بقلم #لولو_محمد
((((((((((ته مربوطه )))))))))))
الحلقه الخامسه و العشرون
سمر تقوم تقف
مصطفى / ايه ده عليا بتتصل عن اذنكوا
سمر / تليفونك مرنش
مصطفى / اصلى عامله فيبراشن
حسام / مجنون
سمر تتنهد و تقعد
.......................
حسام / انا هدخل اعملك حته عشوه تحلفى بيها
سمر/ بتعرف تعمل اكل
حسام / انا عشت عازب فى الغربه فتره محترمه كان لازم اتعلم مش هموت مالجوع يعنى
سمر / انا مش جعانه و بطل الهوليله بتاعتك دى
حسام / انا كنت بحاول افرفشك
سمر / و مين يقدر
ليلى / انا جبتلك جلبتيني تشوفى اللى تيجى مقاسك و اللبسيها و دى طرحه يعنى قطن عشان شعرك لو حبيتى تاخدى راحتك فى البيت و كدا مع انى متاكده انهم مش هيطلعوا من اوضتهم يروحوا حتى الحمام النهرده
سمر / لا انا مش عاوزه احس انى تقيله
ليلى / و لا تقيله و لا حاجه تعالى تعالى
..............
بالليل الكل نايم سمر تقوم من اوضتها و تدخل اوضه ليلى
سمر / طنط طنط ممكن انام جنبك
ليلى تستاخرلها سمر تنام
فى اوضه مصطفى
مصطفى / انت مبسوط و لا زعلان من اللى حصل
حسام / الاتنين
مصطفى / دا اللى هو ازاى يعنى
حسام / زعلان عشان اكيد اللى حصل ده هياثر بالسلب على سمر دى امها يابنى و مش قادر افهم ازاى قدرت تعاملها بالقسوه دى ازاى تجرحها كدا
مصطفى / هى زعلانه عشانها
حسام / انت محضرتش الموقف الكلام كان بشع
مصطفى / سيبك انت بينك و بينها حيطه
حسام / اه مهو ده اللى مصبرنى
مصطفى / الا صحيح انت ايه اللى عاجبك فى سمر اكيد شخصيتها اصلها تحدى لاى شاب
حسام / بالعكس ضعفها احساسى و انا معاها و قد ايه هى محتاجانى
مصطفى / انت بتتكلم عن مين
حسام / سمر انت اصلك غبى و مبتفهمش
مصطفى / او يمكن هى مبتبانش غير ليك
حسام / انا مش هقولك انا لما ببص فى عنيها بنسى الدنيا و بملك العالم و كلام الافلام ده انا لما ببص فى عنيها بحس انها بيبى صغير لمعه غريبه بتنور لما عينى بتيجى فعنيها بلاقى نفسى بدحك منغير سبب مبسوط و فرحان و لما بسمعها بتدحك بحس انى كدا نجحت انا اديت رسالتى فى الحياه اموت بقى عادى
مصطفى / دانت عيان
حسام / و احنا صغيرين كنت بكره ابوها اوى كان دايما بيحاول يبعدنى عنها
مصطفى / فاكر لما اتقفشت و انت بتفضى كيس الزباله قدام شقته
حسام / انا كنت بعمل حاجات اللعن من كدا بس الحمد لله متقفشتش
مصطفى / ههههههههههههههه عارفها ولا الواد سيد اللى انت كنت فى الطالعه و النازله بتضربه
حسام / البغل حاطت صوره سمر فى محفظته و بيوريها لصحابه على انها الجو بتاعه كنت عاوزنى اعمل ايه كان لازم يتربى دى صوره سته
مصطفى / و ضربت انت عالصوره
حسام / و لسه معايا لحد دلوقت
مصطفى / ههههههههههههه بس افرض بقى يا فالح جالها عريس عدل بعد مقالت انها هتعمل اللى هى عوزاه
حسام / دا كلام هتوافق بس مش هتكمل و انا مش هسمحلها على جثتى تكون لغيرى دانا اروح فيكوا فى داهيه
مصطفى / هههههههههههههههه طب مبتحسش من نحيتها باى حاجه كدا حاجه تديك امل يعنى
حسام / ساعات بتبقى الغزاله رايقه و تدينى كلمتين رايفين يخلونى اطير فى سابع سما و هوب تقوم رزعانى لسابع ارض و تقولى انت اخويا
مصطفى / هههههههههههههههههه يا دين النبى طب ميمكن بتشتغلك يا معلم البت هرشاك و بتجيب اخرك او بتستغلك
