#بقلم #لولو_محمد(
(((((((ته مربوطه )))))))))
الفصل _١٩_٢٠
الحلقه التاسعه عشر
محمد / انا هرجع الخميس اعملى حسابك انك معزومه انتى و اسرتك الكريمه عالعشا و انت كمان يا حسام ابقى تعال اهو اتعرف عليك يمكن تمسك مكان سمر لما تسافر هههههههههه
حسام مبتسم ابتسامه صفره و يبص لسمر ساكته
محمد / استاذن انا بقى
سمر / هو حضرتك لحقت
محمد / معلش يا ستى والله غصب عنى انتى عارفه المشاغل
حسام / الله يعين حضرتك
محمد يمشى
...............
حسام / ايه مالك
سمر / انت مكنتش معايا يعنى
حسام / انا شايف انها فرصه ممتازه يعنى مش سهل تيجى لاى حد
سمر / انت بتقول ايه يا حسام
حسام / انا مبقولش انتى بتقولى ايه
سمر / ايه
حسام / اقصد ايه رايك انتى
سمر / رايى مش عارفه اقولهم فى البيت طب بابا و ماما و عليا و كليتها و جهازها و لا سالى و مدرستها هعمل ايه فى كل ده يا حسام
حسام / بس؟؟ هما دول بس اللى شايله همهم
سمر / لا طبعا فى كمان الناس اللى ربنا بيبعتنا ليهم رزق هعمل ايه هبعتلهم الفلوس من هناك ازاى
حسام / يا شيخه هو ده اللى همك مانتى ممكن تبعتى مالبنك تبرع على حساب الجمعيه هنا عادى جدا
سمر / جمعيه ايه يا حسام انا بتكلم عن الناس
حسام / انتى خايفه من ايه
سمر / خايفه
حسام / حسيت بكده
سمر تقوم من كرسيها و تروح تقعد جنب حسام
سمر / انا فعلا خايفه مش عاوزه ابقى لوحدى هناك مش عاوزه ابعد عنكوا
حسام / متبعديش
سمر / بس دى فرصه العمر ازاى بس ارفضها
حسام / خلاص اقبلى
سمر / هو انت بايعنى اوى كدا مش المفروض تقنعنى ارفضها و لا عشان هتمسك مكانى بقى
حسام / انا يا سمر
سمر / انا اسفه اوى مقصدتش والله بس انا
حسام / ماشى ماشى
سمر / متزعلش بقى يا حسام حقك عليا
حسام / مش زعلان
سمر / لا زعلان
حسام / اه طبعا زعلان انا لو عليا مش عاوزك تسافرى انا سبت السعوديه و جيت مصر و بشتغل تحتيكى و راضى عشان ابقى جنبك تقومى انتى تسبينى و تسافرى
سمر تبتسم
حسام / بس دى فرصه العمر بالنسبالك و صعب عليا اقف قدام طموحك انتى طول عمرك نفسك تزورى دبى فاكره
سمر / ازورها فسحه مش اقامه
حسام / مفيش حد فى سنك عمره اترشح لمنصب زى ده مفيش حد فى سنك قرب حتى من نجاح زى ده مقدرش اقولك ارفضى مقدرش اقنعك تسيبى فرصه عمرك عشان اسباب.....اسباب ملهاش لازمه
سمر / بس انا كل اللى بحبهم هنا اخيرا اتجمعوا كلهم حواليا لاول مره مينفعش اسيبهم و اسافر دلوقت مينفعش ابعد عنكوا
حسام / ان كان يعنى على عليا فسهله احنا ممكن نبدر الفرح و تعيش مع جوزها او ممكن يا ستى نكتب الكتاب و تيجى تعيش معانا لحد متخلص اللى يريحك
سمر/ فى الحالتين بعيد عنى يا حسام دى فى بلد و انا فى بلد مش مشوار نص ساعه بالعربيه
حسام / يا ستى النت مخلاش افتحى الكام و كلميها صوت و صوره
سمر / و ده هيخلينى احضنها
حسام / هقولك ايه انا اكتر واحد عارف قد ايه الغربه صعبه بس هعمل ايه اقولك انا هسكت صلى استخاره و شوفى رايهم فى البيت
سمر / انت ليه قولت ان بابا كان مسافر ليه كدبت
حسام / امال اقول ايه
