#بقلم #لولو_محمد
((((((((ته مربوطه ))))))))
الحلقه الثالثه والرابع عشر
حسام / ساعتين و خمستاشر دقيقه عشان تفكرى تكلمينى
سمر / مصطفى كان بيكلمك و كلنا جنبه
حسام / بصى انا مش طايق نفسى
سمر / حسيت بس مفهمتش السبب
حسام / و مفكرتيش تسالى كمان
سمر / بص لو زعلان منى تعال كلمنى فوشى
...........................
حسام / خمس دقايق و ابقى تحت البيت اللبسى و انزليلى
سمر / انت بلبس البيت يا حسام
حسام / انا اتمشيت للبحر و قاعد هناك ببص عالبحر و اشتكيله منك
سمر / منى انا طب تعال غير هدومك و خدنى مكان مكنت ناوى و نتعاتب وش لوش مبحبش العتاب فى التليفون
حسام / ماشى اللبسى
سمر / لما تيجى هدخل اللبس سلام
..................
فى كافيه عالبحر
حسام و سمر يقعدوا على ترابيزه فى التراس بيبصوا على البحر
سمر / ممكن افهم ايه المشكله ايه اللى حصل لكل النرفزه دى و تسيب الاكل و تقوم
حسام / هو انتى رفضتى معتز ليه مش كان اسمه معتز اخر عريس متقدملك
سمر / مش محتاجه سبب عشان ارفض اى حد انا برفض و السلام هههههههههههههه
حسام / يعنى انتى رافضه فكره جواز الصالونات و لا فكره الجواز عموما
سمر / عموما بص يا حسام انت الانسان الوحيد اللى بجد ببقى مش محتاجه اللبس قدامه ماسك
حسام / ليه اشمعن انا
سمر / معرفش يمكن تعبت فمصدقت لقيت حد يمكن عشان سبحان الله موجود يمكن معرفش هو انا بحس بده
حسام / تقبلى تتجوزى واحد بيحبك اوى حتى لو انتى مبتحبيهوش
سمر / امممممممممم
حسام / اه او لا
سمر / مش بالبساطه دى على فكره
حسام / لا بسيطه هتضيعى من ايدك حد بيحبك اوى و يعالم هتلاقى حد بيحبك زيه تانى و لا لا
سمر/ يابنى افهم الحب مش كلمه انا بحبك اوى الحب افعال و مواقف يعنى انا اعرف منين انه بيحبنى بجد و بعدين الحب مبيدمش يعنى مش يمكن مع الوقت يكرهنى مش يمكن يكتشف انها مثلا كانت اعجاب او نزوه او حتى علاقه تعويضيه المشاعر بتخدع يا حسام
حسام / مش عارف اقولك ايه
سمر / بص يا حسام بالنسبالى انا الموقف محسوم يعنى بصلى مين ممكن يحبنى
حسام / ابصلك مين اهبل ميحبكيش يا بنتى انتى انتى فيكى كل حاجه اى شاب يتمناها جميله وذكيه و ناجحه و متربيه ناقصك ايه
سمر / خليك واقعى محدش بيبص عالحاجات دى كلو بيدور على الجسم عاوزين هيفا و نانسى محدش عاوز سمر المسترجله و بعدين بغض النظر الراجل الشرقى بيرفض ان الست تكون بالمواصفات دى على فكره هو عاوز يكون الديك
اللى فى العشه عاوز يكون محور الكون هو التوب و هى بقى فى ضهره عايشه فى ضله ميقبلش ابدا انها تكون بالمواصفات دى اه يحب يرتبط بيها بس مش عشان هو فخور بيها لا عشان يدفنها يحكم عقلها و يكتفها و يقتل طموحها
حسام / مش كلهم
سمر / لا كلهم (تنهيده كبيره ) بص يا حسام انا موصلتش للى انا فيه ده و فى راجل فى حياتى انا عارفه انى فنظر الناس موصلتش لحاجه بس انا مش هسمحلهم يحسسونى بالفشل هما شايفين ان اللى هما وصلوله هو قمه النجاح و انى لازم اتبع القطيع بس انا مش بهيمه انا مش بهيمه يا حسام انا مش بهيمه ماشى
حسام / طب اهدى
