رواية معلمة من الصعيد الفصل السادس عشر 16 بقلم مريم شعبان

رواية معلمة من الصعيد الفصل السادس عشر 16 بقلم مريم شعبان 

 بسم الله الرحمن الرحيم
(بارت ¹⁶)
ف القاهرة كل واحد راح بيته 
ف بيت هيام ف الظهر 
هيام: صباح الخير
صابر: صباح النور 
هيام: صاحي من بدري 
صابر: لا لسه من نص ساعة صليت الضهر و قعدت 
هيام: تمام اروح اصلي و بعد كده أحضر الفطار 
صابر: تمام يا حبيبتي و تخرج لين 
لين: صباح الخير يا جدو 
صابر: صباح الفل و الياسمين علي عيونك يا قلب جدو 
لين: جدو احنا هنقعد هنا علي طول 
صابر: باذن الله يا حبيبتي 
لين: يعني هروح اشوف نورسين و سند و العب معهم 
صابر: أن شاء الله فرحانة انك جيتي هنا 
لين: جدا عشان اشوف نورسين و سند و العب معهم و كمان عشان ماما مش تعيط تاني من عمو 
صابر: باذن الله يا حبيبتي مفيش عياط تاني الجاي كله فرح و سعادة تجي بقي نحضر الفطار لحد ما تيته سهام تخلص صلاة 
لين: يلا بعد مده تخرج موده  و رحاب 
موده: اه فين أهل البيت ده 
رحاب: اي الهدوء ده 
موده: يمكن نايمين 
رحاب: فين لين ف حد ف المطبخ  يلهوي ل تكون بتلعب فى المطبخ و تجري 
رحاب: لين لين 
صابر: ف اي يا رحاب 
رحاب: اه افتكرت بتلعب فى المطبخ لوحدها 
لين: لا بعمل فطار مع جدو 
رحاب: تمام يا عيوني طيب أخرج انت يا عمي و أنا هكمل 
صابر: لا يا بنتي أنا هعمل الفطار روحي انتي شوفي الباقي صاحين ولا اي 
رحاب: موده صحيت و يار كمان موسي و حاتم لسه 
صابر: طيب روحي شوفهم كفاية نوم من امبارح الفجر نايمين 
رحاب: تعبانين اوي يا جدو 
صابر: معلش الحمدلله خلصنا و واصلنا هنا 
رحاب: الحمدلله اروح اشوفهم 
صابر: تمام يا بنتي و تجي هيام و حسناء 
صابر: قبل اي ما واحدة فيكم تتكلم أنا هعمل الفطار اعملوا انتوا اي حاجة 
حسناء: حاضر،  عند رحاب راحت عند اوضة حاتم و موسي و قعدت تخبط جامد 
رحاب: حاتم موسي حاتم موسي 
موده: يا بت براحة 
رحاب: عشان يقوموا حاتم موسي و تخبط جامد 
حاتم يفتح: اي اي 
رحاب: كفاية نوم يلا عشان الفطار 
حاتم: حد بيخبط كده 
رحاب: أنا فين موسي 
حاتم: نايم 
رحاب: انت يا واد يلا بدل ما ادخل 
موسي: رحاب امشي من هنا 
حاتم: ابعدي كده و يخرج 
موده: صباح الخير
حاتم: صباح النور 
رحاب: يلا يا موسي 
موسي: شوية بس 
رحاب: يا بني يلا كفاية نوم عشان تلحق تصلي الضهر 
موسي: الضهر هي الساعة كام 
رحاب: 1 يا حبيبي يلا 
موسي: حاضر و يقوم صباح النور يا موده 
موده: صباح الفل يا حبيبي يلا عشان تصلي و بعد كده نفطر 
موسي: حاضر 
****
ف فيلا سليم 
سليم: لسه نايمين 
سهام: اه يا بابا 
سليم: تمام الطريق كان صعب 
سهام: الحمدلله انكم وصلتوا بالسلامة 
سليم: الحمدلله مش غيث طلب ايد بيري 
سهام: بجد مبارك والله غيث شخص طيب و بيري طيبة ربنا يحفظهم لبعض 
سليم: أنا مش موافق 
سهام: ليه يا بابا 
سليم: كده انا عايز ماهر ل بيري 
سهام: يا بابا بيري صغيرة اوي على ماهر سيبها تاخد اللي هي عايزها 
سليم: ما اكيد غيث مش هيوافق أنهم يقعدوا معنا 
سهام: ما طبيعي يا بابا 
سليم: لا أنا مفيش حفيد من احفاد هيبعد عني 
سهام: يا حبيبي دي سنة الحياة يتجوزوا و يعيشوا حياتهم 
سليم: ما يتجوزوا و يعيشوا بس وهم جنبي أنا مش هقدر أنهم يروحوا مكان بعيد عني كفاية موده عيشت كتير بعيد عني 
سهام: بسبب مين 
سليم: مش عارف 
سهام: يا بابا مش بسببك برضو 
سليم: أنا عملت حاجة غلط كنت خايف علي بنتي 
سهام: خلاص يا بابا اهي موده بقيت معنا بلاش نخسر موده بقي و بيري كمان نزلت اهي و هتقعد معنا علي طول بلاش نخسر بيري برضو بالجواز من ماهر
سليم: أن شاء الله ممكن تعملي كوباية قهوة 
سهام: من عيوني طبعا 
****
ف بيت هيام كلهم علي سفرة الفطار
حاتم: الله عليك يا خالو اي الجمال ده 
موسي: لو نعرف المواهب دي يا بابا كنت خليتك كل يوم تعمل الفطار 
هيام: متخفيش من انهاردة هو اللي هيعمل الفطار 
صابر: تحت امركم انا كده كده فاضي ف اشغل نفسي احسن و انا بحب الطبخ بقي  
موده: الله ده انتوا هتشوفوا مواهب جميلة 
هيام: باذن الله 
حاتم: الحمدلله أنا أقوم بقي البس و انزل 
هيام: رايح فين 
حاتم: القسم يا ماما عندي شغل كتير كفاية اليومين اللي فاتوا 
هيام: طيب خلي بالك من نفسك 
حاتم: حاضر و يقوم
يارا: أنا هيجي بكرة المدرسة 
موده: اه باذن الله عز قالي يجوا علي طول 
موسي: طيب و الزي
موده: عز جاي و هو معه الزي 
حسناء: ربنا يبارك فيه يارب 
موده: يارب 
حاتم: عايزين حاجة يا جماعة 
هيام: لا تسلم يا حبيبي 
رحاب: لا جامد يا ولد ق البدلة 
حاتم: عيب عليكي أنا قمر 
هيام: عقبال لما اشوفك عريس 
الكل: يارب 
حاتم: ده طلب جمهوري
حسناء: اه عايزين نفرح بيك 
حاتم: طيب عندكم عروسة 
حسناء: ندور 
حاتم: طيب دوروا أنا رايح الشغل سلام و يمشي 
هيام: ربنا يستر طريقك يا حاتم يا بني 
الكل: يارب 
رحاب: عمتو أنا عندي عروسة 
هيام: مين 
رحاب: اي رايك في زهراء 
صابر: زهراء مين 
رحاب: بنت عم موده 
صابر: لا لا 












