رواية بت هندسة كامله ( الأول ) بقلم حمزه



رواية بت هندسة الفصل الاول

⛔ لما الواحدة تقنع حبيبها ال في الفيس يجي يتقدم ليها في البيت و أبوها مسافر.. و أثناء ما ( البطل) ماشي يتقدم ليها..​ أبوها يرجع من السفر فجأة و يلقاهو قااااعد في البيت😲  تعالوا نشوف ح يحصل شنو ⛔ 


#أبطال_القصة


- ( عارف).. إسم الدلع 👈 ( العروف).. الإسم في الفيس ( أمير الظلام) 😎.


- ( تغريد)..​ إسم الدلع 👈 ( توتا).. الإسم في الفيس ( بِت هندسة) 😍


- ( أب شنب).. أبو ( تغريد)..​ ما عنده إسم دلع ولااااا شاف الدلع في حياته.. ولا بعرف يهظر عكازه معاهو 24 ساعة 😡


- ( حاجة بخيتة).. أم ( تغريد)


☢️ #معلومات_خطيرة ☢️:


- ( العروف) أخلاقه ضيقة شديد.. أقل حاجة بقعد يكورك. 


- ( العروف) عمره ما شاف ( بِت هندسة)  حقيقة".. ولا هي شافته حقيقة".. هو في الفيس كان برسل ليها صورة صاحبه.. وهي كانت بترسل ليه صورة ( بِت الجيران) 🙈


- ( بِت هندسة) و أمها و أبوها ما شاء الله عيني باردة ( أحجام عائلية).. ( بِت هندسة) أربعة في أربعة..​ أمها ( تمانية في أربعة).. أبوها ( سبعطاشر في أربعة) 💪






- من مقولة [ وراء كل رجل عظيم إمرأة] .. نعرف إنه الحاجة (بخيتة) هي الحكومة في البيت و هي الوحييييدة في مجرة المجموعة الشمسية اللي ممكن تقدر على ( أب شنب) 

======================================


البداية 👇:


( العروف) قرر خلاص بعد كدا يمشي يقابل ( بِت هندسة) في البيت زي ما وعدها [  طبعا" ( العروف) و ( بِت هندسة) معرفة فيس بس.. حبكانات تقيلة عبر الفيس بس عمرهم ما شافوا بعض.. وعرفنا من المعلومات الخطيرة كيف شافوا بعض عبر الصور.. بس دي كانت المرة الأولى اللي ح يشوفوا فيها بعض ( فيس تو فيس) ] 😍


المهم.. ( العروف)​إشترى ليهو 8 صابونات منهن ( 4 فنيك) ..​ وشال معاهو فتيلين ريحة ( صاروخ) و ( فلير دمور).. و شال معاهو ( شِبشِب) هدية لي ( بِت هندسة) و إتوكككككل على الله.. ( بِت هندسة) جاك زول🕺. 


طبعا" ( بِت هندسة) كلمت أمها و أخواتها إنه ( عروف) جاي يتقدم ليها.. و أبوها ( أب شنب) كان مسافر..​ ف ( عروف) ماشي ومتابع مع ( بِت هندسة) في الخاص توصف ليهو في البيت.. الدوحة/ السبيل/ مربع 15 / صيدلية ( محمد سعيد)/  لف يمين/ شجرة النيمة/ العمارة البيضا خليها / تاني باب / جمب البيت في دفّار أبيض واقف. 


 ( العروف) شايل ليهو وردة حمراء.. عاوز يفاجئ ( بِت هندسة).. رومانسيات تقيلة.. بس ربك رب الخير.. أبوها ( أب شنب) جا قبل ربع ساعة من السفر.. و بقت صعبة على ( بت هندسة) تحذر  ( العروف) و تقولو ( فِركِش).. قدر ما حاولت ترسلو في الخاص إنو أبوها جا هسة من السفر ..​مافي طريقة أنسى الموضوع دا خلاص.. الشبكة طشت. 


( العروف) وصل البيت بالوصف.. دق الباب وكان متأككككد ديشيلون في المية إنه ( بِت هندسة) ح تفتح الباب.. دق الباب و إنحني مادي الوردة الحمرا.. منظر كان من أبهى المناظر.. قمممة الرومانسية👩‍❤️‍💋‍👩 . منظر ما بتشوفو إلا في (  أفلام بوليود).👨‍🏭. 


( أب شنب) كان جاي من السفر تعبان و زهجان و ماكلنو في قروش وقااااافلة معاهو.​





عمك ( أب شنب) فتح الباب صارٌِي أخلاقو شاف ليك ( العروف) مدنقر ومادي ليهو وردة حمرا.. ( العروف)​ وهو مدنقر شايف ليك ضُل زول جُهااااامة.


 ✋ [. الوقت كان 12 ظهر..​ ياجماعة في زول ماشي يخطب واحدة في بورتسودان الساعة 12 صُهُر الله ورقبته؟ لا أم لا عم لا جِد لا خال؟ لا شافا لا شافتو؟ 😳 ( العروف)​  شكلو ماااا عاقل ] ✋


( أب شنب) فتح الباب ومعروف عنه زول قطِيم ما بحب الكلام الكتير.. شاف ( العروف) مدنقر مادي الوردة الحمرا.. قال بي خشونة بى صوت أجش:

- نعم؟؟ 


( العروف) كباهو رز لما سمع الصوت.. غلبو يقوم.. نزل يدوا برااااحة لما الوردة ورا ضهرو وهو لسة مدنقر..​ ( أب شنب) بعاين فيه مستغرب.. ( العروف)​ قام على حيلو وإتقابل وش لي وش مع ( أب شنب).. يا زووول ( العروف) دا ركبيهو بقن يطقطقن و يتراجف كلو.. بقى يتمتم :

- بسم الله الرحمن الرحيم، بسم الله الرحمن الرحيم، سلامٌ قولا" من ربٍ رحيم


( أب شنب) ضاغط على سنونو من الزعل لامن عاوزات يتكسرن :

- نعم يا روح أمك؟! 

                                                                  


                      الفصل الثاني من هنا 

تعليقات
تطبيق روايات
حمل تطبيق روايات من هنا



×