حسام / سمر متعملش كدا
مصطفى / ايه اللى مخليك واثق اوى كدا هى و شريف كانوا صحاب الروح بالروح هو واحد زى شريف ده هيتقدم كدا مالباب للطاق ميمكن كانت بتعمل معاه نفس اللى بتعمله معاك بالظبط
حسام / دا اكيد
مصطفى / طيب
حسام / لانها بتعمله بدافع الصداقه بدافع اخوى بس مش بتبقى فاهمه انه ممكن يكون حب
مصطفى / ايوه مهو غريب اوى ان شريف بعد ميتزف لمجرد انه اتقدملها لدرجه انه يهج مالبلد و يرجع شهر يتجوز و ياخد عروسته و يسافر و بعدين لما يشوفها صدفه يحن بالساهل و حبه و يرجه يتقدم تانى منغير متكون ادته امل فى الحبه دول
حسام / تفتكر ايه اللى يعجب واحد زى شريف فى سمر
مصطفى / اقولك كلام من عقلى قلبى مش مقتنع بيه البته
حسام / البته
مصطفى / نوهاااائى
حسام / قول يا عميق
مصطفى / سمر دى شخصيه كومبليكس
حسام / كومبليكس
مصطفى / اه ملتى سستم تحب البت القويه تلاقى الضعيفه تلاقى الشخصيه تلاقى اللى محتاجات طول الوقت تلاقى القاسيه تلاقى الحنينه تلاقى على كل لون يا باتستا دم خفيف شكل و جسم ميتوصوش حاجه اكسترا شغل فنادق فيخم فيخم يعنى
حسام فاتح بقه
مصطفى / اه والله مانا بقولك دا عقلى عليا بتقولى سمر بالنسبالها حاجه كدا اه حاجز امان بتقولى ان كل بنت بتحتاج فى حياتها حاجز امان لما بيكون موجود بتبان انوثتها و رقتها لكن لما بيختفى بتبان قوتها تفتكر انت حاجز الامان بتاع سمر يعنى مش ملاحظ ان سمر اتغيرت لما انت جيت شوف انت كام سنه مسافر و هى عايشه دور الواد الصح هى مش كانت تقريبا لبست بنت مره و الواد مش فاكر مين فى الكليه ده لما اتخانقت معاها ايه اللى حصل فكرنى
حسام / سعيد الله يحرقه كان متراهن عليها
مصطفى / هو ده اهو سعيد فى الفتره دى قدر يخرج البت اللى جواها عشان كان حاجز الامان هو كان حاجز مايل بستين خيبه بس اهو
حسام / انت عاوز تقول ايه انت بتروح و تيجى
مصطفى / انا واضح والله سمر كل اللى هى محتاجاه انها تحس بالامان و هتبقى بنت طبيعيه جدا و يمكن تبقى بت اكتر من اى بت فى الدنيا
حسام / انت بتقول ايه مهو كلنا حواليها هتخاف من ايه بقى
مصطفى / كلنا موجودين بس كلنا كومبرس مفيش بطل فارس الاحلام اللى هيجى يقتل الاشرار و ينقذ الاميره و ياخدها على حصانه الابيض و يطير
حسام / ايوه مهو ده المشكله هى مبتسمحش لحد يكون بطل قصتها هى حابسه نفسها
مصطفى / هى مستنيه الامير والله مستنيه الفارس اللى هيحطم اسوار القلعه و ينقذها مالضلمه
حسام / يعنى المفروض اعمل ايه هات جمله مفيده
مصطفى / اسهل وسيله للدفاع ايه
حسام / الهجوم
مصطفى / خلاص اقطع عرق و سيح دم روح كدا وش وقولها انا بحبك يا سمر من زمان و وريها الاجنده اللى فى اوضتك اللى فيها صوركوا سوا و الشعر الاهبل اللى كنت بتكتبهولها و الجوابات اللى كنت بتكتبهالها وريها قد ايه انت مجنون بيها عرفها
حسام / و ابقى شريف كلاكيت تانى مره
مصطفى / لا مش هتكون
حسام / مقدرش اجازف ينهار اسود الاجنده الاجنده فدرج الكومدينو جوه جنب السرير
مصطفى / يلا اياكش تشوفها و تخلصنا من شغل التلامذه ده
حسام / انا هقوم اصحى امك تجيبهالى
مصطفى / طب يارب امك تديك بالشبشب لما تصحيها اقولك انا مالى انا هنام تصبح على خير
....................
