بقلم #لولو_محمد
((((((ته مربوطه )))))))
الحلقه الرابعه و العشرون
حسام / والله لو ده هيدحكك معنديش مانع ارجع بطن امى تانى
سمر / هههههههههههههههههه
حسام / انتى غاليه عندى اوى يا سمر فوق مانتى متخيله بلاش تحاولى تخلينى اخسرك لانى مش هستحمل خساره زى دى
سمر / دا كان لمصلحتك والله
حسام / انا عارف مصلحتى و مصلحتى جنبك انا مش عيله بضفيرتين الناس بيتكلموا عنها الا صحيح اخبار الضفاير ايه
.......................
سمر / هههههههههههههه
حسام / انتى قولتيلى انك بطلتى تقصيه
سمر / اه و قارفنى بضيع وقت طويل جدا فى الحمام بغسله و اسرحه كنت هوب هوب ببقى جاهزه
حسام / الانوثه مش بالساهل بجد بقى طوله بقى لحد فين
سمر / يعنى تحت كتفى بشويه
حسام / حلو اوى
سمر / ايدى بتاكلنى انى اقصه
حسام / لو عملتيها هخاصمك جامد انا مصدقت
سمر / و يفرق معاك فى ايه هو انت بتشوفه
حسام / انتى وعدتينى
سمر / مدايقنى يا حسام
حسام / طب عشان خاطرى
سمر / يادى الكلمه دى
حسام / انا انقذتك مالموت اهو و موت بدالك
سمر / يا غلس
حسام / زعلتى لما شوفتينى ميت
سمر / انت بتهزر كان هاين عليا ارمى نفسى وراك
حسام / و ابقى موت فطيس يخربيتك تعرفى لو كنتى عملتيها كنت صحيت و صحيتك و قتلك تانى
سمر / دا فيلم هندى ده صح
حسام / احلام بقى هو حد بيحاسب حد فى الحلم اهو كلو خيال مش بتقولى مرجحتك فى الهوا و رميتك فى الدور اللى تحتيه و قومتى سليمه على رجلك هو ده يعنى مش هندى
سمر / ههههههههههههههههههههه
تليفون سمر يرن
سمر / الو ... ايوه يا بابا خير ..... ضيف مين .... سيد ..... انا ازاى يعنى ..... انا مشغوله ..... مهو دى قله زوق ...... حاضر خمس دقايق بس
حسام / خير فى ايه ماله الزفت
سمر / اسمع اصلها كملت سى سيد جايبلى عريس اخو مراته
حسام / مش عارف انا ليه مقتلتوش زمان و خلصت
سمر / انا لازم اروح اشوف عريس الغفله هما خمس دقايق ارفضه و ارجع
حسام / لا انا عاوز اتفرج
سمر / على ايه
حسام / عاوز اشوف العريس يعنى من باب الفضول
سمر / ههههههههههههه والله نكته انا بقيت عانس رسمى كل من هب و دب بيجبلى عريس لا و مبيحددش معاد متخيل انى هموت عالجواز و مهصدق اى شئ ببنطلون و السلام
حسام / تشبيه بليغ
سمر / سمعته فى تمثيليه كدا يلا يلا
....................
