رواية احببت منتقبه الفصل الثاني 2 الجزء الثاني بقلم ياسر الانصاري
أحببت منتقبة الجزء الثاني الفصل الثاني ♥️
صهيب غير طريقه ورجع تاني. بتقولي ايه ثلاثه ! وعددنا
هو انتي !
الزهراء. حامل يا حبيبي 🤭🥺
صهيب وقف ثانيه بيستوعب وبعدها محسش بنفسه غير وهو شايلها وبيلف بيها وبعلو صوتو بيقولو. يا احلي خبر في حياتي انا هيتقالي بابا ♥️
الزهراء. يبني نزلني ابوس ايدك كدا لا هيتقالك بابا ولا حتي اونكل
صهيب. انا مش مصدق نفسي عقلي وقف عند النقطه دي مش عاوز استوعب اي حاجه تاني حصل أمتي وازاي بقي معرفش
الزهراء. امتي العلم عند الله بس أنا اكتشفته النهارده لاني في الفتره الي قضيناها في السعوديه بعد الاعتمار كنت ديما بحس باعراضه. ازاي بقي. انتا عارف ازاي يا دكتور ( ومقموصه)
صهيب. عارف عارف يا روح قلبي. طيب بصي اطلبي اي طلب دلوقتي ودي فرصه بنسبالك وبدون نقاش هوافق عليه
الزهراء بفرحه. بجد. اي طلب
صهيب. اي طلب
الزهراء. هو أنا عندي طلب واحد بس طلبته من ربنا وبكرر طلبي من الشخص نفسه
صهيب. قولي يا روحي
الزهراء. انك تفضل طول العمر جمبي ومتزعلش مني مهما حصل واوعي ف يوم من الايام تعاملني اني مراتك عاملني اني بنتك وبس
صهيب مش مستوعب كلامها. يعني بقولك فرصتك الي ممكن متتكررش تاني واطلبي الي عوزاه وبردو بتطلبيني انا !
الزهراء. لاني مش عاوزه من الدنيا غيرك يا صهيب
صهيب. والله العظيم ما عندي رد ع كلامك غير ربنا يخليكي ليا وتفضلي طول العمر جمبي وعشان اطمنك يا ستي وعد عليا يا الزهراء يا بنت عم مصطفي هفضل طول العمر جمبك وهعاملك كانك بنتي مش زوجتي
الزهراء بدمعه. بحبك اوووووووووووي يا رفيق دربي
صهيب. بعشق امك
خلصو خروجتهم ورجعو الاوتيل بس الزهراء اتفاجات باوضه تانيه خالص لدرجه انها شهقت.. يخربيت الغباء تقريبا دخلنا اوضه تانيه لف واجري يا صهيب بسرعه
صهيب بضحكه. خدي يا بنت الهبله اوضه تانيه ايه دي اوضتنا
الزهراء سرحت فلي شيفاه من منظر. الأرض كلها ورد احمر والسرير عليه فل ابيض وورد احمر ع شكل اسم الزهراء والمكان كله بلونات طايره ومتعلقه وإضاءة هادئه جدا مايله للون البنفسجي وتربيزة عليها اكل وشموع كتير وكمل المفاجاه صهيب لما وقف قصدها وغني وقال
قربلي كمان يا حبيبي... سيبني اعيش نفسي اعيش
ليله ما كانت ع بالي.... م الاول وانا يا حبيبي
بتمناك.. قبل لقاك..... ياما قابلتك في خيالي
بينا نعيييش دا العمر ليله ... متقوليش نستني ليله
دي الايام جمبك جميله ... وعمري يا غالي لقيته معاك
صهيب. معلش بقي مبعرفش اغني وصوتي ع قده
بس للاسف مفيش رد لاني الزهراء ف دنيا تانيه اصلا
