#بقلم #لولو_محمد
(((((((ته مربوطه ))))))
الحلقه الثلاثون
سمر / شكرا لولا تمريناتك كان زمانى ضايعه
مصطفى / بس دانتى طلعتى جامده اوى و يتعملك حساب انا طبعا كنت بعملك حساب بس دلوقت هعملك اكتر
سمر تبتسم و تبص الناحيه التانيه تلاقى امها بتعيط
سمر / بتعيطى ليه يا ماما
هيام / انا زى الفل يا حبيبتى ربنا يخليكى ليا
سمر / دا كلو بركه دعاكى يا امى
..........................
فى البيت بعد فتره
سمر نايمه عالسرير و حاطه اللاب على بطنها و بتشتغل الباب يخبط سمر تقفل اللاب بسرعه و ترميه جنبها عالسرير
سمر / ادخل
حسام يفتح الباب سمر تحط الطرحه بسرعه
سمر / هو انت افتكرتك ماما و لا حد مالبيت
حسام / اها اخبارك ايه يا مزه
سمر / اتخنقت مالسرير بجد هاين عليا اقوم انبش قبر فتوح الكلب ده و اولع فيه تانى ابن الكلب رقدنى
حسام / الحمد لله انه مات و الا كان زمانى فى السجن دلوقت
سمر / ليه بقى و انت ايه علاقتك باللى حصل
حسام / ليه و انتى فاكره انه بعد اللى عمله كان ممكن اسيبه عايش طب دا الكلب اللى اسمه سيد لولا انه فى السجن كان زمانى مموته بس يطلع و دينى مانا سايبه
سمر / وطى صوتك سالى بره كفايه اللى هى فيه
حسام / الكلب مفكرش حتى فى اخته و هى بتحضر موقف زى ده
سمر / متفكرنيش البت بتتفزع طول الليل بجد مش عارفه اعمل ايه
حسام / قومى انتى بس بالسلامه و انا هجزلكوا رحله تنسوا فيها كل اللى حصل
سمر / سيبك انت بقولك ايه شوف كدا انا خلصت حصر الكميات راجعها كدا فى السريع
حسام / يبقى مامتك بقى عندها حق لما اتصلت بيا و قالتلى انك مبتبطليش شغل انتى هنا يا حجه عشان ترتاحى ماشى عشان تخفى انسى الشغل شويه
سمر / زهقانه يا حسام طول اليوم قاعده فى السرير لوحدى زهقت
حسام /هانت يا بنتى خلاص كلها كام يوم و نفك الجبس ده و تتحركى
سمر / انت مش متخيل انا اجربيت انا كنت بستحمى مرتين فى اليوم انا عفنت يا حسام عفنت
حسام / خلاص كفايه قرف
سمر / اهو ده اللى انت فالح فيه
حسام / دكتور محمد بعتلك ورد عالمكتب صحيح
سمر / كتر خيره
حسام / كان اتصل يسال عليكى حكيتله اللى حصل بعت ورد وقالى انك فى اجازه مفتوحه لحد متقومى بالسلامه و اه هو نجح فى الانتخابات خلاص
سمر / هى كانت امتى
حسام / انا عارف كبرى مخك انا اطمنت عليكى هقوم بقى و اسيبك ترتاحى
سمر / اخص عليك يا حسام انا كنت فكراك هتقعد معايا انا بجد زهقانه اوى
حسام / على عينى والله بس انتى ادرى منى مصطفى سافر الاقصر هو و عليا و انتى فى السرير و انا مطحون فى المكتب بشغلكوا انتوا الاتنين هعمل ايه بس
سمر / امممم خلاص قوم امشى
حسام / طب بصى انا ممكن اقعد نص ساعه كمان نص ساعه مش هتفرق يعنى صح
سمر / لا قوم خلص شغلك و روح نام و ارتاح انت اصلا شكلك مرهق
حسام / مش هاين عليا اسيبك و اقوم
سمر / خلاص خليك
حسام / انا بقول كدا برضه بلا شغل بلا هبل هما اللى اشتغلوا خدوا ايه حد يسيب القمر المكسر ده و يقوم يشتغل برضه
سمر/ متفكرنيش
.......................
