رواية احلام المراهقه الفصل الثالث 3 بقلم هي هي جنتة
السلام عليكم ورحمه الله وبركاته
معاكم اليوم الفصل الثالث
احلام المراهقه
بقلم هي جنتة
مايا وهانا كانو بيتكلمو مع بعض بعصبيه وهانا كانت منفعله
جدا على مايا وطبعا الكلام كان بالكوري وسلمي مش فاهمه
حاجه (وبما اني الوحيده فيكم اللي بتفهم كوري هترجملكو الحوار ههههههههههه 😁😁)
وكمان كل كلامهم مع سلمي بالانجليزي فترجمته عشان عارف ثقافتكم فرنساوي 😁😁😁
هانا :ليه عملتي كدا حرام عليكي دي غريبه ومتعرفش حاجه وباين عليها بنت طيبه
مايا:طيبه 😏انتي اللي طيبه سيبيها تقعد فيها النهارده عشان
تطفش بكرا اصلا انا محبتهاش
هانا :ليه هي عملت لك حاجه دا انتي لسه شايفاها من دقايق
مايا :انتي شوفتي لابسه ايه تخلف ورجعيه
وهيرجعونا باشكالهم المقززه دي لعصر الجاهليه
هانا:بالعكس دا لبسها جميل جدا وحجابها
روعه وشكلها كيوت فيه وكمان دا ميدلكيش
الحق انك تقعديها في غرفه مسكونه 😳
مايا:ايوا عايزاها تقعد فيها يمكن تتلبس هي كمان
هانا اتعجبت بكلامها وكانت خايفه علي سلمي
ولسه هتقول لسلمي على الغرفه قفلت فمها مايا واعطت
المفتاح لسلمي وشاورت لها علي الغرفه
وقالتلها غرفتك دي سلمي اخدت المفتاح
وفتحت الغرفه وجدتها جميله وواسعه
جدا بس اول لما دخلتها لقتها بارده جدا وفيها ريحه غريبه
وحست بانقباض في صدرها وقشعريره بتسري في جسمها
وقالت اعوذ بالله من الشيطان الرجيم وفتحت البلكونه عشان
تهويها وبدأت تنضف فيها تنضيف سريع النهارده عشان تقدر
تنام فيهاوبعد كدا تنضفها كويس وطلعت هدومها وعلقتها
واخدت بيجامه صيفي ودخلت تاخد شاور
الحمام واسع وفيه بانيو وتسريحه وخزنه للفوط وأدوات
للتنضيف اول لما شافت البانيو قالت انا هملاه بالمايه والشاور
جل واقعد فيه شويه عشان اريح جسمي من تعب السفر
ملت البانيو ونزلت فيه وبقت فرحانه بالمايه وبدأت
بالاسترخاء وحطت شامبو على شعرها وغمضت عينها وهي
بتنزل المايه علي راسها شافت بنت قاعده معاها في البانيو
شعرها اسمر وطويل انخضت وفتحت عيونها بسرعه ملقتش
حد قالت يمكن بيتهيألي غمضت تاني وبتشطف شعرها شافت
البنت تاني بس المره دي اقرب من الاول فتحت بسرعه
ملقتش حد قامت من البانيه بسرعه لبست بيجامها واتوضت
وهي مش قادره تتملك في اعصابها ورجليها مش شيلاها
وطلعت من الحمام بسرعه وقفت وحاطه ايدها علي قلبها
وقرأت ايه الكرسي بصوت عالي واذنت في الغرفه وصلت
فرضها وقرأت سورة البقرة فهدأت ونامت والصبح صحت
على صوت المنبه لصلاة الفجر بتوقيت كوريا قامت عشان
تتوضأ وكانت خايفه تدخل الحمام قالت دعاء دخول الخلاء
بسم الله اللهم اني اعوذ بك من الخبث والخبائث ودخلت
الحمام اتوضت وطلعت صلت وبعد شويه لقت د/ري ون بيتصل
سلمي: اهلا دكتور ري ون حاضر دقايق وهكون برا الشقه
ماشي سلام
طلعت من الغرفه لقت هانا برا
سلمي:صباح الخير هانا
هانا: صباح الخير سلمي كيف حالك هل نمتي كويس
سلمي :انا بخير الحمدلله نمت كويس جدا استأذن حبيبتي رايحه المشفي مع د/ري ون
استغربت هانا انها نامت لان مفيش بنت بتقعد ف الغرفه اكتر من نص ساعه
برا الشقه كان واقف رى ون مستني سلمي تطلع
طلعت سلمي وقالت بكل ادب واحترام من غير متبص ليه
اهلا د/رى ون انا جاهز
د/رى ون: يلا بينا المشفي هو المبني الكبير دا
دخل المشفي وهما ماشين بدأ يعرفها علي المشفي وانبهرت
بالمشفي دي اقل مايقال عنها انها فندق فخم جدا وقابلو مايا
واول لما شافتهم مع بعض بدأت الغيره تدب في قلبها
وقالت:د/رى ون انتو جايين مع بعض
ري ون /ايوا جايين مع بعض وبعرف الدكتوره علي المشفي في حاجه
بصت لسلمي بصت كره وغل و حقد
وسابوها ومشيو ووصلو مكتب الدكتور تي يان واستأذنو بالدخول فأذن لهم
رى ون : دكتور تي يان دى دكتوره سلمي المصريه
وقف تي يان ومد يده لسلمي يسلم عليها وبسرعة البرق مد
ري ون يده وسلم علي تي يان وقالو الدكتور مش بتسلم على الرجال
سلمي منبهره باللي عملو رى ون ورفعت يدها الي صدرها
ووجهت الكلام لتي يان :بعتذر يادكتور
تيان :لاعليكي دكتوره لا تعتذري
انتي هتبقي مساعدة د/ري ون دا افضل دكتور عندنا وعلي
فكره هو اصر انه يقابلك بنفسه في المطار ودا طبعا حاجه
نادرة لانه رئيس قسم المخ والأعصاب بالرغم صغر سنه
هتروحي معاه مكتبه واي عمليه تبعه هبقي انتي المساعده بتاعته
استغربت انا المساعده وقابلني بنفسه كانت محرجه جدا لانها
افتكرته دكتور عادي طلع رئيسها
طلعو من عند المدير فتشجعت وقالت لازم اسئله ليه قابلني
سلمي:لو سمحت يادكتور ممكن اعرف حضرتك قابلتني بنفسك ليه ؟
ياتري ليه قابله في المطار وايه اللي هيحصل لسلمي ف الغرفه؟
اترككم في رعاية الله وحفظه
احلام المراهقه
بقلم هي هى جنتة
