رواية احببت منتقبه الفصل الثاني 2 بقلم ياسر الانصاري
السلام عليكم ورحمه الله وبركاته ((( أحبتت منتقبه الجزء الاول الفصل الثاني)))
الزهراء. متبقوش منبع رخامه بقي قولت مفيش حاجه ومشيت قدامهم
فاطمه بضحك . اقطع دراعي
فطرو وخلصو وبعدين عرفو اني مفيش اي محاضرات تاني فا قررو يروحو
وصهيب كمان خلص في الكليه وركب عربيته ورجع البيت
صهيب. السلام عليكم ،عامله ايه يا امي
عائشه. وعليكم السلام ورحمه الله وبركاته الحمدلله يبني جيت بدري يعني حصلت حاجه ولا ايه
صهيب . لا يا ست الكل محصلش حاجه بس النهارده كانت محاضره تعارف يعني لسا مدخلناش في سباق المنهج
عائشه بابتسامه. ربنا يسهلك امورك يبني ويكرمك و...
صهيب . و ايه بس يا امي مالك
عائشه . تلاقي بنت الحلال الي تسعدك يا حبيبي
صهيب ضحك وفجاه جات في باله الزهراء وابتسم ابتسامه عريضه شافتها والدته
عائشه. حبيبي انتا كويس !
صهيب . انا تمام يا امي متخديش في بالك واه اللهم امين
وبسرعه هرب منها لانه عارف طول ما فتحت موضوع الجواز اكيد عندها مجموعه جديده من البنات
عائشه. استني مش تشوف انا جيبالك ايه المره دي
صهيب . ابوس ايدك يا امي والله العظيم انا مقدر كل دا بس صدقيني انا مش حابب فكره عرض البنات دي أنا عاوز حد قلبي يختاره وأكمل معاه حياتي بسعاده وحب مش هقولك قصه حب عظيمه زي روميو وجوليت ولا قيس وليلي بس علي الاقل يا امي حد ارتاح لاختياره
لسا هترد صهيب يلا بقي يا ست الكل هطلع اخد شاور عشان ورايا مشوار كدا
عائشه. مشوار ايه دا
صهيب لا خليها مفاجاه وضحك وطلع جري علي السلم
عند الزهراء في سكن الطالبات
رحمه . بنات عندي ليكم خبر حلو
فاطمه و الزهراء بصوت واضح ولهفه .. خيررررررر قولي بسرعه
رحمه بفرح . ابن عمي كلم ابويا النهارده وطلب ايدي منه
الزهراء .. الف مليون مبروك يا حبيبي والله ما تتخيلي فرحتي بيكي قد ايه
فاطمه . الف مبروك يا حبيبي ربنا يجعله ونعمه الزوج الصالح ليكي عاجلا غير اجلا
رحمه . تسلمولي يارب ، انا مبسوطه اوووووووووووي يا بنات عاوزه اقوم اتنطنط واهيص وازغرط
الزهراء باستغراب . يااااه حاسه بكل دا يا رحمه !
رحمه . واكتر يا قلبي انتي متعرفيش حاجه احمد دا بتمناه من وانا لسا في اعدادي حبيته بيني وبين نفسي اجمل لحظات حياتي لما كان يجي زياره عندنا ولما كبرت شويه عرفت بقي اني مش بحبه لا انا دايبه فيه بس طبعا مينفعش ارضي نفسي ع حساب ربنا فا حرمت ع نفسي القرب منه او حتي الكلام وطلبته من ربنا واهو ربنا استجاب، وبعياط انا بحبه اوووووووووووي ومكنتش متخيله اني عوض ربنا عن كل لحظه تعب وزعل هيكون با الشكل دا
الاتنين باصين ليها ومفتحين بوقهم كدا من باب التعجب أو كميه الحب دي وكمان كميه العوض من ربنا
الزهراء. انتي تستاهلي كل خير يا حبيبي وبا المناسبه الحلوه دي كنت شايله 3 كنزيات ووقتهم جيه اهو
وفاطمه وانا كمان كنت جايبه تشكيله حلويات يلا بينا نحتفل يا قمرات
صهيب نزل لابس ومتشيك ولابس قميص ابيض وبنطلون رصاصي وبلازر غامق شويه وحاطط برفانه الفواح ونازل علي السلم قابل هدير في طريقه
هدير . ايواه بقي علي فين يا روميو
صهيب بغضب . روميو ؟
هدير . ايواه طبعا روميو لما تبقي خارج وانتا علي سنجه عشره كدا تبقي اكيد روميو وواضح كدا انك متأخر ع جوليت وضحكت
صهيب ضحك . يعني بالله عليكي هيبقي فيه جوليت وانتي متعرفيش؟
هدير. لا طبعا وانتا تقدر اصلا
صهيب . يا مصبر الوحش ع الجحش
هدير . انا جحش طب امشي بقي انا غلطانه اني اتكلمت معاك (ومقموصه)
صهيب بحب . تعالي هنا يا بت ايه الواحد ميعرفش يهزر مع حبيبته ولا ايه لو حرام قولي حرام وانا مش ههزر تاني !
