مكنتش عارفه الصح مالغلط لما شوفتك قدامى خفت
حسام / خفتى منى
سمر / لا انا مبخفش منك انا خفت اواجهك خفت تبص على شعرى القصير خصوصا انك كنت بتحب شعرى الطويل خفت تشوفنى وحشه و لما الكاب وقع منك روحت خدته و بقيت لبساه طول الوقت الحقيقه هو اللى ساعدنى اخف
حسام / مش فاهم
سمر / بص يا حسام متزعلش منى فى اللى هقوله بس والله قصدى خير
حسام / قولى
سمر / انا لما كنت فبيتكوا كنت بغير منك اوى قد ايه باباك راجل عظيم قد ايه كان بيلعب معاك و يحضنك و يدلعك بس هو كان عنده حق هو كان عنده ولد يتسند عليه و يخليه مطمن لكن بابا كان خايف
حسام / يا سلام
سمر / ايوه فقررت انى ابقى زيك بطلت اطول شعرى و بقيت بقصه كل ميطول
حسام / و اقتنعتى انك بكدا بقيتى ولد
سمر / هنا كانت المشكله انا عمرى مهكون ولد بس على الاقل ممكن اكون راجل
حسام / اشرحى اكتر
سمر / بيتنا كان محتاج راجل زى مالبيت ميمشيش منغير ست كمان البيت محتاج راجل الراجل هو اللى بيدى لاهل بيته الامان يا حسام لو شوفت اللى انا شوفته كنت هتفهم
حسام / احكيلى لو مش هيدايقك انا بقولك عاوز اعرف كل حاجه حصلت فى التلت سنين اللى فاتوا
سمر / احكيلك ايه و لا ايه اول منقلنا انا مكنتش بنطق كنت بصحى كل يوم بالليل على صوت خبط عالباب و ماما قاعده بتعيط ورا الباب خايفه يتكسر عليها و ماسكه السكينه مره اتنين تلاته مقدرتش اسكت روحت فتحت الباب و مسكت السكينه ووقفت للحيوان طلع جارنا فى التالت و سبحان الله نطقت معرفش جبت الجراه منين كان ممكن يزقنى يخبطنى يقتلنى بس هو خاف و جرى و مش بس كدا كان بيترعب فى كل مره عينه بتيجى فى عينى لحد معزل الحمد لله
حسام / بتهزرى
سمر / لا عرفت يوميها ان بيتنا محتاج راجل محتاجنى عليا محتاجانى اوديها المدرسه و اجيبها العيال اللى على ناصيه الشارع كانوا فى الاول بيعاكسونى لما بدات اللبس كدا و اقص شعرى فى الاول الكل انتقدنى و افتكرونى مجنونه بس صدقنى ده كان علاجى انا لقيت الامان ليا و لماما و اختى فى لبسى ده من بعيد اى حد بيشوفنا بيقول انى ولد و بيعرف ان فى حد هيقف و يدافع عن الاسره دى انا معرفش فهمت و لا لا
حسام / على فكره شعرك كدا حلو برده
سمر/ عارفه
حسام يبتسم
//////////////////////////////////
بعد كام يوم فى بيت مصطفى
الباب يخبط مصطفى يفتح يلاقى حسام و جايب شنطه
مصطفى / يابن اللعيبه يا حسام
حسام / ايه رايكوا فى المفاجاه دى
ليلى / مين حسام حبيب قلب امك احلى مفاجاه فى الدنيا
حسام / وحشتونى مووووووت
ليلى / حبيبى انت ليه مقولتلناش انك جاى
حسام / قولت اعملها مفاجاه قبل مصاصا يخلع من حلاوه تعيينه
مصطفى / و دى تيجى انت قاعد قد ايه
حسام / نزلت نهائى
ليلى / بجد ازاى
حسام / روحت للكفيل و قولتله انى نازل نهائى و حجزت التزكره و نزلت بس
مصطفى / بالبساطه دى
حسام / هههههههههههههههه يعنى تقدر تقول كدا
حسام يغمز لمصطفى
ليلى / شوفتك انا هدخل احضرلك لقمه
حسام / تسلم ايديكى يا ست الكل انا هموت مالجوع
ليلى تدخل المطبخ
مصطفى / لا بجد ايه اللى حصل
حسام / زى مقولتلك يابنى قولتله انى هرجع نهائى و رجعت
مصطفى / و الكفيل سابك بالبساطه دى
حسام / كان ليا عنده فلوس سبتهاله و رجعت
مصطفى / طب و ايه اللى جابرك على كدا يابنى
حسام / مصر وحشتنى اوى يا صاصا بجد الغربه مقرفه انا هدخل بقى لامك لحسن وحشانى موووووت
حسام يدخل المطبخ
ليلى / رجعت عشان سمر صح
حسام / فقسانى يا ست الكل
ليلى / يابنى هو اللى خلق البت دى مخلقش غيرها
حسام / تانى يا ماما
ليلى / انا مش عاوزاك ترجع للى كنت فيه يابنى انت نسيت اللى حصل زمان
حسام / لا منستش بس انا بحبها و انتى عارفه
ليلى / دى مجنونه يابنى
حسام يبص لامه
ليلى / اعمل اللى يريحك انا الغلطانه
حسام يبوسها و يطلع مالمطبخ
................
