رواية آلام العشق الفصل الأول
جلست في غرفتي على سريري وأنا أرتدي فستان زفافي الأبيض وكل جسدي يرتجف بشدة فبعد لحظات سيدخل زوجي وابن عمي فريد ليكتمل زواجنا ولا أعرف كيف سيتعامل معي بعد كل ما عرفه عني. بعد وقت مر علي كالدهر سمعت صوت طرقات على الباب وبعدها دخل فريد بقامته الطويل وجسده الرياضي ذو العضلات البارزة، وبشرته السمراء وشعره الأسود المجعد وعيونه البنية الواسعة ذات الأهداب الطويلة، لكن نظراتها كانت تشع بالقسوة وبعد لحظات صمت بيننا قال بصوت غاضب:-الزفة جاهزة عشان نروح بيتنا
ومد يده فأمسكت بذراعه وأنا أرتجف رعبا مما سيحدث عندما سنصبح بمفردنا. كنت دوما في صغري أتشبث بذراعه فأشعر بالأمان ففريد لم يكن ابن عمي فقط بل كان من يحميني ومصدر أماني في الشارع والمدرسة فلم يكن أحد في القرية يجرؤ على الاقتراب مني أنا أو أختاي لأن فريد كان يتصدى له بقوة فنحن بمثابة أخوات له فقد تربى في بيتنا بعد وفاة والده وزواج والدته بأخر وسفرها معه للصعيد، فصرنا نحن كل أسرته. كنت أصغر إخوتي فكنت المدللة وخاصة من فريد الذي كان دائما ما يحقق لي رغباتي الصغيرة مهما بدت تافهة أو سخيفة، وكان دائما يناديني نجلاء لطفي يا سلوتي وكأني خاصة به وحده فزاد ذلك من دلالي عليه.
لكن بعد أن كبرنا قليلا وأصبح فريد على أعتاب الرجولة طلب من والدي أن ينتقل لداره المجاورة لنا للإقامة فيها حتى لا يُحرج فتيات الدار فقد كانت أختي الكبرى هدى تماثله في العمر بينما تصغره منة بثلاثة أعوام أما أنا فالفارق بيننا سبع سنوات،وافق أبي بعد طول إلحاح من فريد لكنه اشترط عليه أن يتناول معنا الطعام فوافق في البداية لكنه بعد فترة أقتصر وجوده على وجبة الغداء بحجة المذاكرة. تباعدت المسافات بيننا لكنه ظل دائما الأخ الذي يحمي أخواته من سخافات الشباب ومن ألسنة من يفكر في أن يلوك سيرة أي منا.
واليوم صار فريد زوجي كما لم يتوقع أحد يوما فقد كان دائما لي بمثابة الأخ الكبير ولم أتخيل يوما أن يصبح زوجي ، لكن مفاجأت القدر لا يمكن لأحد أن يتخيلها. بدأ الزفاف بصخبه وضجيجه وكل القرية حاضرة وأبي ينظر لي بحزن من فوق كرسيه المتحرك فقد خيبت أماله وخنت ثقته التي منحها لي .أشحت بوجهي بعيدا عنه حتى لايرى دموع القهر والندم في عيناي، بينما هدى ومنة ينظران إلي بسعادة في صحبة زوجيهما وأولادهما.
التف حولنا شباب القرية وجذبوا معهم فريد للرقص والصخب فكان كعادته هادئ ورزين ويبتسم بتكلف، بينما كانت نظرات الفتيات حولنا كلها منصبة على فريد برجولته وجديته التي جعلته حلم الكثير من الفتيات ، فكن يحسدنني عليه ولا يعلمن أن كلانا مجبر على ذلك الزواج.
انتهى الصخب ودعا والدي الجميع للوليمة الفخمة المُقامة في الفناء الواسع بين بيت أبي وبيت فريد،بينما صعدت أنا لبيت فريد الذي دخلته عدة مرات لكني لم أتخيل يوماً أن أكون سيدته،وشعرت بالبرودة تكتنفني وأنا أدخل البيت وحدي فقد تركني فريد على أعتاب البيت وكأني عبء ثقيل حرص على التخلص منه،وذهب ليرحب بضيوفه وأصحابه.
اتجهت للغرفة التي خصصها فريد لي عندما قال لي:
-دي هتكون أوضتك بس قدام إخواتك هاحط في الدولاب شوية هدوم بتوعي بس عشان محدش يعرف إن كل واحد فينا هينام في أوضة.
لم أعتد قسوته وحدته في الكلام فرغم جديته مع الجميع، كان يخصني وحدي بنبرة حانية في الكلام وبمعاملة خاصة، لكني فقدت كل ذلك بعد أن علم بجريمتي.
