رواية جرحني ولم يبالي الفصل السادس عشر 16 بقلم بسنت الشيخ
جرحني ولم يبالي 16
حياه : وقفت لي يا أدهم
ادهم : البيت مافيش فيه أكل هشتري حاجه ناكلها وبعدين نتحرك
اماءت له حياه بصمت وهو نزل وهي بردو حاسه بألم في بطنها مش دايم بيروح ويجي وهي بدأت تخاف بس قالت لنفسها أن بكره تروح لدكتوره
وبعد حوالي ربع ساعه جه أدهم لقي حياه مغميه عينها وباين عليها الإرهاق
ادهم : حياه .... حياه ... انتي كويسة مالك
حياه : مافيش اتحرك بس عايزه ارتاح وهبقي كويسة
أدهم : لو تعبانه نروح مستشفي
حياه : لا يلا بس الجو برد علي البنت حرام تستهوي
وصلوا للبيت بعد شويه وشال أدهم ليله ونادي البواب يشيل الأكياس وسند حياه عشان يطلعوا
أدهم : شكرا يعم سيد
سيد : العفو يا بشمهندش وحمد الله علي سلامه الهانم
قفل أدهم الباب ودخل لقي حياه في الحمام مرضاش يزعجها لقي بنته صحيت من النوم
أدهم : صباح الخير باليل أي كل ده نوم سيباني كل ده لمين
ليلة : بابي احنا فين دي مش اوضتي
أدهم : دي اوضتك الجديده يقلبي مش عاجباكي
ليله : حلوه بس مش فيها لعب مامي فين انا جعانه اوي
أدهم ارتبك ومعرفش يرد دخلت حياه في الوقت ده وأنقذت الموقف
حياه : أي ده معقول اميره عندنا في البيت انتي جايه من عالم ديزني اكيد
ليلة : بابي مين دي
أدهم : دي حياه ......
قاطعته حياه : ممكن تسألني انا لي بتسألي بابي عموما انا حياه وهبقي سعيده اوي لو اتعرفت بالقمر
ليله : انا ليله وانتي
حياه : وانا حياه أي رأيك ناكل انا وانتي سوا سوا
ليله : بس مامي هي اللي بتعملي آكل هي فين
حياه : مامي يا برنسيس راحت مشوار وهتتأخر شويه وقالتلي أن أعمل لليله أكل لحد ما نروحلها أي رأيك
ليله : هي قالت اني لما مش الاقيها هتبقي راحت عند ربنا وإني لما اعوز اشوفها ادعيلها وهي هتجيلي في الحلم
حياه قلبها وجعها اوي علي الطفلة دي والبراءة اللي بتتكلم بيها وحاولت انها تخرجها من الكلام ده
حياه : شطوره بس أي رأيك تاكلي معايا بعدين نشوف فيلم ولا علشان انتي اميره هتتكبري علينا بقي
ليله : لا هاكل معاكي انتي كمان اميره وشبه روبانزل عشان شعرك طويل اوي زيها
ضحكت حياة وبصت لادهم اللي ابتسم علي بنته وان حياه عرفت تحتويها بسرعه
حياه : طب يلا بقي احسن النونو جعااان اوي اوي ومش قادر
ليله : هو فين النونو ده
شاورت حياه علي بطنها وقالت : هنا جوه
ليله : مش عايز يطلع ليه
حياه : شويه كده وهيطلع وانتي هتسميه كمان
ليله : هو هيفضل معانا علي طول
أدهم : اه يا حبيبتي عشان النونو يبقي اخوكي وحياه تبقي مامته وانا باباه
ليلة : يعني هيقولك بابي زيي وهتجبله لعب
حياه : هيحيب ليكوا انتوا الاتنين وتلعبوا بيها سوا وممكن تطلع بنت وتلعب معاكي
ليلة : اوكي
حياه : يلا بقى ناكل تاكلي أي
ليله : مامي كانت مش برضى تأكلني بليل غير سلطه خضار عشان سناني
حياه : بس مامي مش هنا ممكن ناكل اللي احنا عايزينه نودلز مثلا
ليله : يااااااي اكيد موافقه
حياه : طب يلا
عملت حياه ليها ولليله الأكل وحطت لادهم الأكل
اكلوا وغسلت الأطباق وطلعت لقت ليله نامت وكانت داخله تنام هي كمان بس وقفت لما لقته بيقول
أدهم : حياه عايزين نتكلم
حياه : ..........
يتبع : ................
روايه # جرحني ولم يبالي
بقلمي # بسنت الشيخ
بارت 16