بقلم #لولو_محمد
(((((((ته مربوطه ))))))
الحلقه السابعه و العشرون
حسام / ليه يعنى له عندك ايه
سمر / ازاى بس يا حسام اكيد زعلان منى
حسام / والله انتى رفضتيه قبل كدا و هو احرج نفسه تانى و اتقدم كان مستنى ايه يلم نفسه بقى
سمر / طب مانا طردتك من حياتى مرتين و برده رجعت
حسام / انا رامى جتتى اساسا بايع دمى حد له شوق فى حاجه انا واحد واقع
سمر / ههههههههههههههههههههه دا من بختى
حسام / انا هروح ابص بصه و احصلك اطلعى يلا بصى عالجو فوق
..................
فى الشقه بعد شويه
حسين / كلو تمام تحت مش فاضل حاجه
ليلى / هو حسام فين
شريف / فى اوضه عموا حسين بيغير هدومه
سمر تطلع من جوه لابسه فستان جينز مكسى و عليه بلوروا جينز نفس اللون و طرحه سلفر
شريف / ايه العسل ده
سمر / ميرسى كلك زوق تعبت معانا النهرده
شريف / تعبك راحه انتى بس تؤمرى
سمر / انا مش شاطره فى المواجهه اسهل حاجه عندى انى اهرب
شريف / الحال من بعضه
سمر / انا اسفه يا شريف بجد
شريف / بصى يا سمر انتى غاليه اوى عندى و صعب انى اخسرك ..... تانى .... بصى حتى لو احنا مش مكتوب لنا نكون سوا زوج و زوجه على الاقل نحافظ على الصداقه اللى بينا اعتبرينى اخوكى زى زمان اه انا بحبك و ده مش بايدى بس على الاقل اسمحيلى اكون جنبك باى صفه انا راضى
سمر / انا مش عارفه اقولك ايه
شريف / قولي انك على الاقل هتفكرى
حسام يطلع مالاوضه لابس بنطلون جينز اسود و تيشيرت اسود
حسام / ايه مش ننزل تحت نستنى الناس نستقبلهم
سمر / اوك ..... شريف انا بجد سعيده انك جيت و شكرا على كل حاجه
سمر تنزل مع حسام
حسام / هو فى ايه
سمر / بيعرض انه يكون صديق بيقول انه مش عاوز يخسرنى
حسام / و انتى قولتى ايه
سمر / زى مسمعت شكرا
حسام / انتى شايفه يعنى انه ينفع
سمر / المفروض اقوله ايه
حسام / معرفش انتى كبيره كفايه انك تعرفى
سمر / هو ايه الاسلوب ده
حسام / انتى ليه علاطول سايبه الباب موارب و بترجعى تزعلى لما يفتحوه
سمر / باب ايه
حسام / معرفش بصى انا اصلا مليش دعوه
سمر / حسام لو سمحت
حسام / بصى انا مش معترض براحتك بس على الاقل ترسمى حدود الا بقى اذا كنتى عوزاه
سمر / عوزه ايه انت بتقول ايه
حسام / مانا مش فاهمك انتى رافضتى شريف و مع كدا بتعامليه كانك موافقه عليه
سمر / انا مرفضتش شريف انا رافضه المبدا
حسام / لكن لو شريف نفسه تقبلى مش كدا فى ظروف تانيه اقصد
سمر / يمكن
حسام / بجد
سمر / تقريبا معظم العرسان اللى جولى فى ظروف تانيه اقبل معظمهم فعلا مكنش فيهم غلطه بس المشكله فيا انا انا كنت فكراك فاهمنى
حسام / ساعات بحس انى توهت
سمر / انا اكتر انسانه جبانه خلقها ربنا سيبك انت من كل اللى انت شايفه ده كل ده مش حقيقى دى هاله رسمتها حوالين نفسى عشان الناس انا مش قويه و لا جامده و لا زى مالكل فاكرنى انا مستقله مش عشان انا عاوزه ده لا عشان انا معنديش حل تانى وجود راجل فى حياتى بيرعبنى بيخلينى اتجن
حسام / طب مانا راجل
سمر / و مين قالك انك مش مجننى
حسام / لا جديده دى
سمر / طبعا يا حسام هو اه منكرش انك مختلف بس برده ميمنعش انى خايفه
حسام / منى
سمر / منك عليك تفرق فى ايه المهم ان الخوف موجود
حسام / لا تفرق كتير لو منى دى تبقى مصيبه لكن عليا الوضع مختلف على فكره
سمر / بالنسبالك لكن بالنسبالى فى الحالتين مبعرفش افكر عقلى بيتشل بص كل الناس عارف ان من ساعه مانت جيت و انا اتغيرت انا منكرش اه اتغيرت كتير بس مش كلو للاحسن اداريت فخيالك دا مش معناه ان ده وحش انا اكيد ارتحت ارتحت كتير حتى نفسيا ارتحت بس انت يوم مهتمشى هعمل ايه تفتكر هعرف اقف تانى هعرف ارجع زى مكونت و لا ساعتها هقع
