#بقلم #لولو_محمد
((((((ته مربوطه )))))))
الحلقه التاسعه و العشرون
حسام / ارزعك كف احولك فيه
سمر / هههههههههههههههههههههههههه ولا تقدر
حسام / انجرى يابت نامى كته نيله اللى عاوز يكلمك اساسا
سمر / انت تطول اصلا
حسام / اقفلى كدا جتك القرف فى حلاوتك
سمر / هههههههههههههههههههه تصبح على خير
حسام / و انتى من اهله
.........................
بعد فتره صغيره
سمر فى البنك مع حسام تليفونها يرن
سمر / دى سالى ....الو ...اميره خير ... مالها .... كانت كويسه الصبح انا جايه حالا حاضر ثوانى
حسام / فى ايه
سمر / سالى طلعت مالمدرسه راحت لخوها قالت انها تعبانه و عندها مغص جامد و مراته كلمتنى هى مش عارفه تتصرف و سيد فى الشغل
حسام / انا جاى معاكى
سمر / ملوش لزوم خليك عشان معادنا مع مدير البنك خلص الحوار و انا هبقى اكلمك
حسام / طب خليكى انتى و انا اللى هروحلها
سمر / خلاص يا حسام انا مش هتاخر هبقى اطمنك سلام
حسام / سلام
....................
فى البيت عند سيد
سمر / مالك يا سالى
سالى / الحمد لله كويسه
اميره / والله خضتنى عليها خالص
سيد يدخل
سيد / الف سلامه عليكى ياختى الف الف سلامه
سمر / الحمد لله كويسه تقريبا كلت حاجه عملتلها مغص يلا يا سالى نروح بقى
سيد/ تروحى فين يا باشمهندسه و النبى لا يمكن ابدا متقومى يا بت تنجرى تجيبى للبشمهندسه حاجه تشربها
اميره تقوم تجرى عالمطبخ تفتح حاجه ساقعه و تحطها فى كوبايه و تحط فيها بودره سالى تدخل عليها
سالى/ بتعملى ايه يا اميره
اميره تمسك السكينه
اميره / اسمعى يا بت قسما عظما ان فتحتى بقك بنص كلمه مهيحصلك كويس انتى فاهمه اترزى هنا فى المطبخ و دينى لو خرجتى لسخنها و اللسعك بيها انتى فاهمه
اميره تمسك الموبايل
اميره / ايوه يا فتوح هنا وصلت مستنياك سلام
سالى تقعد متشنجه و اميره تاخد الكوبايه و تطلع و تسيب الموبايل عالرخامه
سالى تمسكه اتصل بيمين اعمل ايه اه حسام انا فاكره رقمه كان سهل
سالى / الو ... ايوه يا حسام انا سالى ... انا كويسه بس اللحق سمر انا معرفش هيعملوا فيها ايه انا خايفه عليها اوى و مش فاكره نمره حد غيرك بسرعه يا حسام ابوس ايدك اتصل ببابا بسرعه ارجوك
.................
فى الصاله
سمر / متتعبوش نفسكوا والله مش هينفع
سيد / لا والله ازعل هو انا مش جيت بيتكوا
سمر / بس والله انا صايمه
سيد / ليه هو احنا فى شهر ايه هو رمضان جه امتى
سمر / لا مش رمضان انا بصوم اتنين و خميس
سيد / ربنا يقوى ايمانك بس مجتش عالنهرده مش كل يوم هتيجى بيتنا يعنى
الباب يخبط اميره تفتح فتوح يدخل
فتوح / ايه ده دانا امى دعيالى النهرده
اميره / منور يا خويا ادخل بيتك و مطرحك
........................
