رواية فيروزه جحيمي الفصل الخامس عشر 15 بقلم دنيا حسن
بارت 15💫💫
فيروزه جايه تديلها القهوه وقع منها حبه من غير ماتقصد علي جيبه سميحه
سميحه قامت بنرفزه: انتي غبيه ازاي تعملي كدا
امل : ماما محصلش حاجه لكل ده
ليلي زقت امل : انتي ازاي تعملي كدا يازفته
انا هوريكي هعمل فيكي اي وجايه تشد شعرها
زين دخل ومسك ايديها بشده لدرجة ان كان هيفتفت عظامها بايده
ليلي وهي بتحاول تفك ايديه: انت واقف معاها كدا ليه
زين وهو ماسك ايديها جامد : عشان مراتي ومحدش ليه الحق ان يهين مراتي في بيتي مفهوووووووووم
سميحه: الله الله يعني انت قابل ان امك اللي ربيتك تتهان في بيتك
زين ساب ايد ليلي وراح وقف قدام سميحه ومسك ايد فيروزه بكبرياء: اولا هي ماهانتكيش ثانيا بقا فيروزه مراتي ومحدش ليه الحق ان يهين مراتي وفي بيتها وثالثا بقا اي اللي جابكو هنا
سميحه: عايزه اشوف ابني اجرمت كدا
زين :لا ياأمي بس لو عايزه تشوفيني كان ممكن تتصلي عليا وانا اجيلك...... محمد.. محمد.. محمد
محمد: نعم يااستاذ زين
زين : وصلهم للقصر
سميحه : ماشي... ماشي يازين
ومشيت وامل مشيت
ليلي توجهت لفيروزه بكل غل : حببتي يافيروزه وحشاني اووي كنت عايزه اقولك حاجه زين كان نفسه يقولهالك ومخبيها عليكي......
زين مسكها وشدتها طلعها برا = انتي عايزه اي هاااا
ليلي : عادي عايزاكو تطلقو
زين : انا مش هسمحلك تاذيني تاني ولو علي السر فهقولو ليها في الوقت المناسب ابعدي عنننا بقاااا
ليلي : لا مش هبعد افهم بقا انت ملكي انااا وبس
زين بعصبيه : انا مش ملك حد غير فيروزه ولو مش عايزه تفهمي انا هفهمك امشي من هنا يلا احسن ماطلقك حالا
ليلي : همشي بس هرجع تاني صدقني
ومشيت ليلي هي وأمل وسميحه
وزين دخل لقي فيروزه قاعده وفكه شعرها وبتذاكر
زين : فيروزي ذاكرتي
فيروزه ضحكت : متبطل بقا كلمه فيروزي دي يعني انا اقولك اي بقا
زين بغرور : سهله هتقولي زين الرجال
فيروزه بضحك هستيري : يخربيتك فصلتني
زين راح باسها من خدها بسرعه :ولسه هضحكك اكتر بس تفرجي عني
فيروزه بعدت شويه : احم انا هروح احط الاكل ناكل وقبل ماتقوم = بقولك اي نسيتني صحيح
زين : قولي ياحياتي
فيروزه : هو اي الحاجه اللي كانت هتقولها ليلي
زين بيحاول يخبي: سيبك منها دي غيرانه مننا اصل احنا عرسان جدد وكدا بقا
فيروزه بعدم فهم: ااه قولتلي ماهو باين يلا انا هروح احط الاكل.
راحت حطت الاكل وهو قام وقعد علي السفره كان يتراس السفره وهي قعدت في الكرسي اللي جانبه بالظبط
زين وهو بيجهز لقمه وبيمدها لفيروزه = القطر رايح فيين رايح فين
فيروزه : هاكل لوحدي.