الشركه فى مصر
مصطفى قاعد مع زمايله
علاء / بتهزر
مصطفى / لا والله كانت جارتنا زمان و كل اللى حكيته صح
ابراهيم / طب محنا كدا لينا حق
علاء / اذا كان ابوها نفسه رماها فى الشارع و هى صغيره و مطقهاش احنا المفروض نطيقها
نسمه / على رايك اتاريها عمرها مجابت سيرته انا كنت فكراه ميت
علاء / دى معقده يا بنتى اتاريها كارهه الدنيا و اللى فيها
ابراهيم / ربنا يجعل كلامنا خفيف عليها
.................
حسام يدخل الشركه عالاستقبال
حسام / لو سمحت بشمهندسه سمر النمس موجوده
الاستقبال / فى معاد حضرتك
حسام / انا صديق قديم و لسه جاى مالسفر
الاستقبال / طب اسم حضرتك ابلغها بوجودك
حسام / حسام ابراهيم الدسوقى
الاستقبال / حضرتك اخو بشمهندس مصطفى
حسام / ايوه
الاستقبال / تحب اناديهولك
حسام / لا الحقيقه جاى لبشمهندسه سمر
الاستقبال / طب ثانيه واحده
الاستقبال تتلكم فى التليفون
الاستقبال / بشمهندسه سمر معاها ناس ارتاح حضرتك خمس دقايق بس تحب تشرب حاجه
حسام / لا شكرا هقعد استناها
حسام يقعد و يسرح
///////////////////////////////
فى الكليه
سمر / هو انا ممكن اتكلم معاك فى اى حاجه
حسام / طبعا مش احنا صحاب
سمر / انا تقريبا كدا بحب
حسام وشه يقلب
سمر / ايه انت كمان هتقولى عيب هو اكمنى بنت مش من حقى يعنى
حسام / انا مقولتش كدا
سمر / وشك قال انا معرفش بس بقالى فتره متغيره
حسام / باين عليكى شعرك بدا يطول
سمر / هو باين اوى كدا
حسام / مين هو ممكن اعرف
سمر / سعيد
حسام / مين ايه ازاى استغفر الله العظيم
سمر / انا عارفه انك مش بتطيقه بس هو والله شاب كويس اوى و جدع
حسام / سعيد جدع لا نكته بجد
سمر / انا معنديش حد اتكلم معاه يا حسام غيرك متندمنيش انى حكيتلك
حسام / لا متندميش بس انا بجد خايف عليكى الواد ده هيجرحك يا سمر دا ميستاهلكيش
سمر / ليه بتقول كدا يا حسام ليه بتخوفنى دا بدل متطمنى
حسام / اطمنك و لا اخدعك سعيد اللى طول الوقت مبيتكلمش غير على البنات و المزز و عمال يقيمهم دى خمسه من عشره و دى سبعه من عشره دا انسان سطحى و متخلف
سمر / بس هو بيحبنى
حسام / طب بزمتك واحد بالتفكير ده هيحب فيكى ايه
سمر تبرق
حسام / مش قصدى افهمى
سمر / بص يا حسام كويس اننا اتكمنا فى الموضوع ده بدرى عشان اعرف رايك فيا و لعلمك مش كل الناس سطحيه زيك سعيد شاف فيا اللى انت مش قادر تشوفه عن اذنك
حسام / سمر لو سمحتى استنى انا مقصدتش كدا سمر استنى
///////////////////////////////
الاستقبال / اتفضل يا بشمهندس
حسام يقوم معاها و يدخل المكتب
سمر / ازيك يا حسام جيت مصر امتى ايه المفاجاه الحلوه دى لو سمحتى يا سحر اللغى مواعيدى النهرده
سحر/ تمام يا ريسه