فتوح يوشوشها / هى منامتش ليه
اميره / صايمه
فتوح / استعنا عالشقا بالله و ماله
سمر / طب انا هستاذن بقى عشان ورايا معاد مهم يا سالى يالا يا سالى
اميره / البت بتلعب مع ابن اخوها جوه سيبيها شويه
سمر / مره تانيه بجد متاخره
فتوح / صحيح يا هندسه معلش بعد اذنك انا كان عندى حته ارض و كنت عاوز ابنيها و خايف اديها لحد غريب يسرقنى
سمر / عديها عليا فى المكتب و انا هخلصهالك
فتوح / طب مانا الورق معايا تحت فى المخزن و انتى نازله بصى عليه بس
سمر/ والله انا فعلا اتاخرت
سيد / خلاص يا فتوح متحرجهاش بقى دا تلاقى البصه دى بالشئ الفلانى
سمر / والله ابدا بس هى سالى فين
سيد / خشى ناديها يا بت على منزل انا و اخوكى نورى اختى رسومات الارض الجديده
سمر / ماشى اتفضل
سمر تاخد شنطتها و تنزل معاهم و تقف على باب المخزن
فتوح يفتح الباب / اتفضلى يا ست الكل ثوانى هجيبلك الورق
سمر/ خد راحتك
سيد / انتى هتقفى عالسلم كدا طب دا جوه المعلم عاملنا حته قاعده عجب
سمر / هى سالى مش هتنزل
سيد / تلاقى البت اميره بتعبيلها لقمه تاخدها و لا حاجه اصل طبيخ البت اميره لا يعلى عليه انتى مدوقتيهوش اصلك
سمر / طيب طيب
سمر تدخل
سمر / فين الورق يا معلم بجد اتاخرت
باب المخزن يتقفل من بره سمر تلف متلاقيش سيد تحاول تفتح الباب ميتفتحش
سمر / قولى انك مش هتحاول تعمل اللى فبالى
فتوح / لا انا هعمل اسوء
.........................
فى العربيه
حسام / انت فين يا شريف انت لسه موصلتش
شريف / لسه والله انا فى الطريق اهو
حسام / انا قولت انت اقرب واحد
شريف / خمس دقايق و ابقى هناك ادينى ثوانى بس
حسام / سلام سلام
شريف / الو الو
حسام يقفل السكه و يتصل بمصطفى
مصطفى/ ايه اللى حصل فى اخبار
حسام / محدش وصل لسه انت فين
مصطفى / لا الطريق واقف عندى
حسام / يادى النحس
حسام يقفل السكه
..............................
فى الشقه فوق
سالى / سمر فين حرام عليك يا سيد دى اختى
سيد / انتى مالك انتى يا بت خشى انجرى على اوضتك
سالى / ابوس ايدك يا سيد متاذيهاش هى معملتلكش حاجه وحشه ابوس رجلك يا سيد
سيد / قسما عظما اما دخلتى الاوضه و اتكتمتى مهيكفينى فيكى موتك انتى فاهمه و لا لا
سالى / منك لله يا سيد منك لله
سالى تدخل اوضتها و هى بتعيط و سيد يقفل عليها الباب بالمفتاح
اميره / يا خوفى من افكاركوا السوده دى
سيد / اتلمى يا بت هى نقصاكى
اميره / هتبلغ البوليس و هنروح كلنا فى ابو حديد
سيد / هتفضح نفسها و لا هتقدر تفتح بقها هتقولهم ايه يعنى
اميره / دى فيها اعدام
سيد/ مقولتيش الكلام ده من بدرى ليه ياختى ولا اقولك انزلى لاخوكى اللحقيه قبل ميخلص
اميره / انا مليش دعوه انا هاخد الكوبايه و اغسلها انا معرفش حاجه عن اللى ناوين تعملوه اقولك انا هكسرها ميه حته و ارميها اه انا مش هخش السجن فحته بتاعه زى سمر دى انت فاهم و لا لا
.......................
