رواية الخادمه الفصل العاشر 10 بقلم سناء صلاح
#الخادمة_10
اميرة فتحت عينيها بصعوبة بصت حواليها لقيت نفسها نايمه علي سرير ومحاليل متعلقه في ايديها ، بصتلها الممرضة بأبتسامة وقالتلها حمد الله علي سلامتك ، اميره ودمعه في عينها الله يسلمك انا ازاي جيت هنا ، الممرضة أستني في واحده ست جابتك هنا ، وبعد دقايق دخلت عليها ست متوسطة في العمر لابسة نضارة وباين عليها الثراء ، حمد الله علي سلامتك، اميرة بضعف الله يسلم حضرتك ، قوليلي بقي انتي اسمك ايه ومين اللي عمل فيكي كده انتي شلكلك مضروب ومتشوه ،اميرة بصت للناحية التانية وبكت بصمت ، الست الغنية قالت ليها اتكلمي يابنتي علشان هيتفتح محضر بالواقعة ، اميرة محضر لا ياست هانم مفيش حد عملي حاجه انا اللي وقعت من فوق السلم وانجرحت الست قربت منها وبصتلها وقالت بس دي اثر حروق مش جروح ولازم يتعمل
محضر واللي عمل فيكي كده ينال جزاءه، اميرة بترجي وبكاء ارجوكي يا هانم صدقيني وشكرا علي انك حبتيني هنا، انتي عامله حاجه وخايفه منها اتكلمي معايا بصراحه، بكت اميرة وهي باصة للارض بكت بحرقة وقهر رق ليها قلب الست وقالتلها خلاص انا مش عاوزه اعرف حاجه انتي باين عليكي انك بنت غلبانه ومكسورة طيب انتي كنتي بتشتاغلي في اي فيلا من فيلل الشارع الي لقيتك فيه الشارع ده مفيهوش غير فيلا الدكتور عزت وكام فيلا تانين، انا معرفش حد هناك ، مين اهلك اتصل بيهم علشان يجو ياخدوكي من هنا زمانهم قلقانين عليكي ، بصتلها اميرة بصمت ، الست قربت منها وبعدين معاكي يابنتي اتكلمي متتعبنيش مين اهلك انا مش قادره اسيبك كده قبل ما اطمن عليكي، اميرة بضعف انا مليش اهل وكنت بشتاغل خدامة عند ناس بس هما سافروا، سافروا ولا سرقتي من عندهم حاجه وعذبوكي وبعدين طردوكي ، بكت اميرة بحرقة مره تانيه ، طيب خلاص متبكيش علي العموم انا هرجعلك تاني اخر اليوم، سابتها الست ومشيت وهناك في فيلا عزت مصطفي وافق علي كل كلام عزت لكن من جواه حزين موافقته خوف حياة ابنه وعلي مستقبله وعلي اميرة اميرة هي فين اميرة ، عزت بس يا مصطفي الحقيقة انت وسهيلة مش امنين علي تربية لذلك انا اخدت قرار ان ادم هيعيش هنا معايا في الفيلا تربيته انا اللي هشرف عليها، وقف مصطفي من مكانه وقال بس ده مستحيل يادكتور عزت ابني لازم يتربي في حضني وميبعدش عني ، انا بتكلم لمصلحتكة ، مصلحته انه يتربي مع ابوه مش مع حد تاني ، حاسب علي كلامك يامصطفي انا جدو مش حد غريب انا مش بستشيرك ده امر وبعدين متنساش ان حسابك بيتقل معايا ، مصطفي كان صبره نفد خرج من فيلا عزت وهو كاتم غيظة ، سهيلة بابتسامة قدام ابوها ايوه كده يا بابا ربيه ، روحي وراه ومتسيبيش بيتك ابدا وحاولي تقربي منه وتهوني عليه احنا لازم نكسبه يابنتي لازم تكونو عيله سعيده قدام الناس العيون كلها باصه علينا انتي فاهمه ده،..في الليل اميرة دماغها وقفت مش عارفه هتروح فين ولا هتيجي من فين حياتها اتدمرت في لحظة فاضل لها سنه واحده وهتتخرج سنه واحده