حسام / اول ممصطفى قالى انه قابلك نهيت و جيت جرى لسه واصل يادوب سلمت على ماما فى البيت و جيت جرى
سمر / نهيت ازاى انت سبت السعوديه نهائى
حسام / فى حاجات فى مصر تستاهل الواحد يرجعلها
سمر / على العموم و لا يهمك شغلك محفوظ انت بس سيب السى فى بتاعك بره و انا هخليهم يعينوك علاطول
حسام / و مين قالك انى جاى بدور على شغل
سمر / انا قولت انك جيت عشان كدا
حسام / بجد يا سمر
سمر / طب انت مش قولت نهيت فى السعوديه هتشتغل ايه طيب
حسام / انا نهيت عقدى معاهم و سبت فلوس قد كدا ليا عند الكفيل اول معرفتلك سكه و فى الاخر كل اللى بتتكلمى فيه هو الشغل ايه يا شيخه هو انا كنت قاعد معاكى امبارح
سمر / ياااااه انا بجد قليله الزوق بس مقولكش انا عقلى فعلا مبيفكرش غير فى الشغل ست سنين من يوم متخرجت مبعملش حاجه غير انى اشتغل
حسام / متغيرتيش كتير عن اخر مره شوفتك فيها النضاره بس
سمر / دى حفظ نظر بس بينى و بينك عشان الهيبه منغيرها الكل بيستهفانى
حسام / شايف ان الكاب لسه معاكى
سمر / هههههههه اه مقولتلك ده كاب الحظ
حسام / طب مش لغيتى مواعيدك تسمحيلى اخدك اعزمك عالعشا فى اى حته بقى
سمر / ايه موحشكش البيض المسلوق و المكرونه بتاعه ماما و لا ايه
حسام / دى كانت اكلتى الاساسيه فى الغربه بما انى فاشل فى الطبيخ
سمر / ههههههههههههههههههه فاكر يوم مخدتك افرجك بيتنا
حسام / اه روحتلك على فكره فى اول اجازه مالجيش لقيتكوا عزلتوا و ملقتلكوش عنوان بعدها و رقمك الجديد مكنش معايا
سمر تتنهد
حسام / اكيد افتقدتى جنينتك اللى كانت فوق السطوح
سمر / الحمد لله اجرنا شقه اكبر شويه و قعدنا فيها
حسام / تعرفى اول مره روحت معاكى كنت متخيل انها شقه كبيره من كتر مبتتكلمى عنها بفخر
سمر / كان باين على وشك خيبه الامل لما لقيتها اوضه فوق السطوح خت بالى
حسام / كان عاجبنى خيالك و انتى بتقوليلى هنا الجنينه و هنا المكتب و هنا السفره و بتوصفيلى السطوح كانه شقتك كنت فرحان و كنت فعلا متخيل معاكى
سمر / بس معدلهاش طعم الخيال بيجيله وقت و بيموت بتكبر كلنا بنكبر
حسام / لا مفتكرش انك ممكن تكونى كبرتى انتى بس مخبياه فى منطقه مظلمه مع انوثتك و مستنيه الوقت المناسب عشان تطلع بقولك ايه انا واقع مالجوع ايه هتيجى معايا و لا ايه
سمر / وماله اجى بتعرف تسوق
حسام / اه بعرف
سمر تحدف لحسام مفتاح عربيتها و حسام يشقطه و ينزلوا
سمر سرحانه فى العربيه
//////////////////////////
فى الكليه فى قاعه فاضيه
سعيد / شكلك اختلف خالص يخربيتك مش قولتلك و انتى بنت اكيد احلى
سمر تبتسم بخجل
سعيد / انتى عارفه ايه اللى ناقصك
سمر / ايه
.....................................