ولاول مره تحس الاحساس دا ولاول مره تسمع صوت صهيب ف الغناء .. انا مش عارفه اتكلم ومش قادره ..وبدأت تعيط
صهيب أخدها ف حضنه . ف ايه بس يا حبيبي بقي انا بعمل كل دا عشان تعيطي
الزهراء. صهيب انتا عملت حاجه اي بنت ف الدنيا تتمني زوجها يعملها انتا خرجت من جواك بركان مشاعر وحب ورميته عليا .. مكنتش اتخيل انك هتعمل كل دا لا وكمان تغنيلي بنفسك
صهيب. يا ستي يعني هكون عمرو دياب اهو ع قدنا
الزهراء. تعرف يا صهيب بعد ما سمعت صوتك انتا احسن من الناس دي كلها بس دا مش صوت واحد اول مره يغني ابدا
صهيب بضحكه. ومين قالك اول مره
الزهراء بشهقه. غنيت لحد غيري
صهيب. بس بس حد غيرك مين. كل الحكايه اني كنت وانا لسا ف ثانوي حابب الغناء والفن وكدا يعني وبدأت اشتغل ع نفسي بس بدون دراسه كا هوايه يعني وبدأت ادخل مسابقات والغريبه اني كنت باخد مركز اول ديما وفي مره مسابقه كبيره تبع المحافظة دخلتها وغنيت وقولت زي غيرها وبعد ما خلصت روحت البيت لقيت اللجنه برئيسها قاعدين مع ابويا ( موقف حقيقي)
الزهراء. بتهزر
صهيب. والله بتكلم بجد فاكر كل حرف اتقال لحد دلوقتي. رئيس اللجنة قال لابويا .. ابنك يا حاج جمال خامة نادرا وصوته جميل جدا محتاج شويه تدريب وهيكون هو الي ع الساحه وعشان كدا احنا هنا. ابنك صهيب فاز ف المسابقه والجائزة اني هيتعمله اول شريط وكمان هيدخل
ورشه تدريب لتحويل الموضوع عنده من هوايه لدراسه
الزهراء. شوقتني وبعدين
صهيب. ابويا قالهم با الحرف كدا. انتو ناس محترمه وفوق دماغي بس وماذا بعد دخل ونجح وكسر الدنيا آخرته ايه هيغني وري رقصات ويكسب قرشه من حرام وانا مش هتكلم باسم الدين بس اسف جدا عرضكم مرفوض
الزهراء. بتهزر
صهيب. والله بتكلم بجد.. بس اقولك حاجه والله احسن حاجه عملها ابويا رحمة الله عليه أنه رفض كان زماني دلوقتي باخد ذنوب قد كدا وكمان دايخ عشان الم الشرايط دي ويا عرفت أو معرفتش
الزهراء. يلا الحمدلله ربنا بيعوض با الاحسن
صهيب. الحمدلله. وانا اخدت قرار مش هغني بعد كدا غير ليكي وبس وكلام محترم وبدون موسيقي كمان
الزهراء بصوت عالي. بحببببببببببببببببببببببببببك
صهيب بضحكه. صوتك يا بنت المجنونه
الزهراء. محدش ليه دعوه جوزي وانا حره فيه
صهيب بضحكه. جوزي احمره و اشويه
الزهراء. وشاعر كمان
صهيب. يووووووه نسيت اقولك اني فنان شامل بغني وبكتب كلمات اغاني وبلقي شعر وبكتبه وكمان بكتب روايات
الزهراء. بس كدا مش عاوزه حاجه تاني من الدنيا قولي شعر بقي
صهيب. كنت مجهزلك حاجه كدا
الزهراء بلهفه.. قول بسرعه بدون تفكير
صهيب . انا حبيتك💦 انا حبيت فيكي قلبك♥️.
وعشقك ليا قواني💪. بكل ما فيكي عجباني😍.
وماليه عيوني يا بنيه👀. بنات الدنيا من بعدك.