موده: ليه يا بابا زهراء بنت كويسة اوي 
صابر: يا بنتي أنا مقولتيش حاجة علي البنت جدك صعب 
موده: لو حاتم موافق عليها سيب جدو عليا 
هيام: هي بنت ماشاء الله عليها اخلاق و هدوء 
حسناء: اه و سهام زينا مش هترفض يعني هو كل المشكلة ف الحاج 
موده: الحاج عليا 
هيام: طيب انا هشوف حاتم لما يجي ف الموضوع ده 
صابر: باذن الله خير 
موسي: و انا يا هيام مفيش عروسة 
هيام: لما تنجح الاول يا قلب هيام 
***
ف فيلا سليم 
نورسين: وحشتني اوي يا بابا 
ماهر: و انتي كمان يا قلبي 
سند: كنت فين 
ماهر: كنت ف شغل 
نورسين: مش تروح مكان تاني من غيرنا 
ماهر: حاضر 
سليم: ماهر 
ماهر: نعم يا جدو
سليم: عز راح يجيب الزي ولا لسه ل يارا و موسي 
ماهر: قال عنده مشوار و بعد كده هيروح 
سليم: تمام 
ماهر: غيث جاي بكرة
سليم: ينور 
ماهر: وافق يا جدو خلي بيري تعيش حياتها 
سليم: أن شاء الله
نورسين: بابا 
ماهر: يا جدو بالله وافق 
نورسين: بابا 
ماهر: أنا كبير عليها 
نورسين: بابا 
ماهر: نعم يا نورسين مش بتكلم أنا و جدو 
سليم: و انا قولت مليون مرة لما هم يكونوا بيتكلموا توقف كلام مع اي حد و ترد عليهم صح ولا لا
ماهر: حاضر عايزة اي بقي 
نورسين بزعل: خلاص مش عايزة 
سليم: تعال يا نور عيني عايزة اي 
نورسين: بابا كلمني بصوت عالي اوي 
سليم: طيب انا هضرب بابا عشان مش يعمل كده تاني تمام 
نورسين: اه اضربه 
ماهر: الله يضرب بابا يا نورسين 
نورسين: اه عشان انت وحش 
ماهر: أنا وحش
نورسين: اه 
ماهر: طيب و يقوم 
سليم: لو جيت جنبها أنا اللي هضربك بجد 
ماهر: انت اللي مدلع العيال دي 
سليم: اعيش و ادلع فيهم براحتي كنت عايزة اي يا نورسين 
نورسين: شكولاتة
سليم: مع انها ممنوعة بس هنجيب واحدة بس تمام 
نورسين: تمام 
سند: و انا يا جدو 
سليم: و انت كمان يا حبيبي يلا يا بني انت روح يلا شكولاتة ل نورسين و سند
ماهر بابتسامة: حاضر و يمشي 
نورسين: بحبك اوي يا جدو 
سليم: و انا بحبك اوي اوي يا نور عين جدو
****
ف الجامعة عند زهراء و هاجر 
هاجر: اه يا هاجر يا صغيرة احنا مالنا و مال الهم ده
زهراء: خلاص يا هاجر اخر سنة 
هاجر: هانت 
زهراء: يلا قومي نصلي الضهر
هاجر: يلا و كانوا يجي يقوموا بس 
زهراء: هاجر 
هاجر: اي مالك 
زهراء: مش قادرة اقوم 
هاجر: طيب اهدي متخافيش أنا جنبك 
زهراء بعياط: رجلي يا هاجر 
هاجر: اهدي بس انتي اخدتي الدواء 
زهراء: انهاردة لا 
هاجر: ليه يا زهراء 
زهراء: نسيت
هاجر: طيب تعالي اسندِ عليا لحد ما نوصل المسجد نصلي بعد كده اطلب السائق بتاعك  و نمشي 
زهراء: تمام و تمسكها هاجر و يروحوا المسجد 
هاجر: براحة براحتك امشي براحتك 
زهراء: مش قادرة 
هاجر: معلش خلاص اهو 
****
ف بيت هيام 
موده: شكرا يا استاذ عز 
عز: العفو يا استاذة موده 
صابر: اي الاحترام ده 
عز: بنتك انهاردة هادية اوي 
موده: طول عمري يا حبيبي 
عز: شوفت بتقلب علي طول
موده: تشرب اي 
عز: اي حاجة 
موده: اعملك قهوة 
عز: مش بحبها 
موده: طيب نسكافيه
عز: تمام تسلمي 
موده: سلمك الله و انت يا بابا 
صابر: شاي يا بنتي 
موده: حاضر بعد اذنكم و تمشي
صابر: اي اخبار الجماعة 
عز: الحمدلله كلهم كويسين  
صابر: طيب الحمدلله جاد عامل اي ف ثانوي 
عز: مش عايز يذاكر و علي طول عايز يلعب 
صابر: معلش براحة عليه و بكرة يسمع الكلام 
عز: يارب يا عمي اه صح يا عمي انتوا هتفضلوا هنا علي طول يعني اكيد جد لين عارف البيت ده صح 
صابر: للاسف اه و كنا بنفكر الصبح نسيب البيت و نمشي كلنا بس مش عارفين نقعد فين 
عز: ف شقق ف العمارة اللي جنبنا بأسعار حلوة اوي 
صابر: طيب هشوف كده يا بني 
حاتم: السلام عليكم ورحمه الله وبركاته
:وعليكم السلام ورحمه الله وبركاته
حاتم: عامل اي يا عز 
عز: الحمدلله بخير 
صابر: لسه انا و عز بنتكلم عن الشقق بيقول ف شقق جنبهم حلوة بأسعار حلوة 