(✷‿✷) (✷‿✷) (✷‿✷) (✷‿✷) (✷‿✷)
#LOLO #لولو_محمد
((((((((ته مربوطه )))))))))
الحلقه الرابعه
فى الكليه فى قاعه فاضيه
سعيد / شكلك اختلف خالص يخربيتك مش قولتلك و انتى بنت اكيد احلى
سمر تبتسم بخجل
سعيد / انتى عارفه ايه اللى ناقصك
سمر / ايه
.....................................
سعيد / روج هو صحيح شفايفك حمر بس شويه احمر مش هيضر هتبقى مزه محصلتيش بجد
سمر / انا فى حاجه عاوزه اقولك عليها
حسام يضرب الباب برجله و يجر سيد مطحون ضرب
سمر / فى ايه يا حسام
حسام / قولها الحقيقه
سعيد /انت اتجننت انا هنادى للامن
حسام / دورك جاى معايا قولها الحقيقه
سمر / حقيقه ايه انت ازاى تضربه كدا
حسام يلوى دراع سيد
سيد / خلاص هقولها حاضر انا و سعيد متراهنين ان سعيد هيطلع البت اللى جواكى و هيخليكى تقوليله انك بتحبيه النهرده و الرهان كان على ميه جنيه
حسام / عشان تبقى تصدقينى انا مش غيران منه انا خايف عليكى
سمر تبص لسعيد / قولى انه كداب قولى ان سيد عيل واطى متفق مع حسام
حسام / انتى بتتكلمى جد
سمر / ملكش دعوه انت احنا نهينا اى حاجه بنا من زمان كلمنى يا سعيد قولى ان ده مش حقيقى
سعيد يحاول يمشى سمر تمسك فى هدومه
سمر / انت ساكت ليه مترد عليا
سعيد يشد ايدها و يزقها على اخر دراعه تقع فى الارض
سعيد / انتى اتجننتى و لا ايه انتى هتنسى نفسك
حسام يضربه و سمر تطلع تجرى و هى منهاره مالعياط
.....................
فى البيت عند سمر
سمر تدخل و هى منهاره مالعياط حسام و هيام يقفوا و هيام تجرى عليها تحضنها سمر تبص لحسام
هيام / كنتى فين يا سمر قلقنا عليكى
سمر / انت بتعمل ايه هنا اطلع بره
حسام / انا حذرتك مالاول انتى اللى مسمعتليش
سمر / خلصت اطلع بره بقولك اطلع بره مش عاوزه اشوفك و لا عاوزه اشوف حد اخرج من بيتى اخرج من حياتى ربنا ياخدكوا كلكوا ربنا يخدكوا و يريحنا انا بكرهك اطلع بره
هيام / معلش يابنى امشى لحد متهدى شويه و كتر خيرك على كل اللى عملته
حسام / انا همشى بس هرجع تانى تكونى هديتى
سمر بتعيط / خليه يمشى بقى خليه يمشى
///////////////////////////////
فى العربيه
حسام / سرحانه فى ايه
سمر / انا اسفه يا حسام
حسام / على ايه
سمر / على كل حاجه حصلت منى زمان على كل كلمه قولتهالك دايقتك انا بجد اسفه انا كنت صغيره
حسام / يا ستى ولا يهمك احنا ولاد النهرده انا مش فاكرلك اى حاجه وحشه اصلا
سمر/ بجد
حسام / بصى يا سمر انا خسرتك مرتين زمان و ربنا كان كريم معايا و كل مره كنت بخسرك كنت بمعجزه من السما بلاقيكى صدفه فتعملى حسابك بقى يا هانم ان التالته تابته و تتبتى فيا بقى بايدك و سنانك انتى فاهمه
سمر / فاهمه تصدق ان دى اول مره اخرج من سنين تقريبا من يوم الخناقه اياها
حسام / بجد
سمر / من يوميها و انا قررت اثبت لنفسى قبل اى حد انى مش زى اى حد انا احسن مالناس كلها
حسام / دا حقيقى
سمر / كلت الكتب و اشتغلت بكل طاقتى موت نفسى بجد مبنامش و لا برتاح عشان انجح
حسام / و نجحتى بقيتى الريسه سمر سمعتهم بيقولولك كدا فى الشركه
