رواية الخادمه الفصل السادس عشر 16 بقلم سناء صلاح
#الخادمة_16
انتي زي ما اتغيرتي انا كمان اتغيرت وسامحت المهم انتي لازم تروحي لامك وابوكي صدقيني هما سامحوكي ، اميرة بصت للارض معتقدش أنهم سامحوني ، مصطفي لا سامحوكي
صدقيني ابوكي ندمان علي اللي عمله فيكي، ويندم ليه انا كنت أستحق القتل، سهيله خلاص خلينا ننسياللي فات بكل مراراته والامه، اميرة بصتلها في صمت، تعالي يلا بينا علي بيت مامتك وبباكي ، اميرة بس مبسش ركبوا عربية سهيله وراحوا الحارة اللي عايشين فيها والد ووالدة اميرة خبطت سهيلة فتحت والدة اميرة ورحبت بيها دخل خلفها مصطفي بصت ليه ام اميرة بصمت لسه مسامحتهوش لانه السبب في كل اللي حصل وتدمير حياة بنتها ، سهيله اتكلمت احنا معانا
حد تالت ياست سهير ، سهير مين التالت ده ، سهيله خرجت تعالي يا اميرة ، سهير بصرخه اميرة ، اميرة دخلت مكسوفه وقلبها بيدق ودموعها بتسيل ، امها اول مشافتها حضنتها وفضلت تبكي بقوة وتقول اميرة وحشتيني يابنتي ياه عشت لحد اليوم اللي شفتك فيه ياه انا شيفاكي دلوقت، اميرة وهي بتركع تحت رحليها سامحيني يا ماما سامحيني ، قومي يابنتي انتي اللي تسامحيني سامحيني، ابوها طلع من الاوضه علي الصوت اللي سمعه قرب منهم بص لاميرة ، مسحت اميرة دموعها ووقفت بخوف تبكي وتبص لابوها من غير متتكلم ، ابوها قال بصوت بضعيف اميرة اميرة ببكاء قوي وهي بتفتكر اخر مرة طلعت فيها من البيت ده وابوها بيجري وراها بالسكين قالت ايوه اميرة يابابا اميرة اللي خزلتك وكسرتك، لا يابنتي انتي ضحية واحد معندهوش ضمير ، مصطفي في اللحظة دي كان هيمشي، سهيله شاورت ليه ، اميرة رمت
نفسها في حضن ابوها وفضلت تبكي بقوة ، سامحني يابابا سامحني، اسامحك علي ايه علي ذنب مرتكبتهوش ، سهيلة بصوا يا جماعه مصطفي صلح غلطته واتجوز بنتكم هو صحيح غلط لكن صلح غلطته في النهاية ، وانتوا لازم تسامحوه سامحوه علشان خاطر اميرة وادم حفيدكم، سهير بشوق حفيدنا انتي ليكي ابن يا اميرة ، اميرة غمضت عنيها وكل اللي مر عليها عدي قدام عينها في لحظة ، فضلت تعيط وتعيط لحد محست نفسها خرجت كل اللي جواها والحزن والالم اللي كانت حساهم ، مسحت امها علي ضهرها وقالتلها انا عارفه انك قاسيتي كتير يابنتي واتظلمتي واتكسرتي بس ده اعتبريه أبتلاء من ربنا واحتسبي اجرك عند ربنا، اميرة بصوت متقطع اجري عند ربنا ، مصطفي اتكلم وانا دلوقت بخيرك انك تعيشي ملكه وزوجة في بيت انا هعملهولك ده اقل حق ليكي عليا انا عارف ان مهما عملت مش هتسامحيني لكن بقلك سامحيني علشان خاطر ادم علشان يتربي بين ام وأب ، سهيله لازم تسامحيه ، وقفت اميرة من مكانها وقالت انا هسامحه بس انتي كمان مشهتسبيه ولا هتسبينا ولا هتسيبي ادم ، انتي ام ادم واولي بيه معتقدش ان في لزوم لوجودي ، لاده شرطي علشان اسامحه ، سهيله اتنهدت وقالت خلاص انا موافقه، مصطفيفي مشكله مهمه احنا متكلمناش فيها ازاي
هنقنع حمايا بكده وازاي هنقدر ناخد منه ادم ، والد اميرة سيبولي انا الموضوع ده ، الجميع بصله وقاله انت ، ايوه انا انتوا ليه مستقلين بيا متنسوش اني وكيل مدرسه سابق ، ابتسمت اميرة وقالت انا واثقه فيك يابابا ، ...الدكتور عزت ، انت مين وعاوز ايه ، انا رافت والد اميرة اظن انك عارف مين اميرة اميرة اللي اعتديتوا عليها وظلمتوها وقهرتوها وكمان عاوزين تاخدو منها ابنها ،انت بتقول ايه يراجل ياخرفان انت، علي العموم متشكر ليك يا دكتور عزت انا رجل خرفان صحيح بس عندي ضمير ضمير لسه صاحي وبعامل البني ادمين علي انهم بني ادمين مش علي انهم كلاب وعبيد ، تقصد ايه ، اقصد اللي انت عارفه كويس فين حدود القسم اللي انت حلفته يا دكتور فين انسانيتك ورحمتك اللي المفروض تكون اكتر واحد تتحلي بيهم لانك دكتور وقبل متكون دكتورانسان ،عزت قاله انت جاي تديني درس في الاخلاق انت مين انت علشان تتكلم معايا بالشكل ده ، انا انسان بسيط مساويش بالنسبالك شئ ،انا هنادي الامن يطلعك برا الفيلا ، انا مش هطلع من هنا قبل ماخد ادم حفيدي او نتفق ،نتفق علي ايه يراجل انت ، انا عارف انك بتحب ادم ومتعلق بيه زي ما انا هحبه واتعلق بيه ، لازم ترضي بالامر الواقع وتتقبل وجود بنتي لان ده حقها ولازم تتقبل انها ام ادم وهي اتفقت هي ودكتورة سهيله انهم يعيشوا في بيت واحد وادم يتربي ما بينهم