رواية قانون الحب (كاملة جميع الفصول) بقلم حبيبه ممدوح
#قانون_الحُب
#بارت_1
بصى ي يليلى اهو محمد هناك اهو
سحبتنى من ايدى جامد وقالتلى تعالى نسلم علية
وقولت وانا بسحب ايدى منها
_يستى سبينى روحيلو انتِ وانا هقعد هنا هو مش خطيبك انتِ
وقفت وقالت
_هو انتِ لسا مبتحبهوش صح؟
حبية علشانى انا بحبة اوى والله وبحبك انتِ كمان ومش هينفع تبقى بتكرهية
افتكرت اخر مرة قولتها فيها انى مش برتاحلو وزعلت منى ف قولت بسرعة
_لاء أبداً ي ليلى وهكرهه لي يعنى..انا بس اقصد ان تروحى انتِ تقفى معاة هو وانا هقف عزول بينكمم لى و..
لقيتها بصتلو بسرعة وقالت وهى بتشاورلو
_محمد تعالى بسرعاةة
قولت بصوت واطى
_ياانهاار تلزيق
جة وقف معانا و وشة يقطع الخميرة من البيت العمران
قالت ليلى
_اتاخرت لى يحبيبى استنيتك كتير، سلم على مريم واقفة معايا وحلفت انها لازم تسلم عليك
بصتلها وقولت
_انا؟
خبطتنى ف رجلى وقالت
_اة اةة مش انتِ قولتيلى كدا
قولت وانا بحاول مبينش انى مش طيقاة
_امم أهلا يبنى
_ابنك
عليت صوتى شوية وقولت
_اةة فيها حاجة يبرنس؟
_برنس؟
_مش عجباك دى كمان ولاااى
بصلى بغيظ وقال
_ليلى عاوزك ف كلمتين على جمب
ضحكت بستهزاء وقولت
_روحى ي ليلى
_مفيش حاجة بخبيها عنها ي محمد وانتَ عارف قول مالك ف حاجة؟
نفخ وقالل
_بقولك عاوزك ف حاجةةة بينى وبينك تقوليلى مبتخبيش عنها حاجة و..
قطعته وقولت
_بسس يعم الحاااج انااا ماشية أصلا
مشيت خطوتين ورجعت بصتلة بقرف ومشيت
محمد خطيب اعز صاحبة عندى بس مش بحبة ومش برتاحلة حاسة علطول انة مش شبها وانها تستاهل حد أحسن وارقى وانضف منه بكتير، معاملتة معاها مش أحسن حاجة والغريبة ان ليلى ال مش بترضا ب الحال المايل أبداً بتسكت وبتقول نعم وحاضر وبس
بسأل نفسى كتير لى ليلى اتغيرت كدا ؟
وهل الحُب هو الدافع الوحيد ال يخلينى ارضا بحاجة اقل من ال استحقها وابقا ف كامل سعادتى!
عُمرى ما تخيلت إن ممكن حد يتغير علشان ال بيحبة، بس معنديش مانع اتغير لو كان الشخص يستاهل لو حد كويس عندى استعداد اديلة عيونى بس لو يستاهل وهيقدرنى غير كدا ف ملهوش داعى الحُب من الأول
هيكون تحت مسمى وجع القلب وبسس
روحت قعدت على سلم الجامعة ومسكت الكُتب حطيتها جمبى وسكت
فجاة لقيت ليلى جاية عليا وبتعيط
_ليلىىى مالك فيكى اىىى البغل دا زعلك ف حاجة ولاااى ردى عليا
كانت ف حضنى وساكتة روحت شديتها علشان ابص ف عنيها وقولت
_ردى عليااا مالك ؟
قالت بصوت كلة شحتفته من كتر العياط
_محمد..قالى انى متحبش وقالى انة عمرة ما حبنى
فتحت ايديها وقالت
_وادنى دبلتة..
#يتبع
دمُتم فِ سلام"
#ابنة_ممدوح