حاتم: برضو لازم نمشي من هنا 
صابر: مش اتكلمنا امبارح و انا اقنعت امك بالعافية 
حاتم: اصل ده بيتنا ملكنا احنا 
عز: يفضل زي ما هو لحد بس ما الأمور تكون تمام و تقدروا ترجعوا تاني
حاتم: خلاص بإذن الله بكرة نروح نشوف الشقق دي 
عز: باذن الله
صابر: أنا هقوم اقول ل هيام 
عز: اتفضل و يقوم  
صابر: هيام هيام و يروح المطبخ كانت قاعدة هي و حسناء 
هيام: نعم يا صابر 
صابر: شوفت شقة حلو جنب فيلا الحاج سليم 
هيام: برضو يا صابر 
صابر: مش اتكلمنا امبارح و قولنا مش هينفع نقعد هنا كتير 
حسناء: أنا اسفة يا جماعة  أنا عارفة أننا عاملين مشاكل لكم أنا هاخد البنات و اروح مكان بعيد 
هيام: اخص عليكي يا حسناء تروحي فين ده انتي اختي يا حبيبتي أنا بس مش عايزة اسيب البيت و كده إنما أنا هروح معكم ف اي مكان شوف يا صابر الشقة 
صابر: باذن الله 
حسناء: بس الشقق هناك بتكون غالية صح 
صابر: عز قالي لا العمارة دي الاسعار دي مناسبة اوي و انا معايا فلوس الحمدلله حتي لو ابيع ارض من اللي عندي و اجيب الشقة دي نقعد فيها كلنا 
حسناء: و انا ابيع دهبي 
هيام: و انا كمان احنا معنا كتير اوي يا حبيبي 
صابر: بس انتي وهي الدهب هيفضل زي ما هو 
هيام: ليه يا صابر ما احنا معنا كتير و الحمدلله 
حاتم: الدهب يفضل معكم يا امي انا معايا فلوس أنا كمان هدفع مع خالي 
صابر: تخلي فلوسك ل جهازك و شقتك أنا ربنا كرمني الحمدلله ابعت ابيع ارض و الفلوس نجيب الشقة 
حاتم: يا خالي أنا و الله معايا برضو و قولت كتير ل ست الكل نمشي من هنا لو هي عايزه بس كنت بترفض اشمعنا دلوقتي تمشي 
هيام: طبعا امشي مع اخواتي ده البيت منور بيهم هم 
حسناء: حبيبتي 
صابر: فلوسك خليها معك زي ما قولتك 
حاتم: يا خالو 
صابر: خلاص يا حاتم 
حاتم: حاضر صح هي فين البت بتعمل النسكافيه 
هيام: حطت الحاجة و قالت هعمل حاجة و اجي اصبر اعمله أنا
موده: أنا جيت متجمعين عند النبي ان شاء الله
الكل: يارب 
موده: واقفين كلكم هنا ليه أن شاء الله 
حاتم: افرحي يا ستي هنجيب شقة جنب خطيبك عشان تكوني جنبه علي طول 
موده: اي ده بجد 
صابر: اه بجد احنا امبارح اتكلمنا كلنا اني مش هينفع نقعد هنا كتير عشان جد لين عارف المكان ده ف لازم نمشي من هنا 
موده: اه تمام 
حاتم: بكرة هنروح نشوف الشقة
موده: كلنا 
صابر: اه باذن الله انتي كده كده هتكوني ف المدرسة و معكي رحاب و يارا و موسي و انا علي العصر كده هجيب عمتك و خالتك و حاتم و نجي
موده: خلاص بإذن الله 
هيام: خدي النسكافيه ل خطيبك 
موده: يلهوي أنا نسيته و تاخد كوباية و تجري 
حاتم: هبلة اقسم بالله 
عند موده 
موده: أنا اسفة جدا علي التاخير
عز: ولا يهمك عادي 
موده: بيقولوا أننا هناخد شقة جنبكم 
عز: الحمدلله و الله روح قلبي هتكون جنبي علي طول 
موده: بكرة هنجي نشوف الشقة 
عز: تمام أنا هيجي الصبح 
موده: أنا عايزة انزل اجيب عربية 
عز: تحت امرك يا موده من بكرة يكون عندك احسن عربية اختاري انتي بس 
موده: لا لا عربية اجيبها انا ب فلوسي علي قدي 
عز: ليه ما أنا جوزك مسؤول منك 
موده: أنا لسه مش ف بيتك 
عز: طيب يا ستي براحتك أنا أقوم امشي بقي ما تجي نخرج شوية 
صابر: تخرجوا فين يا استاذ عز 
عز: ساعتين و تكون عندك 
صابر: تمام موافق اي يا موده تروحي 
موده: تمام يا بابا ثواني البس و اجي و تمشي
صابر: خلي بالك منها تمام و بكرة بعد العصر هنجي نشوف الشقة 
عز: تمام يا عمي 
****
ف فيلا سليم 
سهام: الباب بيخبط بقاله ساعة اي فينكم و تروح تفتح 
سهام: زهراء مالك يا بنتي 
هاجر: رجلها يا طنط 
سهام: يا قلبي طيب تعالي يا حبيبتي  و يدخلوا 
سهام: الف سلامة عليكي يا حبيبتي 
بيري: زهراء مالك 
سهام: كويسة يا حبيبتي رجلها بس هروح اجيبلك عصير و تمشي 
بيري: الف سلامة عليكي يا حبيبتي 
زهراء: الله يسلمك و تعيط 
بيري: طيب اهدي بس 
زهراء: أنا تعبت بجد أنا كل شوية رجلي كده و مش اقدر امشي يعني لو هاجر مش معايا كنت هعمل اي
بيري: الحمدلله ربنا سترها بطلي عياط بقي 
ماهر: الله القمر بتاعنا ماله السلام عليكم
هاجر: وعليكم السلام 
ماهر: مالك يا زهراء 
بيري: رجلها وقفت تأتي 
ماهر: طيب مش كلمتني ليه اجي اخدك 
زهراء: ما هاجر كانت معايا 
ماهر: طيب انتي كويسة دلوقتي 
زهراء: اه الحمدلله 
ماهر: الحمدلله و تجي سهام 
سهام: العصير اهو اتفضلوا 
ماهر: امي سند و نورسين نايمين فوق خلي بالك منهم انا عندي مشوار مهم 
سهام: حاضر يا حبيبي 
نبيل: ادخل يا فاشل 
جاد: أنا مش رايح المدرسة دي تاني 
سهام: في أي بس 
نبيل: زهراء مالك يا حبيبتي 
بيري: مفيش يا عمو هي كويس رجلها بس
نبيل يجري عندها و ياخدها ف حضنه: انتي كويسة دلوقتي 
زهراء: اه يا بابا 
ماهر: أنا ماشي سلام و يمشي 
سهام: مالكم بقي 
نبيل: ابنك و صحابه فاشلين 
سهام: اي الجديد
جاد: أنا مش رايح تاني 
سهام: ان شاء الله 
جاد: مش بهزر 
سهام: حاضر 
جاد: بلا تعليم بلا هم و يطلع 
نبيل: حيوان ازيك يا هاجر يا بنتي 
هاجر: الحمدلله يا عمو بخير أنا أقوم امشي بقي 
سهام: تمشي اي أنا هحضر الغدا
هاجر: لا مش ينفع يا سوسو عشان ماما مرة تانية باذن الله يلا بعد اذنكم و تقوم و سهام قامت معها 
****
ف المساء ف بيت هيام  
موده: بابا طنط سهام بتقول بكرة الغدا عندها 
صابر: وليه التعب بس يا بنتي 
موده: عز قالها أننا رايحين بكرة نشوف الشقة ف قالت اني بكرة الغدا عندها و مفيش اي عذر تمام 
صابر: تروحوا يا جماعة 
هيام: خلاص عادي 
حسناء: تمام ماشي 
موده: خلاص تمام و انا و البنات و موسي هنجي علي هناك 
صابر: خلاص تمام باذن الله
موده: يلا تصبحوا علي خير 
صابر: و انتي من أهله قبل ما تروحي تنامي شوفي موسي 
موده: حاضر و تروح اوضة موسي و تخبط و تدخل 
موده: الباشا لسه صاحي 
موسي: هنام اهو 
موده: طيب تمام عشان بكرة هنقوم بدري 
موسي: حاضر يا ستي 
موده: تصبح على خير
موسي: من انتي من أهله 
*****