سمر / بص يا حسام الست مكانها بيتها ماشى بس لما يكون البيت مبنى صح البيت لازم يكون له اساسات جامده و عواميد و حيطان عشان يبقى بيت الاساسات دى هى الاحترام و الثقه و التقدير و التضحيه دول فوجه نظرى اساسات اى بيت بس الناس مبتحطهاش فى بالها عشان كدا بيوتهم بتقع بيهتموا بالعواميد و الجدران لكن الاساسات لا
حسام / انتى بتحكمى على علاقه بالفشل من قبل متبدا دا فى حد ذاته اكبر فشل بتحرمى نفسك مالارتباط بشخص بيحبك لمجرد انك متوقعه انه هيعمل حاجات هو ممكن ميعملهاش
سمر / اديك قولتها ممكن يعنى فى احتمال
حسام / حياتنا مفيهاش حاجه مضمونه الحاجه الوحيده اللى تعتبر حقيقه مطلقه هو ربنا غير كدا فرضيات
سمر / افهم يابنى
حسام / لا معلش اسمعينى مش معنى ان فى واحده او اتين او مليون واحده فشلوا فى حياه زوجيه سعيده انك بالضروره هتفشلى امى نجحت خالتى نجحت فى ستات كتير اوى نجحوا الحياه الزوجيه مش حرب ديوك مين فيهم الاحسن الحياه الزوجيه مشاركه كل واحد و اللى يقدر عليه
سمر / بجد طب و ان كنت انا بقدر اعمل كل حاجه هحتاج شريك يساعدنى ليه
حسام / عشان يسندك لو فكرتى تقعى يشيل عنك شويه هتتعبى و هتقعى مفيش انسان يقدر يعيش لوحده و مفيش انسان يقدر يشيل الحمل كله لوحده
سمر / يسندنى و يساعدنى و يشيل عنى مين ده يا حسام مين يقدر يعمل كدا لا بص بقى للحقيقه المره هو هيوعدنى بكل ده هيوعدنى بالامان و الراحه و الحياه الورديه و الاسره السعيده كلها وعود و بس و اول مبقى ملكه و مراته كل ده هيتغير هيبقى قدامى حل من اتنين ياما اختار طموحى و اكمل شغل ياما اقتل طموحى و اقبل اكون خدامه فى بيته
حسام / بيتك و انتى فيه ست البيت مش خدامه
سمر / لو سمحت خلينى اكمل لو اخترت طموحى هبقى بنزل معاه الشغل ندخل البيت سوا هو يريح و انا اتفحت فى المطبخ نتغدى و يدخل يريح تانى و انا اكمل شغل البيت بالليل ينزل يقعد مع صحابه و انا بقى مع العيال بزاكر و ارضع و اربى و اغير و اخر الليل لازم اكون على سنجه عشره مستنيه البيه ياخد حقوقه زى البهيمه بالظبط هو ده الجواز هى دى الحقيقه المره اللى الكل بينكرها
حسام/ انتى غلط مش كلو كدا
سمر / نسبه كام اللى مش كدا
حسام / حتى لو احتمال واحد فى المليون موجوده يبقى لسه فى امل و لازم تحاولى و تحاربى عشان
سمر / عشان ايه و احارب بايه بقلبى بمشاعرى بطاقتى هقتل نفسى تانى بس المرادى بايدى
سمر تدمع
سمر / هو مش كفايه كل اللى شوفته فى حياتى غصب عنى اكمل على نفسى بايدى اختار العذاب لنفسى بنفسى
حسام / طب خلاص نغير الموضوع
سمر / انا مش مريضه نفسيه و لا مجنونه
حسام / انا مقولتش كدا
سمر / لا بتقول كلكوا بتقولوا انا عارفه حتى لو مسمعتكوش عارفه انا واقعيه انا شايفه الدنيا على حقيقتها عشان كدا عرفت اوصل فيها مش معنى ان الكل ضدى ابقى غلط ميمكن انا الوحيده الصح
حسام / طب ممكن تهدى
سمر / اقولك سر
حسام / اكيد
سمر / انا نفسى اوى ابقى ام نفسى بس طول مانا مش قادره احمى نفسى يبقى مش هقدر احميها ذنبها ايه تشوف اللى انا شوفته ذنبها ايه تعيش فى مجتمع مريض ايوه كلكوا مرضى و عنصريين و متخلفين كمان انا ربنا كرمنى و ادانى حقوق كتير بس انتوا خدتوها