فى الموقع بعد فتره
سمر تنزل من التاكس
حسام / ايه اللى جابك
سمر / ايه يابنى هو انا هفضل فى المكتب لحد امتى
حسام / يعنى تمسكى نفسك شويه
سمر / انا بقيت زى الفل متافورش بقى ايه الاخبار
حسام / كلو تمام
سمر / طب يلا عشان نلحق نخلص معزومين عند اخوك النهرده عالغدى
حسام / اه عامل حسابى اتفضلى قدامى
.......................
فى البيت عند مصطفى
سمر واقفه بتبص من شباك الصاله على شباك شقتهم القديمه
عليا / اللى واخد عقلك
سمر / ولا حاجه
عليا / انا بس نفسى افهم ايه اللى خلاكى تنزلى الموقع احنا مش كنا متفقين بتروحى المكتب بس
سمر / زهقت مالمكتب و الورق كنت عاوزه اتمشى اشم هوا
مصطفى / هو مش رمل و زلط و اسمنت
سمر / الكيف بيزل
حسام / بطلو لت خشوا فى المفيد ايه هو القرار المصيرى اللى عازمينا عشانه
سمر / تلاقيها حامل
عليا / واطيه عرفتى ازاى
سمر / ايه ده هو بجد انا كنت بالس
هيام / لولولولولولولى الف الف مبروك يا حبيبتى الف الف مبروك
سالى / مبروك يا عليا
ليلى / مبروك يا مصطفى
مصطفى / الله يخليكى يا ست الكل
حسام / مبروك يا معلم هتسميها ايه بقى
مصطفى / هسميه ايه انا عاوز ولد
سمر تبصله
عليا / كل اللى يجيبه ربنا كويس
مصطفى / طبعا محدش يتامر بس الحقيقه كان نفسى اوى اسمى ابراهيم يعنى على اسم بابا الله يرحمه
عليا / الله يرحمه ياريت والله
سمر / اسم حلو اوى فعلا
حسام / متشغلوا المروحه الخبر الحلو خلى الواحد يتحمس و يصهد
سمر / لا بلاش لحسن يعيوا افتح البلكونه احسن
حسام يقوم يفتح البلكونه
عليا / بس لو جت بنت هنسميها سمر
مصطفى / طب استاذنيها الاول
سمر / على ايه هو الاسم كان بتاعى
مصطفى / لا يعنى بس انتى عارفه اتهدى يا سمر اتلمى يا سمر انتى يا زفته يا سمر كدا يعنى دانا هبهدلها
سمر / طب تبقى تقربلها دى روح خالتها دى
مصطفى / يعنى لو واد
حسام / يبقى روح عمه ههههههههههههههههههههه
حسين / الف مبروك يا ولاد انا بقول نسيبكوا ترتاحوا بقى و نروح احنا
مصطفى / تروح فين يا عم حسين داحنا مبنصدق نتجمع
هيام / مره تانيه بجد تعبانه يا مصطفى
عليا / سلامتك يا ماما
هيام / الله يسلمك بس صاحيه من بدرى
حسام / انا هوصلكوا
.......................
