رواية الممرضة والمعاق الفصل الثالث عشر 13 بقلم رحمه سامي
#الممرضة_والمعاق... ❤
#الفصل_الثالث_عشر.
#ملاحظة: حابه اقول حاجه قبل ما ابداء بارت النهارده في بنوته كلمتني علي اسم الرواية وبصراحه انا اقتنعت جدا برايها لاني هي عندها حق حمزة عنده مرض مؤقت ودا مش اعاقة وكلمة اعاقة ممكن تكون بتاذي ناس كتير اذ كانت اللي عندهد اعاقة فعلياً او الاهل اللي اولادهم بيعانوا وعشان كدا قررت اغير اسم الرواية عشان اراعي مشاعر غير ومن هنا ورايح الرواية هيكون اسمها... #الممرضة_والمريض... ❤ واظن كدا افضل بكتير واسفه لو طولت في الكلام يلا نبداء البارت بقي...
روح بصد*مة: حمزة انت بتشوف... يعني انت بتشوف دلوقتي بجد انا مش مصدقة قولي كدا دوال كام.( عملت بي ايديها تلاته ).
حمزة بضحك: اربعه.... هيكون كام يا عبيطة دوال تلاته... واه يا ستي بشوف دا يدايقك في حاجه.
روح بشهقة اول ما افتكرت اللي هي لابسه وبسرعه زقيته وجريت علي الحمام: يالههوي مكنش يومك يا روح بقي انا واخده راحتي وهو بيشوف.
حمزة بضحك: علي فكرة انا جوزك يا غبيه ممكن تلبسي وتخرجي عايز اتكلم معاكي.
روح: انت غلس وربنا.
ولبست وخرجت وهي بتقول: ممكن اعرف انت بتشوف من امتا وليه ضحكت عليا الفترة دي كلها.
حمزة: ممكن تقعدي وانا هفهمك كل حاجه لاني محتاجك معايا الفترة اللي جاية دي جدا.
روح قعدت وحمزة حكلها اللي عرفوا وبعدين قال: انا اسف علي اللي نادر عملوا هو مدلع زيادة شوية وطول الوقت شايفني ابن جوز امه مش اخوه.
روح بتفهم: انا مقدرة كل اللي بتمر بيه بس لحد امتا هتفضل عامل اعمي هيجي وقت وكل دا هيتكشف.
حمزة: ما الوقت قرب خلاص بس عايز اعرف ليه سالي انقذتك وهي اللي حاولت تاذيكي قبل كدا انا مش فاهم.
روح: انا كمان مستغربة وكنت هروح اتكلم معاها النهارده عشان افهم.
حمزة: تمام ولما نعرف السبب ويكون الحقيقه ساعتها هتبقي جت اللحظه المناسبة اني اكشف كل حاجه.
روح بحز*ن: وساعتها هطلقني مش كدا اكيد طبعا ما دا حقك انت اتجوزتني بس عشان تحميني.
حمزة وهو بيمسك ايديها: علي فكره كنت اقدر احميكي من غير ما اتجوزك بس تمام بدام انتي عايزة كدا معنديش مانع بس اخلص من اللي انا فيه الاول.
روح وهي بتمسك دموعها: تمام عن اذنك عشان اروح لسالي.
روح خرجت وحمزة قال في نفسه: كل حاجه هتتصلح مع الوقت اكيد.
*عند نهي اخدت امها وراحت بيت نادر وخليت امها ترتاح وراحت تشوف ام حمزة/
نهي: حضرتك ممكن تقوليلي اي المطلوب مني دلوقتي.
ام حمزة: ولا حاجه يا بنتي بكره هبقي اعرفك انت دلوقتي ارتاحي متستعجليش.
دخل نادر وجريت امه عليه: اي اللي حصلك يا حبيبي في اي.
نادر: مفيش حاجه يا ماما شكل حد اداني عين.
نهي في سرها: هو يستاهل بصراحه تلاقي وتحد قفشه مع مراته.
نادر: بتقولي اي يا بت انتي.
نهي: هو انا اتكلمت ولا فتحت بؤقي.
