رواية بت هندسة
[ بقلم: حمزة ] _
الفصل السابع
( العروف ) من الخلعة قعد يرجف 😢😢
( كديس ) بقى يتشهد بس.. لا إله إلا الله محمد رسول الله.. لا إله إلا الله محمد رسول الله.
( العروف ) عاين للوش كدا لقاه كللللو جضوم والعيون مدفنات.. ولابسة زفاف يكونوا خيطوه عليها وهى واقفة [ الله أعلم يكون جاهز ] .. والزفاف ( كط ).. العضلات ديل تبش 💪.. والشعر الإضنين ماواصلن.. تامنو ( سبايل ) 🙄
( العروف ) طبعا" راسه ضرب وعرف وقع فى شررررر أعماله.. وبدون ما يحس لقى نفسه إتهووووور ونط فى بت الجيران.. قال ليك ( العروف ) دا كننننننكش فى البت.. بس الضب ال فى الحيطة 😅😅
أبى يفكها كلو كلو.. ( سلالاب ) كلها تناتل.. فكو منها بالجليل الرحيم.. ( أب شنب ) شاف ( بت هندسة ) إنجرحت وخاطرها إنكسر.. زِعِل زعل مبااالغة 😡😡😡..جا ( قبقب ) ليك ( العروف ) من قميصه وقال ليه:
- يازول ماتعقل وخلى الليلة دي تعدى على خير، ( الفرقة ) بتجى هسة عشان ننتهى الحفلة وتسوق مرتك وتتخارج
بس ( أب شنب ) إنتهى كلامه بى جاى ( الفرقة ) جات بى جاى
[ فرقة شنو 😊.. قال ليك 15 أدروب كل واحد شايل عكاز بى يدو اليمين وسيف فى يدو الشمال و رابط ليه سكين بالجمبة.. دى ( الفرقة الإنتحارية ) زااااتها 😜]
( أب شنب ) قال ل ( العروف ):
- شايف ( الفرقة ) دى؟ ديل كلهم أهل المرا، أعمل حسابك وماتتهور تانى عشان السيوف دى ماتشوف شغلا 😡
( العروف ) بقى يمطق فى ريقو.. وعرف إنه يرضى بى قسمته ويسكت حفاظا" على الأرواح.. بس جواهو النار قايدة فيه.. يغلى غلي.. حس إنه إتغش💔.
( كديس ) لسه بعاين فى ( بت هندسة ) شغال يتشهد:
- لا إله إلا الله محمد رسول الله، هسة جايبنا لى دى؟؟ ياها دى ( بت هندسة )؟؟😳
( العروف ) يشيل و يلكِّز فى ( كديس ) يعنى أسكت.. و ( كديس) فضيحة عاد حلقومه ماكن:
- إنت متأكد دي ( بِت هندسة) و ( بنات هندسة) 😄
( العروف ) تانى يدي ليك ( كديس ) لكزة:
- أسكت يا *** ح تودينا في داهية
المرة دى ( الفرقة ) كلللها عاينت لى ( كديس ).. ( كديس) دا تقول بلع لسانه.. خشمه تانى مافتحو. 😷
( الفرقة ) نططت زييييين ويقدلو هنا ويقدلو هناك.. و ( أب شنب ) فى وسطهم ينطط ويكورك بطول حسه.. بعد نص ساعة كدا ( الفرقة ) وقفت والناس بقت تصفق والعرض إنتهى.. وجن النساوين يبكن ويودعن فى ( بت هندسة ).. ( العروف ) ركب فى البوكسى بطنه طااااامة ( يبكى ) دموعه جاريات😭.. حتى العروس ما ركّبها ولا إشتغل بيها.. ( كديس ) فتح باب العربية وبقى يكورك فى ( العروف ):
- إنت شنو الركبت! أنزل شوف ليك طريقة لى زولتك دى الباب مابدخلا 😡
( العروف ) نزل يطنطن.. قال ليك الإتنين يحشرو فى ( بت هندسة ) حشِر حتى دخلوها فى البوكسى.. ( كديس ) قال :
- أها وين تمشو ؟
( بت هندسة ) نطت:
- دا سؤال شنو دا، الفندق طبعا"😳
( العروف ) كورك بى طول حسه:
- الخرطوم راس يا ( كديس )، فندق بتاع قلبك؟ تغشوني أنا؟ خليتكم لي الله 😡
( كديس ) دور على الخرطوم عِدِل.. طول الطريق واحد فتح خشمه مافى.. و( كديس ) بس شغال يتشهد لحدى ماوصلو.
( كديس) قال:
- أها وصلنا الخرطوم يا شباب، عاوزين تمشو ياتو فندق
( العروف ) بقى يكورك زهجان :
- السجن، رجعني السجن طوالى
( بت هندسة ) نططت عيونها 😳
( كديس ) قال:
- سجن شنو؟ أنا ماطلعتك بضمانة!!
- لالا أنا عاوز أرجع تاني، السجن أرحم
- يازول ماتعقل دا كلام شنو
- أنا يادوووووب عقلت يا ( كديس)، يغشوني أنا؟ السجن بس يازول
( العروف ) قال لى ( كديس ) يقطع لى ( بت هندسة ) فى أووووول باص راجع بورتسودان.. وقال ليه يديها ( 100 جنيه ) فى يدها مصاريف الطريق.
( العروف ) رجع السجن تانى فرحان فرح التقول داخل ( حدائق القرشى ).. إعترف بى كل التهم الموجهة ليه وهو عارف نفسه برىء.. وقال ليهم لو عندكم كم تهمة حلوين كدا راااااضي.. بس ما رضوا يدينوهو بى حاجة ما عملا.. و حكموا عليه ب 7 سنة سجن.. وكان المتهم الوحيييييد فى كل العالم الصفق للقاضى بعد الحكم 😘😘
