الفضل ٧/٨
#ته_مربوطه_لولو_محمد
#بقلم #لولو_محمد
((((((ته مربوطه ))))))))
الحلقه السابعه
هيام / سمر
سمر / ايه يا ماما اللى اوله شرط اخره نور
حسام / معاها حق قولوا شروطكوا و احنا موافقين
سمر / عندك شقه يا مصطفى
مصطفى / هنوضب بيتنا القديم و هعيش فيه
هيام / و ماله دى كانت شقه حلوه
...................
سمر / و الشبكه
ليلى / خمستاشر الف
سمر / و ماله و منى زيهم و الجهاز
ليلى / انا بنت اخويا عريسها شال توضيب الشقه والعفش و الباقى عالعروسه ماعدا الفرح و التليفزيون
سمر / موافقه بس انا ليا شرط
هيام / سمر
حسام / ايه هو
سمر / لو فيوم استندلت معاها او جرحتها او حتى زعلتها قسما بالله
حسام / مش هيحصل
سمر / انا بلفت انتباهه بس
صمت لحظات
حسام / ايه نقرا الفاتحه
سمر / نقراها
الكل يقرا الفاتحه
...............
فى المكتب بعد كام يوم
حسام / و ده مدايقك فى ايه
سمر / مينفعش يفضل طول الليل يسهرها ترغى فى التليفون تروح تنام فى المحاضرات المفروض يشجعها انها تنجح حوار البنت ملهاش غير بيتها و ان التعليم ده حاجه كدا ملهاش لازمه ده منتهى التخلف
حسام / اللى غيران منهم يعمل زيهم
سمر تزغد حسام فى كتفه
حسام / بطلى هزار البوابين بتاعك ده
سمر / يابنى انا خايفه عليها ميصحش كدا
حسام / كلميها قوليلها عيب كدا
سمر / هتقول زيك انى غيرانه و انا مش عوزاها تيجى فى الاخر و تكرهنى انا خايفه عليها
حسام / و ليه متاكده انها مش هتفهم ده
سمر / زى كل البنات فى الدنيا فاكرينى غيرانه منهم فاكرين انى لانى مش مرتبطه ابقى غيرانه منهم
حسام / اختك غيرهم على فكره
سمر / طب متكلم انت مصطفى
حسام / بقولك ايه الغربال الجديد له شده اديهم يومين بس لو متعدلوش من نفسهم نشد ودنهم
سمر / ازاى
حسام / سبيها لوقتها المهم انتى هتلبسى ايه فى الخطوبه بقى
سمر / عادى اى حاجه مالدولاب
حسام / والله طيب المهم خلصى اللى وراكى بقى عشان تفضى نفسك بكره هننزل نجيب الشبكه
سمر / لا متقلقش سبها على الله
....................
فى البيت بالليل
عليا / حلوه اوى ايه رايك يا سمر
سمر / تتهنى بيها عقبال الفرح
مصطفى / من قلبك
سمر / اتلم
مصطفى / تمام يا ريسه
الكل يبص لبعضه ثوانى
حسام / انا هقولها
سمر / تقولى ايه
عليا / سمر انتى هتلبسى ايه فى الفرح
سمر / اه فهمت و المطلوب
هيام / احنا اشترينالك فستان عاوزينك تقيسيه
سمر / لا انا مش هلبس فساتين انا و لو مستعريين كلكوا من شكلى انا ممكن محضرش خالص عن اذنكوا
سمر تيجى تقوم
عليا / يا سمر كل صحباتى هيبقوا موجودين و عيله مصطفى
حسام / صعب على عليا انها تسمع حد بيتكلم عليكى اكيد فرحتها هتبوظ
عليا / جربى قيسيه بس انا متاكده انه هيعجبك
حسام / عشان خاطر عليا
عليا / قيسى بس والله لو مطلعتيش قمر و عجبك متلبسيهوش
مصطفى بيلعب فى الموبايل / متسيبوها على راحتها يا جماعه لحسن منعرفهاش و لا حاجه