تاني يوم ف فيلا سليم 
سهام: تخلصوا المدرسة و تجوا علي طول انهاردة غيث جاي ل جدكم و كمان أنا عزمت أهل موده علي الغدا عندنا 
عز: اول ما نخلص علي طول هنكون كلنا هنا 
نبيل: و غيث عايزك ف اي يا بابا 
كاظم: طالب ايد بيري 
اسماء: نعم اي كلام ده 
نبيل: بجد مبارك يا حبيبتي ربنا يكملك علي خير 
سليم: أنا لسه مش  موافق 
اسماء: ارفض طبعا  يا بابا مين غيث عشان نوافق عليه 
بيري: ماما لو سمحت غيث انسان محترم و طيب 
اسماء: أنا مش عايزة اسمع صوتك 
عز: لا هي عندها حق غيث صحبي و هو طلب أيدها لما كنا ف البلد و عمي قالوا لمي نرجع تعال نتكلم 
كاظم: و انا شخصيا موافق و باذن الله بابا يوافق 
اسماء: بس أنا مش موافقة 
سهام: احم جماعة المدرسة يروحوا و نتكلم بليل 
اسماء: أنا قولت اهو أنا مش موافقة علي الكلام ده و تطلع اوضتها 
سليم: أنا برة مستنكم هاتوا حاجاتكم و تعالوا 
كاظم ونبيل احنا جاين نعم و يقوموا و الشباب معهم 
سهام: بيري انتي عايزة غيث 
بيري بكسوف: يعني يا طنط 
سهام: تبقي عايزه و انا اوعدك اني هفضل معكي لحد ما يكون جوزك و لو علي بابا سيبه عليا أنا بعرف اقنعه ازاي و سيبك من امك ده غيث ابننا 
بيري حضنتها: شكرا يا طنط 
سهام: شكرا اي يا بت ده انتي بنتي التانية يلا روحي بقي المدرسة و تعالي عشان العروسة لازم تجهز 
بيري: حاضر و تمشي 
سهام: اما انتي يا اسماء غصب عنك توافق خلي البنت تفرح شوية
****
ف المدرسة 
ف فضل جاد 
يوسف: موده رجعت 
جاد: اه 
مروان: هنعمل اي 
جاد: جدعان نلعب معها براحة مش عايزة مصائب دي بنت عمتي 
يوسف: حاضر يا عم 
موده: السلام عليكم
:وعليكم السلام
موده: عاملين اي يلا كل واحد ف مكانه يلا و يقعدوا 
يوسف: ازيك يا ميس موده 
موده: الحمدلله بخير يا استاذ يوسف قبل ما نبدا اعرفكم بالطلاب الجديدة تعالوا يا ولاد يارا و موسي 
يوسف: اوبا اي الجمال ده 
جاد: احترام نفسك 
يوسف: ف اي يا عم 
جاد: دي بنت عم موده 
مروان: اه دي البت اللي عجبتك 
جاد: اه بس صوتك بقي 
موده: اتفضلوا اقعدوا و يدخلوا و يقعدوا 
موده: طبعا أنا بقالي يومين مش موجودة ف المدرسة و اكيد مكنيش فيه نظام ف قبل اي حاجة كده كل واحد فيكم يطلع الموبايل هنا يلا 
يوسف: مش معنا حاجة 
موده: طيب دقيقة واحد لو الموبايلات مكنتش موجودة هنا مش هيحصل طيب
جاد: مش معنا 
موده: طيب تمام نبدا الحصة اول حصة كان ف واجب ممكن اشوفه و تمر علي واحد واحد فين كتابك يا استاذ يوسف 
يوسف: احم اتفضلي و تاخد الكتاب 
موده: ماشاء الله فين الواجب 
يوسف: مش عملته 
موده: والله طيب اتفضل اقف ورا 
يوسف: نعم 
موده: يلا مش بحب اقول الكلمة مرتين 
يوسف: بس انا مش فاهم حاجة ف المنهج  
موده: يوسف أنا شرحت مرتين و قولت لو محدش فاهم يقول محدش اتكلم ف اتفضل اقف كده ورا
يوسف: اوف و يقوم 
موده: يوسف لو قولت اوف دي تاني مش هيحصل طيب هات كتابك يا مروان 
مروان: اتفضلي 
موده: جنب اخوك يا بني يلا 
مروان: حاضر و يقوم ,موده بصت ل جاد اللي ابتسم 
موده: جنب اخواتك ولا عملته 
جاد: جنب اخواتي 
موده: طيب يلا يا حبيبي يلا و تروح عند البنات 
موده: عندي امل فيكم الكتاب 
تيا: اتفضلي 
موده: برافو تيا هاتي يا فيروز 
فيروز: أنا مش عملته الصراحة 
موده: ليه 
فيروز: احم  كان عندي خطوبة 
موده: احم خطوبة طيب جنب اخواتك بس الناحية التانية 
رويدا: جنب اخواتي متخافيش 
موده: يلا يا ختي بذمتكم مش مكسوفين من نفسكم اول واجب و سهل جدا الدرس صعب يا استاذ يوسف كنت جات قولت عندك خطوبة يا استاذة فيروز الواجب صفحة واحدة كنتي اعتبري انك ماسكة الموبايل و اعملي الواجب طيب مبدا كده انا مش عجبني النظام ده
جاد: احم بكرة هنعمل homework 
موده: لا كلمني عربي يا حبيبي احنا ف حصة علم نفس 
يوسف بسخرية: كلمها عربي يا بني اكيد مش بتفهم انجليزي Venant de Haute-Égypte, vous comprendrez comment
موده: جاية من الصعيد اه اللي جاية من الصعيد دي معهم كذا لغة اللي بتتكلم فرنساوي و فرحان بيه 
يوسف بص بصدمة: بتعرفي فرنساوي
موده: اه بس ده مش موضوعنا دلوقتي عشان شكلها سنة طويلة اوي يا استاذ يوسف الواجب هتعمل تمام اتفضلوا عشان نبدا الشرح كان كلهم داخلين 
موده: ماعدا يوسف يفضل واقف شوية كده 
يوسف: اشمعنا أنا 
موده: نبدا الحصة بسم الله
****