زين بحذر : فيروزه
طبعا اكلتها وفضلو يضحكو مع بعض و يهزرو وطلعو علي فوق
فيروزه : هدخل اغير في الحمام
زين : تمام هستناكي عشان اخدت شاور
ودخلت فيروزه وبصت للمرايه تاني = ازاي ازاي اي الشعور ده ياربي اللي يخليني احس معاه بالامان وهو اللي اذاني ياربي بقا ارشدني علي الطريق الصح
وخلصت لبسها وخرجت وهو كان مستنيها
زين :اتاخرتي اووي انتي كويسه
فيروزه : انا كويسه متقلقش
زين : تمام انا هدخل اخدت شاور
فيروزه :تمام
فيروزه راحت تقرا روايه وبعد نص ساعه زين خرج من الحمام وكان لافف فوطه وكان عاري الصدر وشعره بينقط مياه وهو بينشفه
فيروزه بصه ليه وهي فاتحه بقها وخبت عينيها فجأه = روح يازين البس حاجه
زين بصلها باعجاب من حبيبته اللي بتتكسف : روح يااي
فيروزه : زين.
زين بمياصه : لا انا عايزه الكلمه اللي بحبها
فيروزه : هي اي... اه اه افتكرت... روح يازين الرجال وضحكت اووي
زين راح غير هدومه بالفعل ونام جنبها = عايزك تذاكري كويس عشان تحققي حلمك
💫💫💫💫💫💫💫💫💫💫💫💫💫💫💫💫💫💫
........... مر اجمل 11 شهر في الفتره دي كانت بتيجي امل عند فيروزه عشان الدروس واتقربت امل من محمد وبدا محمد يعشقها بجنون وخلاص جوري هتتخطب لكريم وهيتجوزها بعد التخرج و فيروزه بدات تحب زين لا لا بدأت تعشقه بس للاسف معترفتش لنفسها كانت كل شويه تكدب نفسها علي اساس ان هتخليه يحبها بس مكانتش عارفه انها كمان هتقع في نفس الفخ وهتحبه وزين كان بيحاول يبعد ليلي عن البيت وعن فيروزه خالص وبالنسبه لحافظ فالجد قاله ان هياخد طار ابنه بايده وهدي مكانتش بتبطل انها تخرب سعاده زين بس بتفشل يعيني كل مره وسميحه هديت وعرفت ان سعاده ابنها مع فيروزه لان شافته سعيد واتغير خالص عن الاول واتمنت ان كان اتجوز فيروزه في الاول وربنا هداها وبقت تكره ليلي لانها لاحظت ان ليلي مبتحبهوش هي عايزه تملكه وخلاص بس فرحت ان زين واقف مع فيروزه وبيبعد ليلي عنهم
وسنيه مبسوطه في حالها ويونس زين سفره برا عشان يبعد عن امل اكتشف ان هو مكانش بيحب امل ده كان معحب اعحاب متخلف وعرف انه من غيرها عادي يعني مش فارقه معاه
........................................... 💫💫💫💫💫💫💫
وفي يوم
زين : الو
صلاح : عايزك فورا
زين : انا مش فاضي.
صلاح: لو مجتش هوريك وشي التاني
زين: هحاول اجي.... فيروزه.. فيروزه
فيروزه بضحكه جنان: نعم... عايز اي
زين : نتيجتك امتي
فيروزه : بكره في حاجه
زين :لا ياحبيبتي
فيروزه :زين انت متضايق صح
زين: ليه بتقولي كدا
فيروزه : عشان قولت فيروزه مش فيروزي
زين حاول يداري وابتسم : لا ياحبيبتي مفيش حاجه وباسها من خدها =انا هروح مشوار كدا ومش هطول
وبعد عده ساعات زين وصل البيت وبيخبط علي اوضه جده.
صلاح : ادخل
زين دخل وقفل الباب وراه وراح قعد علي المكتب=عايز اي
صلاح : والله بقت عايز اي تمام اووي انا عايز..........
زين : رزع علي الطرابيزه...... مستحييييييييل
يتبع💫💫💫💫💫💫💫💫💫💫💫💫💫
خمنو بقا اي الطلب واللي هيخمنو صح هقول اسمه في البارت اللي جاي واعمله منشن ياقمرات😇😇💫💫🥺🥺🥺. قمرات زودر التفاعل ممكن🥺🥺