حسام / احنا
سمر / الرجاله بوجه عام بس لا و الستات كمان سعدتكوا سعدوكوا لما سكتوا و رضيوا لما طاطوا الست متخلقتش عشان تكون ضعيفه الست اقوى مليون مره مالراجل انا اقوى منك و من جنسك كلوا
حسام / عارف
سمر / عارف ؟؟؟؟
حسام / ايوه عارف ربنا مخلقنيش دا باعتبار انى بمثل الرجاله كلهم يعنى مخلقنيش رجل خارق يعنى اه ادانى شويه قوه زياده بس انا مقدرش استحمل الم الولاده ولو عشر دقايق و لا الحمل و لا الحاجات دى انتوا اقوى عشان كدا بتشيلوا عننا ربنا اداكوا حاجات مدهالناش و ادانا حاجات مدهالكوش عشان نكمل بعض مش عشان نستضعف بعض
سمر / و مين يسمع
حسام / انا بسمع
سمر / انت ؟؟؟ طب بخصوصك بقى مالها مرمر مهى بتحبك نفس المشكله نفس الحوار ليه رافضها
حسام / عشان ؟؟
سمر / عشان هى بتحبك و مش بتمثلك اى تحدى انت مش عاوز ده
حسام / لا لحظه لو سمحتى
سمر / الراجل مبيحبش البنت السهله اللى
حسام / سمر انا بحب واحده تانيه
صمت ثوانى
حسام / انا بحب مقدرش اربط نفسى بواحده و انا بحب واحده تانيه حتى لو بتحبنى لانى هظلمها معايا ذنبها ايه تعيش مع واحد مبيحبهاش و لعلمك هى مبتحبنيش هى مراهقه صغيره اهلى بيزنوا عليها من و هى فى اللفه حسام حسام حسام الشاب الرياضى الشاب الوسيم المهندس الشاطر العربيه و الشقه و العريس اللقطه اللى صحابها هيتجننوا لما يلاقوهم سوا لكن مش الاكبر منها بحداشر سنه لا مش اللى بيشوفها اخته كل ده ولا يسوى و الزن عالودان امر مالسحر انا كان ممكن اقبل ان اى حد اى حد غيرك يا سمر يشترك فى الحوار ده
سمر / مسكينه مرمر
حسام / فعلا كلكوا مساكين
سمر بابتسامه كبيره / بس مين هى بقى
حسام / مين ؟؟؟؟
سمر / اللى عمرك محكيتلى عنها اللى بتحبها
حسام / وحده مجنونه و هبله و فاكره انها هتغير العالم
حسام يبص الناحيه التانيه
سمر / الراجل الشرقى ظهر اهو
حسام يتنهد
سمر / يااااه للدرجادى ايه مش انت اللى قولت ان الحياه مشاركه و انك تسندها و تشيل عنها كل ده ايه بخ لو بتحبها بجد هتثق فى قدراتها هتساعدها ايه يعنى لو فكرت تغير الدنيا تعرف حتى لو فشلت على الاقل هى حاولت هى بطله المفروض تفتخر بيها بجد ياريت اقدر اكون زيها حتى مش انت
حسام يحط ايده على خده و يبص لسمر و يجز على سنانه
سمر / طب ايه مش هتعرفنى عليها
شاب بدى بيلدنج و بنوته صغيره تلت سنين يقفوا جنب الترابيزه
الشاب / مش مصدق سمر عاش من شافك
سمر تقوم تتنفض / شريف ازيك انت بتعمل ايه هنا
شريف / انتى اللى بتعملى ايه هنا ايه غطستى فين عزلتوا و غيرتى تليفونك
سمر / الله مش هتعرفنى بالعسل دى
حسام / احم احم
سمر / اسفه جدا جدا دا حسام الدسوقى
شريف / حسام الدسوقى مش معقول
حسام / للدرجادى
شريف / انت مش متخيل يابنى دى كانت مصدعانى بيك حسام بيحب كذا حسام بيعمل كذا حسام حسام حسام انا كنت فاكرك شخصيه خياليه الصراحه من كتر المثاليه اللى هى بتحكيها عنك بس سبحان الله طلعت حقيقى
حسام / طب الحمد لله انها كلمتك عنى لكن الغريب انها عمرها مجابت سيرتك
شريف / سمر
