رواية اقدار الثالث والثلاثون 33 والخاتمة بقلم علياء ناصر
#اقدار #
الخاتمة
بعد انتهاء الفرح
في جناح فارس
روتيلا : يااااه الفرح كان حلو أوي بس خلاص مش قادرة عايزه انام
فارس : تنامي فين
روتيلا : فارس تعبانة و عايزة انام بكرة يا روحي نتكلم
فارس : كلى الاول و نصلي و نامي براحتك
روتيلا : عندك حق انا فعلا مأكلتش حاجة خالص
فارس : روحي غيري هدومك و اتوضي
روتيلا لتذهب و تغير ملابسها ببجامة ستات اوف وايت و تتوضى و تلبس الاسدال
فارس : نصلي الاول
روتيلا : اوكي
ليصلوا سويا و عندما ينتهي يضع يده على رأسها و يقول : اللهم إني أسألك خيرها وخير ما جبلتها عليه، وأعوذ بك من شرها وشر ما جبلتها عليه
روتيلا : يعني إيه
فارس : بدعي انا ربنا يكتب لنا الخير في حياتنا و يوفقنا يلا عشان تأكلي
ليذهبا لتناول الطعام
في جناح صقر بالسرايا
صقر : ياااااه كان يوم حلو أوي بس مرهق
اتبسطي يا سيلا
سيلا : جدا كان يوم جميل
طب يلا روحي غيري هدومك و انا هشوف الاكل عشان جعان جدا
سيلا : اوكي
لتذهب سيلا للحمام
و يتذكر صقر كلامه مع يوسف
#فلاش باك #
يوم الفرح صباحا
صقر : يعني هي ممكن تتجوز عادي
يوسف : بص يا صقر كل اللي عندها خوف من العلاقة الزوجية و عدم ثقة في نفسها كأنثى
لكن تقدر بشوية حنية و احتواء تعيشوا حياة طبيعية
صقر : يعني اصبر عليها اد أيه
يوسف : متصبرش لانك لو استنيت انها تبدأ او تأخد خطوة او حتى تلمحلك مش هيحصل
فخد انت الخطوة الاولى
خليك رومانسي حاسسها انها انثى و بعد كده خليك حنين و بلاش تتسرع خليك هادي معاها
#بااااك #
صقر : الله المستعان
سيلا : صقر بتكلم نفسك
يلتفت لها يجدها ترتدي اسدال من اللون الوردي
صقر : حلو اللون ده عليكي الحقيقة انتي الي بتحلي كل حاجة كنت حلوة أوي النهار ده بالفستان الابيض
سيلا : عجبك
صقر : طبعا مش ذوقك لازم يعجبني
سيلا : صقر انا جعان نأكل
صقر : نصلي الاول
ليصلوا سويا و عندما ينتهي يضع يده على رأسها و يقول : اللهم إني أسألك خيرها وخير ما جبلتها عليه، وأعوذ بك من شرها وشر ما جبلتها عليه
سيلا : حلو الدعاء ده اول مرة أسمعه
ليغمض عينه و يقول : ده دعاء لبداية حياتنا كزوج و زوجة
ليمسك يدها : أيه رأيك اسبح على ايدك و تسبحي على ايدي نأخد حسنات مضاعفة
لتشعر سيلا بالفرح و تقول : ماشي
و بعد الإنتهاء من التسبيح
صقر : يلا نأكل
اما عند عدي و عهد في جناح بأحد الفنادق
عهد : و الله مش هغير هدومي و لا هتاكل يا عدي غير لما تغني لي
عدي : هغني لك بس نغير هدومنا و ناكل
عهد : مش مصدقاك
عدي : طب تحبي تسمعي أيه
عهد : عمرو دياب ببتدي من الزيرو
عدي : ماشي بس كده غالي و الطلب رخيص
و يبدأ بالغناء
كل اما أشوفه الوقت الاقيه هرب
ده اللي في جماله الأمثال تتضرب
يسكر كلامه اللي معمروش شرب
وده بقي تفسيره أنا مش أنا لا من غيره