ف مكتب سليم بيري كانت قاعدة فيه و يدخل غيث 
غيث: يا صباح الفل 
بيري: صباح النور عايز اي 
غيث: انتي قاعدة هنا ليه 
بيري: عادي مش عندي حصة و مش عايزة أقعد ف غرفة المدرسين 
غيث: ليه حد كلمك 
بيري: مش برتاح ل تامر ده 
غيث: هو كلمك
بيري: لا بس نظراته رخمة 
غيث: طيب تمام و كان خارج 
بيري: رايح فين يا مجنون 
غيث: اعرفه يبص تاني ازاي 
بيري: غيث احنا ف مدرسة أنا قعدت هنا خلاص 
غيث: سيبني هروح اضربه بهدوء و اجي 
بيري: بطل جنان بقي و اطلع برة عشان مش ينفع نقعد لوحدنا 
غيث: تمام انهاردة هكلم ابوكي و يخرج 
بيري بابتسامة: قالها و روحي راحت ياني 
رحاب: بسم الله مالك يا بيري 
بيري: احم ف اي 
رحاب بتكلمي نفسك 
بيري: لا كنت بكلم غيث لسه خارج 
رحاب: اه شوفته و انا جاية
بيري: اي المدرسة عجبتك 
رحاب: مش اوي الصراحة حاسة مفيش نظام صح 
بيري: عندك حق و تجي موده 
موده: استغفر الله 
رحاب: ف اي يا بنتي 
موده: لا ده فصل غريب العيال كأنها ضدك مش عايزين يذاكروا 
رحاب: أنا عندي فكرة 
بيري: قولي 
رحاب: نبقي صحاب احنا و هم نتكلم معهم بلاش زعيق عشان هم ف سنة صعب 
موده: كلامك صح بس فصل جاد دول صعبين جدا لازم حد يشد عليهم عشان يقدروا ينجحوا السنة دي 
بيري: نشد و نتكلم براحة معهم عادي اهم حاجة أنهم يعرفوا أننا عايزين مصلحتهم يلا أنا رايحة عندهم 
موده: تمام 
****
ف فصل جاد 
يوسف: أنا مش هستحمل موده دي كتير 
تيا: صوتك بنت عمها هنا 
يوسف: اه صح تعالوا نسلم عليهم و يروحوا عندهم كلهم 
يوسف: هاي 
موسي: السلام عليكم ورحمه الله وبركاته
تيا: وعليكم السلام ورحمه الله وبركاته عايزين نتعرف عليكم 
يوسف: أنا يوسف و انتوا 
موسي: موسي و يسلم عليه 
يوسف: و انتي و يمد أيده 
يارا: يارا مش بسلم علي شباب 
يوسف: احم تمام 
فيروز: تشرفنا بيكم اكيد انت كمان مش بتسلم علي بنات 
موسي: اه الحمدلله 
مروان: ليه بقي
موسي: لقول النبي صل الله عليه وسلم (إني لا أصافح النساء )
يارا: و قالت عائشة رضي الله عنها (و الله ما مست يد رسول الله يد امرأة قط )
موسي: ف حرام مصافحة النساء مش المحارم ،كانوا واقفين مصدومين 
كان سليم واقف عند الباب و سامع كل حاجة و كان مبسوط اني خطته بدأت تنجح 
بيري: السلام عليكم ورحمه الله وبركاته
:وعليكم السلام ورحمه الله وبركاته
بيري: عاملين اي اهلا بكم يا ولاد منورين الفصل 
يارا: شكرا
بيري: Where is the homework
جاد: I forgot it
بيري: Oh, I'd like to stand
يوسف: I didn't do the homework
بيري: Why
يوسف: I'm lazy
بيري: لا كده احنا بنهزر كسلت اي 
يوسف: الصراحة homework كبير و صعب 
بيري: اقوم اقف و انت بتكلم كده 
يوسف: اوف حاضر 
بيري راحت عنده بثقة: لما تكلمني كلمني باحترام و اتفضل برة الفصل و بكرة عايزة ولي امرك يكون هنا 
جاد: بيري خلاص مش لازم ولي أمره هو مش هتكلم كده تاني 
بيري: جاد بيري دي ف البيت هنا انا ميس بيري 
جاد: طيب عشان خاطري خلاص 
بيري: ماشي اتفضل أقعد 
يوسف ابتسم بسخرية
بيري: علي فكرة يا يوسف انت محتاج حاجة 
يوسف: اي 










بيري: تعرف تتكلم باحترام 
يوسف: قصدك اني مش محترم 
بيري: طريقتك مش كويسة ف الكلام ليه فاكر اني المدرسين ضدكم احنا هنا عشانكم احنا كلنا جنبكم موده بقيت أخصائية نفسية اظن انكم محتاجين تتكلموا معها تقدروا تروحوا مكتبها و تقعدوا معها براحتكم بس هنا احنا اخواتكم بلاش طريقة الكلام دي لو سمحت و يلا نبدا 
****
ف مكتب موده و الباب يخبط 
موده: اتفضل و يدخل تامر 
تامر: صباح الخير 
موده: اتفضل يا استاذ تامر سيب الباب مفتوح 
تامر: حاضر عاملة اي 
موده: الحمدلله حضرتك عايز حاجة 
تامر: اه ف حاجة مش عارفها ف المنهج و عرفت انك برضو فلسفة ف قولت اجي اسالك
موده: اتفضل 
تامر: المنطق صعب اوي علي اولاد عايز طريقة بسيطة اقدر اوصل المعلومة صح 
موده: المنطق محتاجة أمثلة يعني حط اي مثل عام و هم يفهموا باذن الله
تامر:باذن الله شكرا لكي حقيقي المدرسة كانت محتاجة حد زيك من زمان 
موده: شكرا لحضرتك
تامر: ما بلاش حضرتك خليها تامر و انا اقولك موده نكون صحاب 
موده: استاذ تامر احنا هنا ف شغل 
تامر: تمام يا موده 
موده: انسه موده لو سمحت ياريت نحفظ الحدود بينا 
تامر: احم تمام بعد اذنك و كان خارج و يجي عز 
عز: ازيك يا تامر 
تامر: تمام 
عز: اي كنت بتعمل هنا اي 
تامر: كنت بتكلم أنا و آنسة موده ف حاجة ف المنطق
عز: اه تمام فهمت بقي من خطيبتي ولا اي 
تامر: خطيبتك 
عز: اه مكتوب كتابنا الفرح بعد شهر  من اول المعازيم انت طبعا 
تامر: اه مبروك بعد اذنك و يمشي
عز: كده مش هيقدر يكلمك تاني 
موده: عرفت ازاي أنه بيرخم عليا 
عز: من طريقته ظاهرة أنا مش عارف جدو ازاي سيب الكائن ده ف المدرسة 
موده: شكله مش سهل 
عز: اه ربنا يستر هو ابن واحد صاحب جدو عشان كده قاعد ف المدرسة لحد دلوقتى 
موده: و ازاي مش عارف أننا مكتوب كتابنا 
عز: ملنيش علاقة بيهم اوي علاقة شغل وبس 
موده: اه فهمت 
عز: هتجوا عندنا انهاردة 
موده: اه باذن الله هقعد جنبك علي طول يا سيدي 
عز: يا فرحة قلبي ما تجي نخرج و سيبك منهم 
موده: لا غيث جاي انهاردة ولازم  اكون جنب بيري 
عز: اه صح نسيت ربنا يستر مع طنط اسماء و جدو 
موده: خير باذن الله 
عز: لا بس اي ده 
موده: ف اي 
عز: لا بجد اي ده 
موده: ف اي يا بني 
عز: انتي قمر علي طول كده 
موده: اطلع برة 
عز: مش بهزر والله انا الجمال ده كلوا هيكون ليا
موده: شوفت احمد ربنا 
عز: الحمدلله يا وصية الرسول يلا هروح ورايا حصة 
موده: ربنا معاك 
عز: يارب
****
 ف جاردن المدرسة اخر حصة الشباب و البنات كانوا قاعدين 
يوسف: لا أنا بجد مش قادر 
مروان: اي ده ياربي عائلتك كلنا علينا و مش عارفين نعمل حاجة 
يوسف: بس السبب ف التغير ده كله موده و بيري لازم نتصرف 
جاد: احب اقولكم علي حاجة ف واحدة جديدة اسمها رحاب بنت عم موده هتدخل لينا من بكرة 
تيا:هي ناقصة 
فيروز: اسكتي يا بت انتي انتي كنت عاملة homework
تيا: اه عملته مش كان غصب عني مامي خليتني اعمله غصب 
رويدا: احنا بجد هنعمل homework بجد 
تيا: لا أنا مش هعمل كل يوم غصب عني يا جدعان اي النظام ده 
فيروز: ما تجوا نلعب 
جاد: نلعب اي 
فيروز: اي حاجة 
تيا: تعالوا نصور تيك توك
فيروز: يلا بينا و يقوموا 
يوسف: هم دول هيفضلوا قاعدين لوحدهم كده 
تيا: روح انت ل موسي و انا هشوف يارا 
يوسف: تمام و يروحوا موسي كان قاعد يقرا ف المصحف و يارا قاعدة تقرا ف كتاب 
تيا: يارا 
يارا: نعم 
تيا: تعالي اقعدوا معنا 
يارا: طيب اي رايك تجيبي البنات و نقعد مع بعض أنا مش عارفة الشباب و هم اجانب عني ف مش هقدر أقعد معهم لوحدنا 










