رواية احببت منتقبه الفصل السابع 7 الجزء الثاني بقلم ياسر الانصاري
" أحببت منتقبة الجزء الثاني الفصل السابع. "
محمود. تمام. وايه طبيعة العمليه ؟
سالم. تحرير أسير
محمود. يبقي مين الأسير دا ومهم للدرجه دي !
سالم. اكيد مهم لدرجه فوق ما تتصور كفايه اني اسمه رجل المهام الصعبه
محمود. ابويا 😲 ؟
سالم. للاسف
محمود . ابويا أسير !
سالم. من شهر تقريبا
محمود. وسايبينه ليه كل دا
سالم. لحد لما لقينا خطه محكمه وهنعرف فعلا نطلعه بيها مش مجرد محاوله فاشله
محمود. يعني ابويا أسير من شهر بس !
سالم . انا فاهم انتا بتفكر في ايه كويس يا محمود وعشان اريحك ابوك مزروع ف تلابيب من سنين طويله وعشان السبب دا انتو افتكرتوه ميت وكان ع علاقه معانا اول باول بكل الأحداث الي بتحصل والتطورات الإسرائيلية الحاليه بس من شهر بس ابوك اتكشف بسببكم
محمود. بسببنا ؟
سالم. اه للاسف كان فرح اخوك صهيب تقريبا وكان عاوز ينزل باي طريقه لكن للاسف استعجاله خلاهم يشكو فيه ووصلو لبصمته أنه ضابط مخابرات مصريه
محمود. يااااه يعني ابويا أسير بسببنا احنا. انا جاهز للمهمه يا فندم من دلوقتي
سالم. بكرا الصبح هتتحركو ربنا معاكم يا بطل
روح محمود البيت وبمجرد ما دخل عائشه مسكته
عائشه. هاااا عرفت حاجه عن ابوك يا محمود
محمود. اه عرفت يا امي
صهيب. طب قول يبني
محمود. اقول ايه بس مش عارف اقولها ازاي
عائشه. قول يبني ربنا يريح قلبك
محمود. بصراحه كدا بابا أسير ف إسرائيل
عائشه. يلهوي أسير
صهيب. ف إسرائيل ؟
محمود. للاسف اه. ومن حسن الحظ اني اول مهمه اطلعها هي تحرير ابويا من اسره
عائشه. طب اقول ايه بس يا ربي امنع الواد عشان ميضيعش زي أبوه .. ويقول عليا طماعه ومش خايفه علي أبوه ومش عوزاه يرجع ولا اسكت واقوله ربنا يحفظك واخليه يرجعلي نصي الغايب مني
صهيب. محمود
محمود. صهيب متقلقش انا قدها ومعايا مجموعه من الكوادر يعني أن شاء الله خير
صهيب. إن شاء الله انتا مسافر امتي ؟
محمود. هنتحرك بكرا الصبح من هنا
عائشه. ربنا معاك يا حبيبي وتروح سالم وترجع سالم انتا وابوك وكل زمايلك الي معاكم
محمود. اللهم امين. هطلع انا بقي عشان انام. تصبحو ع خير .... طلع محمود وفضلت عائشه وصهيب
صهيب. متقلقيش يا ماما أن شاء الله خير
عائشه. يارب يا صهيب يارب
صهيب. احكيلي شويه يا امي من اول لما ابويا غاب مننا
عائشه. حاضر يا صهيب معانه صعب عليا.
_______________________
فلاش باك
جمال. مساء الفل يا ام صهيب
عائشه. مساء الفل يا حبيبي
جمال. معاكي حاجه النهارده !
عائشه. لو معايا ينساب عشانك
جمال. ربنا يخليكي ليا يا بنت الاصول. طيب يلا البسي انا عازمك ع العشا
عائشه. عشا ايه بس وتكلف نفسك ليه انا محضره العشا جواه
جمال. يا ستي اسمعي الكلام بس خلينا نغير جو شويه
عائشه. حاضر يا ابو صهيب الي تشوفه
جمال. العيال نامت ولا صاحيه !
عائشه. نامو يا اخويا وكدا كدا ام حسين هتفضل معاهم
جمال. طيب يلا البسي بسرعه بقي
لبست عائشه واتحركو وراحو المطعم وطلبو الاكل
جمال. تعرفي اني شكلك حلو الليله
عائشه. الليله بس !