البنت و سمر فى نفس الوقت / نعم
سمر تبص للبنت و حسام يبص لشريف
شريف / اسمها سمر على اسمك
سمر / اقعد اقعد يابنى عاش من شافك
حسام يجز على سنانه و شريف بيقعد
شريف / غطستى فين يابنتى لما رجعت مالكويت ازور ماما قالتلى انكوا عزلتوا و جربت اتصل بيكى لقيت تليفونك مقفول و انتى لا فيس و لا تويتر و لا اى سوشيال ميديا خالص ايه فينك
سمر / نقلنا فى شقه تمليك و الشركه عملت نظام نمر كدا لكل الموظفين تبع الشركه استتقلت النمرتين فرميت القديمه بس انت اخبارك ايه و اخبار هايدى مراتك ايه
شريف / اطلقنا من سنتين
سمر / اطلقتوا ليه
شريف / متفقناش عادى بتحصل
سمر تبص لحسام / عادى بتحصل .... بس سمر الصغيره
شريف / متقلقيش عليها دى معايا انا ابوها
سمر / بس هى امها
شريف / هى اللى سابتها مش انا كانت فاكره انى مش هقدر اربى بنتى او هتكون عبئ عليا كانت فاكره انها بتعاقبنى لما ترميلى البنت و تروح تتجوز انا حتى مرفعتش قضيه حضانه او ضم هى جت ادتهانى و قالت انها بتجهز للفرح قولتلها الف شكر جت منك
سمر / طب مبتزورهاش مبتسالش عليها
شريف / ساعات لما بتنزل مصر اجازه مهى لسه فى الكويت اتجوزت واحد من جيرانا ههههه
سمر تبص لحسام و تبص لسمر الصغيره
شريف / سيبك انتى هى اصلا كانت مكتوب عليها بالفشل من الاول المهم انتوا بتعملوا ايه هنا
حسام / مصيف
شريف / سوا
سمر / القاعده دى تتعمل فيلم سينما والله بص انت مش هتصدق يا شريف انا مسكت مديره الشركه
شريف / انا قولتلك لو تفتكرى هتبقى الريسه
سمر / حصل و سبحان الله بقلب فى سيفيهات المهندسين الجداد اللى عوزين يشتغوا لقيت سى فى اخو حسام و مفيش ايام و حسام رجع مصر اصله كان فى السعوديه و شوف بقى لما تعرف ان اخوه خطب اختى و طلعنا المصيف عيله كبيره سوا عشان نتقابل هنا صدفه واو بجد دى ولا الافلام فعلا
حسام / فيلم هندى
سمر /هههههههههههههههههه المهم انت بتعمل ايه هنا
شريف / انا بشتغل هنا لما رجعت دخلت شريك مع واحد صاحبى و فتحنا جيم كبير هنا
حسام / سمر بيتصلوا بيا مالبيت زمانهم صحيوا مش هنروح بقى
سمر تبص لشريف
شريف يدى سمر كارت / ده رقمى الجديد لازم تكلمينى تانى ماشى
سمر / باذن الله
شريف / ايه مش هتكلمينى
سمر تطلع كارت / ازاى اتفضل ده رقمى
شريف / فرصه سعيده يا بشمهندس حسام
حسام بابتسامه من تحت الدرس / طبعا طبعا يلا يا سمر اتاخرنا
....................
فى الطريق
حسام و سمر ماشيين فى صمت
حسام / مبدهاش بقى ايه مش هتعرفينى على الاستاذ عضلات
سمر / عضلات؟؟؟؟ اسمه شريف
حسام / خت بالى والله بس يطلع مين سى شريف ده اللى مسمى بنته على اسمك
سمر / كان جارنا لما عزلنا من بيتنا اللى فوق السطوح فاكر لما حكيتلك انى اتخانقت مع العيال اللى كانوا بيعاكسوا اختى و ضربونى
حسام / اه فاكر القصه دى مكنش فيها اى شريف
سمر / هو اللى فك الخناقه و ضربهم و حاش عنى مكنتش اعرفه اصلا اه كنا جيران بس عمرنا متكلمنا اخرنا صباح الخير صباح النور دا لو اتقابلنا صدفه كان لسه فاتح جيم جديد تحت البيت لما حاش عنى قومت و مناخيرى بتجيب دم و عماله اعيط و جسمى كان واجعنى لما حاول يكلمنى زقيته و جريت عالبيت قعدت يومين مبروحش الكليه فلقيناه بيخبط عالباب يطمن عليا ليكون فى كسور و لا حاجه
