رواية كالعمر الضائع الفصل الاول
الجزء الاول
جريت علي اوضتي وانا منهارة وبعيط
كنت عارفة مصيري
دخلت عليا ماما وهي مستغربة ووراها اخواتي الصبيان
زينب: ايه الي جابك يابت
وفين جوزك
اتكلمت وانا بعيط: ماما ارجوكي خلينا نتكلم لوحدنا شوية
زينب: استنوني برا
قفلت الباب وقعدت جمبي
زينب: احكي
آيه: مبقتش قادرة اكمل
كل يوم يضربني ويهيني
ويوم ينزلني الجامعة وعشرة لا
انا عايزة اتطلق
زينب: قطع لسانك
انتي عايزة تجيبلنا العا*ر؟!
دة جوزك يعمل الي عايزه فيكي
وبعدين لولاه مكنتش هخليكي تكملي تعليمك اصلا
آيه: ياامي افهميني
زينب: بس يابت
انا هتصل بجوزك يجي ياخدك
آيه: لا ياامي مش هروح معاه
مش هرجع البيت دة تاني ابدا
زينب: انتي بتكسري كلمتي؟!
نادت علي اخواتي بصوت عالي وكلهم جم
حكتلهم علي كل حاجة وبدأوا يبصولي ب شـ*ر
زينب: كلم الحج فوزي يامحمود
اتكلمت وانا مقهورة وبعيط: لا مش هرجع معاه تاني لا
انا هربت منه بالعافية
مسكني بدر اخويا الكبير من شعري جامد
بدر: انتي هربتي منه؟؟
اتكلمي
زينب: سيبها يابدر عقبال ما محمود يكلم الحج فوزي وبعدين اضر*بها براحتك
كلم محمود فوزي فعلا واعتذرله نيابة عني وفوزي قالوا انوا هيجي بليل لانه مش فاضيلي دلوقتي
محمد اخويا الصغير: طيب بس دي ممكن تهر*ب تاني مننا وساعتها الحج فوزي مش هيسكتلنا ابدا
زينب: خلاص حطوها في الاوضة الي بنحط فيها الحاجات القديمة عقبال مايجي
فعلا بدر مسكني جامد من ايدي ورماني جوا الاوضة وقفل عليا
كانت الدنيا حواليا ضلمة
مكنش فيها اي صوت
غير صوت دموعي الي نازلة زي الشلال
يتبع✨🤌
#بقلمي_سلمي_شريف
#اصغر_كاتبة
#كالعمر_الضائع