سمر / ان بابا و ماما متطلقين عادى جدا بص يا حسام انا متكلمتش عشان محرجكش خصوصا ان اول مره الراجل يشوفك بس انا مبستعرش من حياتى و لا من عيلتى انا ظروفى اللى مريت بيها هى اللى عملتنى
حسام / امال مش قادره تسامحى ابوكى ليه
سمر / مين قالك
حسام/ كلهم ماما هيام و عليا و سالى حتى هو بيقولوا انك مبتتكلميش معاه خالص و لا بتبصيله
سمر / بس دا مش معناه انى زعلانه منه
حسام / امال يعنى دى طريقه جديده للتعبير عن الحب
سمر / مش هتفهم عمرك
حسام / جربى
سمر / انا مش بقدر ابصله لانى بخاف منه و بخاف اشوفه و هو ضعيف كدا
حسام / تصدقى فعلا مش فاهم ممكن توضحى
سمر تدمع / بخاف ... بخاف ابص فى عنيه انا اصلا عمرى مبصيت فعنيه عشان كان بيضربنى و يقول انى قليله الادب انت عارف صح كنت دايما ببص فى الارض و لما كبرت دلوقت و بقى معايا انا الفلوس و هو عيان كدا و صحته راحت ازاى ارفع عينى عليه مينفعش
حسام / طب ليه مقولتلوش ليه مبتتكلميش معاه
سمر /اقوله ايه كل مره بتكلم معاه بيقعد يعتزر بيبقى مكسور قدامى ده مش ابويا يا حسام فين بابا اللى كان صوته عالى و شخطته بتهزنى و تخلينى اموت فى ركبى
حسام / حكم السن يا سمر
سمر / تصدق لو قولتلك ان عمر صورته متمسحت من خيالى عارف انا بس مش قادره استوعب التغيير المفاجئ ده بس اكيد هيجى يوم و هستوعبه و هقدر افهم
حسام / بس انتى متضمنيش تعيشى لبكره يا سمر و لا هو قوليله اللى فى قلبك بدل لا قدر الله تصحى الصبح متلاقيهوش تعيشى عمرك كلو ندمانه انك مقولتيلوش قد ايه انتى بتحبيه
سمر / لا يا حسام متقولش كدا بعد الشر عنه ان شالله انا انا مصدقت انه رجع
حسام / على فكره انتى مفيش منك
سمر / كلهم بيقولولى كدا
حسام / يا شيخه
سمر / انا جعانه متيجى نطلب اكل
حسام / طب متيجى ننزل نغير جو المكتب الخنيق ده و نرجع
سمر/ فكره ماشى يلا بينا
..................
فى البيت
عليا / كام ؟؟؟
سمر / خمستاشر الف دولار و اقامه كامله بالاكل و الشرب و عربيه بالسواق
عليا / اقامه فى دبى دانتى تسافرى وش و شهر واحد و الاقيكى بعتالى الجهاز بتاعى كله من هناك انتى فاهمه و انتى يا ماما رجعى بقى الحاجات اللى جبتيها دى انا مش عوزاها
سالى / و انا هتجيبيلى ايه معاكى يا سمر انا عاوزه تابلت
هيام / جرا ايه يا بنات اهدوا على اختكوا شويه هو طلبات طلبات هى يعنى كانت حرمتكوا من حاجه
سمر / و انتى رايك ايه يا ماما
هيام / الراى رايك انتى ده مستقبلك انتى شايفه ايه
سمر / و حضرتك يا بابا رايك ايه
حسين / انا مليش راى
سمر / ازاى بس
حسين / انتى وصلتى لهنا لوحدك مكنليش اى فضل عليكى مقدرش دلوقت امنعك من السفر و اتحكم فيكى بانهى حق
عليا / بس صحيح انتى لسه متكرمه انك اصغر مديره فرع دلوقت هتبقى اصغر مديره تمسك فرع دبى ياهووو هو فى كدا
سالى / هو انا ممكن اجى اعيش معاكى هناك بيقولوا دبى دى حلوه اوى مش دى بتاعه ميشن امبوسيبول
حسين / عن اذنكوا
حسين يدخل اوضته و سمر تقوم تدخل وراه و سالى و عليا لسه بيتكلموا عن دبى و جمالها
..............