حسام / و بعدين
سمر / و لا قبلين عرض عليا يعملنى ادافع عن نفسى انا و عليا و كنا بننزل الجيم الصبح بعد الفجر كدا ساعتين قبل الكليه يمرنا و بس بقينا اصدقاء
حسام / لا والله
سمر / يعنى الكلام جاب بعضه و اتعرفنا و هو كان شخصيه زوق
حسام / فى حاجات كتير اوى حصلت فى التمن سنين اللى فاتت
سمر / بص محصلش حاجه مهمه
حسام / امال ليه مجبتيش سيرته خالص من يوم مرجعت
سمر / لانه حد مش مهم
حسام / انتى شايفه كدا
سمر تتنهد / بص يا حسام مالاخر كدا احنا كنا اصدقاء كان بيسمعنى و يتكلم معايا ساعات بنخرج نشترى لبس سوا صحيح كان بيبقى محرج منى بس كان بيستحمل كان بيفكرنى بيك و بمعاملتك ليا كنا بنتكلم نص الوقت عنك و عن ايام الكليه و عن طفولتى حكيتله كل حاجه و هو كمان كانت ظروفه قريبه منى ابوه طلق مراته و هو صغير و مسالش عنهم و راح اتجوز عيله و كدا يعنى بس
حسام / و بعدين اتجوز هايدى
سمر / لا هو سافر الاول الكويت و قعد هناك سنه كدا و بعدين نزل اتجوز فى اقل من شهر و سافر تانى بس عزلنا احنا بقى و اتقطعت اخباره و اخبار والدته و انا غيرت رقمى و نسيته اساسا بجد
حسام / ماشى
سمر / المهم سيبك انت من شريف اللى جه و قطع كلامنا
حسام / كلام ايه
سمر / كلامنا عن البنت اللى هتغير العالم اللى انت بتحبها
تليفون سمر يرن
سمر / الو ايوه يا ماما احنا تحت البيت اه طالعين اهو سلام
........................
فى البيت
عليا / مستحيل كابتن شريف
سمر / شوفتى جه و سلم علينا
تليفون سمر يرن سمر تقوم ترد
هيام / شريف ده كان واد ابن حلال كان جنب سمر طول الوقت يجى اربع سنين و هما اعز الاصحاب لحد فيوم متهبل فى عقله و اتقدملها و عينك متشوف الا النور مع انه مكنش يتعيب وحيد امه و فاتح جيم تحت البيت و كانت بتشكر فيه للصبح بس اول مفكر يتقدم قطعت علاقتها بيه و اجبرتنا نقطع علاقتنا بيه و بامه و شوفنا ايام زى الزفت راح قدم على هجره و سافر الامارات باين
عليا / الكويت يا ماما
هيام / اه باين و بعديها بكام شهر نزل اجازه اسبوعين اتجوز و خدها و سافر و اتقطعت اخباره بقى
حسام / هى سمر فين
مصطفى / بتتكلم فى البلكونه فى التليفون
...................
(◉‿◉) (◉‿◉) (◉‿◉) (◉‿◉) (◉‿◉) (◉‿◉)
#LOLO #لولو_محمد
((((((((ته مربوطه )))))))))
الحلقه الرابعه عشر
هيام / شريف ده كان واد ابن حلال كان جنب سمر طول الوقت يجى اربع سنين و هما اعز الاصحاب لحد فيوم متهبل فى عقله و اتقدملها و عينك متشوف الا النور مع انه مكنش يتعيب وحيد امه و فاتح جيم تحت البيت و كانت بتشكر فيه للصبح بس اول مفكر يتقدم قطعت علاقتها بيه و اجبرتنا نقطع علاقتنا بيه و بامه و شوفنا ايام زى الزفت راح قدم على هجره و سافر الامارات باين
عليا / الكويت يا ماما
هيام / اه باين و بعديها بكام شهر نزل اجازه اسبوعين اتجوز و خدها و سافر و اتقطعت اخباره بقى
حسام / هى سمر فين
مصطفى / بتتكلم فى البلكونه فى التليفون
...................
