رواية الاسطي غزال الفصل السابع عشر 17 بقلم ندا الشرقاوي
#الاسطي_غزال_17
#ندا_الشرقاوي
هند.... جاي.... دلوقتي يقولي.... زين مش هبعد عن أروي ولازم يموت.... كان هيموتك يازين.... شوفت ياحبيبي انا موته علشانك سبها وتعال نعيش سوا لوحدنا.... أنا عملت كده علشانك..... أنا هجبلك أطفال كتير..... بص ونسافر نبعد عن هنا
الجميع كان في صدمه من حديثها
أروي بصراخ...... أنتِ مجنونه مجنونه
هند بجنون.......خدتي كل حاجة عندك أهل بيحبوكي.... عندك صحاب..... عندك شغل.... عيله كبيره معاكي فلوس ومهما أكبر هتفضلي أنتِ أعلى ..... حتي زين حبك أنتِ مش أنا ليه فيكي اي زياده
جاء زين ليجيب لكن سمعوا صوت الإسعاف والشرطه
هند بصراخ..... لا أنت هتسبني يازين
اقترب كريم ببطئ شديد وامسكها باحكام حتي لا تقاومهم
دلفا كل من رجال الشرطه لياخذا هند التي كانت تصرخ بجنون، ورجال الإسعاف يأخذوا جثمان عاصم ويخبروهم بوفاته
صرخ الجميع واحتل وجههم الحزن مهما يكون قاسي وعديم المشاعر لكن في الاخر جدهم ووالديهم
عدا يومان وخرجت الجثمان من المشرحه وتم تحويل هند إلى النيابه .
واليوم هو جنازه عاصم التهامي كان أكبر رجل أعمال في مصر وأقدم والذي جمع ثروه ماهوله كبيره لا أحد يعلم عددها كان يتملك الكثير من القصور والكثير من الڤيلا والأراضي والشركات، ويرتدي أغلى ماركات عالمية ماذا بعد ذلك؟ترك كل هذا وينام تحت التراب لا يوجد حرير ولا فراش ملكي فقط تراب ومكان صغير للغايه. لا تأخذ من الحياه ولا ملابس ولا مال ولا اسم عيله ولا اي شئ فقط تاخذ عملك في الدنيا.
كانت علامات الحزن على وجه الجميع، غزال بجانب كريم لا تتركه أبدا، وزين يلازم أروي بصمت ولا يتحدث كثيرا إلى الآن يفكر أنه قصر في حق والده وأنه كان يريد أن قتل عاصم يكون على يده. ويفكر لو كان هو من قتل عاصم كيف ستكون العلاقة بينه وبين أروي بالتأكيد كانت الحياه بينهم غير مفهومه لأنه كان سوف يتم القبض عليه.
رجعوا من الجنازه
وكان زوجات الكثير من رجال الأعمال متواجدين وسيدات الأعمال
وجدت غزال كريم يقف شارد بتفكيره اقتربت منه وعانقته من الخلف اخذ نفس عميق وأمسك يدها قبلها بعمق
غزال..... تعبان
كريم بصوت مرهق..... أوي..... جدي مكنش وحش ياغزال هو اه مكنش بيعبر عن حبه لينا بس كان فاكر أن علشان احنا شباب مش هنقدر نحافظ على الثروه دي ولا على الاسم بس حبه لينا كان باين في عينه.... بس للاسف الفلوس كانت أهم واهو مخدش حاجه لما مشي ليه مسابش سيره طيبه لحد دلوقتي مش قادر ارفع عيني في عين زين مش قادر.
غزال..... ربنا يرحمه ويغفرله
كريم..... اسف إني اهملتك الفتره دي
ابتسمت قائله.... أنت عمرك ما اهملتني أنت بتهتم بأقل حاجه في حياتي برد حاجه من جميلك
كريم.... مفيش فرق بنا
..... كريم
كريم..... حاضر يابابا.... ادخلي ياحبيبي من البرد
دلفت غزال إلى الداخل تجلس مهم وكريم مع محمد وإيهاب
إيهاب..... كريم أنت هتفضل هنا
كريم بتوتر..... أيوه بس ياعمي
إيهاب.... اللي مشيت علشانه خلاص مشي تعال بقا وعيش معانا
محمد..... كلام عمك صح وأنا عاوزك جمبي ولو على غزال أنا متقبلها
كريم وضع يده على شعره من التوتر..... طب خلوني أعرض الفكره على غزال لأن هيا كمان من حقها تختار تعيش فين
إيهاب..... أعرض عليها يابني ونشوف القصر كبير اهو انت شايف وهحاول كده مع زين.
