((رواية تضحية حب))
بقلم اسلام محمد
((الفصل الاول
اسمي احمد
عمري 23
خريج كلية حقوق وجايب اربع سنين امتياز بس لحد دلوقتي ما توظفتش طبعا زي ما انتوا عارفين مش بالسهل تتوظف وانا كان عندي امل إن اتعين في النيابة
حبيبتي اسمها سلمي بنحب بعض من واحنا في الكلية وهي كانت معايا في حقوق ومستني اتعين في المائة واتقدم علشان هي من عيلة غنية
عايش مع امي واتنين بنات ابويا متوفي من 3سنين وانا الي بصرف علي البيت امي واخواتي
نهي عندها 18وهي في ثانوية عامة
وبسملة 16 في اعدادي
بعد ما تخرجت ملقتش طبعا وظيفة بي شهدتي ودا طبعا الي بيمر بيه معظم الشباب استمريت في شغلي الي انا كنت بشتغله من وانا في الدراسة وهو حداد ))
((تبداء الرواية لما))
((صحيت الصبح الساعة الحادية عشرا علشان انزل الشغل صحيت دخلت خدت دوش وطلعت لقيت امي قاعدة ))
احمد : صباح الخير يا امي
امي: صباح الخير ياحبيبي
احمد : اومال فين اخواتي ؟
امي : نهي في الاوضة وبسملة لسة في المدرسة
احمد : ماشي يا امي انا نازل علي الشغل عايزة حاجة ؟
امي : لا ياحبيبي ربنا يخليك
نزلت بوست علي ايد امي ودماغها
احمد : سلام يا امي
نهي : طلعت من الاوضة
احمد احمد
احمد : اي يا حبيبتي صباح الخير
نهي : صباح الخير
احمد : اي عايزة حاجة ؟
نهي : انا .....
احمد : ابتسم تعالي خدي
نهي: نعم
احمد : اي عايزة فلوس ؟
نهي : اصل المراجعات بدات علشان الامتحانات قربت
احمد : ماشي يا حبيبي عايزة كام
نهي : ١٥٠ج
احمد : حاضر ياحبيبي خدي ورحت مطلع الفلوس
نهي : شكرا يا حبيبي
احمد : انا نازل يا امي سلام عليكم
امي : روح يا بني ربنا يرزقك
احمد : يارب
نزلت الشغل وكان الاسطا لسة مجاش وكان موجود عبده ومحمود وكانوا من الناس القريبين ليا
احمد : صباح الخير يا رجالة
عبده : صباح الخير ياباشا
محمود : صباح الفل ياريس
احمد : اي الاسطا لسة مجاش
محمود: لا لسة هو بيجي دلوقتي اصلا
احمد : علي رايك
بدات الشغل وبعد ساعة لقيت تلفون بيرن عليا لقيتها سلمي
احمد : صباح الخير يا حبيبتي
سلمي : صباح النور ياحبيبي عامل اي ؟
احمد : الحمد لله
وانتي عاملة اي
سلمي : تمام بوجودك اي نزلت الشغل ؟!
احمد : اها لسة واصل من شوية
سلمي : ماشي ياحبيبي انا بطمن عليك
احمد : هو انا ليا غيرك مصبرني علي العيشة دي
سلمي : ياحبيبي انا طول العمر جمبك
احمد : وانا مش عايز حاجة تانية من الدنيا
الاسطا : صباح الخير يا رجالة
احمد : معلش ياحبيبي هقفل علشان الاسطا جيه
سلمي : ماشي باي خلي باللك من نفسك
احمد : حاضر باي
احمد : صباح الخير يا يسطا
الاسطا : صباح النور يا احمد اي اخبار الشغل
احمد : كله ماشي تمام
الاسطا : طب تمام بقوللك يااحمد انا احتمال اسافر يومين البلد وعايزك تخلي باللك من الورشة
احمد : من عيوني يسطا بس في حاجة ولا اي
الاسطا : لا في فرح بنت اختي
احمد : ربنا يتمم بخير يارب
عند اذنك بقا اروح اكمل شغل
الاسطا : ماشي يا احمد
قاعدت شغال لحد الساعة ٩وخلصنا والاسطا اداني المفاتيح علشان اجي افتح الصبح وانا ماشي لقيت سلمي واقفة بي العربية بتاعتها رحتلها))
احمد : اي يابنتي في حاجة ولا اي اي الي جابك هنا
سلمي : اي ياعم وحشتني قولت اجي اشوفك
احمد : ابتسمت وانتي كمان وحشتيني
سلمي : اركب طيب نتمشاء شوية
احمد : كدا طب اطلع اغير
سلمي : لا ياقلبي انت كدا زي العسل
احمد : حاضر
((ركبنا ومشينا بي العربية ))
سلمي : عامل اي
احمد : الحمد لله بس انا مستغرب سر الزيارة دي مش من عوايدك
سلمي : بس هو الصراحة في حاجة بس مكنش ينفع اكلمك في التلفون
احمد : خير في اي
سلمي : انا جيلي عريس وبابا موافق عليه ابن شريكه في الشغل
احمد : طب وانتي قولتي اي
سلمي : قولت لا طبعا بس بابا مصمم إن اشوفه واقعد مع معاه
احمد : سلمي انتي عارفة الدنيا عندي عاملة ازاي وعارفة ان انا الي بصرف علي امي واخواتي وانتي مكانتكم وعيشتكم اكبر بكتير من عيشتنا
سلمي : وانا عارفة يا حبيبي
بس انا كنت عايزاك تيجي تقعد مع بابا وهو ممكن يوافق وبعدين إنت ممكن تكون وكيل نيابة تعالة وقوله وهو اكيد هيقدر دا