حسام يقوم يدخل البلكونه
سمر / لا باذن الله نتقابل تانى ............ على العموم خلاص انا هسجل النمره
حسام يخبط على كتفها سمر تبتسمله
سمر / اوك انا لازم اقفل بقى سلام ..... سلام
سمر تقفل
حسام / شريف صح
سمر / اه كان بيطمن اننا روحنا
حسام / فيه الخير والله
سمر / اه كان راجل جدع
حسام / انتى مفيش حاجه ناسيه تحكيهالى عنه
سمر / حاجه زى ايه
حسام / انه كان متقدملك مثلا و انك رفضتيه فسافر عشان يهرب من خلقتك و اتجوز عند و سمه بنته على اسمك و لما طلق رجع يدور عليكى ملاقاكيش
سمر / اهدى بس اولا هو اتقدم و انا رفضت الباقى ده انا مليش دعوه بيه
حسام / انتى شايفه كدا
سمر / الكلام ده كان من اربع سنين يا حسام
حسام / والله
سمر / هو قطع علاقتى بيه هو كان اعز اصدقائى كان ... اقولك ايه بس مكنش ينفع ازاى يعمل كدا انا كنت فكراه فاهم لما قالى انه بيحبنى و عاوز يتجوزنى عرفت ساعتها ان نظرته ليه معدتش صداقه و لا اخوه مبقاش فى امان من نحيته هو خان الصداقه اللى بينا هو شافنى بعين تانيه مكنش ينفع نكمل
حسام / فرفضتيه بدل متفكرى فيه بصوره تانيه انتى كمان زى الناس العاقله قولتى لا اقطع علاقتى خالص
سمر / تانى يا حسام مانا قولتلك فى الكافيه مبدا الجواز بالنسبالى مرفوض انا خسرت على فكره خسرت صديق عزيز عليا مكنش كفايه انى خسرتك لا كمان و خسرت شريف و رجعت لوحدى تانى انا مظلمتوش هو اللى ظلمنى لما حرمنى من صديقى الوحيد هو اللى جه عليا و زود الحمل اللى على ضهرى و كان عاوز يشيلنى فوق طاقتى كنت اعمل ايه
حسام / اقول ايه بس انا جعان هدخل اكل عن اذنك
حسام يدخل المطبخ و مصطفى يدخل وراه
مصطفى / كلمتها
حسام / الحمد لله لا
مصطفى / هههههههههههههههههه كنت هتبقى شريف التانى
حسام / مش نقصاك
مصطفى / انت اللى غاوى تعب فى حد فى الدنيا يعمل فى نفسه كدا
حسام / بقولك ايه نقطنى بسكاتك امشى يلا من وشى انا عفاريت الدنيا بتتنطت قدامى
مصطفى / مقدرش عالحمار
مصطفى يمشى
.....................
فى الشركه فى مصر
سحر / والله الشركه كانت ناقصه منغيركوا والله الف حمدالله عالسلامه
سمر / انا عاوزه كل تقارير الشغل فى الاسبوع اللى فات و تقييمات العملا و كل الورق والتصميمات و المناقصات كل الشغل اللى اتعمل الاسبوع اللى فات حتى اللى رجعته عالنت عاوزه اتاكد ان اللى اطبع هو اللى انا وافقت عليه
سحر / حاضر يا ريسه
سحر تطلع و حسام يدخل
حسام / ايه يا بنتى مالك داخله عالشغل حاميه كدا ليه
سمر / بص انا فايتنى كتير جدا الاسبوع اللى فات شغله كله على دماغى
حسام / دا على اساس انك كنتى هناك مانتخه مش بتشتغلى
سمر تبص لحسام
حسام / صحيح الخميس ده دور ام زياد صح
سمر / اه باذن الله
حسام / هو انا لو عاوز حاجه من ربنا و تصدقت بفلوس عشان ربنا يرزقنى بالحاجه دى ربنا هيستجيب صح انتى بتقولى كدا
سمر / ربنا هيستجيب للى فيه مصلحتك و حتى لو مستجبش اكيد كسبت ثواب الصدقه فاخلص النيه لله و هو هيكافاك باكتر من اللى انت كنت عاوزه
حسام / منك نستفيد يا شيخه سمر
سمر / هى سحر اتاخرت ليه انا هطلع استعجلها
سمر تطلع تلاقى سحر و نسمه عالباب
نسمه / انا عارفه ايه اللى رجعها دى مكنا شغالين مرتاحين و الشركه هواها كان حلو و يرد الروح
سمر / فى حاجه تحبى تقوليهالى فوشى يا نسمه
نسمه / ايه لا احنا كنا بنتكلم عن
سمر / متحاوليش تكدبى انا سمعتك فمتزوديش النميمه بتاعتك بكدب
نسمه / ابتدينا الوعظ
سمر / وعظ
نسمه / بصى يا ريسه مالاخر كدا انتى اخر واحده تنصحى فى الدين و الثواب و الذنوب ماشى
سمر / ليه بقى ان شاء الله
سحر / خلاص بقى يا ريسه حقك عليا متكبروش الموضوع
سمر / لا انا عاوزه اعرف ايه الغلط اللى بعمله يمكن ربنا يهدينى على ايديها
نسمه / ماشى اولا متتكلميش عن الدين و انتى مش محجبه و ملعونه كمان
سمر / ملعونه ؟؟؟؟
نسمه/ لعن الله المتشبهات من النساء بالرجال اللى انتى فيه ده اسمه ايه مش تشبه برضه يا ريسه و بعدين متتكلميش عن الذنوب و انتى مش محجبه و رايحه جايه مع الرجاله و بتقفلوا عليكوا باب مش دى خلوه برضه يا ريسه فقبل متحاسبينى على النميمه و الكدب شوفى الاول البلاوى اللى وراكى عن اذنك و اه افتكرت لو ناويه ترفدينى عشان كنت صادقه معاكى فبراحتك انا اصلا فاضل على جوازى شهرين فمش فارق معايا بس كدا هبقى مرتاحه انى بطلت انافقك يا ... يا ريسه
سحر / متزعليش يا ريسه هى متقصدش هى بس متخانقه مع ماماتها الصبح فمش فى المود بجد
سمر / حصل خير هاتيلى انتى بس الحاجات اللى طلبتها منك بسرعه لو سمحتى
...................