فى البيت
هيام / عقبالك يا سمر
سمر / ان شاء الله و الف الف مبروك هههههههههههههههه
سالى/ هههههههههههههههههههههه
هيام / بتالسى على امك يا سمر
سمر / معاش و لا كان يا ماما انا بهزر معاكى
هيام / انا نفسى افرح بعيالك قبل مموت يا بنتى
سمر / بعد الشر عنك يا امى ربنا يخليكى و بعدين ان كان على احفادك ربنا يبارك فى النونو اللى جاى
هيام / و انتى يا بنتى مسيرنا هنموت و هتفضلى لوحدك
سمر / بعد الشر عنكوا انا خلصت دورى ناحيه عليا فاضل سالى
هيام / سالى لسه صغيره و بكره تكبر و تتجوز و تسيبك انتى كمان لوحدك و ساعتها يا بنتى هيكون الاوان فات والعمر مبيرجعش يا بنتى
سمر / ارحمينى بقى يا ماما مالسيره دى اتكلمنا فيها كتير
هيام / انا كنت معاهده نفسى انى مفتحهاش تانى بس تعبت يا بنتى تعبت و مش قادره استحمل
سمر / انتى عاوزه تجوزينى و خلاص ده اللى هيريحك يعنى
هيام / طبعا هرتاح يا بنتى هطمن عليكى
حسين / خلاص يا هيام كفايه بقى البنت
هيام / ملكش دعوه بيا مانت السبب
سمر / يا ماما ملوش لازمه الكلام ده
حسين / سبيها يا سمر
هيام / انا كل يوم بقرب مالموت خطوه و كل يوم بخاف عليكى اكتر
سمر / خلاص يا ماما لو كان ده اللى هيطمنك خلاص جوزينى لاى حد ارمينى
هيام / اديكى شوفتى فتوح و سيد و اللى عملوه
سمر / و ده كان ذنبى
هيام / لو كان ليكى راجل مكنش كل ده حصل
سمر / يا ماما ابوس ايدك بطلى السيره دى بقى انا بجد تعبت
هيام بتصرخ / امال انا ايه انتى خلاص كلها كام شهر و تبقى تمانيه و عشرين و الناس مبترحمش كل يوم حد يسالنى مفيش جديد مش هنسمع خبر حلو عن سمر عاوزين نفرح بسمر بقى متتجدعنى يا هيام بقى
سمر / طب بس اهدى
هيام / بلا اهدى بلا زفت مانتى اللى تعبانى انتى اللى مستكتره عليا الفرحه انتى اللى ....
هيام تمسك قلبها و تقع فى الارض
...........................
فى المستشفى
سمر قاعده عالارض منهاره مالعياط و حسام يدخل يجرى عليها
حسام / فى ايه مالك ايه اللى حصل طنط جرالها حاجه
سمر بتعيط / ماما بتموت ماما هتروح منى يا حسام انا مش هقدر اعيش منغيرها
حسام / اهدى هتبقى كويسه باذن الله كلو هيبقى تمام عموا حسين فين
سمر / راح مع سالى الحمام مش قادره اقف على رجلى يا حسام مش قادره
حسام / طب تعالى اسندك تعالى
سمر / هى يعنى طلبت ايه انا زباله اوى فيها ايه لو ابسطها هى يعنى عاوزه حاجه حرام اللى هى عوزاه انا هعمله
حسام / طب قومى بس قومى اقعدى عالكرسى ده
حسام يقومها تقعد عالكرسى
سمر / قولها انى موافقه انا هتجوز اللى هى هتقول عليه هتجوزه اى حد اى حد انا موافقه قولها تسامحنى بس انا هتجوز الى هى عوزاه حاضر حاضر هتجوز
حسام / اهدى يا سمر
سمر / تتجوزنى يا حسام
حسام يبصلها و هو مندهش
سمر / انا اسفه انا بجد مش عارفه انا قولت كدا ازاى انا بجد اسفه بس انا تعبانه انا مش عارفه اعمل ايه انا اسفه بجد اسفه اوى يارب خدنى بقى و ريحنى
عليا تدخل بتجرى و تصرخ فى سمر
عليا / ماما مالها يا سمر كانت كويسه ايه اللى حصل
سمر / انا اسفه اوى يا عليا والله غصب عنى انا بجد اسفه
عليا / عملتى فيها ايه انطقى قولى عملتى ايه فى ماما حرام عليكى يا شيخه دا هى اللى لينا عملتى ايه انطقى
سمر تقع من عالكرسى و هى منهاره مالعياط
حسام / مصطفى لم مراتك سمر مش قدرالكوا
مصطفى يشد عليا بعيد
عليا / والله لو ماما جرالها حاجه مهسامحك والله مهسامحك
سمر منهاره مالعياط حسين يدخل و معاه سالى سالى تروح تحضن سمر و تطبطب عليها
حسين / امك اتخانقت معانا عشان عاوزه سمر تتجوز سمر ملهاش دعوه باللى حصل يا عليا
عليا / ميهمنيش دلوقت غير ان امى تقوم بالسلامه
الدكتوره تطله مالاوضه
الدكتوره / الحاله استقرت الحمد لله ياريت متتعبوهاش بتسال على سمر
الكل يدخل جرى و سمر تقف عند الباب و تمسح دموعها حسام يمسكها من ايدها و يدخلها بالراحه و هى مش مستوعبه المنظر تشوفها نايمه فى السرير تجرى تترمى فى حضنها
سمر / انا اسفه يا ماما انا عمرى مهزعلك تانى ابدا
هيام تطبطب على سمر و هى ساكته ليلى تدخل
ليلى / خير فى ايه انا جيت علاطول مالك يا هيام خير يا حبيبتى سلامتك
حسام / الحمد لله قدر و لطف
..........................