فى اوضه حسين
سمر / انت كويس يا بابا
حسين يقعد على سريره و سمر تقعد جنبه
سمر / اخبار الشغل فى المحل ايه
حسين / الحمد لله ماشى كويس
سمر / فكره حلوه محل الملابس دى و خصوصا انه جنب البيت و مع ماما و كدا يعنى
حسين / اه فعلا
سمر / مش ناقصك حاجه
حسين / هو انتى مخليانى محتاج حاجه
سمر تترمى فى حضنه
سمر / ربنا ميحرمنى منك ابدا يا بابا
حسين يعيط / و لا يحرمنى منك يا سمر
سمر تقوم تقعد و تعيط/ لا بص انا مبكلمكش عشان كدا انا مش عوزاك تعيط مش عوزاك عجوز و عيان انا عاوزه بابا اللى كان بيضربنى اضربنى احسن بس متعيطش انا عيطت كتير مش عاوزه عياط تانى بقى
حسين ياخدها فى حضنه تانى
سمر / انا بحبك اوى و مش زعلانه منك انا كنت بدعى ربنا كل يوم انى اقابلك على فكره حتى لو صدفه اشوفك بس حتى لو من بعيد اطمن عليك و امشى كان نفسى اكون الولد اللى انت بتحلم بيه
حسين / كفايه يا سمر
سمر / لا مش كفايه محدش ضامن عمره و لازم تسمعنى انت راجل البيت ده مش انا القرار قرارك و الكلمه كلمتك متتكسرش قدامى يا بابا و لا قدام اى حد اوعى تبص فى الارض تانى ميكسرش عينك غير الشمس و حتى دى ابقى اللبس نضاره و بصلها و لا يهمك
حسين / تعرفى يا سمر انا لو كنت خلفت ولاد مكنوش هيبقى احن عليا منك
سمر / المهم رايك ايه فى السفر بقى
حسين / انا مصدقت لقيتك ينفع تسبينى و تسافرى
سمر / خلاص مش هسافر
حسين / بس دى فرصه مش هتتكرر يا بنتى
سمر / انتوا عندى اهم وجودى جنبكوا هنا و انتوا حواليا اهم من منصب او شويه فلوس زياده
حسين / ربنا يكرمك يا بنتى و يديكى من وسع
سمر / الحمد لله ادانى كل اللى بحلم بيه
حسين / عقبال مشوفك فى بيت جوزك و اشيل عيالك بقى يا بنتى
سمر / ربنا يسهل
حسين / امك قالتلى انك بترفضى كل اللى بيتقدمولك بترفضى عشان خايفه مالجواز خايفه يطلع واحد زى
سمر تبص فى الارض
حسين / ميكسرش عينك غير نور الشمس
سمر تبصله / مش عشان يطلع زيك عشان معدش فى رجاله كويسين خلاص
حسين / و شريف و حسام
سمر / انت بتقول ايه يا بابا مينفعش طبعا دول اصحابى
حسين / احلى جواز اللى بيتبنى على الصدقه
سمر / بس حسام مبيحبنيش و شريف عنده بنته دا غير انى اصلا يعنى بص هو الموضوع
حسين / فهمت بصى يا سمر العيب مش فى حسام و لا شريف و لا فكل العرسان العيب فى دماغك انتى اللى مش عارفه تاخد القرار بس لعلمك مش كل الرجاله حسين النمس
سمر / يا بابا انا مقولتش كدا والله و لا حتى اقصد انا بس بقول ان حضرتك مبتشوفش الحالات اللى بتيجى الجمعيه عامله ازاى اللى طمعان فى مرتبها و بيضربها كل شهر عشان ياخده و اللى بيضربها منغير سبب و اللى خلاها تدمن كل قصه مرعبه اكتر من التانيه يا بابا دى فى واحد صور مراته و باعها هو فى اكتر من كدا
حسين / ايوه بس انتى مش هتتجوزى اى واحد و السلام ده حد عارفين اصله و فصله حد محترم و ابن ناس
سمر / مكل دول كانوا فاكرين كدا كانوا فاكرين انهم بيتجوزوا حد محترم و ابن ناس كلهم كانوا فاكرين انهم هيلاقوا الامان مع الانسان ده هو يعنى اهلهم هيبيعوهم
حسين / ميمكن اهلهم باعوهم فعلا يا بنتى
سمر تسكت
حسين / و بعدين مهو اختك عليا اهو مخطوبه لجدع ابن حلال و سكره هو صحيح مش بيطيقك
سمر / ههههههههههههههه
حسين / اه والله علاقته معاكى اسوء من علاقته مع حماته يعنى مش عارف اوصفلك ملامحه بتتغير ازاى لما بتيجى سيرتك بيتهيالى انه اكتر واحد هيفرح لما تسافرى
سمر / لو سفرت بس والله يا بابا انا بشد عليه عشان عارفه ان عنده احسن هو بس اللى بيكسل يشتغل و بيضيع وقته فى الرغى و الجيمز و الفيس
حسين / لسه صغير
سمر / صغير ايه يا بابا دا اصغر منى بسنتين بس
حسين / سيبك بقى مالكلام ده انا فرحان انك اتكلمتى معايا تانى و فرحان انك فتحتيلى قلبك بس فى حاجه صغيره لسه فى قلبى انا و عاوزه تساعدينى
سمر / اؤمر يا بابا
حسين / عاوز ارجع لامك
سمر / بجد يا بابا
حسين / للدرجادى فرحتى
سمر / طبعا لازم افرح بس اقدر اساعدك ازاى
حسين / كلميها حدديلى معاد مع اختك عليا بصفتها و ليه امرها و تعالى معايا بصفتك وليه امرى و نتقدملها و نشوف هتحدفنا بالفازه و لا هتنكسف و تقوم تدخل الاوضه
سمر / ههههههههههه طب ماشى تعال معايا
حسين / فين
سمر / تعال بس
........................