فى المكتب
سمر تدخل تقعد ووشها احمر و عنيها مليانه دموع
حسام / فى حاجه
سمر / لا مفيش
حسام / هو ايه اللى مفيش دانتى على اخرك فى ايه يا بنتى
سمر / انا عاوزه اروح دار الافتا
حسام / مفيش مشكله بس ليه
سمر / مفيش هتيجى معايا
حسام / اكيد لو عوزانى اجى نيجى
سحر تدخل و معاها ورق كتير
سمر / شكرا يا سحر
.....................
بعد فتره فى العربيه
حسام / خير قالك ايه
سمر / مفيش
حسام / يعنى ايه
سمر / انا حكيتله كل حاجه قولتله اللى بحس بيه قولتله على حياتى كلها
حسام / و قالك ايه
سمر / قالى انك عارفه ان الحجاب فرض فلازم تلبسيه و مدام بتلاقى الراحه فى الخير اللى بتعمليه لربنا اكيد هتلاقيه فى تنفيذ الفروض و الطاعه و انى ممشيش ورا شطانى
حسام / الله يفتح عليه و قررتى ايه
سمر / انا مش هتعذب دنيا و اخره يا حسام هعمل ايه يعنى هعمل الصح
حسام / ماشى يا غسان مطر هتعملى ايه يعنى
سمر / هتحجب يا حسام هغير فى لبسى هسيب شعرى يطول شويه يغطى قفايا
حسام / عين العقل كان فين الشيخ ده من زمان
سمر / انا مخنوقه اوى
حسام / اصعب حرب حرب النفس و الهوى على فكره
سمر / معاك حق يا حسام معاك حق
حسام / انتى عارفه ايه اللى ممكن يفرفشك
سمر / ايه
حسام / نطلع طلعه من بتوع كل اسبوع لدار ايتام نشوف كام عيل حلو كدا ندلعهم و نلعب معاهم هيغيرولك المود خالص
سمر / اقف هنا لو سمحت
حسام / مفيش ركنه هنا
سمر / اقف بس نزلنى و بعدين ابقى اركن و ارجعلى
حسام / امرى لله
سمر تنزل قدام محل لملابس المحجبات و تدخل بنوته محجبه تقابلها
البنت / بتدورى على حاجه معينه
سمر / عاوزه اتحجب ممكن تساعدينى انقى لبس يناسبنى
صاحبه المحل تقوم من مكانها / ما شاء الله تعالى يا حبيبتى تعالى فى حاجه معينه فى دماغك
سمر / حاجه عمليه انا مهندسه و بنزل مواقع و بطلع سقالات عاوزه حاجه سهله الحركه
الست / بسيطه دى مجموعه شبابيه واسعه و فى نفس الوقت مريحه
سمر/ هاخدهم كلهم
الست / تمام قيسيهم بقى
سمر تدخل تقيس اول طقم و تطلع حسام يدخل المحل يلاقى سمر لابسه بنطلون قماش اسود واسع عليه فيست طويل احمر و طرحه احمر فى اسود
سمر / ايه رايك
حسام / حلوه اوى
سمر / تمام اشوف اللى بعده
حسام / ماشى
سمر تدخل تقيس و حسام يقعد
الست / خطيبتك ؟؟؟
حسام يبتسم / للاسف لا
الست تبتسمله و تروح تقعد عالمكتب
سمر تطلع لابسه تانى طقم سالوبيت كب بنى تحتيه بدى نفس اللون و فوقيه كارديجان برتقالى و طرحه مشجره بنيات
حسام / ايه القمر ده احلى ماللى قبليه على فكره
سمر / هو مش كلهم فرى سايز
الست/ ايوه
سمر / خلاص هاخد المجموعه كلها زى متفقنا هى حلوه عليا ظبطيهملى معلش اطقم بقى بالطرح بالباندانات بكل حاجه
البنت / تحت امرك
سمر تروح تقف جنب حسام
حسام / مش عاوزه تعدى حتى بمرحله اختك
سمر / فى تمن سنين فرق بينى و بين اختى
حسام / ماشى ده برضه حلو اوى مش وحش
سمر / انت ليه فرحان اوى كدا فيا
البنت / هتخلى ده عليكى
سمر / ينفع
البنت / اه طبعا اقطع بس التيكتات
سمر / هههههههههه يا خبر
البنت تقطع التيكتات من على الطقم
الست / على فكره الطرح و البندانات و الدبابيس هديه من المحل بمناسبه حجابك
سمر / ههههههههه ميرسى
حسام / كان معاكى حق تديله حاجه يردها عشره
سمر / مقولتليش فرحان فيا ليه كدا
حسام / عشانك مش فيكى
سمر / ماشى
سمر تحاسب و يمشوا
............................