فى اوضه ليلى
حسام يفتح الباب و يدخل يلاقى سمر نايمه فوضع الجنين و فى خصله على وشها ورجليها باينه حته يطلع مالاوضه جرى و يقف عالباب ثوانى و يدخل تانى يغطيها و اول معينه تيجى على وشها يحرك شعرها بالراحه و يبتسم و بعدين يطلع جرى يقف عالباب ثوانى و يجى يدخل تانى امه تقفشه و تطلعه فى الصاله بعيد
ليلى / انت بتعمل ايه يا حسام
حسام / والله انا كنت جايلك لقيتها قولت اغطيها والله معملت حاجه
ليلى / دى امانه فى بيتنا نامنها فى بيتنا و منصونش الامانه دى ربايتك
حسام يبص فى الارض
ليلى / بس منكرش ان شكلها عسل و هى نايمه
حسام مبتسم زى الاطفال / زى الملايكه
ليلى / و مبتتقلبش كتير دانا محستش بيها جنبى يجعلها من نصيبك لو فيها خير ليك
حسام / فيها باذن الله امال انتى ايه اللى صحاكى
ليلى / قلبى وجعنى عليها كانت بتعيط و هى نايمه قولت اقول اصلى ركعتين و ادعيلها ربنا يهدى سرها و يهديهالك و يهديها لنفسها
حسام / الله عليكى يا ست الحبايب والله انتى اصيله و بنت اصول
ليلى / انا كلمت امها على فكره كانت بتعيط بتقول انها مش عارفه هى ازاى قالتلها الكلام ده و انها هتتجنن عليها طمنتها و قولتلها انها عندى تقريبا البت نسيت تليفونها هناك و لا حاجه مش عارفه
حسام / ربنا يهدى الحال انا هحاول بكره اخدها و نروح نظبط الامور
ليلى / انا هاجى معاك عشان بالمره نخلص موضوع فرح اخوك ده اهو اعرف راسى من رجلى
حسام / خير مهتعملى انا معاكى وش
...................