سمر / من ورايا بيقولوا الريس سمير
حسام / بجد
سمر / اه و كلام تانى كتير بس ماما هتفرح اوى لما تعرف انك رجعت
حسام / اخبار عليا ايه
سمر / عاليا فى تانيه صيدله
حسام / كبرت المفعوصه
سمر / هههههههههههههههه و احنا كمان كبرنا صحيح انت عملت ايه انا مش شايفه دبله فى ايدك
حسام / و لا فى ايدك
سمر / لا انا شايله الموضوع ده من دماغى خالص
حسام / و انا كمان يلا وصلنا فاكره المحل ده
سمر / هههههههههههههههههههه ايوه طبعا و دا مكان يتنسى ياما كلنا منه ايام الكليه وحشك انت الفول و الطعميه
حسام / و انتى الصادقه وحشتنى ايام زمان
سمر / طب يلا
جوه المطعم
سمر / انا مش مصدقه نفسى الحقيقه حاسه انى بحلم
حسام / للدرجادى انتى اخر مره كلتى فول و طعميه امتى
سمر / بطل غباء انا اقصد انى سبت الشركه انا فعلا لاول مره من ست سنين اسيب الشركه دا زمانهم خربينها هناك
حسام / ههههههههههههههههههه للدرجادى
سمر / انت مش متخيل انا بصحى كل يوم الساعه سبعه بفطر و اللبس و انزل اوصل الموقع على تسعه ابص عالعمال و اشوف لو فى مشاكل لو فى حاجه ناقصه ابص عالمهندسين اللى هناك و بعد ملف اللفه المتينه عالمواقع كلها اروح عالساعه خمسه كدا عالمكتب و افضل هناك لحد نص الليل و بعدين اروح اراجع التصميمات لحد ادان الفجر اصلى و انام و هكذا
حسام / ليه يا بنتى هو فى حد فى الدنيا بيعمل كدا
سمر / انا عشان كدا مش مصدقه انا ازاى وافقت انى اخرج بالسهوله دى
حسام / من الواضح انك كنتى محتاجه اوى تخرجى
سمر / شكرا انك رجعت
حسام / شكرا انك رجعتينى
الاكل يتحط
....................
فى البيت عند سمر
عليا / اتصلت على موبايلك كان غير متاح اتصلت بالشركه قالوا انك نزلتى قلقتينى عليكى
سمر / متقلقيش انا كويسه و زى الفل الموبايل فصل شحن ماما فين
عليا / مقموصه طبعا
سمر تدخل لمامتها
سمر / مش هتصدقى قابلت مين النهرده و عزمنى عالعشا بره .... حسام ابن عموا ابراهيم الدسوقى
هيام / بجد
سمر / ايوه كان شغال فى السعوديه و عزمنى عالعشا بره انا عارفه انى نسيت اكلمك والله الكلام سرقنا و نسيت اتصل بيكى خالص حقك عليا
هيام / طب و بالنسبه لمعتز
سمر / معتز مين
هيام / يا صبر ايوب يا بنتى يا حبيبتى مش قولتلك ان اميره اللى معايا فى الجمعيه عندها ابن اسمه معتز عزماهم النهرده عالغدى عشان يشوفك
سمر / لا انتى قولتى انك عزماهم عالغدى و مقولتيش خالص الجزء بتاع يشوفنى ده
هيام / و سبحان الله برده مجتيش فى ايه يا بنتى مش معقول كدا
سمر / ماما ابوس ايدك افقدى فيا الرجا بقى انا مش بتاعه جواز و بعدين مين معتز ده اساسا اللى جاى يشوفنى يطلع مين يعنى اعرف عنه ايه انا عشان يشوفنى و ليه يشوفنى اساسا
هيام / مانتى لو شوفتيه هتعرفى عنه و بلاش جاى يشوفك جاى تشوفيه
سمر / شكرا كتر الف خيره انا مش عاوزه اتجوز مش عاوزه اتنيل اتجوز خلاص
هيام / اولعى انا تاعبه قلبى و عماله ادلل عليكى يمين و شمال و انتى بتتبترى عالنعمه بكره تتمنى الزمن يرجع بيكى و انتى توافقى على اى كلب ماللى اتقدمولك الدنيا مبترحمش