فى المخزن تحت
فتوح يحاول يمسك سمر تمسك ايده و تلويهاله و تضربه بالتانيه ففم معدته يقع فى الارض
سمر / فاكر نفسك هتقدر عليا
سمر تمسك راسه و تديله بالركبه فى مناخيره تكومه فى الارض
سمر / فاكرنى هقعد جنب الحيط اعيط و لا انت و لا عشره زيك
سمر تضربه تلت شلاليت فى جنبه و التالت يمسك رجلها و يرفعها يوقعها و يشدها من رجلها يحدفها على اخر دراعه تخبط فى كومه صناديق مرصوصه جنب الحيط تهزها فتوح يروحلها يشد سمر من طرحتها يوقفها دراعها الشمال مخلوع و مش قادره تحركه و الدم مغرق وشها
فتوح / لا انا استقليت بيكى بس دلوقت هتشوفى الوش التانى بتاعى
فتوح يحدفها على اخر دراعه الناحيه التانيه رصه صناديق توقع عليها
..................
شريف يركن العربيه و يطلع جرى على شقه سيد يكسر الباب و يدخل يجيبه من قفاه و ينزل فيه ضرب اميره تطلع مالمطبخ بتصرخ
اميره / اللحقونى يا ناس اللحقونى يا هوه انت مين يا عم انت سيب الراجل هتموته
شريف / فين سمر يابن الكلب
سالى تخبط عالباب
سالى / اللحقونى حد يخرجنى اللحقونى
شريف يسيب سيد و يروح ناحيه الاوضه
شريف / ابعدى عن الباب خالص يا سالى
سالى / بعيده
شريف يضرب الباب يكسره
.............................
فى المخزن
سمر مغمضه عنيها و مش قادره تتحرك و فتوح بيبعد الصناديق المكسره من فوقها
///////////////////////////
سمر و هى عيله بتلعب بعروسه ابراهيم يقعد جنبها و يطبطب عليها
سمر / انا خايفه
ابراهيم / من ايه كلو هيبقى تمام كلو هيبقى تمام
سمر / انا لوحدى و مش قادره
ابراهيم / لا تقدرى انت اقوى من كدا و هتقدرى ابقى سلميلى على حسام
///////////////////////////////////
فتوح يقعد عالارض يمين سمر سمر تفتح عينها و تمسك بايدها اليمين رقبه ازازه مكسوره و تدبها فى رقبه فتوح من تحت و هى بتصرخ على اخرها
..........................
فى شقه سيد
شريف يدخل اوضه سالى
سالى / سمر فى المخزن تحت اللحقها هيموتوها
صوت صرخه عاليه جايه من تحت
سالى / سمر
شريف ينزل يجرى عالسلم يلاقى حسام لسه داخل العماره يحاولوا يكسروا الباب لحد ميدخلوا يلاقوا فتوح مرمى فى الارض ميت و سمر وسط الازاز المكسر سايحه فى دمها شريف يجس النبض
شريف / النبض ضعيف اوى
حسام / يعنى لسه فى نبض اوعى
حسام يشيل سمر و يجرى بيها عالعربيه و يطلع يجرى فى نفس الوقت مصطفى بيركن عربيته يشوفه بيجرى بالعربيه يطلع وراه
جوه شريف بيتكلم فى التليفون
شريف / ازيك يا فؤاد فى حادثه هنا عاوزك تيجى تشوفها محاوله اغتصاب انا مستنيك خد العنوان
............................