فى البيت عند حسام
مصطفى / دا وقته
حسام / هو ده وقته انا ادرى انت مالك انت
ليلى / ايوه يابنى الست لسه خارجه مالمستشفى نستنى شويه لما تصلب طولها متضمنش رده فعل سمر
حسام / لا دلوقت انا عارف انا بعمل ايه
عليا تدخل
عليا / هو فى ايه
مصطفى / مفيش يا لولو معلش سبناكى لوحدك
حسام / عليا انا عاوز اخطب سمر
عليا / انت بتقول ايه يا حسام
مصطفى / قولتله مش وقته
حسام/ هتوافق انا عارف انها هتوافق يمكن لو استنينا ترفض بس ده انسب وقت لما طنط هيام تلاقى سمر اتخطبت هتقوم بالسلامه
عليا / سمر متنضمنش
حسام / سيبوا سمر عليا المهم هتيجوا معايا و لا لا
.....................
فى بيت هيام
ليلى / الف حمدالله عالسلامه ياختى
هيام / الله يسلمك تسمعى و تسلمى
ليلى / بصى احنا جايين النهرده نسلم عليكى و نطلب ايد سمر لحسام
هيام / ايه
ليلى / اللى سمعتيه الواد ده صدعنى من يوم مدخلتى المستشفى اخطب سمر اخطب سمر اخطب سمر اخطب سمر و انا بصرحه هموت و اجوزه و لو لفيت الدنيا كلها على كعوبى حافيه والله مهلاقى فى ادب و اخلاق سمر بنتك
هيام / بس الموضوع ده مش فى ايدى سمر معرفش هتقول ايه
حسام / هى فين صحيح
حسين / نزلت تجيب حاجات مالصيدليه
باب الشقه يتفتح و سمر تدخل و شايله كيس
سمر / انا جبت كل الدوا ايه ده منورين
حسين / بنت حلال مين فيكوا بقى هيبلغها الخبر
عليا / اكيد مش انا
سمر / انا قلبى مش ناقص انا تعبانه خلقه فى ايه قولوا
حسام / اهدى بس و خدى نفسك تعالى اقعدى
سمر / مش هقعد فى ايه ايه اللى حصل انتى كويسه يا ماما فى حد جراله حاجه عليا البيبى فيه حاجه
حسام يقوم يقف قدامها و هو بيعرق جامد و متوتر و يقعد على ركبته و يمسك ايدها
حسام / زى بتوع بره تقبلى تشرفينى انى اكون جوزك
سمر / ايه
حسام يقف / هو ايه اللى ايه انا جايب امى و جايين نطلب ايدك من ابوكى و امك مش وقت غباء هو
حسين / اهدى بس يا حسام يابنى انت بس فاجاتها
سمر / انا فعلا اتفاجئت انا مش عارفه اقول ايه
حسام / قولى اه حياه عيالك يا شيخه قولى اه و غلاوه الغاليه امك دى قولى اه
سمر تبص لامها و تبص لابوها و تبص لحسام
سمر / اللى بابا و ماما يشوفوه
هيام / انا كنت عارفه انها ... ايه هى قالت ايه
عليا / موافقه يا ماما موافقه لولولولولولولولولولولولولولى
هيام / انا مش مصدقه دى وافقت
حسين / الف مبروك يابنى الف الف مبروك
حسين يحضن حسام
مصطفى / انا بجد مش مصدق انتى وافقتى بجد و لا بتشتغلينا
سمر تدخل المطبخ و حسام يدخل وراها ليلى تقوم تحضن هيام
عليا / انا بقول خير البر عاجله و نلحق نعمل الفرح قبل مبطنى تبالظ و ملاقيش حاجه عدله تدخل فيا
مصطفى / انا بقول كدا برضه اهو نضمن العروسه قبل متغير رايها
ليلى / تغير رايها دا ايه انا كنت عارفه انهم بيحبوا بعض بس هما بيخبوا
عليا / انا كمان كنت حاسه ان فى بينهم كميا بس هى عمرها معترفت بنت الايه
سالى / عقبالى يارب بقى عقبالى
هيام / سالى عيب
سالى / الله هو باقى غيرى دا دورى بقى
حسين /هههههههههههههههههههه انا طول عمرى بخاف مالواد ده بس اتارى فايده الشفا
هيام / ربنا يتمملك على خير يا بنتى و يهدى سرك و يغزى شيطانك
مصطفى / امال هو العرسان فين صحيح
عليا / معرفش اما اقوم اشوفهم
...................