تيا: ليه ما احنا كلنا قاعدين تعالي بس 
يارا: أنا اسفة بس مش هقدر أقعد مع شباب اجانب عني تعال نقعد بنات بس 
تيا: طيب اصبري اجيب البنات و اجي 
يوسف: موسي 
موسي: نعم 
يوسف: قاعد لوحدك ليه 
موسي: قولت أقعد لوحدي شوية اخلص ورد القران بتاعي  
يوسف: يعني لازم دلوقتي 
موسي: ما أنا عايز اخلص سورة يوسف عشان اروح اذاكر 
يوسف: قربت تخلص
موسي: اه بس كمان عندي ورد استغفر 
يوسف: اي ده كمان كمان الاستغفار ف ورد 
موسي: اه طبعا اني احدد اني استغفر انهاردة كام و احط قدامي تحدي اني اوصل العدد ده شئ حلو  
يوسف بهزر: يا سيدي أستغفر ف اي وقت ذنوبك كتير اوي كده 
موسي: مين قالك الاستغفار عشان الذنوب بس
يوسف: طيب اي 
موسي: قال رسول اللهﷺ: 
" منْ لَزِم الاسْتِغْفَار ، جَعَلَ اللهُ لَهُ منْ كُلِّ هَمٍّ فَرجًا ، و مِنْ كُلِّ ضِيقٍ مخْرجًا ، وَرَزَقَهُ مِنْ حيْثُ لاَ يَحْتَسِبُ" يعني الاستغفار ده مفتاح اي حاجة واقفة قدامك و احنا ف 3 ثانوي و عايزين نجيب درجات كويسة و الاستغفار هو الحل ف كذا أية بتتكلم عن الاستغفار تحب اقولك هم اي 
موسي: اه بس ثواني شباب تعالوا ثانية 
جاد: اي يا عم موسي مش عايز تقعد معنا 
موسي: لا و الله بس عايز اخلص ورد القران و الاستغفار عشان اروح اذاكر 
جاد: ورد استغفار 
يوسف: اه اه اقعدوا موسي هقول ايات الاستغفار 
مروان: نعم 
موسي: اقعدوا بس 
جاد بهمس: ماله الواد ده 
مروان: وربنا ما اعرف يوسف اسلم من ورانا ولا اي من امت مهتم ب الدين 
جاد: مش عارف يمكن فضول 
مروان: يمكن 
جاد: طيب البنات 
يوسف: روحوا عند يارا أقعد بس
مروان: تمام أقعد يا جاد 
جاد: تمام 
موسي:( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا* وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا)  سورة نوح 
(الصَّابِرِينَ وَالصَّادِقِينَ وَالْقَانِتِينَ وَالْمُنفِقِينَ وَالْمُسْتَغْفِرِينَ بِالْأَسْحَارِهم) سورة آل عمران
(وَاسْتَغْفِرِ اللَّهَ ۖ إِنَّ اللَّهَ كَانَ غَفُورًا  رحيمٓٓا) سورة النساء 
(فَاعْلَمْ أَنَّهُ لَا إِلَٰهَ إِلَّا اللَّهُ وَاسْتَغْفِرْ لِذَنبِكَ وَلِلْمُؤْمِنِينَ وَالْمُؤْمِنَاتِ ۗ وَاللَّهُ يَعْلَمُ مُتَقَلَّبَكُمْ وَمَثْوَاكُمْ) سورة محمد 
يوسف: هو الاستغفار مهم اوي كده 
موسي: اه طبعا مش قولتلك الاستغفار مفتاح الرزق و الفرج  ايات الاستغفار كتير اوي دول كام آية بس ف ايات كتير اوي اوي أنا لما كان يقف معايا حاجة مش عارف حل ليها أقعد استغفر كتير لحد ما بيجي حل من عند ربنا يعني اقولك حاجة أنا كنت بشتغل عشان اقدر اصرف علي نفسي مع اني حاتم و بابا صابر كل شهر باخد مبلغ منهم مصروف و هدوم تجي و احسن موبايل عندي بس كنت بحب اعتمد علي نفسي مش هيفضلوا علي طول يصرفوا عليا  مع أنهم مش عندهم اي مانع لو اقعدوا يصرفوا لحد ما اتجوز عادي بس برضو لا المهم مكنيش ف شغل نهائي مفيش حاجة مناسبة ليا عشان اقدر ادرس و اشتغل المهم بقي كان قدامي عقبتين بابا صابر مش موافق اشتغل دلوقتي و مفيش شغل اساسا مناسب المهم قعدت استغفر كل يوم ٢٠٠٠ مرة و اقوم قبل الفجر بساعة اصلي و ادعي ربنا كتير و استغفر المهم عرفت اقنع بابا يوافق و ف نفس اليوم صحبي جبلي شغل حلو مناسب الحمدلله 
يوسف: انت بتشتغل بجد 
موسي: اه
مروان: والدك فين 
موسي: أنا والدي و والدتي متوفين و بابا صابر تكلف بيا و من و انا ف ابتدائي 
مروان: اه عشان كده نزلت اشتغلت
موسي: والله يعلم ربنا اني بابا صابر جايب ليا كل حاجة و بقالك قعدت كتير اقنع فيه اني انزل شغل  يعني أنا عمري ما حسيت أنه مش بيحبني ده ابوي بمعني الكلمة ربنا يحفظه ليا 
مروان: ده هو صابر ده والد موده صح 
جاد: بظبط و عم يارا و جوز عمتي الله يرحمها 
موسي: ربنا يرحمها 
يوسف: اه ربنا يوفقك
عند البنات 
تيا: مش صغيرة برضو علي اللبس ده
يارا: لا طبعا أنا كبرت و بقي فرض عليا 
فيروز: كبرتي اي احنا لسه ١٨ سنة اللي يلبس الطرح الطويلة دي الستات الكبيرة 
يارا بابتسامة: اول ما بلغت فرض عليا 
رويدا: بس عيشي سنك يعني 