هدير بسرعه . لا طبعا هو في حاجه بتهون عليا غير حبك وهزارك ربنا ما يحرمني منك ابدا.
صهيب بحب. ولا يحرمني منك يا قمر يلا بقي انا خارج مشوار ولما ارجع هحكيلك اشطا ؟
هدير بابتسامه . اشطا
خرج من البيت ورن علي محمود اخوه .. انتا فين يا حضره المفتش كرومبو
محمود. كرومبو؟ والله العظيم لولا أني محتاجك النهارده معايا لكنت بيتك ف التخشيبه
صهيب بضحك . منا عارفك واطي وتعملها ع العموم انا خلاص داخل عليك في المطعم الي اتفقنا نتقابل فيه. هي وصلت ولا لسا !
محمود. خلاص داخله ع المطعم اهي
صهيب. اوك وانا داخل عليك اهو سلام يا حبي
محمود قاعد علي التربيزه..وفجاه ظهرت قدامه واحده .. اتاخرت عليك معلش بقي الطريق كان زحمه
محمود. لا لا خالص انتي تتاخري براحتك
وضحكو مع بعض
أميره. هو صهيب اخوك لسا موصلش
محمود بسرعه . داخل علينا اهو
فجاه ظهر في المطعم وخطف أنظار الكل شاب وسيم هيبه اخلاق عينه في الأرض والمكان الي هو رايحله وبس
وقف قصاد الترابيزه. معلش يا جماعه بس الطريق كان واقف والله ..
محمود لا ولا يهمك يا حبيبي اميره كانت لسا بتقول كدا برضو
اعرفكم ببعض. اميره دا دكتور صهيب اخويا الكبير. صهيب دي البشمهندسه أميره
ابتسمو لبعض واميره رفعت أيدها تسلم بس صهيب حط
عينه علي اخوه وشد ايد اخوه خلاه يسلم عليها ورد
اسف مش بسلم ع بنات او ستات والبركه في المفتش كرومبو كان المفروض يقولك وضحكو كلهم
أميره.. لا عادي ولا يهمك يا دكتور انا بحترم دا جدا
محمود . طب ايه هنفضل واقفين كدا كتير !
صهيب بسرعه. لا طبعا اتفضلو وقعد معاهم.
محمود لسا هيتكلم . بص بقي يا ...
صهيب. هششش عيب هنتكلم واحنا واقعين من الجوع ولا ايه دي حتي البشمهندسه تقول علينا بخلاء
نده علي الجرسون وقدملهم المنيو وبدأوا يختارو
صهيب. متقلقش يا حضره الظابط انا الي عازمكم يعني اطلبو براحتكم وبلاش بخل
محمود.. لا لو كدا بيكلم الجرسون نزل كل الي عندك وضحكو كلهم. وبا الفعل اختارو الاكل وهما. بياكلو فتحو الكلام.
صهيب . انا سمعت عنك كتير يا بشمهندسه وتقريبا محمود مبيكلمنيش عند حد غيرك ( وابتسم )
محمود ابتسم . ايواه بقي هو دا الكلام
أميره.. والله مش عارفه اقول ايه بس محمود شخص كويس ومحترم ومن بيت اصول ومعتقدش الوحده مننا تطمع في اكتر من كدا ( وضحكت)
محمود بضحك وفخر . هو دا العشم يا بنتي والله
صهيب . طيب نتكلم في المهم معاليك مشكلتك في والدها صح كدا
محمود. حصل
صهيب .وطبعا تخميني كدا بدون ما اسمع منك أنه خايف علي بنته من أنه يزوجها ضابط شرطة صح كدة ؟
محمود . تخمين ايه دا انتا كدا معانا با الضبط.