فى بيت سيد بعد كام يوم
سالى / اسكت بقى متفكرنيش دا البيت ولع حريقه و سمر سابت البيت و ماما قعدت تعيط
سيد / ماما مين يابت هو قعدتك هناك نستك امك و لا ايه دى حياله مرات ابوكى و لا تكونيش مصدقه انهم اخواتك فوقى
سالى / لا اخواتى انت مبتشوفش بيعملوا عشانى ايه سمر بتزاكرلى و بتشتريلى كل اللى انا عوزاه و كمان عليا مبترفضليش طلب و محدش هناك بيزعقلى ولا حتى ماما هيام و اه انا هقولها ماما عشان هى بتحبنى زى ماما كانت بتحبنى بالظبط
سيد / خلصتى خلاص غسلولك دماغك بهدمتين و كام لعبه نسوكى امك و اخوكى اللى من دمك يا بت
سالى / لا مانا جايه اشوفك اهو بص يا سيد انا مش صغيره و فاهمه انت اخويا مالام و هما اخواتى مالاب بس دا ميمنعش انكوا ممكن تكونوا اخوات عشانى
سيد / عليكى نور جيتى للمفيد و هو بقى يصح الاخت تكرش اخوها من بيتها و تهينه بالشكل ده هو احنا كنا ربطناها و جوزناها بالعافيه الجواز عرض و طلب هو عرض هى ترفض بس بادب مش اطلعوا بره و الكلام الزباله اللى قالته
سالى / بصراحه هى معزوره مهو فتوح ده مش عريس اصلا
سيد / هى تطول اقولك هى الخسرانه كدا احسن بكره يتجوز ست ستها و تكون اصغر كمان خليها هى كدا معنسه
سالى / سمر بتقول العنوسه ارحم بكتير من انها تتجوز واحد يسود عيشتها هى بتقول لو مكنش اللى هترتبطى بيه راجل مطمنه على نفسك معاه و على مستقيلك يبقى بناقصه
سيد / ايه الكلام الكبير ده يا ست سالى الله يرحم اما كنتى هتموتى و تتجوزى و انتى بنت تلتاشر
سالى / كان وضعى مختلف كنت هنا مكبوته شايله دور مش دورى و سن مش سنى كان بالنسبالى الجواز منفذ بس دلوقت انا مش مجبره انى اهرب من طفولتى للجواز عشان اخلع من مسؤلياتى انا عاوزه ابنى نفسى الاول و احقق ذاتى صحيح معنديش مانع انى اعمل زى عليا لو لقيت شريك كويس نبنى سوا كتف بكتف بس انا عمرى مهقبل انى اكون تابعه لواحد يمحى ملامح شخصيتى
سيد / يحرقك ايه يابت الكلام الكبير ده انتى اصلا فهماه
سالى / طبعا انا انسانه و عندى عقل و لازم اشغله انا كبنت لازم يكون مبدئى الاول ان مفيش مستحيل سمر دايما بتقول ان العقبه الوحيده فى طريق البنت هو نفسها لو قدرت على نفسها هتقدر على اى حد لازم اقدر اخد قرار و اعرف ايه هو مصلحتى الاول و اقتنع بقدراتى و ان قدراتى ملهاش حدود ساعتها بس انا هقدر اعمل المستحيل
سيد / لا انتى ملكيش قعاد فى البيت ده سمر دى هتجننك
سالى / بص يا سيد انت اخويا و حبيبى بس مش معنى انك اكبر منى او انك ولد انك تعرف مصلحتى اكتر منى انت عليك النصيحه و انا عليا القرار لانى انا الوحيده اللى هتحمل عواقب قراراتى سمر مبتجبرنيش على حاجه بتحط قدامى الخيارات و الاغراءات و بتسبنى اختار براحتى
سيد / خيارات ايه و اغرءات ايه الله يخربيت سنينك انتى عندك كام سنه يابت
سالى / تلتاشر و نص و افتخر
سيد / بصى مالاخر كدا منغير محاضرات و لا كلام انشا انا واخد على خاطرى اوى من اختك سقراط لانها طردتنى من بيتها ولو عوزانى انسى اللى حصل لازم تيجى تراضينى ولوحدها مينفعش تجيب حد يعتزر مكانها و يحرجنى بوجوده اه تيجى معاكى فيوم كدا لوحدكوا و تعتزر و انا هوريها انى احسن منها و هقبل الاعتزار
سالى / هحاول بس موعدكش هى اصلا سايبه البيت لما ترجع بقى
سيد / معنديش اكتر مالوقت تاخد راحتها عالاخر المهم تيجى هنا
........................
