رواية احلام المراهقه الفصل العشرون 20 بقلم هي هي جنتة
السلام عليكم ورحمه الله وبركاته
حبيباتي في الله معاكم اليوم الفصل العشرون
احلام_المراهقه
بقلم هي جنتة
مصطفي خلص مكالمته مع الممرض وتوعد لسلمي :مش هتلحقي يادكتوره اخرتك علي ايدي
واتصل باصحابه اللي زيه
مصطفي:ياعطوه لملي تلت اربع رجاله من عندك عندنا شغل
مستعجل بس يكونو النهارده بسرعه
عطوه:حاضر يامصطفى تحت امرك النهارده يكونو عندك
سلمي لمت حاجتها واخدت التقرير والاشعه وطالعه علي قسم الشرطه دخل الفاروق عليها
الفاروق'مروحه بدري ليه كدا
سلمي ':طالعه بدري عشان اروح قسم الشرطه عشان ابلغ عن جوز حبيبة
الفاروق:طب انا جاي معاكي
سلمى:لا خليك انا مش هغيب ولو احتجتلك هرن عليك
الفاروق سابها تمشي بس حس انه قلقان عليها وخايف عليها من حاجه بس مش عارف ايه هي
سلمي:نزلت جراچ المشفي عشان تاخد عربيتها لقت العجل نايم
سلمي:يوه هو دا وقته الحمد لله قدر الله وماشاء فعل
هاخد تاكسي اهو وأحد واقف هناك اهو (وشاورت التاكسي وجه عندها)
قسم الشرطه ياسطي لو سمحت
السواق : اتفضلي اركبي ..........
وبعد مسافه
سلمي :انت رايح فين ياسطي مش دا طريق القسم
السواق: الطريق التاني لسه جاي منه دلوقتي وكان فيه حادثه والطريق واقف خالص
سلمي:لا حول ولا قوه الا بالله العلي العظيم يارب سلم دخل السواق في منطقه مهجور ه
السواق:ايه دا دي العجله نامت هنزل اشوفها
نزل ولف حوالين العربيه وقال:معلش يامدام
دي العجله اللي يمك هي اللي نايمه ممكن تنزلي عشان اركب واحده تانيه
نزلت سلمي بكل براءة متعرفش ايه اللي
هيحصل وهي بتنزل ولسه هتعدل نفسها في
الوقفه لقت قدامهااربع رجاله كتفوها
وبنجوهاوبعد فتره بدأت تفوق لقت مصطفي
قاعد قدامها علي كرسي جات بتتحرك لقت
نفسها متربطه في الكرسي وعلي بوقها بلاستر
قعدت تصرخ بدون صوت وهو قاعد بيتفرج
مصطفي:اهدى ياماما بصي لوشلت البلاستر
وقعدتي تصرخي من هنا للسنه الجايه
محدش هيعبرك ولا هيسأل فيكي هشيل
البلاستر ومسمعش صوتك اتفقنا
هزت سلمي راسها بالموافقة
شال اللاصق
سلمي :اه ا اه ا اه انا عملت فيك ايه عشان تعمل معايا كدا
مصطفي:انتي مش عارفه عملتي ايه بتفتشي
في حاجه ملكيش فيها ليه انتي مالك حبيبة
ماتت طبيعي ولا مقتوله هي ماتت وخلاص مش عشان ماتت نموت احنا كمان
سلمي:ليه حرام هي عملت فيك ايه عشان
تموتها دي شابه لسه صغير والعمر قدامه لسه
طويل ليه تخلي شيطانك يتحكم فيك ليه
مصطفي: عارفه عملت كدا ليه عشان عملت
زيك وفتشت في حاجات مكانت ينفع تشوفها
ليه بتدور ورايا ليه مكانت عايشه سعيده
ومرتاحه وكل طلباتها مجابه ليه وكنت هسامحها بس هي صممت تروح القسم
وتبلغ زى مانتي عملتي كدا ليه بتروحو برجليكو للموت ليه
سلمي::طب وليه تمشي في الغلط ما تمشي
بالحلال افضل فيه بركه وبيدخل الجنه انما
الحرام ولو كان كتير بياخد الحلال في رجله
وبياخد الاخضر واليابس واخرتك ايه جهنم
مصطفي:اسكتي انتي متعرفيش حاجه اصلك
مولوده وفي بوقك معلقه دهب متعرفيش
معني الحرمان والفقر متعرفيش بعني ايه يبقي ابوكي مريض ومش عارفه
تعالجيه ولا امك اللي انحني ضهرها من
الخدمه في البيوت ولا اخواتك اللي كل يوم بينامو من غير عشا
سلمي :دا مش مبرر انك تشتغل في الحرام وتأكلهم حرام
تقدر تقولي ابوك خف لما عالجته من المال الحرام
امك ارتاحت من المال الحرام
اخوتك شبعو من المال الحرام