صهيب ابتسم .. طيب اسمعوني كويس وخليكم فاكرين اني معاكم مش عليكم بس بصراحه يا حوده هو عنده حق
محمود وأميره بصوله بذهول
صهيب . استنو بس مش وقت استغراب دلوقتي قبل ما تحكم عليه حط نفسك مكانه يا محمود لو عندك بنت وطلب أيدها ضابط شرطه وانتا مش ضامن أنه ممكن يخرج من بيته ميرجعش تاني وبنتك تكمل حياتها ارمله هااا هتوافق
بعد صمت محمود . صهيب الموت ممكن يجيلك وانتا نايم علي السرير
صهيب بسرعه. يا سيدي عارف انها اعمار وكله مكتوب ولكل أجل كتاب. بس تنكر انك هتكون سبب في دا أو شغلك هيكون سبب
محمود بحزن . لا منكرش
صهيب .. طيب كدا احنا متفقين معني كلامي مش انك تتخلي عنها أو الموضوع صعب لا انا بقولك دا عشان يكون نفسك طويل شويه ..وبص لاميره..وانتي يا بشمهندسه خدي ميعاد من والدك أو عرفيه اني في عريس جاي يتقدم يوم الخميس الجاي. واياكي تزكري اسم محمود عشان ميترفضش قبل ما يدخل بيتكم. فهماني
اميره . فهماك طبعا يا دكتور ومش عارفين نرد جمايلك دي ازاي
صهيب بضحك.. انكم تسبوني امشي لاني حرفيا فاصل وتكملو قعدتكم مع بعض ومتنسيش يوم الخميس هااا
اميره بابتسامه.. حاضر يا دكتور
محمود . والله ما عارف اقولك ايه بس ربنا يقدرني وارد جمايلك يا حبيبي.
صهيب بضحك . ولا تعرف ترد نصها. يلا هسيبكم انا.
السلام عليكم. واتحرك من مكانه وبرغم تعبه دا ومفيش ف دماغه حاجه غير حاجه واحده وبس الزهراء
الزهراء بعد ما إحتفلت هي واصحابها عشان رحمه قعدت مع نفسها قبل ما تنام وبدأت تفكر في اليوم من أوله لحد لما راحت تفطر
افتكرت لما كلمها وكان مهتم يوصلها وجهه نظره وكمان ابتسامته ليها. وموقفه مع البنت المتبرجه وظهر علي وشها ابتسامه قد كدا. قطع الابتسامه فونها الي رن وكانت امها
الزهراء ردت بسرعه وبلهفه .. ماما عامله ايه يا قلبي
صفاء .. الحمدلله يا حبيبتي. طمنيني انتي عامله ايه
الزهراء.. انا بخير والله يا ماما
صفاء. هااا وعملتي ايه بقي في أول يوم جامعه !
الزهراء .. كان يوم جميل والله يا ماما ومميز كدا وضحكت
صفاء. ربنا يحلي ايامك يا بنتي
الزهراء ربنا يخليكي ليا يا ماما. ماما انا ...
صفاء. انتي ايه يا الزهراء ؟
الزهراء بتوتر. لا كنت حابه اطمن ع بابا
صفاء . هو كويس يا حبيبتي وقبل ما يخرج قلي اسلم عليكي بس مش دا الي كنتي عاوزه تقوليه يا الزهراء
الزهراء. بصراحه ايواه يا ماما انا مبعرفش اخبي حاجه عنك
صفاء. احكيلي يا قلب امك
الزهراء. النهارده ف الكليه مع اول محاضره ليا بصراحه حصل .. وحكتلها كل الي حصل
صفاء. طب كويس يا بنتي وكلامه فعلا الضرورات تبيح المحظورات. ربنا يبارك فيه ويكتر من أمثاله
الزهراء. ماما انا اول لما شوفته وسمعت صوته واتكلمت معاه حسيت اني قلبي هيتنفض من مكانه وطول اليوم عماله افكر في الي حصل ومبتسمه كدا
صفاء بغضب . نعم يا روح امك هو انتي رايحه تتعلمي ولا تعملي الي بتقولي عليه دا
نلقاكم في الفصل القادم ع خير
اخوكم م/ ياسر الانصاري
والسلام عليكم ورحمه الله وبركاته ♥️