عليا و حسام / اسكت انت
سمر / هووووف ماشى هقيس بس مش هتجبرينى اللبسه هقيس بس
عليا / ياهوووووو قدامى عالاوضه
سمر و عليا يدخلوا الاوضه و حسام يقعد مع مصطفى بره
مصطفى / ربنا ينتعها بالسلامه
حسام / كاندى كراش دى
مصطفى / اه المرحله 510
حسام / طب خليك فيها و نقطنى بسكاتك
صوت سمر من جوه الاوضه
سمر / شدى يا عليا
عليا / طب اثبتى بس
سمر / الله يخبريتكوا انا كان مالى
عليا / يابت اثبتى
ثوانى و الباب يتفتح و سمر تطلع لابسه هدومها و تلبس الكاب و تروح تقف قدام حسام و هى حاطه كحل و روج
سمر بعصبيه / انا هاجى كدا عاجبكم عاجبكم مش عاجبكم بناقص ام دى جوازه انتوا فاهمين و لا لا
حسام يطلع موبايله و يصور وش سمر
سمر / انت بتصور ايه انت
حسام يديها الموبايل
سمر / يا خبر
سمر تجرى تجيب منديل و تحاول تمسح المكياج اللى على وشها
حسام / بتمسحيه ليه شكلك عسل وربنا
عليا / قولها
سمر / راح
حسام / بالراحه على وشك طيب فى ايه
عليا / خلاص راح اهدى بقى
سمر / انا مليش فى الجو ده انتوا فاهمين و لا لا انا خارجه سلام
هيام / هو فى ايه هى طلبت منك تلبسى بدله رقص دا فستان
سمر / سلام
حسام / انا جاى معاكى
مصطفى / انا قولتلكوا مفيش فايده بس ازاى محدش بيسمع كلامى
عليا / انت مفيش فيك فايده
مصطفى / يا بنتى افهمى اختك مش مقتنعه اصلا انها بنت فالفساتين دى بالنسبالها اهانه عشان كدا اتعصبت لما شافت نفسها بالروج انا مش متخيل نفسى بالروج الصراحه
عليا / ده الفرق بينك و بينها سمر ممكن تعمل اى حاجه مهما كانت عشان تسعد اللى بتحبهم
هيام / انا هقوم اخلص الى ورايا فى المطبخ
هيام تقوم تدخل المطبخ و مصطفى يقوم يلزق فى عليا
مصطفى / على فكره و انا كمان بعمل المستحيل عشان اللى بحبهم بس هما بقى مش بيقدروا
عليا / بجد
مصطفى / امال يعنى انا طالع عينى فى الشغل عشان خاطر مين
عليا / مش عليا يا مصطفى انا عارفه كويس انت بتشتغل ازاى سمر بتشتكى منك طول الوقت
مصطفى / عشان هى بتغير منى على فكره
عليا / و تغير منك ليه بقى ان شاء الله
مصطفى / عشان انا سرقت قلبك
عليا / و مين دحك عليك و قالك انك سرقت قلبى
مصطفى / طب عينى فى عينك كدا
عليا / اهو
مصطفى يبص لعليا تلعب حواجبها و تحول عينيها يدحك
مصطفى / انتى غشيتى
عليا / انت قولت انك مستعد تعمل اى حاجه عشان خاطر اللى بتحبهم مش كدا
مصطفى / جربى
عليا تطلع قلم روج كانت مسكاه فى ايدها و مصطفى يبرق
مصطفى / احطلك روج هبهدل وشك
عليا / لا يا فالح انا هحطلك
مصطفى / انتى بتستظرفى صح
عليا / شوفت سمر حطت انا هقوم اجيبلك حاجه تشربها عشان تعرف بس انها بتحبنى اكتر منك
عليا تقوم و مصطفى يلعب فى قلم الروج يفتحه و يقفله و عليا بتبص عليه من ورا الستاره
مصطفى / لا انسى
مصطفى يقفل القلم و يحطه عالترابيزه و عليا تقفل الستاره و تدخل المطبخ
....................