فى البيت
سمر تفتح الباب و تدخل و حسام وراها تلاقى سيد قاعد جنبه راجل مليان فى اواخر التلاتينات و لابس بنطلون جينز ازرق و جاكت منفوخ بنى و تحتيه قميص مشجر
حسين / البشمهندسه سمر بنتى اقعدى يا سمر
سمر / اقعد يا حسام اقعد
سيد / منور يا هندسه
حسام يهزله راسه و هو و سمر عينهم متثبته عالجته اللى جنبه
سمر / منورين خير اؤمروا
سيد / بصى يا ست الكل انا عارف انك متسستمه و كلو عندك ماشى بالنظام بس اخويا و حبيبى فتوح
فتوح / محسوبك
سيد / كان قاصدنى اشوفله عروسه فقولتله اجيبلك من بره و اختى موجوده ميصحش الاقربون اولى بالمعروف
فتوح / يازين ماخترت
سيد / فتوح دا راجل كسيب اخو مراتى عنده اكبر مخزن ساقع فيكى يا بلد هو اللى بيوزع عالمحلات دى كلها
فتوح / و عندى قهوه تحت البيت كمان بيت ملك اللى انا ماجر لاختى فيه شقه بيت بحرى ترمح فيه الخيل اربع تدوار الدور الاول مخزن و التانى لسيد و التالت و الرابع بالروف بتوعى
سمر / هو انا مش مستوعبه يعنى تقريبا فى لخبطه هو انت جاى تتقدملى انا دلوقت يعنى دى فكرتك انك تتقدم و اصلا بتتقدم ليا يعنى و لا انا مش واخده بالى فى لخبطه
سيد / والله احنا كنا ناوين يعنى نيجى نكلم عم حسين يعنى و نشوف راى ابوكى الاول يعنى بندخل البيت من بابه و قولنا كمان نكسب وقت بدل ماجى و اكلمه و بعدين يحدد معاد قولت اجيبه معايا يشوفوه و بين الشارى و البايع يفتح الله
سمر / ماشى بما انها بقى شروه فانا بستاذن يعنى اسال المعلم ؟؟؟ معلم صح
فتوح / اللى تؤمرى بيه ماشى اتفضلى اسالى
سمر / حضرتك كام سنه
فتوح / بصى هو بالصلاه على النبى كدا اخر اتنين الجاى اكمل سبعه و تلاتين اصلى مواليد برج الحوت رومانسى يعنى
سمر / اه عشر سنين فرق مش كتير يعنى عادى بتحصل معلش انا بسال بس من باب المعرفه هو حضرتك اتجوزت قبل كدا
فتوح / مره و مريحتنيش هو الراجل ليه ايه فى الدنيا غير راحته عملتلها اشتراك فى الجيم و الكوافير و طلباتها كانت مجابه بس هى اللى كانت وش فقر
سمر/ مش فاهمه يعنى ايه سبب الطلاق
فتوح / لامؤاخذه مليانه حبيتين
سمر تبص لحسام و بقها مفتوح و هو ماسك نفسه مالدحك
سمر / اه لا طبعا يعنى حقك اكيد طب بالنسبه لشغلى و كدا راى حضرتك ايه
فتوح / والله انا بحيى المراه العامله المراه نص المجتمع امال ايه بس طبعا دا مياثرش على بيتها و جوزها تاخد بالها منه تهتم بيا تدلعنى كدا يعنى
سمر / حقك
فتوح / يعنى انا بحب اتغدى العصريه و اقيل حبه يعنى تكون جمبى تشوفنى محتاج حاجه كدا و لا حاجه كدا و بروح عالساعه تلاته بالليل كدا يكون مستنينى عشا ملوكى معتبر اكله و انام
سمر / مانت شقيان الله يعينك حقك طبعا امال طب و بالنسبه لمرتبى
فتوح / مرتب ايه يا هندسه هو الخماشر باكوا دول فلوس
سمر / بسم الله ما شاء الله دانت عارف انا بقبض كام بس استنى دا فى حوافز و مكافات و كومشنز و بدل تنقلات يعنى ممكن يوصلوا لعشرين باكوا
فتوح / انت جايبنى اتهزء هنا يا سيد متقول حاجه
سمر / معاش و لا كان اللى يهزاك يا معلم انا بس بحلى البضاعه عشان تظبطنى فى السعر الله
الكل يبص لبعضه يمين و شمال
فتوح / بصى يا ست العرايس انا شارى انا عاوزك كداهون بشنطه هدومك و اقولك متلزمنيش
سمر / ايه يعنى اتقالتلى كتير لا اغرينى شويه اصلها بالنسبالى بيعه العمر سورى ملهاش عندى وصف ادق
فتوح / انتى اللى تؤمرى بيه ماشى
