رواية بت هندسة
[ بقلم: حمزة ] _
الفصل السادس
( كديس ) الصاحب الأبدي و الأوحد لى ( العروف) طلَّعو من السجن بواسطة (كفيل ضامن وعريس غدرت به الظروف) وقال ليهو أنا بوديك ( بورتسودان)
( العروف) نط في ( كديس) حضنه وقال:
- صَحِي، الصديق وقت الضيق
مشوا البيت.. ( العروف) إستحم سريع سريع.. شال ليه كيس أسود خت فيه غيارين وجا طاير في البوكسي قال لى ( كديس) :
- دور يامعلم بى أقصى سرعة عشان ح نصل صباح الأحد، يوم الدخلة 😍
وسرح ( العروف) بخياله الوااااسع وهو بتخيل مجهزين ليه غرفة و حوش مفصول بى منافعه و الباب مقفول عليهم.. (هو) و (بِت هندسة).. فقط لاغير.
_____________________________________________
( بت هندسة ) للمرة المليون و بحالة كلها إستياء وفقدان للأمل دقت للمرة الأخيرة رقم ( العروف ) وهى متأككككدة ما ح يكون فى رد.. بس على غير المتوقع.. سمعت ( العروف ) من الجهة التانية بقول:
- ألو
✋[ ودى اللحظة ال كان راكب فيها ( العروف ) مع ( كديس ) ]✋
البت دى كانت راقدة.. قامت نطت فووووق برغم اللحم والشحم المكتظ.. البت من الخلعة ماعرفت تقول شنو.. سلوكها ضربن.. بقت تكورك زى المجنونة.. مرة تضحك ومرة تبكى:
- إنت طرت وين ياحيوان زمنك دا كلو
بعدها تقول:
- طمنى عليك مالك كنت وين ال 4 أيام دى ومالك مابترد
ومرة تانية تكورك:
- لكن عواليق، بوظت أعصابى بس الله يجازيك
وأخدت ليها بكية كداااا.. بس ( العروف ) لقاها ليك فرصة سكتت :
- ياخى بحكى ليك دا فيلم طويييل هسة نحن داخلين على ( سلالاب) خلاص.. إنتى جاهزة، الكوفير وفستان الزفاف وكلو ؟
- جاهزة شنو، نحن حالتنا بالبلا، الناس كلها شمتانة وضاحكة فينا وأبوى عيونو الجمر بس من الزعل وأمى ليها يومين مابتنضم، البيت ملااان القريب والبعيد و (الخدار) مشتت ساى زوووول قادر يعمل حاجة مافى
- ياخى خليك من دا كلو أمشى هسة سريييع شوفى ليك طريقة كوفير لى شعرك الطويل الواصل صلبك داك 😍 عشان يطلع حاااجة كدا مع فستان الزفاف
طبعا" ( كديس ) كان راخى أضانو.. بس من سمع ليك حكاية الشعر الطويل دى.. قعد يطنطن فى سرو :
- شعر طويل لحدى الصلب؟!! 😳
بت هندسة ردت على ( العروف ):
- إنت بس إوصل لينا بالسلامة، الباقي هين
- خلاص داخلين على ( سلالاب)، ربع ساعة ونكون عندكم
بالله كلمو ليك ( أب شنب) البيت دا فار فورة.. بعد ما الناس رقدت القش تاااانى قامو.. الدلوكة دورت والزغاريد ضربت والنسوَّن قامن على خدارن يقطعن ويشمشرن ( البت ال بى سبعة أرواح دى.. بعد ماقلنا عريس وطار.. تاااانى جابتو.. يارب تكون كاتباهو ؟؟ ) 🤔
( العروف ) وصل معاه ( كديس).. بالله تقول وصل الرئيس 😄.. الزحمة والخلق حاجة عجيبة.. ( أب شنب ) دا مبسوط بسطة مااااا بتتوصف.. ( العروف ) جاى ينزل من البوكسي.. عمك ( أب شنب ) قفل الباب طططاخ :
- تنزل وين؟؟! الجامع طوالى 😁
( كديس ) إتحير.. ديل ناس شنو ؟ لا بسلمو لا بقولو حمد الله على السلامة.. لا أهلك وين؟.. بس طوالى الجامع ؟ 🙄
الجماعة مشو الجامع عقدو ليك سريع سريع.. والحلاوة إتوزعت والتور إنضبح والزغاريد ضربت.. ( العروف ) جا مارق من الجامع عمك ( أب شنب ) قال لى:
- بعد كدا يا ( حبة ) تمشى تاخد مرتك وتتوكل
( كديس) نطط عيونه:
- ( حبة ) ؟ ؟ ؟ ؟!!!!! 😳
( العروف ) قال:
- أتوكل وين؟ 🤔
عمك ( أب شنب ):
- تتوكل تمشى المشى الوااااحد دا ، يعنى تسوق مرتك وتتخارج بعد كدا 😡
- يعنى بعد نقعد فى الفندق ما ناخد لينا كم يوم معاكم؟
- ولااااااا ربع يوم، من الفندق وأهلك طوالى، البيت هنا ( قش كبريت ) ومافى طريقة
- بس أنا كنت مسجون فى موضوع كدا بالغلط ومامعاى قروش لى فندق، أدونا يومين بس معاكم بنسافر بعدها طوالى 😥
- قلت ليك ولاااااا نص ساعة، إنت مابتفهم عربى!! الوضع مابستحمل
( العروف ) الوضع مااااعجبه 😡😠.