جلست في حجرتي على سريري وأنا أتأمل ما حولي وأتذكر تخيلاتي عن ليلة العمر التي طالما حلمت بها ولكن ليس مع فريد، وكيف حولتها بسذاجتي وغبائي لعقاب لباقي العمر.
أفقت من تأملاتي على طرقات على بابي ففتحت الباب فوجدت فريد الذي قال بتجهم:
-تعالي عاوز اقولك كلمتين
خرجت معه فجلس في الصالة وجلست على كرسي في مقابله نجلاء لطفي وجسدي يرتجف ولم أستطع رفع عيناي فيه، فقال:
-هنعيش مع بعض سنة وبعدها هاطلقك، طبعا مش محتاج اقولك إن وضعنا مش هيتغير يعني أنا ابن عمك وبس، لكن خروج من غير إذني ممنوع لأي سبب غير إنك تخدمي أبوكي وبس، ممنوع حد يدخل بيتي وأنا غايب،ماتخبيش عني أي حاجة حتى لو كانت تافهة أو هتضايقني،تعليمك هتكمليه في البيت هاجيبلك كل المحاضرات والورق اللي هتحتاجيه ومش هتروحي الكلية غير على الامتحانات، من النهاردة انت مسئولة مني مالياً يعني تعيشي على أد إمكانياتي وماتاخديش مليم من أبوكي،مش هاتكلم عن اللي حصل لكن أكيد عرفتي إنك فقدتي ثقتي واحترامي،وأقسم بالله لو خالفتي أي حاجه من اللي قلتها لا هتشوفي مني وش تاني خالص ماتتخيلهوش.
بكيت وقلت له من خلال دموعي:
-ليه مصمم تطلعني واحدة منحلة وسهل تسلم نفسها لأي واحد؟أنا صحيح غلطت وندمت بس مستحيل هاكرر الغلطة
نهض غاضبا وقال:
-أنا قلت مش عاوز أسمع حاجه عن الماضي
فأمسكت بذراعه وقلت:
-بس أنا عاوزة أحكيلك مش عشان أبرأ نفسي لأني غلطانه وأجرمت في حق نفسي وأهلي، ولا عشانك جوزي وعندي أمل إنك تسامح واغفر لأني عارفة إن ده مستحيل، لكن عشان إنت فريد سندي وأماني اللي بيخاف عليه أكتر من نفسي
نظر إلي بحزن فقلت برجاء:
-أرجوك أقعد واسمع حكايتي من أولها، مش عاوزة غير إنك تسمعني وتفهمني، طبعا إنت عارف إن كل العيلة كانوا دايما يقولوا إني أجمل إخواتي لحد ما صدقت نفسي وكمان الدلع منك ومن إخواتي زود إحساسي بنفسي وبقيت مغرورة، إخواتي أتجوزوا وأنا في بداية طريقي للجامعة، وأول مرة أشوف كمية الاختلاط الرهيب ده وكمان مافيش حدود بين الولاد والبنات، ده خلاني خايفة ومتلخبطة ومش لاقية حد اتكلم معاه انت بعدت من زمان وهم انشغلوا بحياتهم مالقيتش قدامي غير هاني ابن خالتي اللي كان بيعيد اخر سنة معايا في كلية التجارة، ورغم إننا ما كناش واخدين على بعض أوي لكن هو كان بالنسبة لي الملجأ الوحيد، قربنا من بعض جدا وبقينا أصحاب وبقيت احكي له وهو يقولي رأيه ما أعرفش إزاي لقيتني متعلقة بيه وبكلامه الجميل ولما اتخرج جالي واعترف لي بحبه وقالي إنه ذاكر ونجح عشاني طبعا كنت مبهورة جدا بكلامه ومعاملته،لكن برضه كان عندي شوية خوف منه لا يكون بيضحك عليه،فطلبت منه يثبت لي حبه ،فوعدني إنه هيخطبني بس لسه قدامه سنه جيش وبعدها يدور على شغل، فقلت له أنا مش هاتجوز غير لما اخلص دراستي، لأني شفت تجربة منة اختي اللي اتجوزت في الكلية ومتبهدلة بين بيتها وجوزها من ناحية وبين دراستها وكمان الحمل والولاده عطلوها،راح الجيش وكنا بنتقابل كل أجازة ينزلها ولما تخلص الدراسة كنت باخترع أي حجة عشان أسافر المنصورة واقابله هناك،أو أقول لبابا إني هازور إخواتي وفعلا أروح وانزل بسرعه اقابل هاني،ولما خلص الجيش فضل سنة كمان يدور على شغل ومش لاقي وأحيانا ياخد مني فلوس ويقولي سلف وما يرجعهمش وأقول مش مهم ماهو ابن خالتي ومن دمي ومافيش فرق بيننا ،لحد ما لقي شغل بس في القاهرة وشجعته عشان مرتبه يكون أكبر وده هيخلينا نتجوز
