رواية احلام المراهقه الفصل السادس 6 بقلم هي هي جنتة
السلام عليكم ورحمه الله وبركاته
معاكم اليوم الفصل السادس
#احلام المراهقه
بقلم هي جنتة
سلمي وهي منهاره طلعت فونها وقالت عايزه اعرف ايه المكتوب دا
سونج يووهي بتبص عل المرايه المكتوب عليه بالدم باللغه الكوريه انصدمت: مكتوب ساعديني من فضلك..لقيتي دا فين
سلمي:لقيته علي مراية الحمام عندى
هانا :دا معناه ان مى راي عايزاكي تساعديها في حاجه
سلمي:اساعدها في ايه وازاي وانا اصلا مش بعرف اللغه الكوريه
سونج يو:احنا هنساعدك ونعلمك وهنخليكي تتقنيها كمان
هانا :بس ياريت محدش يعرف انك بتتعلمي كوري وخصوصا مايا
وبدأت تتعلم في الخفاء بمساعدة سونج يو وهانا
وبدأت مايا ترسم خطه شريره ليا جين عشان يوقعو سلمي
مايا :ياجين عندى فكره بتجنن
ياجين :خير قولي يام الأفكار
مايا:ايه رأيك تيجي تسكن معانا في غرفه فاضيه اهو تبقي قريب من سلمي
ياجين بعد الشغل روح شقته ولم اغراضه عشان يروح السكن الجديد وبعد ماخلص اخد حاجته وراح الشقه خبط علي
الباب فتحت هانا : ياجين خير عايز حاجه
ياجين زق الباب ودخل ودخل شنطته وقال انا داخل سكني
هانا:مش انت ساكن مع الدكاتره في الشقه التانيه
ياجين:ماهو من النهارده هسكن هنا فين غرفتي بقي
هانا :غرفة ايه اطلع برا
وشالت شنطتو وطلعتها برا وفي الوقت دا رجعت مايا من
الشغل
مايا:في ايه مين طلع الشنطه دي برا
هانا: انا اللي طلعتها مش عايزين ياجين معانا
مايا:مش عايزين ايه ياماما ياجين هيسكن معانا
اخدت شنطتو ودخلتها الغرفه وقالتلو دي غرفتك محدش يقدر يطلعك منها
هانا انصدمت من اللي مايا عملتو ودخلت عند سونج يو وعرفتها باللي حصل والاتنين كان حاسين ان في حاجه او مكيده بتتدبر
وصلت سلمي من الشغل وكانت بتجهز الغدا ورصت الاكل وراحت تجيب معلقه عشان مش بتعرف تاكل بالعصيان
رجعت لقت ياجين قاعد بياكل من اكلها
سلمي انخضت :د/ياجين 😳😳
ياجين: واقفه ليه تعالي كلي
سلمي : انت بتعمل ايه هنا ودا اكلي انا اتفضل حضرتك من هنا
ياجين: انا ساكن هنا من النهارده وكمان انا جعان
سلمي اتضايقت من سكنو معاهم و قعدته علي الاكل ضايقتها اكتر وكلمتو جعان خلتها سابت الاكل وقامت غرفت اكل لنفسها واخدتو ودخلت غرفتها وهو بارد قعد ياكل ولا علي بالو
اول لما دخلت حست ببرودة الغرفه وبقت بتعرف ان كانت مي راي مبسوطه ولا زعلانه من درجه حراره الغرفه
فعرفت ان مى راي في حاجه مضيقاها فكانت لما تلاقي كدا تقرأ قرآن كتير وتنام علي وضوء نامت لقت مى راي خايفه جدا سألتها في ايه ومي راي بتزيد في خوفها ومش بتتكلم
صحت الفجر صلت وقرأت وردها ولبست وخرجت عشان تفطر لقت ياجين بيفطر
ياجين:صباح الخير سلمي
سلمي بصت عليه من فوق لتحت وسابته ومشت عملت كوباية شاي وعملت ساندوتش واخدتهم ودخلت ودا كله وياجين مش منزل عينه من عليها ودا ضايقها اكتر فطرت وراحت الشغل بس معصبه