وغيرك يحرم عليا🤏. مفيش غيرك في دنيايه🤚 .
وانتا بتاعتي يا صبيه🙋. ووصفك خارج المعجم 🖤
وراحتك هي دوايه🌹. انا بريدك تكوني ليا❤️.
مفيش غيرك في دنيايه ( كلمات ياسر الانصاري)
الزهراء بدموع. وانا مش عاوزه غيرك اصلا حبيبي فنان شامل يا ناس
صهيب. قلب حبيبك من جواء جواء جواء ... يلا ناكل بقي دا انا جايبلك الاستيك إلي بتحبيه
الزهراء. يلا بينا أنا جوعت اوووووووووووي بعد الي شوفته وسمعته. ايه دا طب الاستيك وبتاعي لكن الحمام دا ايه دنيته
صهيب بضحكه. وانتي هتاكلي لوحدك يا مفتريه
الزهراء. لا مش قصدي بس انتا بتحب الحمام اصلا ؟
صهيب. بعشق أمه كنت محرمه عليا طول منا اعزب لحد لما اتجوز واهو اتجوزت افتح فيه بقي
الزهراء. ليه يعني هو حكر ع المتزوجين وبس !
صهيب. لا أصله بيعلي ال وبيزود نسبه ال وهرش ف دماغه... انتي مالك اصلا هو أنا الي هاكل ولا انتي ..وبيضحك
الزهراء بضحكه . ماشي يا عم بالف هنا. يلا ناكل بقي
بدأو يأكلو لقمه من هنا في بوق دا ولقمه من هنا بوق التاني .. ( وانتا قاعد كحيان يا اعزب يا بائس 😂)
الزهراء. بس قولي امتا لحقت تعمل كل دا
صهيب اقولك يا ستي
___________________________
#فلاش_باك
صهيب. حبيبي ثواني بس هعمل حاجه كدا لحد لما نخلص قهوتنا
الزهراء. يلا نطلع بقي انا تعبانه انتا نسيت اني حامل ولا ايه
صهيب بضحكه. سبحان الله بمجرد ما تعرفو تتعبو لكن قبل كدا عادي جدا. ثواني بس هعمل حاجه وراجع
كلم إدارة الاوتيل
صهيب. ايه يا حضرة خلصتو ولا ايه
موظف. خلاص يا دكتور قدامنا خمس دقائق بس .. لكن حضرتك الفل الابيض والورد الي ع السرير محتاج حاجه معينه نعملها بيه
صهيب . لا شكرا دي حاجه هعملها انا بنفسي
قفل معاه وراح للزهراء.. ثواني إدارة الاوتيل عوزاني ثانيه وراجع.
وطلع فوق بسرعه لقاهم خلصو وطلعو وهو بدأ يكتب اسم الزهراء با الفل والورد لحد لما خلص وبعدها نزل اخدها وطلعو
_____________________________
وبس كدا يا ستي وتوته توته خلصت الحدوته حلوه ولا ملتوته
الزهراء . دي احلي حدوته يا قمري ... بس اشمعنا انتا بنفسك كتبت الاسم يعني ليه مخلتش حد منهم يكتبه
صهيب .. واخليهم يعرفو اسم مراتي ليه اسمها دا بتاعي لوحدي وانا بس الي اندها بيه فهمتي
الزهراء بفرحه. خراشي عليك وانتا غيران بتبقي قمر اووووووووي
فجاه الفون بتاع صهيب رن
صهيب. السلام عليكم
مجهول. وعليكم.. هما كلمتين مش اكتر اوعي تفتكر اني هسيبك في فرحتك كتير ، أنسي ورب العزة هدفعك تمن كل ضحكه وثانيه فرحه منك ايام عزاب يا دكتور الغبرة
ونلقاكم في الفصل القادم إن شاء الله
والسلام عليكم ورحمه الله وبركاته 💙
#م_ياسر_الانصاري