حسام / مش همشى حتى لو طردتينى مش همشى
سمر / مسيرك يوم هتمشى
حسام / طول مانا عايش هفضل موجود
سمر / كلام كل الناس هتمشى عليا هتتجوز بكره و تروح مع مصطفى و سالى بكره تكبر و تتجوز هى كمان و بابا و ماما ربنا يديهم طوله العمر بس كلنا فى يوم هنموت
حسام / طب انتى خايفه تبقى لوحدك يعنى
سمر / بترعب انا بخاف انام حتى لوحدى مبعرفش لازم حد ياخدنى فى حضنه لازم حد يطبطب عليا
حسام / طب دا ابه علاقته بشريف بقى
سمر / يوووووه ملوش علاقه لا بيك و لا بيه و لا باى حد قولتلك المشكله فيا انا شريف عوض جزء كبير فى غيابك
حسام / و انا رجعت
سمر / يعنى ايه اقوله خلاص شكرا كتر خيرك مش محتاجاك ماشى بس هو المرادى راجع يقول انه محتاجنى
حسام / ايه لعب العيال ده
سمر / لو انا فى يوم جيت قولتلك انى محتاجاك مهما حصل بينا هتسبنى يا حسام
حسام / لا
سمر / انت واثق فيا صح
حسام / اكيد
سمر / خلاص انت جنبى و ده المهم انسى بقى مين تانى موجود لان صدقنى انا نفسى مش فارق معايا
حسام / انتى بتعملى كدا ازاى
سمر / بعمل ايه
حسام / بتنزلينى لسابع ارض و ترفعينى لسابع سما فى جمله قد كداهو فيكى كميه من التناقض رهيبه جمله تقوليلى انى زيى زى غيرى و اللى بعدها لزقه فيها علاطول تقولى انى اهم واحد ازاى بتقنعينى بالحاجه و عكسها فى ثوانى كدا
سمر / يمكن عشان انا نفسى تايهه و ملخبطه و مش عارفه الصح فين
حسام / لا انسى مش عليا انتى عارفه الصح فين انتى بس اللى مش عاوزه تصدقى يمكن خايفه تصدقى جايز لكن انك مش عرفاه لا مفتكرش
سمر / ايه النكد ده انت انسان كئيب
حسام / انا
سمر / مش شايف الاسود اللى انت لابسه انت جاى عزا
حسام / دا ملك الالوان اما انا مجهز حته بدله كحلى بكره هتاكل منى حته هبقى ايه قمر
سمر / يا واش يا واش لا بالراحه علينا عوزين نعدى بالفرح ده على خير لحسن البنات تموت بعض و لا حاجه
حسام / دى هتبقى مجزره
سمر / يا خبر يا خبر
حسام / ههههههههههههههه الناس بدات تيجى
سمر / ماشى
.................................
فى الشقه فوق
عليا لابسه فستان و عامله شعرها فرمه و بترقص مع البنات و فى برافانين محطوطين عاملين طريق جنب الباب عشان الناس تعدى تدخل عالاوضه منغير متشوف البنات تاكل و تنزل تانى و سمر و حسام واقفين عليهم و حسين و مصطفى واقفين تحت
سمر / عقبالك
حسام / يارب ياختى
سمر / طب متتجدعن
حسام / والله العطله مش عندى اعمل ايه حكم القوى
سمر / انت صحيح مش ناوى تحكيلى عن حبيبتك الغامضه دى
حسام / لا مش ناوى انا مبحبش اتكلم عنها غالبا الحوار بيقلب بنكد
سمر / انا لسه عند رايى انا مش مقتنعه انها موجوده اساسا
حسام / مهو الكل بيقولى كدا انت اكيد بتحب واحده فى خيالك بس انا راضى محدش له عندى حاجه
ليلى تطلع مالمطبخ
ليلى / انا بقول نجيب اكل كمان مصطفى كلمنى و قالى ان فى ناس كتير اوى تحت لسه مكلوش و الناس لسه بتيجى هو مين اللى عزم الناس دى كلها
سمر / يا ستى خلى الناس تنبسط انا هكلمهم و اخليهم يبعتوا كمان مش عندك يكفى لحد ميجى تانى
ليلى / اه فى جوه كتير لسه بس قولت اقولك عشان اكيد هيتاخروا
سمر تروح تتكلم فى التليفون بعيد
......................
وسط البنات
مرمر / جرا ايه يا عروسه تعبتى و لا ايه دانا لسه بسخن
عليا / معلش يا مرمر انا برقص من قبل مانتى تيجى حتى
مرمر / اتحججى اتحججى
سالى / طب متشغلى كدا شيك شاك و نشوف
مرمر / دى عيلت اوى
سالى / نجرب
بنوته تشغل الاغنيه من عاللاب و سالى ترقص
...........................