فى العربيه
سمر / و فجاه لقيتها جيبالى حته قماشه كدا قد كف ايدك و بتقولى اسمه كارينا و المفروض اللبسه طب اعقلوا الكلمه انا ادخل جواه ازاى
حسام / هههههههههههههههههههههه
سمر / و احاول و احاول و هى تشد و انا اشد فجاه لقيتنى محشوره فيه و بتخنق و بغرق فى بحر الظلمات و النور بدا يطفى و شريط حياتى بيمر قدام عنيا و خلاص بقى روحى هتطلع
حسام يركن العربيه و يفطس مالدحك
سمر / انت مش متخيل بقيت اسرخ شدى يا عليا شدى طلعينى من هنا و فجاه نور من بعيد بدا يظهر و اول متخلع بقى مقولكش مكنتش مصدقه انى لسه عايشه اساسا نزلت عالارض و اديتها سجدتين شكر و قومت نطيت فى هدومى و طلعت و نسيت انها قعدت تتدحلب لحد مخلتنى احط كحل و روج و عشان خاطرى و انتى بتحبينى فاستسلمت بس مكنتش متخيله انها هتخلينى بلباتشوا كدا
حسام / مين دى اللى بلياتشوا انتى صحيح منغير اى حاجه حلوه بس دا ميمنعش انك كنتى اموره برده بيه
سمر / صحيح انت مسحت الصوره و لا لا اوعى تكون ممسحتهاش هقتلك
حسام / اقتلينى لانى عمرى مهمسحها دانا هطبعها و هبروزها و هعلقها فى اوضتى
سمر تدور على موبايل حسام متلاقيهوش تطلع موبايلها و ترن عليه موبايله يرن اغنيه احمد جمال
بطلى تحلوى اكتر و اوعى وشك يوم يكشر و ادحكى دايما يا سكر ياللى سابقه بجد سنك اضحكى خلينى اضحك دحكتك بترد روحى ربنا وحده اللى يعلم بعشقك ازاى يا روحى
سمر / ايه ده انت غيرت رنتك امتى
حسام يطلع الموبايل من جيبه بسرعه و يكنسل
حسام /لا مغيرتهاش سيبك انتى بطلى حركات العيال دى برده مش هديهولك
سمر / لا انا متاكده ان دى مش رنتك انت حاطت سى لا فى بتاعه الشاب خالد انا متاكده انا سمعاها الصبح
حسام / انتى شيفانى منغير نضارتك
سمر / ياخبر ايه ده انا مش لبساها معقول
حسام / بتهزرى انتى مش حاسه اصلا انك مش لبساها
سمر / مقولتلك يابنى دى حفظ اساسا انا بلبسها منظر تلاقينى قلعتها لما كانت عليا بتحطلى الكحل و نسيت اللبسها بعد مخرجت مالبدى
حسام / كدا احلى كتير على فكره
سمر / امال انا بلبسها ليه
حسام / انتى بتلبسيها عشان متبانيش حلوه
سمر / امممم طب بص انت كحسام كولد يعنى لو قدامك بنوته بفستان و بنوته تانيه ببنطلون و تيشرت هتبص لمين
حسام / على حسب البنت و بعدين انا مبحبش اعاكس اصلا
سمر / يووووه بضيع وقتى معاك
حسام / طب متتنقبى و خلاص ساعتها محدش هيعاكسك و لا هيبصلك
سمر / بيتهيالك برده محدش هيسبنى فى حالى
حسام / انتى مكركبه الدنيا فوق دماغك عالفاضى و بعدين يعنى هما كدا بمنظرك ده سايبينك فى حالك
سمر / الله فاكر المحل ده اركن اركن و اعزمنى على ايسكريم يلا عشان نسيت اجيب المحفظه
حسام / بس كدا تؤمرى
........................