فى الصاله
عليا / والله انا شايفه انها فرصه
هيام / اختك هتبقى لوحدها فى بلد غريبه دى بتخاف تنام فى سرير لوحدها
سالى/ بس دى دبى
سمر و حسين يدخلوا
سمر / انتوا لسه بتتكلموا بصى بقى يا عليا اتفضل يا بابا اقعد
عليا / خير
سمر / بقى خير فى سلامه و سلامه فخير
عليا/ نعم
سمر / احنا جايين انا والدى يعنى بصفتى وليه امره نطلب القرب منك
هيام تقوم تدخل جوه
سمر / بس كدا شكرا يا عليا دورك خلص قوم بقى راضى عروستك و اتفقوا على كل حاجه
حسين يقوم ورا هيام
عليا / هو بابا و ماما هيرجعوا لبعض مش معقول
................
فى اوضه هيام
حسين / ممكن ادخل
هيام / دا بيتك
حسين / حقك عليا يا هيام انا عارف انى كنت واطى معاكى
هيام / بص يا حسين احنا مفيش حد معانا فمش هلون عليك مالاخر كدا انا عمرى مهسامحك على السنين اللى فاتت و لا على اللى عملته فيا و لا فى بناتى
حسين / صدقينى ربنا خدلك حقك منى تالت و متلت
هيام / انا لو هرجع تعمل حسابك انى هرجع يمكن ده يحل عقده سمر انت اصلك مشوفتهاش الصور مش بتبين بشاعه الحقيقه
حسين / انا مقدرش اصلح اللى فات بس على الاقل ادينى فرصه احاول اعوضك فى الفتره اللى بقيالى
هيام / متحاولش لانك مش هتقدر عمرك مهتقدر هتعوضنى عن ايه و لا ايه و لا ايه انت مشوفتش حاجه متعرفش انا و بناتك مرينا بايه و لا حتى ازاى معرفتش يعنى ايه تنام جعان و مفيش فبيتك لقمه لبكره متعرفش يعنى ايه ان حد ابن كلب يفتكرك سهل لمجرد انك لوحدك مشوفتش بنتك بتضيع قدام عنيك و انت مش قادر تساعدها تحب اقول كمان و لا كفايه اوعى تفتكر انى ممكن اسامحك اوعى
حسين / على الاقل لما اموت ربنا يرحمنى و يجمعنى بيكى فى الجنه دا لو كان للى زيى جنه
هيام / انا مش عاوزه يجمعنى بيك لا دنيا و لا اخره بس اه انا موافقه نعمل حركه قدام سمر نتجوز عالورق و نمثل قدامها يمكن ده يصلح حالها
حسين ساكت
هيام / اهو منظر قدام الناس عشان خاطر بناتك والله معرفش كنت هعمل ايه قدام مصطفى لولا انهم شافوا كل حاجه بعنيهم انت اصلك مبتشوفش الناس بتعامل بنات المطلقات و لا حتى المطلقات ازاى
حسين / ارحمينى بقى يا هيام افتكريلى و لو حاجه حلوه واحده
هيام / فكرالك كتير اوى انا مش قليله الاصل بس على قد المحبه على قد الوجع و انت كنت اكبر وجع
حسين / غلطت كل الناس بتغلط انا مش هقولك سامحينى انا عارف انه مش سهل انا عارف بس على الاقل ادينى فرصه احاول اه مش هقدر اعوضك عن اللى فات بس على الاقل هموت و انا بحاول
هيام / ماشى
حسين / ماشى ايه
هيام / ماشى حدد معاد مع ولى امرى عليا ههههه و هات الماذون
حسين / ماشى
.....................