كريم..... مهو... زين باين عليه كده مش هيرضي
محمد..... اللي حصل حصل احنا نعيش للي جاي اللي راح راح
كريم..... تمام هنشوف
بعد مرور 4أيام
ورجعت الأمور تستقر ، مره ثانية، زين يتجنب أروي إلى حد ما، كريم عرض الفكره على غزال وقالت له أنها ترد مهله لكي تفكر، ماجي تضع كل تركيزها في الورق والتصاميم لها ترد أن تفوز بلقب أصغر مصممه أزياء في مصر ونادر يساعدها في ذلك.
دق الباب على غرفة كاميليا
كاميليا..... أدخل
دلفت غزال وهي تقول..... قالولي أن حضرتك منتظراني
كاميليا بحنو..... أيوه تعالي
جلست غزال بجانبها.... بصي ياغزال أول حاجه جوازك من كريم كان لسبب معين بس أنا شايفه دلوقتي أن هو حبك وأنتِ حبتيه تقدري تنكري
غزال بحرج..... منكرش
كاميليا..... يعني موافقه تكملي كازوجه لكريم التهامي
غزال..... موافقه
نزعت كاميليا الخاتم من يدها وكان هذا خاتم عريق وذو قيمه
كاميليا..... يبقا تستلمي دا
غزال..... دا بتاع حضرتك
كاميليا...... الخاتم دا مش بتاعي هو بتاعي مؤقت لحد ما تيجي اللي بعدي الخاتم دا كان بتاع حماتي وقبلها كان لحماتها دلوقتي اقدر اسلمهولك ولما تجيبي ولد تديه لمراته بعد عمرا طويل
غزال..... مش عارفه اقول لحضرتك اي
كاميليا..... متقوليش تاخدي الخاتم وتكملي مع عيله التهامي
(هوسوني بعيله التهامي 😑)
غزال..... حاضر
في شركة ماجي الصياد للأزياء
كانت تصمم أحد الفساتين ببراعه ودقه، وبجانبها فرق العمل.
نادر بهمس .... مالك
ماجي..... صداع مش قادره اشتغل
نادر بنفس الهمس.... فضي الاجتماع دا ساعه وبعدين نكمل لأني مش هعرف اقولهم امشوا الكلمة هنا ليكي
نظرت اليه بمعني حقًا!؟
ماجي..... ساعة بريك ياجماعه
غادر الجميع وبقا نادر مع ماجي
ماجي...... ايدي بترتعش في دماغي التصميم بس مش عارفه اطبق عليه
نادر..... طب ممكن تسيبي القلم خالص والورق، ونقعد على الكنبه هناك
ماجي..... حاضر
وبالفعل جلسا على الاريكه سويًا وطلب نادر من أحد المطاعم اثنين بيتزا ومشروبات غازية
نادر..... ناكل وبعدين نكمل لان أنتِ مش في المود خالص لي اللي نزلك
ماجي بأرهاق.... معرفش حسيت اني عاوزه انزل وغير كده حسيت أن ايدي تقلت واني لو صبرت اكتر من اسبوع هواجه صعوبه والمسابقة قربت انا بجهز بقالي كتير لازم اجهز تصميم يبهر مصر كلها
نادر..... هنجهز متقلقيش
ماجي..... نادر أنت ليه جمبي
نادر بعد فهم..... مش فاهم
ماجي..... يعني ليه بتساعدني هو انت مش شايفني مغروره او متكبره زي الباقي
نادر..... لا عارفه ليه لأنهم شايفين ماجي الصياد من بره مش اللي جوه انتِ جواكي طفله عاوزه تخرج
ماجي...... انت الوحيد اللي شوفت صح
في المساء
تجمع الجميع بطلب من إيهاب ومحمد
محمد..... طبعا مرينا بازمه كبيره وربنا يرحم الجميع، انا عندي رأي الثروه متتجزئش ولا كل واحد ياخد نصيبه ونعيش كلنا سوا ودا رأي انا وإيهاب
حكمت..... عندك حق وانا موافقه