فى الشركه
نسمه / شوفتى جايه لابسه ايه
سحر / عدت على خير اتلمى بقى بدل منترفد سوا اسمعى لو انتى مش فارق معاكى الشغل عشان هتتجوزى انا بقى فارق معايا اوى ماشى
نسمه / براحتك
حسام يدخل
حسام / مساء الخير
سحر / مساء النور
حسام يدخل اوضه المهندسين
نسمه/ مدخلش المكتب عندها كالعاده تلاقيها منعته
سحر / خليكى فى حالك
نسمه / حالى ايه يا بنتى خليكى انتى هنا اما اروح اشوف
نسمه تدخل المكتب ورا حسام
نسمه/ ازيك يا بشهندس حسام
حسام / الحمد لله فى حاجه يا نسمه
نسمه / لا انا بس مستغربه اصل دا اول يوم تدخل فيه الشركه و تدخل اوضه المهندسين مش المكتب عند البشمهندسه سمر جوه اوعوا تكونوا متخانفين كفالله الشر
حسام/ كنت باخد ملفات ورايحلها عاوزه حاجه
نسمه/ لا شكرا بطمن بس
................
فى المكتب عند سمر
حسام / انتى ليه سيباها لحد دلوقت دى فظيعه
سمر / مين
حسام / نسمه دى اتقل انسانه على وجه الارض
سمر / مهندسه شاطره هى بس متعرفش قدراتها
حسام / و عمرها مهتعرفها طول مهى شاغله نفسها بالناس
سمر / كبر مخك انت عملت ايه
حسام / المظروف جاهز عالتسليم تحبى تراجعيه
سمر / هو انت برده حد يراجع وراك
حسام / يا شيخه
........................
يوم الجمعه
فى دار مسنين
ست كبيره / يخواتى عليكى معرفتكيش
حسام/ بزمتكوا مش كدا شكلها احلى
ست تانيه / ياخواتى عليها قمر انا قولت الواد حسام ده سره باتع
حسام / هههههههههههههه لا والله مش انا السبب
سمر / بس دا ميمنعش انك شجعتنى
حسام / دا على اساس انها بتسمع كلام حد غير دماغها دى عليها حته دماغ
ست / طب والله عيال عسل
حسام / انا هروح بقى ابص على الحاج محمود زمانى وحشته و كمان بالمره يكملى حكايه المزرعه بتاعته عن اذنكوا
سمر / ماشى
الست الاولانيه / والله واد حليوه
التانيه / و شكله بيحبك موت
سمر / ههههههههه انتى بتقولى ايه بس يا ماما خيريه حسام دا مجرد صديق
الاولى / قولتى كدا على شريف و لا نسيتى
سمر / شريف الوضع كان مختلف
التالته / بقولك ايه يا بت احنا عاوزين نفرح بيكى بقى بطلى دلع ماله حسام
سمر / هو الجواز بالعافيه و بعدين حسام دا مجرد صديق
الاولى / انا اكبر منك و بقولك الواد ده بيحبك انا قولتك على شريف انه كان بيحبك و انتى مسمعتنيش
التانيه / و بعدين انتى مش شايفه نفسك انتى بتدحكى اكتر من يوم مظهر فى حياتك
سمر / اه فعلا عن اذنكو
سمر تروح تدخل الاوض تدور على حسام تلاقيه قاعد مع اتنين و اول ميشوفها يجرى عليها و يمنعها مالدخول
.....................