(◉‿◉) (◉‿◉) (◉‿◉) (◉‿◉)
((((((ته مربوطه ))))))
الحلقه العشرون
حسين / ارحمينى بقى يا هيام افتكريلى و لو حاجه حلوه واحده
هيام / فكرالك كتير اوى انا مش قليله الاصل بس على قد المحبه على قد الوجع و انت كنت اكبر وجع
حسين / غلطت كل الناس بتغلط انا مش هقولك سامحينى انا عارف انه مش سهل انا عارف بس على الاقل ادينى فرصه احاول اه مش هقدر اعوضك عن اللى فات بس على الاقل هموت و انا بحاول
هيام / ماشى
حسين / ماشى ايه
هيام / ماشى حدد معاد مع ولى امرى عليا ههههه و هات الماذون
حسين / ماشى
.....................
فى الصاله
عليا / انسى هو ايه عشمتنى بالحلق خرمت انا ودانى و لا ايه
سمر / انتى ماديه اوى يا بت بتبيعى اختك عشان شويه دولارات
عليا / انتى عارفه الدولار بكام دلوقت
سمر / بقى كدا على فكره ده مش مرتب اصلا هناك
عليا / يعنى ايه
سمر / هما قالولى انه بس لحد مثبت جدارتى و بعدين فى كلام تانى
سالى / هو فى اشطر منك
سمر / اه يا بكاشه
حسين و هيام يدخلوا
سمر / ايه نقول مبروك
حسين / هو مصطفى و حسام يشهدوا عالعقد
عليا / هكلمه حالا يعدى يجيب الماذون و يجوا هوا
عليا تقوم تتكلم فى الموبايل
سمر / و انا هقوم اعمل حاجه حلوه بالمناسبه دى تيجى تساعدينى يا سالى
سالى / انا بعرف اعمل كيكه
سمر / بجد طب تعالى بقى علمينى
سمر و سالى يدخلوا المطبخ و عليا ترجع من البلكونه
عليا / جايين فى السكه و فرحانين موت مكنش مصدق اصلا
هيام تهز راسها
عليا / صحيح يا ماما بعد كدا لما تفكرى تعملى خططت وطى صوتك يعنى ميصحش تقولى هعمل كدا قدام سمر يمكن يتصلح حالها خصوصا لو سمر قاعده و سمعاكى
هيام تبص بكسوف
عليا / هى عملت نفسها مش واخده بالها و كانت بتدحك مع سالى بس انتى عارفه بنتك اكيد سمعت
سمر تدخل
سمر / عادى يا عليا مش مهم السبب المهم النتيجه و اه و انتى كمان ابقى وطى صوتك و انتى بتعاتبى ماما عشان انا سمعاكى مالمطبخ ههههههههههههههههههه
عليا تبص نفس بصه هيام و يدحكوا كلهم
....................