فى المطبخ
سمر تمسك ايد حسام
سمر / انا بجد مش عارفه اقولك ايه يا حسام انا بجد بشكرك من كل قلبى
حسام / تشكرينى على ايه يابنتى انتى اصلك مش متخيله .............
سمر / انا عارفه انى فاجاتك و حطيتك فى مشاكل انت مش قدها و فغنى عنها بس صدقنى لو مكنتش جيت دا عمره مكان هياثر على اللى بينا انا بجد لو عشت عمرى كله مش هعرف ارد جميلك ده
حسام / انتى اصلك ...............
سمر / انت اصلك مش فاهم انا من يوم ما ماما دخلت المستشفى و انا حاطه ايدى على قلبى لانى وعدتها انى هتجوز و كنت خايفه من اللى هيتقدملى انت بجد انقذتنى من اكبر كابوس كان ممكن اعيشه
حسام / انتى بتقولى ايه يا سمر
سمر / انا عارفه انى متقله عليك انا بس كنت عاوزه اقولك انى مش هتقل كتير هو شهر و لا اتنين بالكتير و كل واحد يروح لحاله انا بس هورى ماما انى منفعش للجواز و ان حتى ملاك زيك مقدرش عليا فهى تشيل الفكره دى من دماغها و صدقنى دا مش هياثر خالص على صداقتنا و مش هكلفك حاجه كل جنيه هتصرفه انا هعوضهولك انا بجد مش عارفه منغيرك كان جرالى ايه
حسام / انتى بتتكلمى جد
سمر / طب اعمل ايه طيب مفيش قدامى حل تانى و الحمد لله انك جيت انا بجد كنت بموت انت مش متخيل فكره الجواز دى بالنسبالى كابوس مكنتش قادره افوق منه
حسام / انا مش عارف اقول ايه
سمر تحضن حسام و هو مبلم
سمر / شكرا يا حسام بجد انا مش عارفه منغيرك كان ممكن يجرالى ايه ربنا يخليك ليا و ميحرمنيش منك ابدا انا بجد مش عارفه حياتى منغيرك كان هيجرالها ايه
مصطفى و عليا يدخلوا يشوفوا المنظر مصطفى يغمى عين عليا و يشدها لبره حسام يفك ايد سمر من على رقبته
سمر / اسفه تانى انفعلت حقك عليا
حسام / انا مش هينفع اتكلم معاكى هنا تعالى بره و نخرج نروح اى حته نتكلم
سمر / ماشى اللى تشوفه
حسام و سمر يطلعوا مالمطبخ يقعدوا مع الباقين و عليا و مصطفى يبصوا لبعض و يبصولهم كل شويه
ليلى / طب ايه نقرا الفاتحه بقى و نتكلم فى التفاصيل
هيام / بصى احنا مفيش بنا الكلام ده سمر بنتك زى عليا بالظبط و حسام ابننا و منستخسرش فيه اى حاجه و مش هنختلف
ليلى / دا العشم برده بصى زى معملنا لعليا هنعمل لمصطفى و بالنسبالى انا بقى هشوفلى شقه ايجار اقعد فيها على قدى تكون اوضه و صاله
سمر/ ايه الكلام ده يا طنط على فكره انتى مش هتسيبى بيتك
ليلى / يا حبيبتى انتوا هتبقول عرسان و عاوزين تاخدوا راحتكوا
......................