وأهو كتر خيره جايلي هنا اهو برجليه
ببتدي من الزيرو وكأني ما شوفتش غيره
أصلاً تأثيره مسح اللي اتشافوا قبليه
ربنا مديله طلة تبان لو من كيلو
عن نفسي قتيله بأمانة راهنت عليه
كل اما أشوفه الوقت الاقيه هرب
ده اللي في جماله الأمثال تتضرب
يسكر كلامه اللي ماعمروش شرب
وده بقي تفسيره انا مش انا لا من غيره
وأهو كتر خيره جايلي هنا اهو برجليه
عهد : عدي حبيبي أوعى تغني تاني عمرو دياب لو سمعك هيعتزل
عدي : طب نغير و نصلى و ناكل
عهد : ماشي
يلا لتذهب ليغيروا ملابسهم و ترتدي عهد اسدال باللون الابيض و يصلوا سويا و يضع يده على رأسها و يقول الدعاء
عهد : يلا هات الاكل أدام التلفزيون هدور على فيلم كرتون
عدي : فيلم كرتون النهارده شكلها هتبقى ليلة حلوة أوي
نعود لفارس و روتيلا
روتيلا : الحمد لله شبعت تصبح على خير
فارس : رايحة فين
روتيلا : هنام
فارس : هتنامي على طول
روتيلا : اها اصل اليوم كان مرهق
فارس : و انا اللي كنت عايز اوريلك فيلم جديد عن الخيول 9d هتشوفيهم كأنهم معانا في الأوضة
روتيلا : بجد
فارس : مش مشكلة خليها مرة تانية بقى تصبحي على خير
روتيلا : لا لا يلا نتفرج
فارس : أقعدي على السرير عشان تبقى أدام الشاشة على طول و انا هطفي النور عشان اشغل الفيلم
روتيلا : ماشي بس يلا بسرعة
ويغلق الضوء و يصعد بجوارها
روتيلا : فارس
و تسكت شهرزاد ليبدؤا حياتهم الزوجية بحب
اما في جناح عهد و عدي
عدي : فرهدتني و انا بجري وراكي
عهد : مش انت اللي مش محترم و بتقولي هاتي بوسة
عدي : حقك عليا انا غلطان مش هعمل كده تاني
عهد : هقول لبابي عليك
عدي : كده و انا اللي كنت هحكي لك حدوته
عهد : بجد
عدي : أيوة تعالي يلا نامي و انا هحكي لك حدوته عن بنوته جميلة اسمها عهد
تنام عهد على السرير.
عهد : يلا احكي بسرعة
عدي : بس كده و يغلق الضوء
ليبدؤا حياتهم الزوجية
في جناح صقر و سيلا
صقر : سيلا هو انتي هتنامي بالاسدال
سيلا : لا
صقر : طب اعتبريني زي جوزك و اقلعي الاسدال خليكي براحتك انتي في كل حالتك قمر
سيلا : شكرا
صقر : يلا بقى و لا انتي شعرك وحش
سيلا : لا شعري حلو
صقر : بجد مش مصدق وريني كده
لتزيل سيلا الاسدال
صقر : اوبا أيه الجمال ده متجوز ملكة جمال
سيلا : تصبح على خير
صقر : سيلا استني
سيلا : في حاجة
صقر : أيه رأيك نقرأ كتاب سوا
سيلا : ماشي
صقر : طب هجيبه استنيني في السرير و نقرأه سوا
سيلا : نعم
صقر : أيوة انا ليا طقوس في القراءة
يلا بس
و يحضر احد الكتب و يفتح ضوء هادئ
صقر : يلا نقرأ
و يحتضنها
سيلا : صقر انت بتعمل أيه
صقر : بقربك عشان تعرفي تقرئي
سيلا : ده كتاب ( قواعد العشق الأربعون )
صقر : أيوة و هعلمهم لك قاعدة قاعدة
ليسود الهدوء و لا يعلو صوت الا صوت الحب
لتكون بداية حياتهم
بعد مرور ٥ سنوات
سيلا تجري وراء طفل يشبهها كثيرا : يا فارس انت يا بني هولد بدري بسببك