فى كافيه
شريف / اخيرا اتكرمتى ووافقتى انى اشوفك ايه يا بنتى امال لو مكناش اصحاب بقى
سمر / والله يابنى غصب عنى انت اصلك مش عارف
شريف / عرفينى
سمر/ بين الشغل و المواقع و حتى لما بروح البيت مبرتحش بقعد ازاكر لسالى او اشوف اى حاجه فى شغل البيت خصوصا ان ماما بقت بتساعد بابا فى المحل بتاعه الجديد
شريف / عاش يا وحش
سمر / صحيح مش بابا رجع لماما
شريف / مبروك امتى
سمر / من يومين المهم بقى انا جاتلى فرصه العمر ترقيه عمرى مكنت احلم بيها
شريف / خير
سمر / دبى
شريف / حلم عمرك
سمر / اسمع يا سيدى العرض اللى هتهبل و ارفضه
شريف / دى بدايه مبشره قولى
سمر /ههههههههههههههه اقامه كامله اكل و شرب على الشركه و عربيه بسواق للتنقلات و مرتب خمستاشر الف دولار ايه رايك بقى ده طبعا فى الاول لحد ماثبت جدارتى و بعد كدا فى كلام تانى
شريف / واو عرض هايل
سمر / بس انا هرفض
شريف / عين العقل
سمر / ههههههههههههههههه انت كمان
شريف / انا كمان ايه
سمر /اصل حسام تقريبا عمل زيك كدا ماليمين يقولى عرض حلو ميترفضش و مالشمال يقولى ارفضى عشان متسبيناش و تسافرى
شريف / بس انا مقولتش انك تقبلى
سمر / بس ده طموحى
شريف / بصى يا سمر انا جاى النهرده و ناوى اتكلم معاكى جد
سمر / خير
شريف / انا غلطت زمان لما اتقدمتلك
سمر / فعلا
شريف / مش عشان حبيتك و اتقدمتلك بس عشان اخترت الوقت الغلط اخترت الطريقه الغلط و غلطت اكبر لما عاندت نفسى و اتجوزت و حطيت عليها حمل كبير اكبر منها و منى هى اصلا ملهاش اى دخل بيه هى ذنبها ايه بدل متتجوز واحد بيحبها تتجوز واحد معتمد عليها تنسيه واحده تانيه واحد مبيحبهاش اصلا بس اللى مصبرنى ان هى كمان محبتنيش
سمر / شريف لو سمحت
شريف / بصى كل الناس بتغلط اه طبعا كل الناس بتغلط بس فى اخطاء بيدفع تمنها ناس ملهاش اى ذنب زى سمر بنتى ملهاش ذنب فكل ده
سمر / شريف انت
شريف / هى من حقها تتربى فى بيت حقيقى اب و ام و اخوات و انا من حقى يكون ليا زوجه احبها و تحبنى و انتى كمان من حقك
سمر / من حقى ايه
شريف / تتجوزينى يا سمر
سمر / انا لازم امشى
شريف / من فضلك متمشيش على الاقل قولى لا بس لسبب مقنع المره اللى فاتت قعدتى تصرخى فى وشى ازاى تعمل كدا مين اداك الحق
سمر/ لانك كسرت علاقه الثقه اللى بينى و بينك
شريف / انهى علاقه ثقه فى انى بكدب عليكى و اقولك انك صاحبتى و انتى حبيبتى
سمر / انت المفروض كنت
شريف / بصى يا سمر انا حبيتك بجد
سمر / ايه اللى رجعك يا شريف
شريف / صدقينى مكنتش هكلمك ولا هتشجع لولا انى لقيتك اتغيرتى كل الظروف اتغيرت والدك رجع و ندمان و كمان رجع لوالدتك و انتى اهو انتى نفسك اتغيرتى
سمر / متخليش القشره تخدعك مفيش حاجه فيا اتغيرت ان كان على لبسى فدا عشان متعذبش دنيا و اخره بلبسه جهاد لنفسى اوعى تفتكر انى عشان بلبس بناتى ابقى اتغيرت
شريف / هرجع اقولك نفس الجمله اللى ياما صدعتك بيها انتى مش ولد مسيرك فيوم هتحبى حد و تتجوزى راجل
سمر / شريف انت ليه مصر تخسرنى تانى
شريف / انا بحاول اكسبك والله انا بجازف اه بجازف بس عشان اوصل لهدف اعلى انا مش عاوز امثل عليكى اننا اصحاب لا يا سمر انا بحبك
سمر / انا ماشيه
شريف / سمر ادينى فرصه
سمر / انا اسفه يا شريف بجد والله اسفه
شريف / هترتاحى لما اخوض تجربه فاشله تانيه مش هصعب عليكى سمر دى مش هتصعب عليكى
سمر / انا مش هصعب عليك انت ليه بتحملنى فوق طاقتى انا مقدرش اتجوزك و لا انت و لا غيرك انا مش بتاعه جواز و اوعى تفتكر انى هكون لسمر الام اللى بتحلم بيها انا مش هقدر اكون ام حتى لو عملت البدع مش هقدر
شريف / حاولى
سمر / مهى هتكون تجربه فاشله تانيه برضه
شريف / هعمل المستحيل عشان تنجح
سمر / يبقى اعمله مع حد غيرى
سمر تقوم و تمشى و شريف يقعد مدايق
.....................