وهتكمل حلمها بس ازاي وهما حكموا علي كل احلامها بالاعدام حرموها من ابنها وحرموها من حلمها ، بكت بحرقة وبصت للسما جسمها اترعش وحست ان ربنا بيقولها اصبري كل شئ هيرجعلك علي مهل ، جات الست قعدت قدامها وقالت لها هاه انتي عامله ايه دلوقت ، ردت اميرة بضعف الحمد لله، طيب انتي ناوية تعملي ايه وكنتي عايشه فين ، انا قلتلك يا هانم كنت بخدم في بيت واهله سافروا ، ومين اهلك ، اهلي كلهم ماتوا، يعني ملكيش حد معندكيش سكن، متشغليش بالك انتي ياهانم ربنا يدبرها اسمعي يا ، انتي اسمك ايه ، اسمي اميره ، اميره اسمك جميل ، اسمعي يا اميرة انا عايشه في فيلا طويلة عريضة لوحدي أبني الوحيد متجوز وعايش برا ايه رايك تعيشي معايا، اعيش خدامتك يا هانم، انا بقول تعيشي معايا انا عندي خدم كتير ، وانا يا هانم مقدرشي اعيش عاله علي حد ، طيب ياستي ابقي ساعدي امينه في شغل البيت لحد ما اشوفلك شغل , ربنل يكرمك يا هانم، يلا قومي معايا وخدي غيري هدومك، ادلتها هدوم كانت اشترتهالها بدل الهدوم اللي المبهدله اللي كانت لابساها ، غيرت اميرة هدومها وخلصت الاجرءات في المستشفي وراحت مع الست الغنية اتكلمت معاها في وهما راكبين العربية قالت لها انا اسمي علياء عايشه لوحدي بعد انفصالي من جوزي وسفر أبني الوحيد ، بصتلها اميرة بصمت، انتي بتعرفي تقرأي وتكتبي، اميرة هزت راسها ، طيب كويس انا كتت ناوية اعلمك ، وصلوا الفيلا اللي اتبرقت عينين اميرة اول ما شافتها وكانت خايفة تنزل من العربيه لانها ، علياء انزلي يا اميرة ، اميرة وهي بتبص لفيلا عزت اللي كانت جنب فيلة علياء تمام وقالت لا يست هانم مقدرش انزل هنا مقدرش ، بصتلها علياء باستغراب هو في ايه يا اميرة خايفه من ايه ، اميرة بصت لتحت وقالت انا مش
عاوزه اظهر هنا ارجوكي يا هانم رجعيني تاني وديني بعيد عن هنا ، لحظات وسهيلة كانت طالعه من الفيلا ، أستخبت اميرة تحت كرسي العربية علشان سهيلة متشفهاش أستغربت علياء لما شافت اميرة بتعمل كده ، لما اتاكدت اميرة ان سهيلة مشيت بالعربية قامت وقعدت وفضلت تترجا في علياء انها تاخدها من هنا ، علياء انزلي يا اميرة ومتخافيش انزلي يلا ، ياست هانم ، حذبتها عليها من يدها وخدتها للداخل وقعدتها في الصالون وقالتلها انتي ايه حكايتك بقي وليه لما شفتي الدكتورة سهيلة خفتي واستخبيتي، اميرة بصوت مرتجف انا معرفهمش ، لا تعرفيهم اتكلمي بقي سرقتي ايه منهم وخايفه كده ، بكت اميرة بحرقة ، متبكيش واحكيلي متخافيش ، اميرة سيبيني امشي من هنا، طيب لو متكلمتيش انا هروح لدكتور عزت وهقلهم انم هنا ، اميرة بزعر ابوس ايدك يا هانم متعمليش كده ومن غير متقصد اميرة قالت حياة ابني هتضيع لو عرفوا اني هنا، ابنك؟؟ مين ابنك وايه علاقته بالدكتور عزت، انا قلت ابني بكت اميرة وقالت ارجوكي ياست هانم سيبيني لحال سبيلي ، انا مش هسيبك قبل ما اعرف واضح ان وراكي حكاية كبيرة