صقر : براحة يا سيلا تعالى هنا يا فارس
فارس ابن صقر و سيلا طفل ذو ٤سنوات
فارس : نعم يا بابي
صقر : بتجري ليه و مش اتفقنا منتعبش مامي
فارس : مامي عايزاني اكل و انا عايز اشوف فينا الاول
فينا بنت فارس و روتيلا و لها اخ توأم اسمه بدر
صقر : فينا طب روح لها يلا
ليجري الطفل إلى الحديقة
سيلا : كده يا صقر الولد مأكلش طول اليوم
صقر : و احنا خلصنا شوي خليه يروح يشوف فينا و يقعد يأكل معاها
سيلا : هو تعلقهم ببعض ده طبيعي في سنهم
صقر : الحب حلو و لا انتي أيه رايك
لتنظر له سيلا في عينيه بحب شديد : انت حليت ايامي كلها النظرة ليك دنيا تانية
ليقبل صقر يدها : لا بقينا أساتذة في الحب
أيه رأيك أشرح لك قواعد العشق
سيلا : لا لا انا تعبانة
صقر : صحيح مش اتفقنا منعملش مجهود عشان متتعبيش و بعدين عايز عشق تيجي بخير
سيلا : انت مصر على عشق
صقر : طبعا عشان تبقى دليل على عشق ليكي يلا نروح نلحق نأكل قبل ما يخلصوا الاكل
في الخارج
فارس يقوم بالشوي و بجواره عدي و يوسف و ملك تجلس مع عهد على الطاولة في انتظار الطعام
و نجد روتيلا تحضر القهوة لفارس
روتيلا : حبي القهوة
ليقبل فارس يدها : تسلم ايديكي فين بدر
روتيلا : اهوه جاي
ليأتي طفل يشبه فارس كثيرا
روتيلا : مالك يا بدر
بدر و فينا توأم غير متماثل اولاد فارس و روتيلا ذو ٤سنوات
بدر : انا عايز عشق تيجي بقى
ليضحك فارس : ان شاء الله هتيجي أدعي تيجي بخير و تكون صحتها كويسة
بدر : حاضر بابي انا عايز اتجوز عشق
فارس : روح قول لعمك صقر
بدر: بجد
عدي : تفتكر صقر هيوافق
فارس : و لو موافقش لو بيحبوا بعض هجوزهم غصب عنه
ليجري بدر و يذهب لصقر و سيلا
فارس : ابنك بيحب البنت من قبل ما تيجي
روتيلا : طب ما فارس بيحب فينا
فارس : لازم يحبها دي نسخة منك يا قلبي
روتيلا : و هي كمان بتحبه
عدي : العيال دول مشكلة
ليجتمع الجميع على طاولة الطعام
فارس الصغير يمسك يد فينا و يجلسها بجواره و يطعمها
ليأتي بدر : عمي صقر انا عايز اتجوز عشق
فارس الصغير : مش لما تيجي
بدر : لو متجوزتش اختك مش هخليك تتجوز اختي
فارس : خلاص موافق طالما هتجوزني فينا
ليضحك الجميع
فينا : مامي قالت كده عيب
سيلا : الحمد لله لقيت حد عاقل
صقر : العيال لاغونا من حياتهم بيقرروا هما
عدي يمسك يد عهد : الحمد لله عهد لسه حامل
لتضحك عهد : الحمد لله
عدي : ربنا يكملك على خير
روتيلا : مش قولت لك ان الله مع الصابرين
تنظر سيلا لصقر : و ربنا عوضه جميل جميل أوي
تغمز لها عهد: انت هتقولي لي
سيلا : بس انا قلقانة الولاد لسه صغيرين
صقر : سبيهم يا سيلا خليهم يحبوا بعض
فارس : طالما أدام عينينا يبقى عادي هما هيعيشوا مع بعض خليهم قريبين من بعض
يااااه أنا اسعد واحد في الدنيا بعيلتي الكبيرة اللي حواليا
صقر : ربنا يبارك لمتنا
يارب بارك لمتنا وتملي تكمل فرحتنا
تمت بحمد الله