محمد..... غزال أنا بعتذر ليكي
قاطعه غزال قائله.... لا ياعمي متعتذرش
محمد..... لا يابنتي معظمنا غلط في حقك وأنا بقولك نورتي العيله
غزال..... نورك
إيهاب..... اي رايك يازين
زين بشرود وهو يلعب في دبله زواجه..... في اي
إيهاب..... في اللي قولنا
زين..... الكلام يخص عيله عاصم التهامي مش زين سلمان
إيهاب..... ما انت واحد منا
زين...... لا لا أنا مش واحد منكوا فاهمين غلط من امته كنت واحد منكوا لما طلبتها منكوا أكتر من 3مرات وفي الاخر جوزتوها لما ترجع دموعها على خدها وأنا مش قادر أقرب منها لأنها محرمه عليا وعلى ذمه راجل تاني لما يحصل كل حاجة بسبب عاصم التهامي واتجوزها في الاخر يطلع هو اللي مدبر لاقتل ابني اللي لسه مجاش على وش الدنيا، شاف حفيدته بتصرخ على ابنها اللي مكملتش فرحتها بيه ولو يوم وفي الاخر اعرف ان هو السبب في موت ابويا اسف انا مش هقدر اكمل
أروي بصوت مهزوز...... يعني اي يازين
زين خلع دبلته وبص ليها جامد وحطها قدام أروي..... يعني مش هقدر ياأروي أنا آسف
أروي برفض...... لا يازين
زين...... مش هقدر يا أروي
أروي..... طب نمشي سوا أنا مش عاوزه حاجه أنا عاوزه اكون معاك أنت
زين..... عاوز ابعد فتره
أروي..... وأنا معاك
زين..... جهزي نفسك هنمشي دلوقتي بس كلمة أروي القصر لا هتعملي حسابك من دلوقتي أول ما هطلعي من هنا مش هترجي غير لما أنا أقول
أروي..... موافقه
وبالفعل ركضت إلى الأعلي لتستعد وغادا زين وأروى
كريم..... من حقه يعمل اكتر من كده
محمد..... وأنت ياكريم
كريم..... أنا اي
محمد..... هتفضل هنا ولا هتمشي
غزال..... هنفضل
محمد.... طيب كويس
في سياره زين
زين...... أنا خيرتك قبل ما تطلعي أن مفيش رجعه غير بمزاجي
أروي أمسكت يداه وقبلتها بحنو قائله..... مكان ما تروح أنا معاك أنت تعبت يازين
زين..... أخيراً حد فاهمني
أروي..... حبيبي خد وقتك أنا عارفه ان اللي حصل صعب يتنسي بس فكر أنت لو فضلت بعيد هتخسر صاحب عمرك كريم
زين.... دا اللي مزعلني أن مش قادر
أروي..... سوا هتقدر وهنفضل بعيد لحد ما تقدر
زين..... ربنا يخليكي ليا
أروي بابتسامه جذابه أظهرت غمازتها..... ويخليك
وكمل طريقه إلى المنزل
في المساء
في قصر التهامي، في جناح كريم
غزال.... وحشتني أوضتي في الشقه
كريم..... أنتِ اللي اخترتي
غزال..... مينفعش نمشي ياكريم القصر هيفضي عليهم أروي وزين مشيوا وماجي مسيرها تمشي ولما احنا نمشي هيحسوا أن الدنيا فضيت عليهم وغير كده فكرة في المستقبل أن ابني يسبني ويمشي دي صعبة
كريم..... فعلا
ثم استطرد..... بس الخاتم جميل على ايدك
غزال..... فعلًا جميل وزوقه حلو
كريم..... والمدام ناويه تنزل شغل أمته
غزال بمكر...... فعلًا عاوزه اروح الورشة
كريم.... ورشه اي أنتِ هتنزلي الشركه بس وتروحي معايا وترجعي معايا
غزال..... تصبح على خير ياكيمو
كريم بيأس.... أيوه انا عريس مع إيقاف التنفيذ يعني.