سمر / بص انا اضمنلك انى عمرى مطخن اسالهم باكل زى الطور فى النجيله و لا يبان عليا و فشغل البيت لهلوبه و ان كان عالجمال فالبضاعه قدامك بس انت متقدرش على تمنى ولا انت و لا قهوتك و لا مخزنك و لا حتى لو بعت نفسك اساسا
فتوح / الله الله الله هو فى ايه
سمر / بره
سيد / جرا ايه يا عم حسين دى طريقه نتكرش و احنا فى بيتك
حسين / دى شقتها هى
سمر / بصوا بابا كان زوق اوى لمجرد انه يدخلك يا معلم اصلا اما بالنسبه لسيد فياريت توفر مجهودك لنفسك و توفر احرجك قدام عرسانك دا لو اعتبرناهم عرسان اصلا
فتوح / لا كدا كتير انا ماشى
سمر / دا لسه ممشيش
سيد و فتوح يمشوا و يرزعوا الباب وراهم
عليا / انا للحظه فكرتك هتوافقى فعلا
سمر / اياكش يولعوا بلا قرف
هيام / شوفتى عندك وصلك لفين
سمر / عندى ؟
هيام / امال ياما قولتلك قولتلك هيجى عليكى اليوم و هتلاقى زباله الرجاله بتتقدملك
سمر / نصيبى بقى اعمل ايه
هيام / و انا ذنبى ايه يا سمر
سمر / هو انا قصرت معاكى فى حاجه يا ماما
هيام / ابسط طلباتى يا سمر انى اشيل عيالك
سمر / البركه فى عليا نفرح بيها بقى فى نص السنه اهو و كلها سنه و لا اتنين و نشيل عيالها و نفرح بيهم
هيام / ربنا يباركلها و انتى
سمر/ مالى مانا زى الفل اهو
هيام / كدا فل كدا
سمر / اه الحمد لله ناقصنى ايه
هيام / بكره لما اموت انا و ابوكى و سالى تتجوز و كل واحده فيهم تنشغل بعيالها و تلاقى نفسك لوحدك لا جليس و لا ونيس و لا حد ياخد بايدك لما تكبرى هتعرفى اللى فاتك
سمر / محدش بياخد كل حاجه و اش عرفنى يعنى انى هعيش لبكره على الاقل مضيعتش النهرده مانا عايشه اهو
هيام / دى هتنقطنى هو انا هتعب نفسى ليه انا اصلا مخلفتش غير عليا
سمر / ربنا يخليها هى نور البيت فعلا
هيام / ياعينى على عمرى اللى ضاع عليكى يا سمر قلبى و ربى غضبانين عليكى يا سمر
سمر / للدرجادى
هيام / انا داخله انام على الله اموت و تعيشى بذنبى
سمر / هو انا عملت ايه كل ده عشان مش عاوزه اتجوز
هيام تمشى و سمر تبص فى عنين اللى حواليها و عنيها كلها دموع
حسين / هى متقصدش
سمر / قولولها انى هعمل اللى هى عوزاه تنقى العريس اللى على زوقها و انا موافقه حتى لو كان فتوح انا راضيه
عليا / هو الموضوع كبر ليه اوى كدا المرادى
حسين / انا مش عارف اقول ايه
حسام / ايه يا جماعه محصلش حاجه دا كلام فى لحظه نرفزه ساعه شيطان و هتروح لحالها
سمر / انا هدخل اراضيها
سمر تدخل الاوضه تلاقى امها بتعيط
سمر / حقك عليا انا اسفه
هيام / على ايه مكنش ذنبك انا اللى مقدرتش احميكى
سمر / سامحينى يا ماما انا مكنش قصدى ازعلك دانا عايشه برضاكى
هيام / انا مبحبش عليا اكتر منك مبحبش حد اكتر منك بس انا صعبان عليا حالتك روحى لدكتور و لا شوفى علاج
سمر / انا مش عيانه
هيام / لما بروح فاى حته بشوفهم و هما بيمصمصوا شفايفهم و يتودودوا عليا بسمعهم بيقولوا بورت بنتها بيشيلونى ذنبك
سمر / يولعوا محدش فيهم بياكلنا
هيام / الدنيا مش اكل و شرب انا عاوزه اطمن عليكى قبل مموت
سمر / بعد الشر عليكى
هيام / هى مش عليا عاشت نفس ظروفك و كانت اصغر لكن انتى كنتى كبيره و فاهمه اشمعن هى طبيعيه و انتى كدا
سمر / انا غير عليا انا مينفعش اكون عليا
هيام/ انتى تطولى تكونى زيها اصلا
سمر / لا مطولش بس هى كمان متقدرش تكون سمر محدش يقدر يكون سمر