احمد : طب هو العريس دا جي امتا
سلمي : بعد اسبوعين علشان هو مسافر ولسة مجاش
احمد خلاص الاسبوع الجي ان شاء الله هكون عندكم علشان الاسطا بتاع مسافر وهيجي كمان يومين
سلمي : ماشي ياحبيبي
احمد : يلا بقا نزليني هنا وروحي انتي
سلمي : لا هوصللك الاول
احمد : ماشي
وصلتني وطلعت البيت وكنت مضايق اووي انا كنت عارف ان الموضوع دا مسيره هيجي بس انا مكنتش عامل حسابي كنت مستني إن اشتغل او اتقبل في النيابة وساعتها اروح اتقدم ))دخلت البيت لقيت امي قاعدة واخواتي ))
احمد : سلام عليكم
امي واخواتي : عليكم السلام
امي : اتاخرت ليه يا احمد
احمد : معلش يا امي كنت قاعد تحت شوية
امي : احضرللك العشاء
احمد : لا انا هنام
دخلت الاوضة وقعدت وكنت عمال افكر هعمل اي لقيت امي بتخبط عليا ))
احمد : ادخل
امي: اي ياحبيبي مكلتش ليه في حاجة مضياقك
احمد : لا يا امي
امي : اي دا بتكدب عليا دا انت عينك دايما بتفضحك
احمد : سلمي
امي : اها مالها هي الي مزعللك
احمد : لا يا ما هي دي عمرها زعلتني
امي : ما انا قولت اصل البنت دي دايما بنت اصول اومال في اي
احمد : متقدملها عريس
امي : طب وانت هتعمل اي
احمد : مش عارف هروح اقابل ابوها الاسبوع الجي
امي : ماشي علي خيرت الله
احمد : بس خايف يا امي
امي : من اي يا بني
احمد : هما حاجة واحنا حاجة
امي : بص يا بني هو مش كل حاجة الفلوس ومدام البنت عايزاك مش هتوافق علي حد غيرك وبعدين البنت تستاهل الي انت تحارب عليها وبعدين انت مستقبلك كويس بكرة تقبل في النيابة وهيكون ليك اسمك سيبها علي الله
احمد : علي الله يا امي
امي : احطللك تاكل بقا
احمد : لايا ما انا هنام علشان عندي شغل بدري
امي : ماشي يا حبيبي
تصبح علي خير
احمد : وانتي من اهله
فات اليومين ولقيت الاسطا بيرن عليا بيقولي إن هيتاخر يومين تاني وبعد ما الاسبوع عدي والمفروض جي اليوم إن اقابل فيه ابو سلمي وفي الايام دي كانت سلمي بتكلمني وبتقولي متخفش وانا ليك وعمري ما هكون لي غيرك لحد ما جت الساعة ٧وسلمي كانت وخدالي معاد من ابوها استاذنت من الشغل وطلعت لبست واتشيكت علي سنجة عشرة بعد كدا رحت رايح علي الفيلا وفاتحلي السفرجي ))
احمد : سلام عليكم
السفرجي : عليكم السلام مين
احمد : انا عندي معاد مع الباشا قوله احمد
السفرجي : تمام اتفضل
((دخلت قعدت بعد كدا راح السفرجي وجيه وقالي ))
السفرجي : الباشا نازل
احمد : تمام ماشي
لقيت في الوقت دا سلمي بتبصلي من فوق ومبتسمة وبتهمس ليا وبتقولي متخفش
((وببص فاجاة لقيت الباشا داخل قومت وقفت ))
ابو سلمي : اهلا اهلا
احمد : اهلا ياباشا
انا احمد
ابو سلمي : اها سلمي كلمتني عنك
احمد : يارب يكون في الخير
ابو سلمي : اكيد خير ؟
احمد :خير ان شاء الله حضرتك انا جي اطلب ايد بنت حضرتك سلمي
ابو سلمي : هههههه مرة واحدة كدا
احمد : ههه
ابو سلمي : بص يا بني هو انت شغال اي عندك اي ابوك مين
احمد : فاجاة علامة الخوف والتوتر بدات تظهر عليا
انا حضرتك احمد والدي متوفي من خمس سنين كان موظف وانا خريج كليه حقوق وجايب اربع سنين امتياز وعايش مع امي واختي واختي في بيت بتاعنا في السيدة زينب وشغال حداد شغلة مؤقتة لحد ما تعين في النيابة
ابو سلمي : طب بص انا هكون صريح معاك انا بنتي متقدملها عريس ابن شريكي في الشركة وناس اغنياء انت باين عليك شاب محترم ومن اصل كويس بس يا بني انت يرضيك ارفض ابن شريكي واوافق عليك
احمد : ما هو مش كل حاجة الفلوس
ابو سلمي : ههه لا يابني كل حاجة الفلوس هو انت هتاخذ بنتي تعيشها في ڤيلا زي دي هتقدر تديها المصروف الي بتاخذه
طب انا هساللك سؤال ؟ لو اختك وجيلها واحدة زيك وواحد زي ابن شريكي هتوافق علي انهي ؟
احمد : الي هيقدر يريحها
ابو سلمي : طب وانت شايف إن انت ممكن تريحها ؟
احمد : علي الاقل هعمل الي يقدر يسعدها
ابو سلمي : وانا شايف إن مصلحة بنتي مش معاك
احمد : يعني اي ؟
ابو سلمي : يعني شرفت يا بني ...
الفصل الثاني من هنا