فى البيت عند عليا
مصطفى / عاوز اقولك على حاجه على فكره
عليا / خير
مصطفى / انا بحبك و مستعد اعمل اى حاجه عشانك بس ده مش معناه انك تهينينى قدام الناس
عليا / و هو انا اقدر اهينك بينا و بين بعض عشان اهينك قدام الناس يا مصطفى
مصطفى / مهو سمر لو حطت روج هى فى الاول و الاخر بنت لكن انا افرضى مامتك شافته و لا نسيت امسحه و نزلت بيه الشارع هلاقى جلاجل بزات نفسه واقف يرقصلى عالناصيه
عليا / هههههههههههههههههههههههههههههه انت لسه بتفكر فى الحوار ده ده كان هزار
مصطفى / عارف بس حبيت افهمك اصلى عارفكوا معشر البنات عقلكوا قد الفسفوسه
عليا / معشر البنات انت بتخاطب ابو جهل
مصطفى / سيبك انتى احنا هنقضيها فى البيت كدا و اخوكى بيتفسح مع اخويا
عليا / اخويا ؟؟؟ اه فهمت بص يا مصطفى انا بعترف ان سمر عندها مشكله و مشكله كبيره اوى كمان بس اللى انت مش فاهمه بقى ان لولا وجودها فى حياتى انا و ماما كنا ضعنا و مش بعيد كنت بقيت زيها كمان
مصطفى / متنسيش انها كانت السبب فى طلاق ابوكى و امك
عليا تتنهد / لا مكنتش السبب و بعدين انت ليه حاطتها فى دماغك اوى كدا على فكره دى ليها افضال كتير اوى عليك على فكره
مصطفى / عليا انا باماره ايه ان شاء الله
عليا / لا مليون اماره سمر عينتك فى الشركه
مصطفى / عشان سواد عيونى مثلا مهى عملتلى انترفيوا و هرتنى اساله
عليا / عشان تريح ضميرها و تتاكد انك جدير بس هى مبعتتش لحد يحضر الانترفيو غيرك على فكره كانت مختاراك مالاول
مصطفى / بصى يا عليا انا بالنسبالى اتقدمت لوظيفه و امتحنت و نجحت و انا مطلبتش منها تعيينى و لا حتى كان فى بالى و لو كانت فاكره انها بكدا بتعمل فيا جميل فهى غلطانه هى كانت بترد جميل
عليا / منكرش
مصطفى / بجد
عليا / ايوه محدش يقدر ينكر فضل والدك الله يرحمه علينا بس انت مش من حقك انك علاطول تقلل من سمر سمر عانت كتير اوى يا مصطفى انت مشوفتش حاجه مكنتش موجود معانا و هى صاحيه طول الليل تعيط و مش قادره تتكلم مكنتش موجود و هى بتتخانق مع العيال فى الشارع اللى بيعاكسونى و ينزلوا فيها ضرب عشان هى بنت مكنتش موجود و هى بتشتغل فى الجمعيه عشان تساعد ماما فى مصاريفنا و دلوقت انت اكتر واحد عارف سمر تعبت ازاى عشان توصل للى هى فيه
مصطفى / ده كلو ملوش علاقه مانتى كنتى معاها و مع كدا بنت عادى جدا و بالعكس دانتى موزه
عليا / بص انا ليا نظريه اسمها حاجز الامان
مصطفى / و دى تطلع ايه بقى
عليا / البنت من يوم مبتتولد لحد مبتموت بتبقى محتاجه حاجز امان اى حاجه تحسسها انها فى امان زى الاب مثلا بيحمى بناته و بيراعيهم و بياخد باله منهم ممكن بعد شويه يكون الاخ و بعدين الزوج و يمكن الابن
مصطفى / كلهم رجاله يعنى باختصار البنت محتاجه راجل
عليا / مش شرط يكون راجل بس شخص موجود هى تبقى عارفه انها لو اتحطت فى مشكله هيقف جنبها و يحميها و يدافع عنها بص هشرحلك
مصطفى / اتفضلى
عليا / انا فى الكليه ليا زميله اهلها من النوع اللى براحتك اللبسى براحتك اخرجى براحتك عيشى براحتك بيسموا نفسهم منفتحين يعنى بس هى سبحان الله كل فتره تتعرف على شاب و تحبه و يتحكم فيها اللبسى ده متتاخريش
مصطفى / بتحب التحكمات هى يعنى
عليا / لا هى عاوزه تحس ان فى حد بيخاف عليها عاوزه تحس
مصطفى / ان فى حد مسيطر
عليا / بص مالاخر انا سمر كانت حاجز الامان بتاعى انا مبخافش من مخلوق طول مهى موجوده مش شايله هم بكره و لا حتى النهرده عشان هى موجوده ماما كمان مش مضطره تمقق عنها فى مكن الخياطه زى زمان مش مضطره تشيل الهم عشان سمر موفرالنا كل حاجه بس للاسف سمر معندهاش اللى يدافع عنها اللى يسندها عشان كدا هى عنيفه كدا بتحاول تحمى نفسها بنفسها بتبعد الكل من حياتها عشان بتخاف الناس تاذيها انت لو شوفت سمر الحقيقيه هتصعب عليك على فكره
مصطفى / مهى صعبانه عليا منغير حاجه دى بتضيع اجمل سنين عمرها فى هبل و محدش بيطيقها فى الشركه اقولك ايه يا بنتى
عليا / متقولش على الاقل انت متقولش سمر غاليه اوى عندى لو بتحبنى يا مصطفى احترمها مش عشان هى الريسه بتاعتك فى الشغل عشان هى اختى اللى بحبها عشان هى ابويا و اخويا و لازم تحترمهم هى عيلتى يا مصطفى انا مليش غيرها
........................
