روايه حياه ظابطه الفصل الخامس واربعون بقلم سما الحملاوي

 

روايه حياه ظابطه الفصل الخامس واربعون 




#حياه_ظابطه🖤

#البارت_٤٥🖤

عند عائشه....

كانت قاعده في الاوضة حزينه دخلت عليها ايمان وهي بتقولها....صاحبتك جت وعاوزه تدخلك 

عائشه افتكرت ياسمين ف قالت خليها تدخل.... 

دخلت ديما....

عائشه قامت بسرعه...انتي اييييييه جااااايبك هنااااا 

ديما ببرود....انا الي بعت الصور ليونس 

عائشه بصدمه....ايييه انتيييي 

ديما بهدوء....اسمعيني للأخر 

عائشه بغضب....اطلعي براااا مش عاوزه اشوف وشك 

ديما ببرود قعدت وشدتها تقعد....اسمعيني يا عائشه انا فعلا وحشه بس مش للدرجة انا حياتي كانت كلها فلوس وخروج والي بطلبه بيجيلي بصي انتو اغنيا اه وعايشين في فيلا بس متربين صح وانتي بتصلي ومحجبه واهلك كذلك انا امي متوفيه وابويا عايش اكنه شاب في بداية حياته وللأسف بيشرب مش بيصلي وبيصاحب بنات وهو اصلا مريض قلب بس ولا بيهموا وعلى طول يديني فلوس الي عاوزاها واصرف ومش بخلي نفسي في حاجه مش بعملها

عائشه بهدوء....كملي 

ديما بدموع....حتى الي حواليا عاوزني عشان فلوسي وبس محدش وجهني للصح كنت ديما بفكر في كدا بس كنت بطنش واما شوفت ادهم واتصاحبنا انا فهمت انو بيحبني وبحبه بس عرفت انهاردة اني محبتهوش وحسيته من حاجتي زي ما كل حاجه بطلبها بتجيلي انهاردة يونس وحمزه جم النادي ليا وحمزه فعلا فوقني بكلامه انا بعتذر ليكي على كل حاجه 

عائشه قربت منها وطبطبت على ايدها....ممكن تهدي كل حاجه هتتحل وانا قابله اعتذارك 

ديما حضنتها بسرعه....شكرا ليكي واه ادهم بيحبك اوي 

عائشه....تسلمي 

ديما بحرج....ممكن تكوني صحبتي 

عائشه بأبتسامه....طبعا ممكن 

ديما ابتسمت وقالت....هجيلك تاني تعلميني الصلاة واللبس الحجاب وكدا 

عائشه....عيوني ليكي 

ديما خرجت ونزلت تحت....

وهي خارجة قابلت حمزه ويونس....

ديما بأبتسامه....شكرا ليكم اوي على الي عملتوا معايا انا فوقت بجد 

حمزه بأبتسامه....ربنا معاكي يارب ويوفقك 

ابتسمت ومشيت....

حمزه ضحك وبص ليونس وقال....مش قولتلك 

يونس....طب يلا يا خويا😂

دخلوا وسألوا على احمد وراحولوا...

يونس....احم بابا ادهم جاي يتقدم لعائشه 

احمد قام بغضب وعصبيه....نعم انا لا يمكن اوافق 

حمزه بهدوء....ياعمي استنى بس 

احمد....استنى اييييه انتو في حاجه في عقلكم

يونس....يا بابا اسمع من حمزه الاول

حمزة....بص ياعمي انا طبعا بعتبر عائشه زي نورا واكتر والله واكيد لو حاجه مش في مصلحتها اول واحد هيقف قصادها هو انا بس كل مافي الامر ان ادهم كان جاي يتقدم الفترة دي ولما كلمنا قال انه هيجي وقال لوالده واحنا لو حسينا انه بيتسلى من كلامه صدقني عمرنا ما هنوافق 

يونس....واحنا مش صعب علينا نعرف كدا 

احمد....عائشه غلطت 

حمزه....عارف وهي من الطبيعي تغلط بس احنا المفروض نصلح الغلط ولو هما عاوزين يكملوا سوا مينفعش نكون سبب في تعاستهم 

احمد....طيب بس مش هنرد عليه انهاردة نفهم دماغه الاول واه يامن تحاولوا تبعدوا عن عائشه الفترة دي عشان غضبه دا 

يونس....حاضر يابابا 

حمزه....هستأذنك يا عمي هطلع اتكلم معاها

احمد....اذنك معاك يابني 

حمزه طلع وخبط على الباب وهي فتحت...