يارا: و الله أنا مبسوطة جدا و عايشة براحتي جدا و بعمل اي حاجة نفسي فيها و الزي الشرعي عمره ما كان عائق للسعادة بالعكس أنا بعمل فرض ربنا و الحمدلله 
رويدا: اه ربنا يوفقك 
يارا: يارب عقبالكم 
تيا: مستحيل الصراحة أنا بحاس أنه جهل و تخلف 
فيروز: تيا مش قصدها يارا 
يارا: ولا تخلف ولا جهل يا تيا ده شرع ربنا بعد اذنكم و تمشي 
رويدا: انتي متخلفة يا تيا قولتلي كده ليه 
تيا: مش قصدي أنا بقول رأيا هي المفروض تسمع أي رأي مش تزعل و تمشي
فيروز: اكيد لازم تزعلي لمت تقولي عليها جاهلة و متخلفة اي تاخدك بالحضن 
تيا: خلاص بقي اعمل اي يعني 
رويدا: بكرة كلمها عشان خلاص فاضل دقائق و نمشي 
تيا: تمام 
عند الشباب 
يوسف؛ يلا عشان فاضل دقائق و نمشي كان وقت  حلو يا موسي 
موسي: اشوفكم بكرة ف رعاية الله و يلم حاجته  يلا بعد اذنكم
جاد: اتفضل  و يمشي موسي 
جاد: ف اي يا استاذ يوسف قعدت ليه يعني 
يوسف: هو قالي اقولك الايات قولت بلاش أحرج و قولت تمام 
مروان: تمام بس ازاي واحد صغير كده عارف كل المعلومات دي ولا بيتشغل كمان و ورد قران و استغفار كمان
جاد: عيلة موده كلهم كده ملتزمين
يوسف: واضح عليهم هو ازاي اخدوا عمتك يا واد يا جاد العيلة الملتزمة بتاخد حد ملتزمة زيها 
جاد: لا ما أنا عمتي الله يرحمها كانت محترمة يعني ماما بتقول عمرها ما لبست حاجة غلط علي طول لبسها واسع و عارفه دينها صح 
يوسف: اه و يجوا البنات 
مروان: مالكم 
فيروز: تيا زعلت يارا و قالت عليها جاهلة و متخلفة بسبب الخمار
جاد: انتي مجنونة ازاي تقولي كده 
تيا: مكنيش قصدي
يوسف: خلاص يا جماعة يمكن يارا فهمت غلط بس بكرة كلمها 
تيا: حاضر 
جاد: يلا معاد دوام المدرسة خلص 
يوسف: هنخرج انهاردة 
جاد: لا غيث جاي يتقدم ل بيري ف مش هعرف أخرج و غير كده أهل موده جاين علي الغدا عندنا 
مروان: خلاص تمام نشوفك بكرة 
جاد: تمام يلا بينا 
عند يارا كانت واقفة متضايقة و يجي موسي 
موسي: يارا 
يارا: نعم 
موسي: مالك يا يارا 
يارا: تيا قالت اني الخمار تخلف و جهل
موسي: استغفر الله سيبك منها انتي عارفة دينك كويسة اوعي تزعلي انتي ماشية بشرع ربنا 
يارا: أنا مش زعلانة منها أنا زعلانة عليها اني الشيطان مسيطر اوي عليها الزي الشرعي تخلف و جهل سبحان الله تجي تشوف البنات بتعيط ب سنين عشان ربنا يرزقها بيه 
موسي: ربنا يهديها مبسوطة انهاردة ف المدرسة 
يارا: مش اوي الصراحة
موسي: ولا أنا 
يارا: الحمدلله خير باذن الله أنا شوفت الشباب قاعدين معك 
موسي: اه كان بنتكلم عن فضل الاستغفار
يارا: اه خلصت وردك انهاردة 
موسي: اه الحمدلله عشان اروح اذاكر 
يارا: هنروح نشوف الشقة الاول 
موسي: باذن الله 
يارا: هم فين ده كله عايزة امشي 
موس: موده و رحاب اهم 
موده: يا مساء العسل 
يارا: اي التاخير ده كله 
رحاب: دول خمس دقائق يلا بينا 
عز: استنوا رايحين فين 
موده: زوجي العزيز ماشين رايحين فين يعني 
عز: طيب يلا معايا 
موده: تمام فين بيري 
بيري: أنا اهو يلا بينا العربية كبيرة تاخد من الحبايب الف 
موده: تمام يلا 
غيث: يا جدعان 
عز: عايز اي 
غيث: أنا جاي انهاردة الساعة ٧ 
عز: وربنا عارفين 
غيث: للتأكيد بس 
عز: انت جايب طنط و عمو صح 
غيث: اه باذن الله 
بيري: احلف هو مش المفروض تجي انت الاول و بعد كده انت و اهلك 
غيث: أنا كلمت والدك لوحدي و ظاهر أنه موافق ف هيجي أنا و اهلي 









بيري: يخربيتك 
غيث: او انتي 
بيري: أنا مش جاهزة اقابل حد اشوف فيك يوم يا غيث 
غيث: هي البت دي بجد جاية من كندا 
رحاب: اهدي يا بيري خير باذن الله
بيري: خير اي الساعة دلوقتي ٣ هم جاين ٧  اجيب فستان جديد ازاي 
عز: طيب ممكن نتكلم ف العربية اظن اننا مش ف المكان المناسب 
بيري: حاضر يلا يا بنات و يمشوا كلهم و ماعدا غيث و عز 
عز: اهلك عارفين الاتفاق 
غيث: لا و خايف من جدك
عز: خير باذن الله ماما هتقعد تكلمه قبل ما  تجوا 
غيث: خير باذن الله يلا سلام 
عز: ف رعاية الله 
***
رحاب: طيب اهدي بصي أنا عندي فستان جديد و انا كده كده رايحة البيت عشان يارا و موسي عايزين يغيروا زي المدرسة و بعد كده نجي 
بيري: بس 
رحاب: مبارك عليكي و انا اختك و هيكون حلو عليكي و اهدي كده 
بيري: أنا معرفيش أنه جاي هو و أهله 
موده: خير يا حبيبتي متخافيش و احنا كلنا هنكون جنبك 
رحاب: اه و انا هروح اجبلك الفستان و البس و اجي بسرعة عندنا عروسة انهاردة 
بيري: خلاص تمام 
موده: رحاب هات فستان و خمار ليا و انتي جاية
رحاب: حاضر بإذن الله 
عز: يلا بينا 
موده: اول حاجة توصل رحاب و موسي و يارا البيت عندنا 
عز: اي ده ليه مش قولنا هتجوا عندنا انهاردة علي الغدا و عشان عندنا عروسة 
بيري: اه ما هم هيروحوا يجيبوا فستان ليا بسرعة
عز: تمام يلا بينا عشان الوقت 
موده: يلا 
****
ف فيلا سليم 
سهام: يا اهلا وسهلا البيت منور 
هيام: منور بيكي يا حبيبتي 
نبيل: اتفضل يا صابر 
صابر: تسلم 
كاظم: انتوا طبعا قاعدين معنا لحد ما غيث يجي عشان بيري عروسة و انتوا اهلنا و لازم تكونوا معنا 
صابر: ماشاء الله ربنا يكملها علي خير 
كاظم: يارب 
حسناء: بس فين البنات 
كاظم: مش عارف والله كانوا المفروض جاين ورانا 
نبيل: دول بيقعدوا ساعة يتخانقوا نكون احنا روحنا من ساعة و هم ساعتها بيجوا 
صابر: ربنا يحفظهم و يجي جاد
جاد: مساء الخير
الكل: مساء النور 
سهام: تعال يا حبيبي 
جاد: ازيكم عاملين اي 
صابر: الحمدلله يا بني 
سهام: فين اخواتك مش عارفين اني غيث جاي شوية
جاد: ماما غيث جاي هو و أهله 
سهام: نعم محدش قالي ليه 
جاد: غيث قال ل جدو من امبارح أنه جاي هو و أهله ازاي مش عارفين 
سهام: ماشي يا بابا ماشي يلهوي أنا مش مستعدة يلهوي 
نبيل: اهدي يا سهام
سهام: أنا قولت غيث مننا حضرتك غدا و حلويات إنما أهله ياختي 