(◉‿◉) (◉‿◉) (◉‿◉) (◉‿◉) (◉‿◉)
#lolo #لولو_محمد
(((((((ته مربوطه ))))))
الحلقه الثامنه
مصطفى / مهى صعبانه عليا منغير حاجه دى بتضيع اجمل سنين عمرها فى هبل و محدش بيطيقها فى الشركه اقولك ايه يا بنتى
عليا / متقولش على الاقل انت متقولش سمر غاليه اوى عندى لو بتحبنى يا مصطفى احترمها مش عشان هى الريسه بتاعتك فى الشغل عشان هى اختى اللى بحبها عشان هى ابويا و اخويا و لازم تحترمهم هى عيلتى يا مصطفى انا مليش غيرها
........................
مصطفى / مالك قلبتيها دراما كدا ليه اهدى يا بنتى انا بتكلم لمصلحتها والله هى محتاجه فعلا تفك شويه
عليا / فكت كتير على فكره انت مشوفتش سمر زمان
مصطفى / لا يا شيخه هى كانت اسوء من كدا
عليا / بمراحل سمر دلوقت بدات اها تدحك زمان مكناش بنشوف حتى و لو ابتسامه
مصطفى / الحمد لله يا شيخه انى مشوفتش
عليا / المهم عملت ايه فى البدله صحيح
.........................
عند ليلى يوم الخطوبه
حسام / ايه الحلاوه دى يا ماما كدا عليا هتغير
ليلى / مش احلى منك يا حبيب قلب ماما انت اخوك لبس و لا لسه
حسام / اه لبس و نزل يجيب عليا من عند الكوافير
ليلى / طب يلا نسبقهم احنا عالقاعه
حسام / مش عارف سمر غير متاح ليه بس
ليلى / يمكن الكوافير مفيهوش شبكه مهى مع عليا هناك و مامتها اتصلت بيا من شويه و قالت انها وصلت القاعه تستقبل الناس اتحرك بقى
حسام / حاضر
.................
فى القاعه
الزفه تدخل و حسام واقف بيدور يمين و شمال على سمر تيجى بفستان اسود سمبل جدا و شعرها القصير بقى كاريه و حاطه طوق ورد
سمر/ بتدور على مين
حسام / ايه ده انا بدور عليكى معرفتكيش
سمر / استسلمت اخيرا
حسام متنح
سمر / انت يابنى فى ايه
حسام / لا ليكى حق تلبسى ولادى و فين النضاره انتى محتاجه تلبسى النضاره ضرورى دلوقت
سمر تتكسف و تبتسم
حسام / انا بتكلم بجد مينفعش حد يشوفك كدا
سمر / بطل بقى انا اصلا مدايقه خلقه بجد حاسه نفسى سخيفه اوى
حسام / سخيفه دانتى قمر انا مشوفتش فى حياتى كدا يخربيتك انا مش عارف اشيل عينى من عليكى
سمر / بطل بقى بجد
حسام يحط ايده على عنيه سمر تشيلها
حسام / الله
سمر / ايه يا حسام هو انت صغير على الحاجات دى
حسام / اه صغير ايه يعنى انتى هتكبرينى و لا ايه الا صحيح انتى طولتى حاسس بكدا
سمر / اه كعب بص
سمر تتنى رجلها و تورى حسام الكعب
سمر / بقولك ايه تخليك جنبى بقى و تسندنى لحسن اتكعور و يبقى منظرى زباله انا بلق فى الجزمه دى
حسام / بس كدا تؤمرى سمو البرنسيسه هاتى ايدك كدا و اتفضلى معايا
حسام يحط ايد سمر على كوعه و يسندها لحد الترابيزه
ليلى / بسم الله تبارك الله ايه القمر ده كنت فين من زمان
هيام / مش قولتك
حسام / انا هروح ابص عالمعازيم
سمر / انا جايه معاك
حسام / بس كدا اتفضلى
حسام يقوم سمر و ياخدها معاه
ليلى / لا بجد يا هيام دى كانها واحده تانيه انا معرفتهاش
هيام / هى رضيت الا لما عليا عيطت و اتقمصت دا على عينها
ليلى / لا اوعى تخليها ترجع تانى
.................