فى بيت سمر
هيام قاعده و سمر تدخل و معاها ليلى هيام تجرى تاخدها فى حضنها
سمر / انا اسفه يا ماما
هيام / حقك عليا يا ضنايا انا اللى اسفه متزعليش منى
سمر / انا عمرى مزعل منك ابدا
هيام / منوره يا ست ليلى كتر الف خيرك
ليلى / على ايه طب والله لولا انى عارفه انتى تعبانه منغيرها قد ايه مكنت رجعتها طب دى نسمه والله محسيت بوجودها امبارح ربنا يباركلك فيها
سمر / انا هدخل اغير هدومى عشان اروح الشغل عن اذنكوا
هيام / مبناقص النهرده يا سمر و خليكى جنبى
سمر / معلش فى حاجه مهمه فى الشغل هخلصها علاطول و هرجع خصوصا ان حسام واقف مستنى تحت
هيام / ربنا يوفقك يابنتى و يبعد عنك ولاد الحرام
سمر تدخل
ليلى / بصى يا هيام انا جايه عشان موضوعين مهمين اوى الاول احنا عاوزين ننجز فى حوار مصطفى و عليا الواد كل دماغى كل يوم يقولى اخلص الحوار
هيام / ماحنا قولنا يا ست ليلى اجازه نص السنه و انا والله شغاله بايدى و رجلى بلم فى جهازها
ليلى / ايوه ماحنا لازم نتكلم فى التفاصيل بقى عاوزين نحدد معاد ننزل نشترى العفش و نبدا نفرش مهو الحاجات دى بتاخد وقت و كمان لازم نراعى اننا ننجز قبل متتزنق فى الامتحانات مش عاوزين ناثر على مستقبلها
هيام / انا من ايدكوا دى لايدكوا دى شوفوا الصالح و بلغونا و احنا باذن الله معاكوا و بعدين هو و هى يظبطوا مع بعض و احنا باذن الله نرتب نفسنا عليهم
ليلى / على بركه الله
سمر تطلع مالاوضه و تبوس مامتها و تبوس ليلى و تشاورلهم و تنزل
ليلى / ندخل بقى فى الموضوع التانى حسام واخد على خاطره منك اوى
هيام / لا كلو الا حسام دا ابنى
ليلى / هو مش سبق و كلمك على سمر
هيام / والله هو مكلمنيش هو يعنى
ليلى / لا قايلك انه مستنى الوقت المناسب و ان عينه منها و هو على عينه والله الواد راخر نفسه النهرده قبل بكره
هيام / و انا والله
ليلى / بصى يا ست هيام سمر لحسام النهرده بكره بعده براحتها وقت متحب بس فى الاول و الاخر باذن الله نصيبهم سوا هو يعنى انا مش مستعجله انى افرح بابنى لا والله على عينى انه يستنى بس سمر تستاهل انه يستنى و بصراحه و منغير زعل انا حقانيه و اللى فى قلبى على لسانى متاخذنيش هو اساسا مش راضى بغيرها غلبت معاه و طلعت روحى بس هو متمسك بيها حتى مع ظروفها النفسانيه دى
هيام / شده و تزول باذن الله
ليلى / والله اللى مصبرنى هو نسبك و اهو الاختين يبقى قلبهم على بعض و يحاجوا على بعض و على اجوازهم و مفيش فى الدنيا زى اخلاق و ربايه بناتك
هيام / الله يخليكى و يعزك
ليلى / بس ايه يا هيام مفيش كوبايه شاى و لا حته كيكه من بتاعتك الحلوه دى و لا اقولك شكلك تعبان انا هقوم اعمل ليا و ليكى مهو انا مش ضيفه دا بيتى
هيام / انتى بتقولى فيها دانتى صاحبه مكان اتفضلى اتفضلى بس انا هقوم اساعدك بس
ليلى / هههههههههههه كلو على الله
......................
فى العربيه
حسام / ايه الاخبار
سمر / تمام الحمد لله
حسام / على عينى والله مكنتوا خلتكوا متخانقين تلت اربع سنين كدا ولا حاجه
سمر / اخص عليك عاوز تبعدنى عن ماما تلت اربع سنين
حسام / لا انا عاوزك جنبى
سمر / طب اطلع اطلع انت باين عليك رايق النهرده
حسام / هو حد يصطبح بوشك و ميروقش
سمر / برده ولا مليم زياده على مرتبك اطلع عالبنك يلا
حسام / تحت امر معالى الريسه
سمر / هههههههههههههه
..........................
بعد فتره
فى البيت
سمر / يا سالى والله خاطرك غالى عندى بس انتى ازاى عوزانى اروحله و اشمعن لوحدى يعنى
.....................