عائشه....اتفضل ياحمزه ادخل 

حمزه بأبتسامه....تعالي على الروف فوق بدل ما نقعد في الاوضة 

عائشه بقلق....بابا تحت هيضايق لما يشوفني 

حمزه....لا تعالي انا قولتلوا

طلعوا فوق وقعدوا على الترابيزه...

حمزه....ينفع يا عائشه 

عائشه بحزن....لا 

حمزه....طب و ليه 

عائشه....انا والله ما كنت اعرف انه هيوصل ل كدا وهو كان هيجي يتقدم الفترة دي والله انا كنت عاوزه اكلم بابا بس محرجه 

حمزه بهدوء....طيب ودا هيتحل بالنسبه لساره 

عائشه....انا زعلانه وغلطانه جامد فيها بس والله معرفش عملت كدا ازاي عاوزه اعتذر لها يا ابيه 

حمزه....ماشي بكره هنروح سوا وتصالحيها 

عائشه بحزن....ويونس ويامن وبابا وماما 

حمزه بأبتسامه....هيتحل كل حاجه متقلقيش

عائشه....شكرا ليك يا ابيه بجد 

حمزه بأبتسامه....انتي اختي متقوليش كدا 

عائشه ابتسمت وبصت على الجنينة من فوق وكان فيها يونس واقف بضهره...

حمزه....هتتخرجي امتى 

عائشه....همتحن الشهر الي جاي وبعدها التخرج 

حمزه....طب ابدائي من دلوقتي تذاكري خليكي تتخرجي على خير 

عائشه....حاضر 

حمزه بخبث....ادهم اخر سنه بردو مش كدا 

عائشه بسرحان....اه اخر سنه هيمتحن الشهر الي جاي معايا بردو 

حمزه بأبتسامه خبيثه....اتعرفتوا ازاي بئا 

༺༺༺༺༻༻༻༻

عند ادهم....

قاعد مبسوط انه هيتقدم لحبيبته...

رنت عليه ديما كنسل عليا رنت تاني ف رد بغضب....عاوزه ايييه 

ديما....قابلني في **** كمان نص ساعه 

ادهم....لا 

ديما....هستناك 

وقفلت فضل يفكر وبعدها قرر يروح....

ركب عربيتة وانطلق بسرعه كبيرة ووقف في مكان اشبه بالصحراء...

واقفين بدام بعض بس في مسافة مترين بينهم...

ديما بصوت عالي....انا الي بعت الصور وغلط وكل انسان وبيغلط انت عارف كل الي مريت بيه كويس بس اتعلمت الدرس واعتذرت لعائشه وقبلت اعتذاري وكمان بقينا صحاب ارجوك اقبله انت كمان ادهم انا بعتذذذر 

ادهم بصلها واتنهد وقال....ديما انتي اختي وصحبتي وانتي جواكي كويس وانا بقبل اعتذارك ياستي 

ديما بفرحه....شكرا بجد يا ادهم انت اخ كويس وعلى فكره عائشه بتحبك اوي 

ادهم....هروح اتقدملها انهاردة 

ديما بسعادة....مبرررووووك ربنا يسعدكم 

ادهم بأبتسامه....ويسعدك انتي كمان يا دومه 

ديما بأبتسامه....احم انا همشي انا بئا يلا سلام 

ركبت عربيتها وساقتها وادهم كمان...

༺༺༺༺༻༻༻༻

في مبنى المخابرات المصريه...

في مكتب حياه....

قاعده تراجع الملف لكن لفت نظرها حاجه ف راحت مكتب يوسف باشا...