نادر: هو انتي تقدري اصلا روحي جبيلي حاجه اكولها يلا انتي واقفه كدا ليه.
ام حمزة: اهدي يا ابني مش كدا وانتي يا بنتي معلش هاتي الاكل علي اوضته هتلاقيها فوق اول اوضة علي ايدك اليمين.
نهي اتنهدت: حاضر يا هانم.
نادر طلع فوق وامه راحت اوضتها عشان ترتاح ونهي جابت الاكل وطلعت خبطت ودخلت.
نهي: الاكل اهو.
نادر: اي مبتعرفيش تقدمي الاكل عدل ولا فاكره نفسك هانم هنا.
نهي: اللهم طولك يا روح بقولك اي الاكل قدامك اهو وياريت ملكش دعوة بيا.
نادر: استني عندك انت مسمحتش ليكي تمشي.
نهي: عايز اي تاني.
نادر: تقعدي تاكليني بنفسك ومتفكريش ترفضي انا عارف ان علاج امك واقف علينا.
نهي بضيق: حاضر يا نادر بيه.
وقعدت تاكله وهو مستمتع اوي انه قدر يدايقها ومن جواه حاسس بحاجه غريبة وقلبه بيدق جامد.
نهي خلصت ونزلت جري وهو فضل يضحك عليها وبعدين غير هدومه ونام.
*عند سالي روح دخلت كانت سالي بتمسح دموعها وبترسم قناع القوة/
سالي: خير جاية عايزة اي.
روح: عايزة اعرف انتي ليه انقذتيني برغم انك مش طايقني اصلا.
سالي: والله انا حره انتي مش هتشاركيني.
روح: بس من حقي اعرف السبب قولي الحقيقه يمكن اقدر اساعدك.
سالي: وانا مش عايزة منك مساعده واوعي تفكري نفسك احسن مني لان كل واحد ربنا اعلم بظروفه ويلا لو سمحتي خليني انام.
روح: تمام بس انا موجوده وقت ما تحبي تتكلمي.
روح رجعت عند حمزة وقالت: هي رفضه تتكلم بس انا حاسه انها مجبورة علي كدا بس معرفش اي السبب.
حمزة: انا هعرف بطرقتي متشغليش بالك انتي.
روح: تمام تقدر تنام علي السرير وانا هنام علي الكنبه.
حمزة بضيق: انا مش كل شوية هفكرك انك مراتي تمام اتفضلي علي السرير وبلاش كلام كتير.
روح: وانا مش هنام جانبك تاني مش بالعافية بقي.
حمزة بسرعه شالها وحطها علي السرير ونام وهو واخدها في حضنه وهي مقدرتش تبعد لانها حابه تفضل جانبه.
*في نفس المكان البعيد/
_لحد امتا يعني هفضل بعيدة عن بنتي انا عايزة اطمن عليها واشوفه
&ما قولتلك بنتك كويسه متشغليش بالك وخلينا بعيد عشان متاذيهاش.
_بس هي لازم تعرف اني موجوده لحد امتا هفضل في نظرها ميته.
&يا نادية كفايه بقي انتي عارفه لو ظهرتي ليها اي اللي هيحصل بنتك ممكن تنصدم وبالذات لما تعرف انك رقا*صة.
نادية: ما عشان كدا فضلت بعيد عنها وخليت واحده تانيه ترابيها بس مبقتش قادرة استحمل اكتر من كدا يا معتز.
معتز: حاضر يا نادية هخليكي تشوفيها بس اوعي تعرف انك امها خليها كدا احسن لانها مش هاقدر تتقبل الحقيقه.
نادية: حاضر بس اشوفها واخدها في حضني لو مره قبل ما اموت.
*تاني يوم صحي حمزة وقام من جانب روح ولبس وقبل ما ينزل سبلها ورقة وخرج من الاوضة صحيت روح واول ما شافت الورقة اتصد*مت.....
ياتري نادية تبقي ام مين..... وسالي مخبيه اي.... وحمزة هيطلق روح.... واي اللي في الورقة وصدمها.... ونادر هيعمل اي مع نهي.... هنعرف استنوني بقي... 😂😂😂
#يتبع
#بقلمي_رحمه_سامي