هيام: اهدي بس ايدينا ف ايدك  
سهام: بس
حسناء: بس أي احنا اهل يلا بينا علي المطبخ 
سهام: معلش هتعبكم 
هيام: تعب اي بس يلا بينا بس و يمشوا 
كاظم: بعد اذنكم ثواني و جاي 
صابر: اتفضل هو الحاج فين 
نبيل: نايم شوية يا صابر 
صابر: اه تمام 
نبيل: صابر خليك معنا بجد انهاردة بابا رافض الجوازة دي و بيري عايزه و كلنا موافقين 
صابر: طيب هو رافض ليه
نبيل: عايز ماهر ل بيري بس الاتنين مش موافقين 
صابر: طيب خلاص الحل عليا 
نبيل: بجد
صابر: اه 
****
فوق عند كاظم يدخل غرفته
كاظم: اسماء 
اسماء: نعم 
كاظم: انزلي ساعدي الستات تحت غيث و أهله جاين انهاردة 
اسماء: مش هنزل أنا مش موافقة علي الجوازة دي اساسا 
كاظم: بنتك موافقة و ده كفاية عندي 
اسماء: و هو مش المفروض يجي لوحده الاول 
كاظم: جاي هو و أهله اي يا ام العروسة انزلي ساعدي مش يكونوا هم واقفين عشان بنتك و انتي قاعدة هنا 
اسماء: سيبني ف حالي لو سمحت أنا اساسا مش هنزل لمي هم يجوا 
كاظم: اسماء خلي اليوم يعدي علي خير بنتك مبسوطة اوعي تقفي قدامها 
اسماء: هي هبلة مش عارفة مصلحتها
كاظم: يعني انتي اللي عارفها عايزة تجوزي بنتك واحد مش عايزه 
اسماء: مش مهم المهم أنه هيورث كل حاجة 
كاظم: أنا ندمان اني اتجوزت واحدة زيك حقيقي حسابنا بعدين عشان فرحة بنتك بس و ينزل 
اسماء: ماشي انا  الجوازة دي مش هتكمل 
*****
 ف عربية عز بعد ما واصل رحاب و يارا و موسي 
عز: الساعة كام دلوقتي 
بيري: ٤ اخلص يا عز لازم اروح بسرعة 
عز: يخربيتك انتي و خطيبك يا شيخة 
بيري: عز أنا اقسم بالله متعصبة لوحدي بالله يلا عشان الحق 
عز: بت اسكتي 
موده: بس يا عز اهدي يا حبيبتي خلاص احنا اهو فاضل خمس دقائق و نوصل  
بيري: حاضر 
موده: و رحاب بعتتلي دلوقتي قالت إنهم خلصوا لبس اهم و حاتم هيجي ياخدهم و يجوا علي طول 
بيري: ماشي ربنا يحفظكم ليا 
موده: يارب هتكون احلي عروسة انهاردة 
بيري: باذن الله 
****
الكل متجمع عند العمارة يشوفوا الشقة 
عز: اي رايك يا عمي 
صابر: جميلة اوي ماشاء الله أي يا جماعة ناخدها 
هيام: اه جميلة جدا 
صابر: الكل موافق 
الكل: اه 
صابر: طيب علي بركة الله 
عز: من بكرة هتكون لكم باذن الله هي مفروشة جاهزة
صابر: خلاص بإذن الله  
****
ف فيلا سليم ف اوضة بيري بيري لبست الفستان و لفت طرحتها و بدون مكياج 
موده: بسم الله ماشاء الله قمر يا حبيبتي 
زهراء: العروسة القمر و تجي اسماء 
اسماء: ازيكم يا بنات 
الكل: الحمدلله يا طنط 
بيري: حلو يا ماما 
اسماء: انتي كده خلصتي 
بيري: اه 
اسماء: من غير مكياج 
بيري: اه انا حلوة كده 
اسماء: مين قالك انك حلوة من غير مكياج و الهالات اللي تحت عيونك دي،بيري بصتلها بصدمة 
رحاب: بالعكس يا طنط دي قمر اوي ربنا يحفظها 
كاظم: احم ادخل يا بنات 
موده: اتفضل يا خالو  









كاظم: بسم الله ماشاء الله قمر يا حبيبتي 
بيري: بجد يا بابا 
كاظم: اه يا حبيبتي و احسن حاجة انك مش حاطة مكياج عشان جمالك احسن من مليون مكياج
بيري: أنا بحبك اوي و تحضنه 
موده: ما تزغرطي يا طنط اسماء 
اسماء: نعم ازغرط اوف و سيبتهم و مشيت 
رحاب: ازغرط انا لولولولولولوي عروستنا قمر 
كاظم: غيث فاضل نص ساعة و يوصل هو أهله لمي ماهر: يجي يجيبك تجي معه تمام 
بيري: حاضر تمام 
كاظم: يلا اسيبكم و انزل شاغلوا اي حاجة و افرحوا سيبكم من اسماء 
رحاب: هات الموبايل يا بنتي و تشغل هاتوا الدفوف 
كاظم: ايوه كده يلا انزل أنا و ينزل 
***
ف اوضة سليم 
سهام: بابا بالله عليك غيث جاي هو وأهله بالله خلي اليوم يعدي يعني عيب هو جاي بأهله و تكسفه وافق بالله بيري عايزه 
سليم: أنا عايزها تفضل جنبي مش عايزها تسيبني 
سهام: مش هتسيبك قول شرط أنه يجيب شقة ف العمارة اللي جنبنا اي رايك بس بلاش طلبات كتير بالله خليها تفرح 
سليم: أنا اطلب علي المستوي بتاعنا 
سهام: اكيد لا يعني غيث ف اول حياته مش هيقدر يجبب الماظ 
سليم: ما جاي يتجوز ليه طالما مش هيعرف يجيب الماظ 
سهام: لا و هو الطبيعي اني مش كل الناس هتجيب الماظ نمشها دهب بالله كفاية الشقة و الفرح عليه نمشها علي قده يا بابا طالما البنت عايزه مش لازم نطلب مليون حاجة عشان المستوي بتاعنا احنا ربنا رزقنا ب خير كتير إنما غيرنا علي قدهم بالله دهب حلو اوي 
سليم: حاضر يا سهام حاجة تانية
سهام: اه نخلي فترة لحد ما يجهز 
سليم: حد قالك اني هقوله الفرح يكون بكرة 
سهام: يا بابا أنا عارفك طيب عيني ف عينك لو مش كنت هتقول اني الفرح يكون بعد اسبوع 
سليم: لا والله بعد اسبوعين حلو صح 
سهام: يا ختي بابا اسبوعين ده حتي احنا مش هنقدر نجهز فيها 
سليم: شهر و ده اخر كلامي 
سهام: طيب بص لو لقيته هو قادر ف شهر يبقي تمام إنما لو لا نخليها فترة 
سليم: إن شاء الله
سهام: حبيبي يا بابا أنا عارف انك بتحب أحفادك اوي و نفسك يفضلوا جنبك بس هم هيفضلوا جنبك بس كل واحد لازم يشوفه حياته فرحها بالله يا بابا 
سليم: حاضر يا حبيبتي 
سهام: حضرلك الخير يارب 
اسماء من ورا الباب 
اسماء: عايزة اكيد تخلص من بنتي ماشي يا سهام الجوازة دي مش هتكمل باذن الله 
......
#معلمة_من_الصعيد
#مريم_شعبان

                   الفصل السابع عشر من هنا 

لمتابعة باقي الرواية زوروا قناتنا ع التليجرام من هنا

تعليقات
close