حياه بهدوء....يوسف باشا في حاجه عاوزه اتكلم فيها 

يوسف....قولي ياحياه 

حياه....هي المهم هتبئا في night club 

يوسف....ايوه بالظبط 

حياه....طب ازاي هبئا بالطرحه وانا المفروض هبئا شغاله في المكان

يوسف....دي خطتك انتي بئا وريني ذكائك 

حياه بتنهيده....تمام ياباشا 

خرجت من المكتب وراحت غرفة التدريبات تشوف الفرق الجديدة الي جايه تدرب....

حياه بجدية....اقف ثاااااابت 

وقفوا كلهم بثبات وهي قالت لهم التعليمات وبدأت تدربهم...

دخل مراد غرفة التدريب وقال....حياه انتي المسئوله عن تدريبهم 

حياه بهدوء....اه لسه هنقسمهم مجموعات 

مراد....تمام ماشي انا ساعه وهروح هتروحي معايا 

حياه....اه ماشي 

خرج من غرفة التدريب وهما خلصو بعد نص ساعه تدريب وخرجوا من الغرفة...

وقفت حياه وبصت على كل ركن في الغرفة وافتكرت اول مرا قابلت حمزه...

حتى افتكرت يوم غنت... 

فلاش باك...

مشي حمزة وقعدت حياة تدندن باغنية ...عادي اهي خلصتت..زي ما كل حكاية بتخلص ايه الي هيجرا وايه الي هينقص ف لو احنا مكملناااش وانا هتعوووود وانت كمان لازم تتعود عمر البعد ما كان بيموت اهي دنيا ولازم تتعاااااش

حمزة كان واقف وسمع صوتها ومحبش يقطعها وصوتها عجبه جدا ..

حمزة...ماشاء الله صوتك حلو اوي 

حياة بخضة...هاا ايه هو حضرتك سمعتني 

حمزة...اولا انا كنت جاي جايبلك قهوة معايا ف سمعت صوتك ومحبتش اقاطعك بس ثانيا بطلي تقولي باشا وحضرتك قولي حمزة عادي 

حياة...شكرا ليك جدا وحاضر هقول عادي 

حمزة...طب خدي القهوة بئا 

حياة بابتسامه...تسلم

باااااك....

༺༺༺༺༻༻༻༻

في فيلا احمد الهواري...

نزل حمزه من الروف بعد ما قعد يتكلم مع عائشه وعرف اتعرفوا ازاي...

حمزه....يونس انا رايح مبنى المخابرات عشان اجهز لبسي وحاجتي لأنيطالع المهمه انهاردة انا وحياه 

يونس....ماشي وانا كدا كدا جاي عشان هراقب تليفوناتكم من جهاز المخابرات بس بعد ما ادهم يجي 

حمزه....تمام ابئي طمني يلا سلام

خرج واتحرك بعربيته وراحه على المبنى... 

༺༺༺༺༻༻༻༻

عند حياه....

كانت قاعده تفتكر وقررت تغني...

ده الي كان نفسي فيه لو تيجي صدفه تجمعني بيه فرصه عمري اضيعها ليه مش معقول


عيني قدام عنيه باكتر من الي حلمت بيه ده اليوم الي انا مستنيه عشان اقول


وياه الحياه هتحلي وانا معاه هو ده الي انا بتمناه والي عيني شيفاه احساس انه احلي واغلي الناس


خلي قلبي يقولي خلاص اهدي بقي لقناه

حمزه دخل 


ايوه هقول واعيد مهو بقي جنبي ومش بعيد فرحه قلبي كانو عيد مستنيه


يلا اهوه جه الاوان مش هستني ليوم كمان لازم اقولو من زمان عيني عليه 

خلى قلبي يقولي خلاص اهدى بئا لقيناااااه

حمزه دخل وسمعها وهي بتغني وقال...الله الله دا انتي بتحبيني اوي بئا

حياه بصدمه....انت بتيجي منين😂

حمزه....من الباب 

حياه بغيظ....اطلع منه بئا 

حمزه بضحك....المهم في حاجه عاوزه اقولك عليها 

حياه....قول 

حمزه بحب....بحبك 

حياه....وانا كمااان 

حمزه....هدخل اجيب كل حاجه هنحتجها في المهم من المكتب وهاجي نروح سوا 

حياه....طيب وانا هقول لمراد 

راح حمزه يجيب الحاجه وهي راحت تقول لمراد...