سمر / و هى كانت رحمتك مانتى اتجوزتى حصل ايه
هيام / انا وضع مختلف انا نصيبى كان كدا
سمر / و تعرفى منين ان نصيبى احسن منك تعرفى منين انه هيسعدنى
هيام / جربى
سمر / انا مش فار تجارب عشان اجرب فى نفسى قلبى ده مش عرضاه فى فترينه عشان كل من هب و دب يجرب شويه عجبه اهلا وسهلا معجبوش يرميه ورا ضهره
هيام / انتى ليه مكبره الموضوع انتى منفسكيش تبقى ام
سمر / لا منفسيش ابقى ام منفسيش انا متخلقتش عشان اكون ام انا سعيده على حالى سبونى فى حالى انسونى بقى و ركزى على عليا عليا عاوزه تتجوز عادى عاوزه تحب دوريلها على عريس هى هتبقى ام احسن منى
هيام / انا تعبت معاكى يا سمر براحتك انا داخله انام بس بكره لما اموت اعرفى انى مكنتش راضيه عن عمايلك و انك استكترتى عليا اقل حاجه طلبتها منك يا سمر انا داخله انام يمكن مقومش ساعتها هترتاحى من زنى على ودانك
هيام تدخل اوضتها و سمر تقعد تعيط عليا تحضنها
عليا / انتى عارفه انها متقصدش
سمر / كل اللى حققته ده مش مكفى امك يا عليا
عليا / هى مش عاوزه كل ده مش فارق معاها
سمر / و الحاجه اللى فارقه معاها انى اكون جاريه عند حيوان يبيع و يشترى فيا يكرهنى فعيشتى و يعقد عيالى هو ده اللى فارق
عليا / مش كل الناس زى بابا
سمر / انتى مشوفتيش اللى انا شوفته كلهم زباله و كلهم زى بعض
عليا / انتى بتقولى كدا عشان انتى خايفه تتجوزى لكن انا متاكده انك غلطانه اكيد على الاقل فيهم واحد كويس
سمر / الواحد ده عيناهولك يا عليا انتى اولى بيه منى
عليا / انا داخله انام تصبحى على خير
سمر / و انتى من اهله
عليا تبوس سمر و تدخل اوضتها تليفون سمر يرن
سمر / ايوه يا حسام ازيك
حسام / انا كنت فاكرك لما هتروحى هتكلمينى و كنت متردد جدا انى اتصل بيكى
سمر/ لا عادى تقدر تتصل فاى وقت
حسام / مال صوتك
سمر / مفيش شديت شويه مع ماما
حسام / هو احنا اتاخرنا بره و لا ايه
سمر / لا مش بسببك اصلها كانت جايبالى عريس النهرده و انا مكنتش اعرف
حسام / اه .... طب مفيش مشكله فرصه تانيه
سمر / لا تانيه و لا تالته انا قيلالها تشيل الموضوع ده من دماغها خالص انا مش بتاعه جواز
حسام / هتعيشى عمرك كلو لوحدك يعنى يا سمر مسيرك فيوم هتحبى و تتجوزى
سمر / انت اللى بتقول كدا
حسام / ايه يعنى مالى مقولش ليه
سمر / مفيش انا اصلى مش فى المود
حسام / خشى كدا اتوضى و صلى ركعتين و انطرى الشيطان ده و روحى صالحى امك دى ياما تعبت عشانك
سمر / و انا والله بحاول اريحها بس هى مش قادره تقبلنى زى مانا انا مينفعش اتجوز مينفعش مجرد التفكير فى الموضوع بيخنقنى
حسام / طب خلاص بقى بقولك ايه تخرجى بكره
سمر / انت جاى تفسد اخلاقى ولا ايه يا سى حسام انت بكره تجيب السى فى بتاعك و تستلم الشغل بتاعك انت فاهم
حسام / تدفعى كام
سمر / ادفع كام ايه على قد شغلك هتقبض
حسام / انا مش قدك و مليش انا فى جو الخمسه و تلاتين ساعه شغل فى الاربعه و عشرين ساعه بتاعك ده
سمر / قدها و قدود يلا انا هقوم اصالح امى بقى
حسام / سلام
............