ترابيزه المهندسين ورا
نسمه / متقولوش اللى ماشيه جنب حسام دى سمر
علاء/ ينهار اللوان دى بقت مزه
واحده تانيه / صحيح علبه المكياج النضيفه تخلى الخدامه مضيفه
ابراهيم / لا على فكره انا شايف ان مكياجها رقيق جدا
نسمه / اش فهمك انت دى كلها على بعضها فيك اساسا
علاء / مين دى اللى فيك دى اتحولت تلتميه و ستين درجه
نسمه / انت مهندس انت تلتميه و ستين يعنى رجعت لنقطه الاصل اسمها ميه و تمانين
علاء / يا شيخه بقى خلينى اركز
سمر و حسام يدخلوا
حسام / كلو تمام يا شباب منورينا
علاء متنح فى سمر
حسام / انا هنا على فكره يا عم علاء
علاء / لا مؤاخذه انا بشبه على حضرتك
سمر / شوفت انا قولتلك انها فكره زباله انا ماشيه
نسمه / لا بس بجد طالعه قمر انتى كنتى مخبيه كل ده فين يابنتى انا لسه كنت بقولهم انك طالعه قمر
ابراهيم / على يدى
سمر / شكرا يا جماعه نورتونا عن ا ذنكوا
سمر تروح تقف بره القاعه و حسام يروح وراها
حسام/ مالك
سمر / مفيش
حسام / عليا انا برضه
سمر / اقولك ايه بس يابنى
حسام / انتى ادايقتى عشان قالولك انك حلوه المفروض كل البنات بتفرح لما حد بيتغزل فى جمالهم دى فى طبيعه البنت
سمر / طب مانا فرحت
حسام / و انتى كدا فرحانه امال لو زعلانه هتبقى ازاى
سمر / لا بجد فرحت انا كنت خايفه فى الاول انهم يالسوا عليا او انى اطلع وحشه بس الحمد لله عدت على خير
حسام / امال مالك بس
سمر / خايفه
حسام / من ايه
سمر / خايفه من بكره لما ارجع الشغل هعمل ايه
حسام/ يعنى هو ايه اللى ممكن يحصل عادى اللى كان بيالس هيفضل يالس و اللى كان معجب هيفضل معجب انتى بس اللى بتافورى فى التفكير
سمر / انا عامله زى العروسه الماريونيت متربطه بحبال من كل حته
حسام / بس لحسن الحظ انتى الماريونيت الوحيده اللى حبالك كلها فى ايدك انتى بس اللى خايفه تختارى
سمر / انا اجبن انسانه خلقها ربنا
حسام /هى نفس الجبانه اللى وقفت للراجل اللى كان بيعاكس امها و رعبته لحد معزل و هى عندها تلتاشر سنه بس و هى برده نفس الجبانه اللى ضربت العيال اللى كانوا بيعاكسوا اختها فى الشارع
سمر / هما اللى ضربونى على فكره
حسام / بس وقفتيلهم و بداتى بالضرب و برده هى نفسها اللى كسعمت العامل اللى فكر يعاكسها و يتحرش بيها و لا دى كانت واحده تانيه
سمر تبصله و تضير
حسام / ايوه عرفت كل واحد جواه قوه روحيه بتظهر
سمر / ههههههههههههههههههههه
حسام / ايوه بقى استنى اما اخد صوره مع الشمس قبل متغيب و القمر يظهر تانى
حسام يطلع موبايله و يقرب من سمر ياخد سيلفى هى مبتبتسمش
حسام / مالك يا بنتى فى ايه
بنت مزه تدخل
البنت / حسام انت واقف هنا و انا قالبه عليك الدنيا جوه
حسام/ ازيك يا مرمر استنى اعرفك سمر اخت العروسه و مديره الفرع اللى شغال فيه مرمر بنت خالتى تالته تجاره