غزال..... نام ياكريم
كريم..... اتخمدت
مر شهر على حياتهم
لم يتواصلوا مع زين وأروى وذلك بطلب من زين حتي في العمل يتحدث زين وكريم في أمور العمل فقط .
واليوم هو الحكم على هند في قضية قتل عاصم وقضية تسمم أروي لأنها اعترفت بكل شئ
...... محكمه
بعد الإطلاع على أرواق القضيه، وتحريات قررنا نحن رئيس رئيس محكمة جنايات *****تحويل أوراق المهمه هند عبدالحي إلى مُفتي الدار المصريه.
( رُفعت الجلسه)
بعد التخطيط الدقيق للقتل والشر كانت الأخره لها من نفس عملها، لذلك اكتفي بما كتبه الله لك، ولا تنظر إلى ما في يد الآخرين لا تعلم ماذا أخذ الله منه لكي يعطيه المال الوفير ولا تعلم ماذا اخذ الله لكي يعطيه الصحه والزوج والعائله،لذلك اكتفي.
في القصر
كريم..... أخيرا
غزال..... فعلا الجزاء من جنس العمل
محمد.... مفيش أخبار عن أروي
حنان..... للأسف مفيش، بس أنا مطمنه طول ما هيا مع زين
حكمت..... ربنا يهدي الجميع
في المساء دلف كريم إلى الغرفه وجد إضاءة هاديه وتوجد منضده في المنتصف يوجد كعكه صغيرة تليق بهم مختلفه عن باقي القوالب، قهقه بشده على هيئه الكعكة واقسم أنها مجنونه

خرجت وهيا ترتدي سلوبت من خامه الجينز وفي يدها أدوات التصليح
غزال......حبيت أغير النظام اي رايك
كريم..... بجد جميل اوي التغيير
غزال..... اي رايك في التورته ولا المفك اللي عليها تحفه
كريم بضحك..... عندك حق
غزال...... ولا السلوبت تليق بالاسطي غزال
كريم.... كل حاجه تليق بالاسطي غزال
غزال..... نقطع التورته
كريم..... نقطع بس اي المناسبه
غزال..... نقطع بس
امسك بيدها وبالسكين وقاموا بتقطيع الكعكة
غزال قطعت قطعه صغيره ووضعتها في فمه قائله..... بحبك ياكريم
عند سماع عبارتها توقف الطعام في حلقه ثم سعل حتي أحمر وجهه.
غزال..... اشرب في اي
أخذ الكأس من يداها وأنهى على الفور
غزال..... حصل اي
كريم.......حد يقول كده في الأكل
غزال لكمته في كتفه قائله..... محسسني اني جربت قبل كدة
كريم..... طب قولي تاني كدة
غزال بخجل...... بحبك ياكريم
قرب خطوتين منها لكي يعلمها أصول العشق، ويضع ملكتيه عليها لتصبح زوجته قولًا وفعلًا، كم اشتاق لهذا اليوم.
في صباح يوم جديد استيقظ على أشعه الشمس التي اخترقت الغرفه لتسقط على عيناه
ليقوم عن الفراش بكسل وخمول وينظر إليها، سمع رنه إشعار هاتفه امسك الهاتف ليري أنها رساله من زين فتحها على الفور
زين...... كريم دلوقتي أنا في المطار وهسافر بره مصر وهتابع الشغل من هناك وعلشان تستريح أنا رايح أسبانيا ولو بعدت حد يراقبني أنسي انك تعرف مكاني ومعرف هرجع أمته ادعيلي
كريم بصدمه..........
بارت طويل وضح كل حاجه
رايكوا في البارت وفِ الشخصيات وإن شاء الله البارت الجاي هتكون الحلقه الأخيره وهنودع الاسطي غزال.
البارت يستاهل تفاعل عالي