فى المستشفى
الكل واقف بره متوتر شريف يدخل و معاه اتنين ظباط و اتنين عساكر و سالى عليا تاخدها فى حضنها و هى منهاره مالعياط
سالى / هى كويسه انا والله مكنت اعرف اميره قالتلى هتعمل مكالمه مكنتش اعرف انها هتعمل كدا والله مكنت اعرف
حسام / اهدى يا سالى هتبقى كويسه
شريف / دا فؤاد جارى و صاحبى اتصلت بيه و حكيتله على اللى حصل و عملنا محضر بالواقعه و قبضوا على سيد و مراته و فاضل اقوال سمر
عليا / لسه مفاقتش
الدكتوره تطلع مالاوضه الكل يجرى عليها
هيام / خير طمنينى بنتى عامله ايه
الدكتوره / الحمد لله هى كويسه كان فى كسر فى ايدها الشمال و رجلها اليمين و مجموعه من الكدمات و الجروح القطعيه بس الحمد لله مفيش حاجه خطيره
حسام / هى فاقت
الدكتوره / ايوه هينقلوها اوضتها فوق و تقدروا تشوفوها
هيام / معلش يا دكتوره ثانيه
هيام يتخد الدكتوره على جنب
هيام / دى كانت محاوله اغتصاب كنا عاوزين نطمن
الدكتوره / متقلقيش مفيش حاجه حصلت هما بلغونا اول مجت و كشفت عليها و مفيش حاجه
هيام تسجد فى الارض و الدكتوره تمشى حسام يروح يقوم هيام
هيام / احمدك و اشكر فضلك يارب
حسام / خير يا طنط فى ايه
هيام / كلو خير يا حبيبى اى حاجه تانيه مش مهم كلو خير
.....................
فى اوضه سمر
سمر مجبسه ايدها الشمال و رجلها اليمين و فى لزقه فوق عينها اليمين و واحده على رقبتها من الناحيه الشمال متخرشمه مالاخر يعنى الكل يجرى حواليها و سالى تترمى فى حضنها
سمر / ااااااااااااه بالراحه يا سالى
سالى / الحمد لله انا اسفه والله مكنتش اعرف
سمر / ملكيش ذنب يا روحى
الظابط / انسه سمر لو سمحتى احنا كنا عاوزين نعرف منك تفاصيل اللى حصل
سمر / اميره مرات اخو اختى اللى هو سيد اتصلت بيا و قالتلى ان سالى اختى عندهم و تعبانه و هى لوحدها روحت لقيتها كويسه اخوها جه و طلب منى ابص على ورق ارض عاوز يبنيها و بعدين لقيتهم بيقفلوا باب المخزن و بعدين فتوح حاول يتهجم عليا
الظابط / و بعدين احنا لقينا فتوح مقتول
سمر / حاولت ادافع عن نفسى بس مقدرتش فجاه لقيتنى وسط الصناديق متكسره و مش قادره اتحرك خالص محستش بنفسى غير و انا بضربه بالازازه انا مكنش قصدى اقتله انا مكنتش شايفه انا بضربه فين اصلا الدم كان مغرق عينى بس كنت بحاول ابعده عنى كان كل همى انه ميعملش فيا حاجه و بس
الظابط / فاهم فاهم عن اذنكوا
شريف / طمنى خير يا فؤاد
فؤاد/ دا دفاع شرعى يعنى معليهاش حاجه
شريف / طب يعنى هى كدا تمام
فؤاد / متقلقش انا هخلص كل حاجه و اكلمك كلها اجراءات روتينيه عاديه متشغلش بالك انت
شريف / متشكر
شريف يرجع جنب سمر
سمر / عموا ابراهيم بيسلم عليك
حسام / عمو ابراهيم مين
سمر / باباك كان معايا قالى كلو هيبقى تمام متخافيش
مصطفى / انا هنادى الدكتوره دى بتهلوس
سمر / انا بتكلم جد هو كان معايا انا شوفته
حسام / طيب طيب اهدى
شريف / وقعتى قلبى
سمر / شكرا لولا تمريناتك كان زمانى ضايعه
مصطفى / بس دانتى طلعتى جامده اوى و يتعملك حساب انا طبعا كنت بعملك حساب بس دلوقت هعملك اكتر
سمر تبتسم و تبص الناحيه التانيه تلاقى امها بتعيط
سمر / بتعيطى ليه يا ماما
هيام / انا زى الفل يا حبيبتى ربنا يخليكى ليا
سمر / دا كلو بركه دعاكى يا امى
..........................