جمال. وكل ليله يا حبيبي بس النهارده خاطفه عيوني كدا
عائشه. يباركلي فيك يا سندي
جمال. عاوز اقولك حاجه كدا بس متردد
عائشه. قول يا أخويا
جمال. بصراحه انا مسافر لشغل
ونزلت كلمه جمال صاعقه ع عائشه
عائشه. تاني يا جمال مش كفايه غياب سنتين
جمال. معلش يا حبيبي شغل والله ومقدرش اتاخر عنه وإن شاء الله مش هتاخر. المهم بس تخلي بالك من العيال لحد لما ارجع واوعي يا عائشه يعرفو حاجه عن طبيعه شغلي أو أي حاجه من الي تعرفيه
عائشه بحزن. متقلقش يا ابو جمال تروح وترجع بالسلامه يا اخويا
___________________
عائشه. بس دي كل الحكايه ومن بعدها معرفش عنه حاجه
صهيب. ياااااه سنين طويله لوحدك يا ماما تعبانه في تربيتنا وغيره. حقيقي ونعمه الام. ومتقلقيش أن شاء الله هيرجعو بخير
تاني يوم
محمود. صباح الخير. يلا اشوف وشكم بخير بقي
عائشه بعياط. مع السلامه يا حبيبي... وبتحضنه
صهيب. هتروح وهترجع يا حوده ... وبيحضنه
محمود. دعواتكم. يلا سلام عليكم
خرج محمود في جو ملئ با الحزن والعياط والزعل
وصل محمود الجهاز وسلم ع القائد بتاعه سالم واتحرك هو والرجاله وكانت الخطه عن اختراق الحدود
وبا الفعل ربنا كرمهم وعدو وعند وصولهم الموساد الإسرائيلي بدأت العمليه
محمود. اتحرك
زياد ضابط مخابرات. أمن ضهري يا حسام
حسام ضابط مخابرات. اتحرك
اتحرك زياد ومحمود لاختراق الموساد الإسرائيلي ومن خلفهم رجالتهم
وكانت العمليه خلاص ع وشك النفاذ للدخول الي غرفه احتجاز جمال
وحصلت المفاجاه
الانزار ضرب مره واحده والمكان شبه ملغم بعساكر وضباط الجهاز حوالين محمود وزياد ورجالتهم
محمود. مبدهاش بقي
سحب سلاحه واخد ساتر هو ورجالته وفضل يتعامل معاهم صاب اعداد مش قليله منهم لكن لسوء الحظ زخيرته كانت خلصت 😞
محمود اتحرك عشان ياخد سلاح اي حد منهم وفضل يقاتل شويه بايده لحد لما قتل واحد منهم معاه سلاح واخد منه السلاح وكمل التعامل وفي اللحظه دي زياد كان بيحاول يخرج جمال من الاوضه وبا الفعل خرجه
وفضلو يتعاملو بضرب النار لحد لما خرجو من الجهاز لكن بمجرد ركوبهم للعربيه محمود جاي يركب القناصه جابته رصصتين ف صدره
ركبوه بسرعه وجريو بيه
جمال ف العربيه. محمود محمود فوق سامعني انا ابوك
محمود بابتسامه. يااااااه عرفتني لوحدك يا جمال باشا
جمال. ومعرفش غيركم يا محمود. فتح عيونك خليك معايا انتا كويس فتح عيونك بقولك متغفلش مني
محمود. متقلقش انا حتي لو موت دلوقتي فأنا مبسوط والله كفايه اني راسي ع رجل ابويا الي معرفش طريقه من سنين وكنت فاكره ميت
جمال. لا انا عايش ومعاكم ف كل لحظه يا محمود
زياد. مش هيلحق يوصل المستشفي .. احنا هنركن علي جمب
جمال بغضب. تركن مين اتحرك يا حظابط نفذ الأمر
زياد. سياده العميد انا مش قصدي حاجه بس هو هيتعب مننا ف الطريق لازم نلاقي حل اسرع
جمال. معاكم شنطه اسعافات
حسام. موجوده
جمال. طيب اركنو ع جمب وهاتو شنطه الاسعافات وحد ينزل معايا محمود
نزلو ف مكان ع الطريق شبه غابه كله أشجار كدا ونزلو محمود وجابو شنطه الاسعافات
جمال. محمود انتا راجل ولازم تستحمل مفيش بنج ولازم نطلع الزخيره من جسمك
محمود. اعمل الي عاوزه يا ابويا
جمال سمع كلمه ابويا واعصابه باظت خالص وبدأ يدمع برغم قلبه الجامد أو الي مش موجود اصلا
جمال ولع نار ع الطريق وبدأ يسخن حديده
ومسك ادوات العمليات الجراحية.. وفضل يحاول يطلع الطلقتين.
محمود. اااااااااااااااااااااااااااااااااااااااااااه
جمال. استحمل يا بطل معلش
وبدأ يكمل شغله جمال وطلع الطلقتين بصعوبه ومسك الحديده المولعه وبيقربها من محمود وعيونه مليانه دموع
نزلت دمعه ع محمود ... قرب الحديد يا ابويا والله دمعتك الي نزلت عليا اصعب من حديدة النار الي ف ايدك
بدأ جمال يلدعه با النار عشان يطهر مكان الطلق وبا الفعل عمل دا وبعدين ركبو محمود واتحركو
بعد معاناه كانو وصلو الحدود المصرية ونزلو ع اول مستشفي قابلتهم
جمال. هااا يا دكتور طمني هو عامل ايه
الدكتور. الحمدلله الي طلع الطلق من جسمه هو الي انقذ حياته هو دلوقتي هيرتاح شويه وكله هيبقي تمام. بعد اذنكم
جمال قعد من بعيد بيبص ع ابنه وبيحمد ربنا علي أنه بخير .. بس لازم يكلم صهيب وعائشه وهدير عشان يطمنو عليه العقل رافض والقلب عاوز بعد محاولات قرر جمال
يكلم صهيب. السلام عليكم
صهيب. وعليكم السلام ...مين ؟
جمال. واحد قضي عمره كله بعيد عن اقرب ناس ليه
صهيب سرح في الكلام
جمال كمل. انا ابوك يا صهيب
صهيب. ابويا !
جمال. ايواه ابوك وياريت تيجي مستشفي () لاني محمود متصاب معايا ومضروب با النار
صهيب. محمود اخويا 😲
ونلقاكم في الفصل القادم إن شاء الله 💙
والسلام عليكم ورحمه الله وبركاته ♥️
#م_ياسر_الانصاري