( أب شنب ) نهرو ليك:
- يلا يا ( حبة ) أدخل أقعد فى الكوشة عشان ( الفرقة ) هسة بتجى يدوكم قدلة قدلتين وتسوق مرتك تتطلب الله بعد كدا
( كديس ) رأسه شطب.. الناس ديل كأنه عاوزين يتخلصو من بتهم والسلام.. لا سألو ( العروف ) أهلك وين.. ولا قالو ليهو المعاك دا منو.. ولا قالو ليهو إنت كنت غاطس وين الفترة الفاتت دى.. بس كف كف لمو ليك فيهو عقدو لى وقال ليهو سوق مرتك و (((إتخارج ))).. يعنى حتى الكلمة ماحلوة.. يتخارج دى شنو 🤔
( كديس) كان سرحان بى خياله أكان سمع ليك ( أم العروس ) تنادى عليهم:
- إتفضل ياولدى عروسك جاهزة، إتفضل أقعد فى ( الكوشة ) تشوفو ليكم فاصلين من ( الفرقة ) وبعدين تسوق مرتك
( العروف ) دخل عشان يسوق عروسه.. كان زهجان من حكاية ( سوقها وإتخارج ) دى😡.. زايدا" الظروف ال مرَّ بيها.. بس قال فى نفسه:
[ مامشكلة.. البت حليووووونة ورهيبة 😍 وشعرها فايت صلبها 😍 وإستايلا ( فرنسى ) 😍 يعنى ح تنسينى كل الأوجاع و المحن ال مريت بيها 😘😘 ]
وفعلا" دخلوهم محل قاعدات البنات.. ( كديس ) يكشِّف سااااى.. ( العروف ) من دخل شاف ليك البت الحليووووونة الكان بترسلا ليهو ( بِت هندسة) قااااعدة نص البنات 😍.. وإستغرب.. مالابسة لا جدلة ولا زفاف.. ولا حتى مكوفرا شعرها.. بس هى النصيحة.. عجييييبة ماعاوزة يختو عليها أى حاجة 😘.. كدا تخلع من الجمال والحلاوة والبياض والدلع 😍.
( العروف ) مشى عدييييل للبت.. والناس كلها تعاين فيهو متحيرة.. حتى البت فتحت خشمها من الخلعة 😱 خصوصا" لما ( العروف ) مد يدو ليها عشان يقومها وهو يتبسَّم 😊.. بس هبشها ليك من يدها الناس كلللللها بقت تكورك بصوت وااااحد :
- لللللللللللأ، دى ماياها 😡
( العروف ) تقول طقتو كهرباء.. سحب يدو سريع سريع وإتلفت لى ورا.. يتكلم مع ( أب شنب ) وراسه شاطب:
- كيف ماياها؟! 😳😳😳😳
عمك (أب شنب) :
- دى بت الجيران ياولدى 😎
- بت الجيران كيف يعنى؟ 😡😡 أنا لما جيتكم هنا المرة الفاتت سألت من ( بت هندسة ) قلتو لي ياها دييييييك 😳
- ااى، بس لكن ياولدى تجينا من الشارع كدا فجأة وتجى تعزل كمان؟
- يعنى هسة دى ما ( بت هندسة )؟😱
- لأ دى ماياها، دى بت الجيران�
- طيب وينها ( بت هندسة )؟🙄
بس مع قولت وينها ( بت هندسة ).. قال ليك سمع صوت يكشكش.. كانت رابطة الخلخال فى رجولها كشلو.. كشلو.. كشلو.. كشلو .. بعد شوية ظهرت ليك ( بت هندسة ) 😳.. سميييينة.. 4×18