༺༺༺༺༻༻༻༻

عند يامن وساره...

ساره....متزعلش من اختك يا يامن 

يامن....اقفلي على السيره دي يا ساره لو سمحتي 

ساره....طب ونبي فكر 

يامن....حاضر ياقلبي 

ساره بحب....بحبك خااااالص 

يامن....وانا كمان ياروحي 

༺༺༺༺༻༻༻༻

عند يونس....

قاعد يكلم ونس...

يونس....باقي يومين بالظبط 

ونس....انا فرحاااانه اوي 

يونس....يارب ديما بقولك ياقلبي عاوزاه يكون خطوبة وبعدها فرح ولا ايه رأيك فرح على طول 

ونس....الي تحبه ياحبيبي انا موافقة طلاما معاك 

يونس بحب....نتجوز على طول 

ونس....وانا موافقة ياحبيبي 

يونس....هننزل نشوف فيلا صغيرة كدا ونجهزها بالعفش سوا وكل دا مش هياخد يوم وحياتك عندي 

ونس....المهم اننا سوا ان شالله لو في اوضة وصاله 

يونس....بحبك 

ونس....وانا كمان

༺༺༺༺༻༻༻༻ 

عند مراد....

راح يقابل نورا في كافية....

مراد بأبتسامه....وحشتيني 

نورا....وانت كمان 

مراد....حبيبي بقولك عاوزه نشتري شقة ولا فيلا انا مش عاوز تقلي عن المستوى الي كنتي في 

نورا بهدوء....مراد انا مش بيفرق معايا فيلا ولا شقة دهب ولا سوليتير  شهر عسل في شرم ولا برا مصر انا الي يهمني اني معاك وفي اي مكان 

مراد بأبتسامه...طب عشان كلامك الحلو دا بكره هننزل نشوف احلى فيلا تختريها 

نورا بحب....انا يهمني اكون معاك بس 

مراد بحب....ديما جنبك ياحبيبي 

༺༺༺༺༻༻༻༻

عند ياسين وهدير....

ياسين بفرحه....انا مبسوط اوي ان فرحنا قرب 

هدير بحب....وانا كمان وخلاص مافيش حاحه نقصانا 

ياسين....ربنا يقدرني واسعدك يا روح قلبي. 

هدير بحب....بحبك يا ياسين قلبي 

ياسين....وانا اكتر ياهديري

༺༺༺༺༻༻༻༻

بليل في فيلا احمد الهواري....

قاعدين كلهم وعائشه فوق متعرفش ان ادهم تحت....

ادهم بأحترام....ياعمي انا بطلب ايد الانسه عائشه منك على سنة الله ورسولة 

احمد بهدوء....مجتش تتقدم من بدري ليه 

ادهم....كنت هاجي والله خلال الفترة دي انا بحبها ياعمي وعمري مو كنت اقدر اتسلى بيها لأنها فعلا صحبتي وحبيبتي ومش محرج اني بقول كدا 

سامر....يا استاذ احمد هما غلطوا انهم معرفوش حد بس عيال وطبيعي يغلطوا بس احنا مينفعش نقف في طريق سعادتهم 

احمد.... اكيد طيب انت اتخرجت 

ادهم....الشهر الجاي بأذن الله وبشتغل في مستشفى بتاعت والدي وناوي بأذن الله افتح عيادة خاصه بيا اول ما اتخرج وزي ما تحب عاوزه شقة او فيلا انا تحت امرها 

احمد بأعجاب بشخصية ادهم....بص يابني انت باسن عليك انك راجل ولد المسؤلية بس دي بنتي بردو 

ادهم....هشيلها في عيوني والله 

سامر....هعترها زي بنتي هدير متقلقش عليها 

احمد بهدوء....

قطع كلامه دخول يامن من برا....

احمد....يامن كويس انك جيت ادهم جاي يتقدم لأختك 

يامن بغضب اعمى....لا طبعا مش موافق وعمر دا ما هيحصل على جث**تيييي

  روايه حياه ظابطه الفصل السادس واربعون من هنا 




تعليقات
close