سمر / اهلا وسهلا
مرمر / انتى سمر النمس
سمر / ايوه ايه تعرفينى
مرمر مصدومه / انتى غير مسمعت عنك خالص
حسام / هههههههههه احلى مش كدا اصلها مش مصدقه
مرمر / طب ايه هتيجى معايا و لا ايه مش ناوى تسلم على ماما
حسام / اه طبعا تعالى ... تعالى يا سمر اعرفك على خالتو
سمر / لا ادخل انت معاها و انا هحصلكوا
مرمر / يلا بقى يا حسام
سمر تشد حسام لجوه و هو بيبص على سمر و هى واقفه شايله الهم
................
عند الترابيزه
سمر تدخل تقعد جنب مامتها و فى رقصه سلو عالمسرح و عليا بترقص مع مصطفى و مرمر بترقص مع حسام
ليلى / اعرفك يا سلوى دى البشمهندسه سمر اخت العروسه
سلوى / ازيك يا حبيبتى
ليلى / سلوى اختى
سمر / اهلا وسهلا تشرفنا
سلوى / بسم الله ما شاء الله بصى عليهم عصافير كناريه
ليلى / اه والله شكلهم حلو اوى
سمر بتبص على حسام و هو بيرقص مع مرمر و هو كل شويه يبص عليها و يبتسموا لبعض الرقصه تخلص يروح يقعد جنب سمر جرى
مرمر / يا خساره الرقصه خلصت انا عارفه هما بيخلوها اغنيه واحده ليه ميرسى اوى يا حسام
حسام / تؤمرى
سمر بتبص الناحيه التانيه فى هدوء قاتل حسام يطلع موبايله و يكتب رساله موبايل سمر يرن سمر تطلع البورتفيه و تطلع منه الموبايل و تقرا الرساله بصوت واطى
سمر/ مين الاهبل اللى اخترع الرقصه دى اتنين متمسرين بيلفوا حوالين نفسهم و بيتهزوا منتهى الملل
سمر تحط الموبايل عالترابيزه و تسكت حسام يكتب رساله تانيه و تليفون سمر يرن تاخده تقراها
سمر / تدبيسه سودا ماما و خالتوا دبسونى ارقص معاها و انا مقدرتش ارفض
سمر تحط الموبايل عالترابيزه حسام يبعت رساله تالته تليفون سمر يرن
سمر / هو انا لو طلبت منك ترقصى معايا فى امل اروح بيتنا سليم
سمر تدحك بصوت عالى و تكتمها فجاه و تحط الموبايل على الترابيزه توصلها رساله رابعه
ليلى / هو فى ايه يا سمر
هيام / تلاقيهم فى الشغل كل شويه بيتصلوا احنا كدا طول الوقت فى البيت الموبايل مبيفارقش ايديها
حسام / طب ايه مش هتعبرى اللى بيكلمك ده يمكن محتاج حاجه
سمر / لا مش مشكله انا متاكده ان الموضوع مش خطير
حسام / برضه الامر ميسلمش لازم تطمنى
هيام / صحيح يا سمر اتاكدى ميمكن حاجه مهمه
ليلى / جرا ايه يا هيام النهرده فرح
سمر / انا هقوم اطمن عالاكل عشان هيقطعوا التورته اهو
سمر تاخد موبايلها من عالترابيزه و تطلع بره القاعه و تقراها
حسام / سبيها متبقيش بخيله
سمر تضير و تبصله
حسام / ايه انا بقرالك الرساله
سمر/ ماشى
سمر تبتسم و تمشى و حسام يمسكها
سمر / عاوز ايه
حسام / والله كنت مجبور
سمر / على ايه
حسام / انى ارقص معاها
سمر / هههههههه و انا مالى بالموضوع انت حر ترقص مترقصش براحتك
حسام / بجد ايه الغلاسه دى المفروض تغيرى تطقى تطلعى دخان من ودانك و نار من بقك