فى البيت
حسام / مهو انا اتصلتى بيا ليه و جبتينى على ملا وشى عشان و انتى منهاره مالعياط اذا كنتى مش عاوزه تحكى
سمر / انت صاحبى الوحيد
حسام / طب افهم بس فى ايه
سمر / هو انا ينفع اروح لدكتور نفسى
حسام / طبعا ينفع بس ليه
سمر / مش عارفه اتكلم معاه بس هو يعنى هيعمل ايه زياده مانا بتكلم معاك اهو
حسام / يخربيتك هو انتى نطقتى حاجه هتشل و انا جنبك
سمر / شريف اتقدملى تانى طلب يتجوزنى تانى
حسام / ايه و انتى قولتى ايه
سمر / هو انا لازم اختار يعنى هو انا لازم اخسر حد يا اسافر دبى و ابعد عنكوا كلكوا يا شريف يتقدملى و اخسره لو ماما عرفت هتسود عيشتى يا حسام هتبهدلنى
حسام / ليه بس مش فاهم
سمر / مانت عارف هتقولى هتعوزى ايه اكتر من كدا اهو جالك تانى و بعدين مانتى اللى فتحتيله الباب و اديتيله فرصه لما رجعتوا اصحاب ايوه اصحاب بس مقولتلوش يتقدم مانت عارف انى مش بتاعه جواز انت عارف قد ايه انا بكره الجواز ازاى عاوز منى اكون ام لبنته ازاى عاوزنى اشيل المسؤليه دى كلها
حسام / طب ارد اقول ايه اولا هما سكتين واحده فى اقصى بلاد المسلمين النحيادى و التانيه فى اقصى بلاد المسلمين الناحيه التانيه بالظبط زى حوار دبى
سمر / اعمل ايه يا حسام قولى اعمل ايه انت صاحبى الوحيد
حسام / بصى يا سمر انتى شلتى مسؤليات على كتافك ميشلهاش عشره فى سنك فمش المسؤليه اللى رعباكى و ان كان على سمر الصغيره فانا متاكد ان مفيش فى الدنيا كلها احن منك بس بالنسبه لموضوع الجواز مفيش حاجه اسمها مش بتاعه جواز يا سمر اه عادى انك ترفضى عرسان عادى جدا يعنى لو رفضتى شريف والله مش هيحصل حاجه خالص بس انتى اكيد فى يوم مالايام باذن الله يعنى لو كان لسه ليا عمر ممكن يبقى فى امل و تفكرى فى الجواز و لا انتى ايه حكايتك
سمر / انت بتقول ايه
حسام / هقول ايه حسبى الله و نعم الوكيل انا عارف ان امى دعت عليا وانا صغير اكيد زعلتها فى حاجه فدعت عليا
سمر / حسام
حسام / يا عيون حسام اؤمرى
سمر / انا فى مشكله و انت بتهزر
حسام / اشد فى شعرى منك امشى اقطع هدومى فى الشارع يقولى الجدع اتجنن فى ايه يا سمر
سمر / فى ايه يا حسام
حسام / فى ان بكره الخميس حضرتك لازم تقولى قرار لدكتور محمد ياما هتسافرى دبى و تسبينى يا هتضحى بوظيفه العمر و تخليكى لا و نزود الطين بله لما شريف بيه يتقدملك يبقى ياما دبى ياما شريف هو انا ناقص
سمر / هههههههههههههههههههههههههههه
حسام / ادحكى ادحكى
سمر / على فكره انا كنت مقرره انى هرفض حوار دبى من الاول
حسام / بجد
سمر / ايوه بس كنت فاكره انى يمكن فى الفتره دى الاقى اى حاجه تقنعنى بالعكس ملقتش بس تعرف فى عندى حل احسن كتير
حسام / حل ايه
سمر / انت
حسام / افندم انا ايه
سمر / انت تسافر دبى دى فرصه العمر بالنسبالك انا هرشحك لدكتور محمد و هضمنك كمان و انا متاكده انك هتتفوق و تثبت نفسك و تنجح اكتر منى كمان
حسام قاعد بيسمع و هو بيهز فى رجله و يرفع فى حواجبه و يجز على سنانه و يطرق فى صوابعه
سمر / ايه رايك
حسام / رايى فى ايه
سمر / يووووه هو انا بكلم نفسى يا حسام
حسام / ربنا ياخدك يا حسام
سمر / بعد الشر متقولش كدا
حسام / نفسى اعرف انا ظلمت مين فى حياتى عشان يجرالى كل ده طب هبله و قولت ماشى عصبيه و استحملنا مسترجله و قولنا و ماله مفيش حاجه تضمن لكن غبيه كمان لا والله كدا كتير اوفر اوى بجد اوفر
