رواية الحب الضائع الفصل السادس 6 بقلم رغد خالد
البارت السادس
ليلي باستغراب وخوف:انتوا مين
الجد بقوه وشموخ:انا عبد الحميد كبير عائله ال نصران
ليلي بصتلهم وهي مش مستوعبه
نسمه:مين ي ليلي اللي علي الباب
ليلي مردتش عليها ونسمه استغربت ده وقامت تشوف مين
نسمه باستغراب:مين حضراتكم
الجد:انا عبد الحميد النصران ي نسمه
نسمه بصدمه:نعمم...
عبد الحميد:اي مش هتقوليلنا اتفضلوا
نسمه وسعت لهم ودخلوا قعدوا في الصالون
نسمه بصت لليلي اللي باصه قدامها بشرود
نسمه وهي تهزها:ليلي بت ي ليلي
ليلي فاقت من شرودها:ها بتقولي حاجه ي خالتو
نسمه:بقولك يلا ادخلى اوضتك
نسمه دخلت الصالون وقعدت قصادهم ودخلت ليلى اوضتها وساد جو من الصمت قطع الصمت صوت الجد عبد الحميد
عبد الحميد:احنا جايين ناخد ليلي وانتي حافظتي علي الامانه ي نسمه ومهما نعمل مش هنقدر نرد جميلك ده
نسمه بخوف :متقولش كده ي حج ليلي تبقي بنتي مش بنت الغاليه بس انا اسفه مش هقدر ابعد ليلى عنى
ليلي ف اوضتها سرحانه وبتفكر انها حاسه انها شافت الراجل دا قبل كدا و قامت عشان تتاكد وسمعت كلامهم وقفت وقالت بصوت عالي:نعم تاخد مين انت مين اصلا عشان تيجي تاخدني من خالتو
نسمه بحده:ليلي وطي صوتك عيب كده ده مهما كان جدك
ليلي بصراخ:هو اي اللي عيب ها وبعدين جد مين انا مش فاهمه انتى بتقولى اى
الجد بعصبيه: شكل قعدتك ف اسكندريه نستك نفسك وازاى تتحدتى مع الى اكبر منك ولا اى يابنت ساره لو رفعتى صوتك تانى هقطع لسانك
ليلى ببكاء وصراخ : انت مين عشان تكلمنى كده شكلك راجل مجنون
وفجأة ضربتها نسمه بالقلم
ليلي بصدمه ودموع متحجره ف عيونها : انتى اول مره ترفعى ايدك عليا ياخالتو
نسمه ببكاء وعصبيه : ادخلى اوضتك ومتطلعيش منها فاهمه
جريت ليلى على اوضتها وهى مش مصدقه الى بيحصل
ادم بمشاعر مختلطه : اهدى يا جدى التفاهم مش كدا
ليلى ف اوضتها مسكت صور اهلها وحضنتها وهى بتبكى بحرقه وشردت ف الماضي يوم وفاة والدها تحديدا
F.B
ليلي:بابا هو احنا رايحين فين
احمد:مش انتي في مره قولتيلي ليه ملكيش عيله زي صحابك وانا قولتلك ان ليكي بس هما مسافرين
ليلي بتفكير:امم ايوه
احمد:احنا بقي رايحين ليهم
ليلي بطفوله:هييي يعني اخيرا هقابل تيته وجدو ويبقي عندي عائله كبيره
ساره:ايوه ي حبيبتي وهيكون ليكي بنات عم تلعبي معاهم وعمام وعمات واكملت وهي تهمس لاحمد بتوتر:ربنا يستر انا قلقانه اوي
احمد بصلها ومسك ايدها وكان هيتكلم يطمنها لكن فجأه سطع ضوء شديد واخر شئ يسمع هو صوت صراخ ساره
ساره بصراخ:حااسب
ولكن فات الاوان والعربيه انقلبت
في مكان آخر
:تفتكر لما تعرف ان احنا السبب هتعمل اي
~ معرفش بس اهم حاجه ليلي مينفعش تعرف السر ده
بتوتر:احم هي لو عرفت اي اللي هيحصل يعني
بشرود وخوف~هيحصل كتير لو عرفت واولهم ان احنا هنروح في داهيه عشان كده مش لازم تعرف ابدا
يتبع...
#الحب_الضائع
#بقلمي_رغد_خالد
تفتكروا اي اللي هيحصل؟
وليه هما كانوا رايحين للعيله؟
ومين الشخصين دول واي السر اللي ليلى مينفعش تعرفه؟