سمر / ههههههههههههههههههههههههههههههههههههههه على اساس انى التنين المجنح ليه يعنى فاكر نفسك مين يعنى
حسام / انا الواد الحليوه اللى البنات هتموت عليه و لا نسيتى لما كانوا بيوسطوكى تعرفيهم عليا
سمر / ههههههههههههههههه دا كان زمان لما كنت لسه صغير لكن دلوقت شعرك الابيض بداء يظهر و كلها كام سنه و هتبقى زيى معنس
حسام / الرجاله مبتعنسش
سمر / هههههههههههههههههههههههه ماشى وسع بقى
حسام / طب ايه لو طلبت منك ترقصى معايا فى اخر الفرح هتضربينى
سمر / لا مش هضربك و انت مش هتطلب لانه مينفعش انا مقربلكش عشان ارقص معاك و انت مش هترضى ان الناس تتكلم عليا .... اكتر مبيتكلموا
حسام / اه بس ده فرح يعنى
سمر / الاكل هيتحط انا لازم اكون جوه عشان اطمن ان الكل هياكل بالاذن يا حليوه
سمر تدخل
حسام / سلام يا مزه
............................
بعد فتره قدام محل
سمر / انت جايبنى هنا ليه
حسام / عاوزين ننقى هديه حلوه لعليا عشان عيد ميلادها
سمر / انا جبتلها خلاص
حسام / ايوه انا عاوزك تنقيلى طقم حلو كدا
سمر / و انت فاكر انها معندهاش لبس
حسام / مالك النهرده عنيفه كدا ليه
سمر / فعلا اسفه انا النهرده مش فى المود خالص
حسام / خير
سمر / مفيش كبر مخك
حسام / لا بجد فى ايه شكلك من الصبح مقلوب
سمر / هتقول عليا هبله
حسام / مانتى هبله فعلا منغير معرف ايه الجديد
سمر / بطل غلاسه
حسام / ايه رايك فى السالوبيت الجينز ده حلو مش كدا
سمر / عيالى اوى
حسام / عيالى ايه هى عندها كام سنه و بعدين مهو قدامك عالمانيكان اهو حلو جدا
سمر / مش عارفه
حسام / انتوا الاتنين مقاس واحد تعالى قيسيه و هشوف شكله عليكى لو حلو اخدهولها ايه رايك انا هاخد الطقم على بعضه زى مهو عالمنايكان بالكاب كمان
سمر / اسفه عاوز تقيس شوفلك حد غيرى انا مبلبسش المسخره دى
حسام / انتى شكلك نسيتى كنتى لابسه ايه فى الفرح انتى كنتى لابسه فستان و كعب كعب يا هانم كعب
سمر تبتسم
حسام / و لعلمك انا مش عاوز انزل بالتقيله
سمر / اتفضل
حسام / طوق الورد يا ست هانم فى راجل عاقل فى الدنيا يحط فى شعره طوق ورد سبت ايه للبنت انت سبتلهم ايه
سمر / وطى صوتك انت هتفضحنى
حسام / محدش له حاجه عندى و اللى يعرف ابويا يروح يقوله
سمر / ههههههههههههههههه
حسام / المهم يلا تعالى قيسيه بقى اكيد هيبقى حلو يلا بقى و اهو بالمره تحكيلى ايه اللى مخليكى مدايقه النهرده
...............
سمر فى البروفه
سمر جوه بتقيس و حسام بره بيقلب فى الهدوم
حسام / يعنى كل النكد ده عالصبح عشان شوفتى حلم وحش امال لو كابوس بقى هتعملى ايه هتولعى فينا
سمر تفتح البروفه / ها انجز حلو و لا لا
حسام يضير يلاقى سمر لابسه بدى ابيض و سالوبيت جينز ازرق و كاب نفس الدرجه
..................
