رواية النصيب الفصل الرابع 4 بقلم ريل محمد
الايام كانت بتمر وكنت بفتقد أسر فاصغر تفاصيل حياتي بس ما الوقت اتأقلمت على غيابه ...
بعد تلات سنين كنت خلصت جامعة و خالتي سلوى قالت لي انه جالي عريس رفضت قالت لي مش بمزاجك هوا مديتش لكلامها اهتمام و قلت تهديد زي كل مرة
في الليل بابا جيه اتكلم معايا وقالي ان محمد ابن اخت خالتي سلوي متقدملي قلت له بس انا مش عايزة اتجوز
خالد:ليه يا حببتي الكلام دا
ياسمين: انا مش عايزة اتجوز دلوقتي
خالد: انتي زمان كنتي بتقولي عايزة اكمل تعليمي واديكي خلصتي في ايه تاني
ياسمين: يابابا بس انا مش بحبه
خالد:الحب بيجي بعد الجواز يا حببتي
ياسمين: بس انا مش عايزاه و عيطت
خالد: امال عايزة مين يكونش اللي في دماغي ...سكت....فكمل احنا اتفقنا ايه زمان انك مش هتفكري فيه و لا تعلقي قلبك بيه
كملت في العياط و طلعت من طوري صرخت وانا مش هتجوز غير أسر
فصرخ فيا وقال دا على جثتي وبكرة العريس هيجي وهتشوفيه غصبا عنك
وانا خلاص معتدش قادرة اتحمل فصرخت انا بكرهكوا كلكو انا عايزة اروح عند ماما انا محدش بيحبني انا هروح عند ماما هي بتحبني انت كلكو بتكرهوني 😭💔 يا ماما خديني معاكي يا ماما فضلت اتكلم و اتهز لحد ما نمت
صحيت تاني يوم ومرضتش اطلع من الأوضة و لما العريس جيه قفلت على نفسي بالمفتاح و مخرجتش
تاني يوم بابا كان زعلان ومتعصب وقال انا كنت عايزك تقتنعي بس انتي بتعاندي فيا انا كمان هعاند معاكي و هتتجوزي غصب عنك والفرح كمان شهر دخلت اوضتي و اتكلمت مع نفسي و بقيت اقول انا لازم اموت انا مش هعيش مع الناس دي كنت بدور على حاجة انت*حر بيها ملقتش كسرت قزازة و حاولت اجرح نفسي بس في آخر لحظة قلت ان دا حرام انا كدا هموت كافرة و عيطت و رميت القزازة من ايدي و استغفرت ربنا كتير و صليت و نمت
بعد شهر كان فرحي وبابا طول الشهر دا مكانش بيتكلم معايا ولا بيسمعني
وتشاء الأقدار ان دا اليوم اللي يجي فيه أسر و كان في نفس يوم جوازي و عرفت انه سافر تاني يوم على طول انا اصلا مشوفتوش
اتجوزت واتحولت من جحيم للجحيم اكبر ضرب وإهانة غصب فكل حاجة وانا مش عارفه اعمل ايه انا حرفيا كل يوم بضرب و بتاخد غصب كل حاجة بتحصل غصب عني كنت بحس اني روحي بتطلع مع كل مرة بيقربلي فيها و بفضل اصرخ و اعيط في مرة اضربت منه جامد وانا حامل لما عرفت انه اصلا كل يوم بيسكر و بيكون مش في وعيه بس انا اللي مش بفهم دا فكلمت بابا ورحت البيت اول ما دخلت لقيت مرات ابويا بتقول لي انتي هببتي ايه خلتيه يضربك اكيد انتي اللي غلطانة وانتي اللي عصبتيه طول عمرك فقرية و اقعد تشتم فيها وانا كنت بعيط على حالي و على ابني اللي فبطني هعمل ايه بعد ما بابا جيه وشاف جسمي والضرب اللي فيه قال لي انه زودها اوي قلت له انا عايزة اطلق يا بابا انا مقدرش اعيش معاه ..قالي بس يا بنتي انتي حامل استحملي عشان ابنك فعيطت وقلت له يا بابا انا جسمي وجعني من الضرب انا مش عايزة ارجع معاه انا بخاف منه اوي يا بابا عشان خاطري يا بابا
#النصيب4
#ريل_محمد