هيام / سمر مين سمر دى تبليها و تشربى ميتها متساويش حاجه
سمر / دا رايك فيا
هيام / فرحانالى بالمرتب طظ فيكى و طظ فى فلوسك انتى مجرد عانس بتدارى خيبتها بفلوسها مجرد حمل قاطملى ضهرى من قلقى عليكى طول الوقت
سمر / و انا ميخلصنيش اتعبك اكتر من كدا انا ماشيه و ربنا يخليلك عليا
سمر تطلع تجرى و هى بتعيط تفتح الباب عليا تمسكها
عليا/ هتروحى فين يا بنتى ارجعى
سمر / هى مش عاوزه غيرك و انا عمرى مهكون زيك سبينى
سمر تنزل تجرى عالسلم و حسام ينزل وراها فى الشارع يحصلها يمسك ايدها
سمر / سبنى يا حسام عاوز ايه انت كمان
حسام / قطعتى نفسى يخربيتك سريعه رايحه فين
سمر / فى ستين داهيه تاخدنى يمكن كلوكوا ترتاحوا
حسام / و انا مالى بقولك ايه الموضوع مش مستاهل خالص انتى توحدى الله كدا و تعالى باتى عندنا النهرده و الصباح رباح لما ماما تروق هتلاقيها بتقولك انها لحظه شيطان و انها متقصدش اى حاجه ماللى قالتهالك
سمر / لا انا هبات فى اى حته
حسام / و ماله مبتنا برضه يعتبر اى حته تعالى بقى متتعبنيش
سمر / سبنى ابوس ايدك يا حسام
حسام / ابقى بوسيها بعدين بس دلوقت تعالى بس معايا الناس تقول عليا ايه بخطفك اركبى بقى
سمر تركب العربيه و هى بتنفخ على اخرها
....................
عالقهوه
فتوح / كدا يا سيد انا يتعمل فيا كدا و انت واقف
سيد / ياعم انا قولتك انها بت قفيله و لا تسوى
فتوح / دول عشرين باكوا فى الشهر ازميلى
سيد / و انت كمان لازم تقولها انك عارف هى بتقبض كام اذكى اخواتك
فتوح / بس القلم ده هيترد يازميلى
سيد / قلم ايه معاش و لا كان ياصاحبى ولا حد هيدرى
فتوح / مش دى العباره انا اقصد ان اول مره بت ترفع مناخيرها عليا و المناخير اللى تترفع فوش فتوح لازم تنكسر
سيد / بقولك ايه قول لشطانك يهمد البت واصله ولو عملت اى حركه كدا و لا كدا هتردهالك عشره
فتوح/ ياعم حقك عليا بس بكره تشوف ان مجت هى و اهلها يتحايلوا عليا انى اكتب عليها و انا اللى حاطت رجل على رجل بتشرط مبقاش انا فتوح
سيد / تعجبنى الثقه رسينى بقى عالدور عشان افهم
..................
فى البيت عند ليلى
ليلى / بيتك و مطرحك يا حبيبتى نورتى اهلا وسهلا اهلا وسهلا
سمر / انا اسفه انى بتقل عليكوا يعنى و....
مصطفى / تقل ايه يا ريسه بس هو احنا فى ديك الساعه
حسام / انا وضبتلك اوضتى معلش كانت مكركبه شويه و انا هروح انام انا جنب صاصا
سمر / لا مفيش لزوم انا مش عاوزه ادايقكوا انا ممكن انام هنا عادى
مصطفى / اللحق دى بتغلط فيك
حسام / يا راجل
مصطفى / دى شتمتك بتقولك تنام فى الصاله و انت تنام على سرير دى دمرت جبهتك الصراحه
حسام / هى قالت كدا
مصطفى / اه و النعمه
حسام / انتى قولتى كدا
ليلى / هى قالت ايه ؟؟؟
حسام / قالت اننا مش رجاله و لا بنكرم ضيوفنا و لا بنفهم فى الاصول و اننا لا مؤاخذه يعنى
مصطفى / هى قالت لا مؤاخذه
حسام / انا مش عاوز افسر الصراحه امك قاعده
سمر / خلصتوا
مصطفى / انا خلصت اساليه هو
حسام / الاوضه من هنا سموك
ليلى / انا هقوم اجيبلك حاجه من عندى تنامى فيها
سمر / مفيش داعى
حسام / رجعت تغلط تانى اهو يا مصطفى
مصطفى / متتهورش دى فبيتنا
حسام / مهى اللى بتغلط يا مصطفى
سمر تقوم تقف
مصطفى / ايه ده عليا بتتصل عن اذنكوا
سمر / تليفونك مرنش
مصطفى / اصلى عامله فيبراشن
حسام / مجنون
سمر تتنهد و تقعد
.......................