أسرع،حاول كتير يتجاوز معايا لكن كنت بارفض واقوله لما نتجوز،لحد ما في مرة اتصل بيه واحد زميله وقالي أنهم ساكنين سوا وإن هاني تعبان جدا وسخن ومحتاج حد ياخد باله منه وزميله ده مضطر يسافر ، اتصلت بهاني فرد عليه بصعوبة وصوته كان باين عليه المرض مافكرتش للحظة وقلت لبابا إن صاحبتي في المستشفى في مصر عامله عملية وهاروح أزورها وأرجع اخر النهار ووافق لأنه واثق فيه للأسف،سافرت ورحت على العنوان اللي زميله إداهولي وعقلي يقولي ارجعي لكن قلبي كان صوته أعلى وخلاني أكمل،فضلت أرن الجرس كذا مرة لحد ما فتح لي هاني وشكله تعبان جدا وخلاص هيقع سندته بسرعة ودخلته على سريره وعملت له كمادات وأكلته واديته الدوا وأخر النهار كانت حرارته نزلت خالص فغديته واديته الدوا وقلت له هامشي فضل يبوس إيدي ويقول لي مش عارف من غيري كان هيعمل إيه وفجأة لقيته شدني له حاولت أقاومه ماقدرتش كان أقوى مني بكتير رغم ضعفه ورفض يستجيب لتوسلاتي واتحول لواحد تاني ما أعرفهوش عنيف وقاسي جدا، وبعد....ما أخد غرضه ولقاني باعيط طبطب عليه وقالي إني مراته قدام ربنا وأخر الأسبوع هييجي يتقدم لبابا
وعشان اتطمن وما اعملش فضيحة كتب لي ورقة جواز عرفي،مشيت وأنا منهارة من اللي عملته في نفسي بغبائي ضيعت نفسي وخنت ثقة أبويا ،لكن قلبي فضل يقولي بيحبك وهيرجع لك عشان خايف من الفضيحة، وعقلي يقولي مستحيل يتجوزك بعد ما طالك،أيام وأنا عايشة في الصراع ده لحد أخر الأسبوع وطبعا ماجاش واتصلت بيه موبايلي مقفول ، روحت أزور خالتي وسألتها عنه قالت لي سافربره يدور على شغل،شهقت وفضلت أعيط وألطم ولما هديت حكيت لها على اللي حصل ووريتها الورقة،فقالت لي إن دي غلطتي مش غلطة ابنها وإني لوحدي اللي لازم استحمل نتيجة غلطي،فضلت مذهولة. ومش مستوعبه الكلام لحد ما قالت لي مش جايز الورقة مزورة وإني باعمل كده عشان ألزق عملتي في ابنها، خرجت من عندها وأنا عارفة إني انتهيت وإن الموت مصيري، بقيت أروح الكلية وأتحرك في البيت مجرد جسم من غير روح، ومستنية قرار الحكم بالاعدام كل لحظة،حتى بابا لاحظ إني متغيرة وكنت باتحجج بالمذاكرة عشانها أخر سنة،
لحد ما في يوم وقعت من طولي في الشارع قدام الكلية ونقلوني المستشفى،واتصلوا ببابا ولما جه الدكتور قاله إني...حامل ومحتاجة رعاية،شفت في عينيه نظرة قهر وانكسار ما شفتهاش قبل كده،روحنا البيت من غير ما يكلمني ولا كلمة وأول ما دخلنا بيتنا فضل يشتمني ويضربني وما حاولتش ادافع عن نفسي لأني أستحق الموت،لحد ما غبت عن وعيي وفوقت لقيتني على سرير في عيادة ولقيتك معايا وعرفت إن الجنين نزل من ضرب بابا ليه وإنك انقذتني وأخدتني عند دكتور معرفتك من غيرماحد يعرف،وإن أبويا من الصدمة جات له جلطة وأثرت على حركته، وعشان تنقذ عمك وسمعته اتجوزتني،والله دي الحقيقه، أنا مافرطتش بإرادتي هو اللي اغتصبني السافل وأنا حاولت أقاومه، أنا تربية إيدك وانت عارف إني مهما حصل مش ممكن أغضب ربنا، أنا غلطت لما آمنت له وافتكرته هيصون صلة الدم زي انت ما بتعمل، لكن لقيته سافل ولا بيصون حرمات ولا بيخاف ربنا، حتى خالتي ضحت بيه عشان ابنها .
سكت للحظات فقال فريد دون أن ينظر إلى:
-نامي يا سلوى وانسي اللي فات
-ياريت أقدر أمحيه مش بس انساه لكن دي لعنة هتفضل تطاردني العمر كله.