انت قدرت تعيش من المال الحرام رد عليا
مصطفي:ابويا مات وهو بيعمل العمليه بالرغم
ان الدكتور قالي انها بسيطه وسهله وامي
واخواتي غضبانين عليا ومش راضيين ياخدو
مليم احمر من فلوسي ومش راضيين عني كنت عايز اعيشهم زى الناس
سلمي:وامك واخواتك عاملين ايه دلوقتي
مصطفي: اخويا اللي بعدي بقي دكتور في
الجامعه واتجوز واختي بقت مدرسه
ومتجوزه وعندها ولد واخويا الصغير في كلية
هندسه وكلهم بيشتغلو وامي مش بتشتغل
ومرتاحه بس انا عملت كدا عشانهم والله عشانهم
سلمي:وقتلت حبيبة عشانهم بردو
مصطفي:حبيبه دي كانت انضف حاجه في
حياتي كنت بحبها وهي مكنتش موافقة عشان
كان عندها امآل انها تتجوز واحد عارف ربنا
وعنده دين واخلاق زغللت عيون ابوها وامها
بالفلوس وهي اوهمتها اني انسان ملتزم وبعد
كدا عرفت كل حاجه حاولت معاها واترجيتها تسامحني وانا هتوب بس هي صممت اني
اروح اسلم نفسي ولما رفضت قالت انها هتبلغ عني
واتخانقنا مع بعض ومحستش بنفسي الا وانا
بخبطها بالحديده علي راسها وانتي كمان لازم
تموتي عشان انا مش عايز اتحبس
سلمي غمضت عيونها لما شافته رفع الحديده
ورفع الحديده عشان يخبطها وفاجأه وقع علي الارض
سلمي سمعت صوت خبطه بس مش علي راسها
فتحت عيونها لقت الفاروق وافق قدامها ومصطفي واقع علي الارض
الفاروق جري عليها :سلمي انتي كويسه وهو بيفك قيودها
سلمي اول لما شافته قعدت تبكي بحرقه
بعد دقايق وصل البوليس وقبض علي مصطفى اللي اعترف باللي عملو كلو وبكل جرايمه
الفاروق اخد سلمي روحها علي بيتها وهما في الطريق سلمي قالت : ممكن اعرف انت عرفت منين مكاني
الفاروق:بصلها ورجع بص قدامه وفرك شعره
من الخلف بايده وبعدين فرك دقنه وقال وهو
بيبلع ريقه: اصلي اصلي اصلي كنت ماشي
وراكي بالعربيه مكنتش مطمن وحسيت
ان هيحصلك حاجه ففضلت ماشي وراكي
بالعربيه ولما لقيتهم خدروكي ودخلوكي المكان دا اتصلت بالبوليس
سلمي:انت كنت ماشي ورايا !اومال كنت فين من ساعتها
الفاروق وهو بيبتسم :بصراحه لما لقيتك بتديلو درس
في الاخلاق قلت اسيبكو مع بعض شويه يمكن يتوب على ايدك بس لقيته مصمم وخلاص مفيش مفر قلت ادخل
سلمي بصت علي الفاروق🤨 بغيظ وفي نفس الوقت فرحت🙂
بوجوده وحست انها دلوقتي في امان فنامت في العربيه وصلها البيت واطمن عليها ومشي
تاني يوم سلمي في المشفي بتتابع الحالات دخلت عليها رهف
رهف بخبث: ازيك يادكتوره سلمي عامله ايه انا عايزاكي في موضوع
سلمي:خير يادكتوره في ايه
رهف :ممكن اقولك سلمي بدون تكليف
سلمي بنفاد صبر : ماشي قولي
رهف :سلمي انا كنت عايزاكي تساعديني في موضوع كدا
سلمى:خير يارهف قولي بسرعه مش فاضيه عند عمليه بعد نص ساعه ولازم اجهز لها
رهف:حاضر بصراحه انا بحب الفاروق ومش
عارفه اجيبهاله ازاي ولما شفت اهتمامه بيكي
قلت بينكو حاجه بس عرفت انك متجوزه
وعندك بنت فدا شجعني اكتر وقلت انتي اكتر واحده تقدر تساعدني
سلمي:اساعدك في ايه
رهف :عايزه اوصله واخليه يحبني
سلمي بغيره كتماها ومش قادره تبينها : رهف
الدكتور عندك اهو روحي قوليله انا مليش
دعوه بالموضوع دا وكمان انا مش متجوزه انا
مطلقه كان واقف بعيد الفاروق وسمعهم وحس بغيرتها وفرح جدا لما عرف انها اتطلقت وزعل جدا عشان هي مقالتش
ياتري هي عايزاه ولا لا وياترا ليه مقلتلوش وايه اللي هيحصل
مع الفاروق ورهف
اترككم في رعاية الله وحفظه
احلام_المراهقه
بقلم هي جنتة