سمر / مين دى اللى غبيه
حسام / طب كل الشتايم اللى قبليها عادى ادعى عليكى يا شيخه شلتينى
سمر / ههههههههههههههه بطل بقى
حسام يبص يمين و شمال يلاقى تكيات الصالون يمسك واحده و يخبط سمر بالراحه
حسام / انتى بتدحكى ليكى عين تدحكى
سمر / ههههههههههه بطل بدل مقوملك
حسام يضربها تانى تقوم تجيب واحده تانيه و تضربه و يفضلوا يدحكوا هيام تطلع مالمطبخ
هيام / فى ايه يا ولاد انتوا اتهبلتوا خلاص
حسام / انا اسف يا طنط
هيام / قالوهالى زمان متخفش مالهبله خاف من خلفتها عوض عليا عوض الصابرين يارب
هيام تدخل المطبخ تانى
سمر / بتتكلم عليا يعنى انا خلفتها هههههههههه انا
حسام / ههههههههههههههههه يخربيت دحكتك
سمر / اقولك حاجه
حسام / قولى ياختى انقطينى كملى عليا قولى
سمر / انت غريب اوى عندك قدره رهيبه انك تغيرلى المود فى ثوانى تخلينى انسى كل مشاكلى و ادحك من قلبى بجد
حسام مبتسم
سمر / بحب اوى اكون معاك من و احنا صغيرين مين كان عارف اننا بالرغم من كل اللى فات هنرجع تانى و لا كان فى حاجه اتغيرت
حسام / امال ليه عاوزه تفرقينا
سمر / على عينى
حسام / يا شيخه
سمر / انا شيفاك كبير اوى يا حسام انا عوزاك تبقى احسن حد فى الدنيا كل الناس تتمنى الامله دى بس الخير لو مش ليا يبقى انت اولى بيه
حسام / انهى خير فى اننا نبعد يا سمر انا سبت السعوديه عشان ارجعلك عشان كام ملطوش ابعد و اروح دبى ليا مين هناك مفيش سمر هناك
سمر / ايه ده يعنى لو انا هسافر دبى ممكن تيجى
حسام / دانا اتشعبط فى ديل الطياره و اكون معاكى انتى بتهزرى و لا ايه
سمر / انت احسن اخ فى الدنيا
حسام/ قفله عنب بصى يا ست سمر انا مش اخوكى انا ممكن اكون اخو عليا و سالى بس انتى سورى انا اخواتى ياما رجاله ياما بنات انتى بقى مش عارف اصنفك ازاى اصلا
سمر / اخص عليك انت تطول اصلا انت اش فهمك انت على فكره انا لو عاوزه اكون راجل هبقى ارجل من ارجل راجل قابلته فى حياتك
حسام / حقيقى و حصل
سمر / و لو عاوزه اكون بنت هكون انثى اكتر من اكتر دلوعه شوفتها فى حياتك و المحن مفيش اسهل منه
حسام / انسى يا بطه الطبع بيغلب التطبع
سمر / الله مش انت شوفتنى فى الفرح
حسام / من بره هلا هلا و من جوه يعلم الله
سمر / خسئت طب مانا بلبس لبس بنات اهو
حسام/ ماشى
سمر/ بقى كدا هو انا يعنى لازم اعرى نفسى و احط احمر و اخضر و اسبسب شعرى عشان ابقى بنت و ارفع صوتى و اسبل عنيا عشان ابقى بنت
حسام / لا طبعا هى يعنى عليا بتعمل كدا
سمر / بص بقى مالاخر انا كدا اعتبرنى زى متعتبرنى انت تطول اصلا
حسام / ايوه كدا يا برعى اظهر و بان عليك الامان
سمر تمسك التكايه و تضربه
حسام / مهو لو طنط طلعت تانى هتكرشنى لمى نفسك
سمر تضربه تانى
حسام / هضربك و انا بصراحه بموت فى ضرب البنات
سمر / دلوقت بقيت بنات
و تضربه تالت
حسام / تصدقى نسيت معاكى حق حلال الله اكبر
حسام يمسك تكايتين و ينزل فى سمر ضرب
سمر / استسلمت استسلمت
حسام يبطل / كل يوم من دا
سمر تقوم تجيب تكايتين و تحدفهم فى حسام و تطع تجرى يحدفها و تحدفه مصطفى و عليا يدخلوا تكايه تيجى فوش مصطفى
مصطفى / طب نجيلكوا فى وقت تانى تكونوا رايقين لف و ارجع تانى
......................