عند السفره
سمر / تمام ساعه بالكتير باذن الله و الاكل هيوصل اخبار الساقع ايه احنا جايبين زياده
ليلى / لا لسه كتير
اغنيه شيك شاك شوك تشتغل
سمر / دى اكيد سالى بتتمرن عليها من امبارح
حسام / ههههههههههههههه و انتى ايه نظامك فى الليله دى
سمر / فى ايه
حسام / مش هتخشى تعجنى معاهم
سمر / اعجن
حسام / انتى عاوزه تقنعينى انك بتعرفى ترقصى
سمر / انت بتستفزنى عشان اخش ارقص
حسام / استفزك
سمر / اصل كدا كدا مش هتشوفنى فيبقى فايدته ايه
حسام / مانا هسمع
سمر / هتسمع
حسام / اه مهو بعد كل مناسبه فى العيله الستات بيقعدوا يتكلموا و ينموا شوفتى فلانه دى بترقص ايه لا دا فلانه رقصت احسن منها بس اسمها ايه تخنت اوى لا لا دا تلاقيه الفستان كان وحش جدا لكن فستان التانيه احلى
سمر / هههههههههههههههه يخربيتك
حسام / تنكرى
سمر / لا منكرش بيعملوا كدا فعلا
سالى تدخل و ملامحها مدايقه
حسام / مالك
سالى / مرمر دى رخمه اوى مبتبطلش تالس و لا تتريق و هى اصلا مبتعرفش ترقص
سمر / ايه اللى حصل
سالى / كل شويه تقاطعنى و تقولى بتعمليها غلط الحركه دى بتتعمل كدا بتعمليها غلط بتعمليها غلط هى مالها هى برقص صح و لا برقص غلط
عليا تدخل
عليا / تعالى يا سالى متزعليش
سالى / و بتقولى هى هتعيل ايه يعنى دا فرح اختى ارقص براحتى
سمر تبص لحسام
سمر/ طب تعالى انا هجيبلك حقك اما حرقتش دمها و خلتها تقول عاوزه اروح مبقاش انا سمر
عليا / هتعملى ايه
سمر / هتشوفوا
حسام / طب انا عاوز اشوف
سمر / لا انت هتسمع بس
حسام / اخص عالزمن
...................
سمر تدخل وسط البنات
عليا / بس لحظه صمت سمر اختى الكبيره قررت تتنازل و تتواضع و ترقص
مرمر / بتعرفى ترقصى يا سمر
نسمه / بتهزروا
سمر / اهو بلوش كدا على قدى يعنى لو مرقصتش يوم فرح اختى هرقص امتى طيب
سحر / ناولونى الطرحه لازم تتحزم
..........................
ليلى تطلع مالمطبخ و حسام واقف عمال يشب يحاول يبص مش عارف
ليلى / بتعمل ايه يا حسام
حسام / عاوز ابص انا اللى راصصهم بايدى كنت اتشكيت لازم ارص بزمه كدا مش شايف
ليلى / عيب يا حسام فى ايه اللى جرالك
حسام / سمر بترقص جوه
ليلى / و دى بتعرف ترقص بلا خيبه
حسام / تفتكرى دى تانى اغنيه تشتغل و هى لسه جوه
مصطفى يطلع
مصطفى / مبتردش ليه يا بتاع انت
حسام / مش وقتك خالص
مصطفى / ماله ده ياعم انت الخيول وصلت هتركب معايا و لا ايه
حسام / لا غور يلا
مرمر تطلع من جوه وشها احمر و مش طايقه روحها
ليلى / مالك يا بت
مرمر / انا عاوزه اروح
مصطفى / ليه ايه اللى حصل
سمر تطلع و هى بتمسح عرقها
سمر / مالك يا مرمر احنا لسه يادوب بنسخن
مرمر / ماشى ماشى
ليلى تاخد مرمر بعيد و مصطفى معاهم عند سلوى يتكلموا
حسام / افهم من كدا ايه
سمر / كبر مخك بقولك صحيح الاكل لسه موصلش
حسام / طلعتى بتعرفى ترقصى يعنى
سمر / ايه مش بنت مفيش بنت مبتعرفش ترقص فى بنت مبتحاولش ترقص
حسام / مرمر اشطر واحده فى عيلتنا بترقص مدام متنرفزه اوى كدا و مش طيقاكى يبقى اكيد بترقصى احسن منها
سمر / احسن منها ايه يا راجل انا على قدى هى بس اللى تعبت
مصطفى يدخل
مصطفى / انا نازل هتيجى و لا ايه
حسام / الخيل جه تعالى
سمر / لا مليش فيه انزل انت و انا هتفرج من البلكونه
حسام / ماشى
...................................
فى الحنه تحت
حسام بينزل عالحصان يلاقى سيد بياخده بالحضن
حسام / ازيك يا سيد
سيد/ اهلا يا هندسه الف الف مبروك عقبال ليلتك يارب
حسام / انت متاخر ليه كدا تعال تعال
سيد / انا بصراحه كنت جاى اسلم و امشى اصل معايا فى العربيه فتوح اخو مراتى مانت شوفته قبل كدا و مش عاوز احراج يعنى بس انا قولت لازم اجى لحسن البشمهندسه تزعل منى و لا حاجه
حسام / ميصجش تيجوا لهنا و متاخدوش واجبكوا ناديلوا و اتفضلوا معايا
سيد / انا والله خايف بس
حسام / يا سيد خلاص الموضوع ده خلص و انتهى ناديله و يلا
...............