فى الشركه بعد فتره
سمر / مانت طلعت جامد اهو
حسام / لا دانا اعجبك اوى
سمر / خلاص اعتبر نفسك من دلوقت قائم باعمالى والله انت الفتره اللى فاتت شلت عنى كتير
حسام / انا اتنفخت الفتره اللى فاتت عشان الاقى وقت اخرج معاكى بصى بكره الخميس يعنى مفيش مكتب
سمر / بص يا حسام انا بجد عارفه انى بتقل عليك فى الشغل بس صدقنى العائد هيبقى كويس جدا
حسام / انتى مبتفكريش غير فى الفلوس يا سمر ايه اللى جرالك انا مش عاوز فلوس مش محتاج فلوس
سمر / امال بتشتغل ليه بتتعب ليه
حسام / عشان ابقى جنبك عشان انتى اعز اصدقائى
سمر / بص انا الخميس و الجمعه بيبقى ليا طقوس خاصه كدا
حسام / طب مينفعش اشاركك فيها
سمر / دى اجازتك و اكيد عاوز ترتاح
حسام / اجرب احكم بنفسى مش يمكن تعجبنى
سمر / ماشى يا حسام براحتك بكره هعدى عليك الساعه سبعه و نخرج سوا
حسام / تمام حاضر
.................
تانى يوم
حسام / اتاخرتى عشر دقايق
سمر / معلش الطريق كان واقف جاهز تدخل فى متاهتى
حسام / يا سلام هخاف يعنى مالكلمتين دول
سمر تحدفله المفتاح / خد سوق
حسام / انتى ايه حكايتك
سمر / بكره السواقه مقولكش انا عندى امشى البلد كلها على رجلى و لا انيش اسوق ميه متر حتى
حسام / ليه يعنى
سمر/ اهو بقى
حسام / على فين
سمر / اطلع و انا اقولك
................
قدام محل ملابس اطفال شعبى
سمر / المحل ده واحد من مشروعات الجمعيه يعنى حاجه كدا زى ظروفنا زمان بس هنا الوضع كان اسوء الراجل كان مدمن وولع فى نفسه و فى البيت و الست لحقوها و على كتفها عيل صغير مكملش شهرين و مكنلهمش متوى و لا يعرفوا حد فضلت تشحت بالواد ده ياما لحد مواحده بنت حلال خدتها عالجمعيه و اجرولها المحل ده و اوضه فوق السطوح فنفس العماره و ملولها المحل بضاعه الكلام ده كان من تلت سنين
حسام / طب و انتى جايه هنا تعملى ايه
سمر / تعرف ان ربنا بيرزقنا برزق غيرنا اهو انا كل فتره باجى هنا اشترى كميه هدوم اللوان و اشكال و مقاسات من عندها اى بضاعه مركونه مبتتباعش باخدها اى حاجه المهم كل شهر بديها مبلغ معين انا حطاهولها فى زمتى من مرتبى
حسام / بجد
سمر / ايوه هى بتحاول تاكل بالحلال و تربى ابنها لازم نساعدها و بعدين انا مبعملش الكلام ده فضل منى انا الحاجات دى بتريحنى لو استحملت معايا النهرده و بكره كل اسبوع هوديك مكان شكل انا ملقيتش الراحه الا فى الحاجات دى النجاح و المرتب الكبير اللى انت شايفه دول السبب فيه ان ربنا بيرزقنى برزق الناس الغلابه دول
حسام يبصلها و مستغرب
سمر / انزل يلا نقى معايا
حسام / حاضر
.................
فى المحل
اول مسمر تدخل عيل صغير تلت سنين يجرى عليها تشيله و تبوسه
سمر / ازيك يا زيزو عامل ايه اخبارك ايه يام زياد
ام زياد / كويسين بوجودك
سمر/ شايفه عندك موديلات جديده ايه الاخبار
ام زياد / اللى تؤمرى بيه يا ست الكل
سمر تدى زياد لحسام يشيله و يفضل ماشى وراها
سمر / حلو الموديل ده ايه رايك يا حسام البشمهندس حسام صديق الطفوله كان عاوز يجيب كام هديه كدا لقرايبه قولتله لو عاوز احلى هدوم اطفال اكيد هتبقى عند ام زياد
ام زياد / اهلا يا بشمهندس نورت نقى اللى يعجبك و ميهمكش مالحساب خالص خير البشمهندسه سابق
حسام يبص لسمر و هو مندهش و سمر تعبى فى هدوم و تحط عالكونتر
.....................