رى ون :د/سلمي في حاجه حاسس انك مضايقه من حاجه
سلمي: ابدا د/ ري ون مفيش حاجه
لقت الباب بيخبط ودخل ياجين
ياجين:د/سلمي لما تخلصي استنيني عشان نروح سوا
ري ون اتضايق : تروحو سوا
ياجين:ايوا ماهو احنا ساكنين مع بعض
ري ون:يعني ايه ساكنين مع بعض
سلمي:(بضيق )د/ياجين سكن في الغرفه الفاضيه معانا
رى ون :سكن معاكو ليه وازاي تسمحو بكدا
سلمي:انا ضيفه مليش اني اتحكم في السكن انا الحمدلله ساكنه في غرفه فيها حمام يعني مش هشوفه غير لما ادخل المطبخ وان شاء الله هشوف هو بيداوم امتي وهداوم عكسو عشان ماشوفش وشه
ري ون :انتي ساكنه في الغرفه اللي فيها حمام (في غرفة مى راي )
سلمي:ايوا انا ساكنه في غرفة مي راي
ري ون :مين سمحلك تقعدى فيها
سلمي:مايا هي اللي اقترحت وانا وافقت
ري ون :انتي عارفه ان الغرفه مسكونه ؟
سلمي:ايوا عارفه بس عادي
ري ون مصدوم من اللي سمعو عادي ازاي
سلمي :بقرأ قرآن وبحافظ علي صلاتي وعلي اذكاري والله خير حافظ
رى ون اعجب بشخصية سلمي ونفسو يسألها عن الاسلام
بس سبحان الله ساعات الكبر بيخلي الانسان عدو نفسه
عدت الايام وسلمي تعلمت اللغه الكوريه جيدا وبدأت تتكلم مع مي راي فبدأت تتعود علي وجودها
وفي يوم كان اجازه وكانت سلمي بتجهز غداها سمعت مايا وياجين بيتفقو يعملو حفله الليله ويعزمو اصدقائهم ويشربو
لحد مالكل يسكر وهو يخلالو الجو وينتقم من سلمي
وطبعا هما بيتكلمو بكل راحه عشان عارفين انها مبتعرفش كوري فسلمي قررت تنزل شفت الليله
ياجين:سلمي عندنا حفله الليله ممكن تحضريها
سلمي: أن شاء الله (طبعا خافت تقول مش هتحضر الليله ليلغيها ويعملها يوم تاني وكمان هي كدا كدا هتمشي من السكن ومفيش خوف منه )
الكل موجود في الحفله حتي رى ون وياجين بيدور علي سلمي ومش لاقيها راح لهانا
ياجين:هانا فين سلمي
هانا مش عارفه يمكن تكون نامت
ياجين:لا منامتش هي مش في غرفتها
هانا:مش عارفه يمكن يكون عندها شفت الليله
ري ون: هانا ياجين فين ؟
هانا:مش عارفه كان هنا وسألني علي سلمي ومن ساعتها مشفتوش
ري ون :وفين سلمي وسألك عليها ليه ؟
هانا:سلمي لما عرفت بالحفله اخدت شفت الليله وسألني ليه مش عارفه ومش مطمنه
سلمي بتمر علي المرضي ورجعت مكتبها لقت ياجين قاعد وقدامه شراب وكاسين
سلمي:د /ياجين 😳😳انت هنا ليه
ياجين:محضرتيش الحفله قلت اجي احتفلت معاكي هنا
سلمي مشروب اولا دا حرام علي شربه وثانيا هتحتفل معايا بمناسبة ايه وثالثا انا عندي شغل واتفضل شيل حاجتك واطلع برا
ياجين:مش هطلع واعملي اللي انتي عايزاه انا مش عارف انتي شايفه نفسك علي ايه
سلمي:انا مش شايفه نفسي انا بخاف ربي اتفضل برا بدل منادي علي الامن
ياجين:تنادى علي الامن مش هتلحقي
سلمي اطلع وخاف علي جسمك انت مش قدي
ياجين:مش هطلع من هنا غير لما اخد اللي انا عايزه
لسه بيقرب من سلمي 🤔🤔🤔🤔
