رواية احببت منتقبه الفصل الخامس 5 الجزء الثاني بقلم ياسر الانصاري
" أحببت منتقبة الجزء الثاني الفصل الخامس 💙 "((( المفاجاه)))
الزهراء بخوف. دول كلهم مشيو وسبونا
صهيب بضحكه. يعني محدش معانا دلوقتي
الزهراء. لا ليه
صهيب بص حوليه واتاكد اني مفيش حد موجود في الڤيلا راح هاجم ع شفايف الزهراء بحب ولهفه وشوق وهي بتبادله نفس الاحساس لانه واحشها وفضلو كدا كتير لاكتر من خمس دقائق وبعدها اخد بايدها وخرجو يروحو الاوتيل
وبا الفعل وصلو الاوتيل وصهيب صدق ما وصل واتلقح ع السرير زي الميت
الزهراء. حبيبي هنطلب اكل عشان انتا اكيد جعان
صهيب. حبيبي انا جعان نوم سبيني اخدلي ساعتين نوم حتي عشان اعرف افوق
وبا الفعل نام صهيب وهي نامت جمبه صحيو ع المغرب تقريبا
الزهراء. قوم يا عم انتا بقينا المغرب
صهيب بنص عين. حاضر
قام صهيب وسلم عليه عليها بطريقته الخاصة ودخل الحمام ياخد شاور وطلع صلي وخلص
الزهراء. حرما يا حبيبي
صهيب . جمعا أن شاء الله
الزهراء. بقولك يا صهيب مش كفايه كدا !
صهيب. كفايه ايه
الزهراء. قصدي كفايه من وجودنا هنا ونرجع بقي
صهيب. يا بنتي دا شهر العسل بتاعك عاوزه ترجعي ليه
الزهراء. بصراحه من بعد الي حصل وانا حابه ارجع مصر
صهيب. طيب ولنفترض انك خلاص مش عاوزه لبنان بعد الي حصل تعالي نروح اي حته تاني عشان مبقاش ظلمتك
الزهراء.. ظلم ايه بس انتا ظلمك ليا بنسبالي عدل يا صهيب
صهيب بضحكه. ايواه بقي .. طب يعني انتي حابه ايه دلوقتي
الزهراء. نرجع وسط اهلنا نقضي باقي شهر العسل
صهيب. غالي والطلب مفيش ارخص منه
قام من مكانه ورفع مصلايته وقالها تلبس عشان ينزلو يحجزو
وخلاص لبسو ونازلين وايدهم في ايد بعض
الزهراء . قولي صحيح انتا قولت لماما عائشه أو حد عندك علي موضوع الحمل !
صهيب. لا بصراحه مخليها مفاجاه لليوم دا الي ننزل فيه ونشوف رد فعلهم
الزهراء. بصره وانا كمان مقولتش لحد
صهيب. طب حلو دا. يلا بينا ننزل بقي
نزلو وحجزو بس كان الميعاد بكرا الصبح قررو يخرجو يشترو شويه هدايه لأهلهم وبا الفعل اشترو ورجعو عشان يحضرو الشنط
الزهراء. هات الشنطه دي كدا اخلي فيها الحاجه دي
صهيب. خدي يا ستي .. بقولك ايه
الزهراء. نعم
صهيب. تعالي نريح ع السرير شويه
الزهراء. يبني الدنيا عك معانا وسفرنا بكرا والدنيا زانقه
صهيب. هو في احلي من كدا. تعالي بس وهغنيلك
الزهراء بفرحه. اه لو كدا ماشي
صهيب. اه يا جزمه يا مصلحنجيه
الزهراء بضحك. سوري بس الغناء بصوتك ليه طعم تاني
صهيب اخدها في حضنه وفضل يهزر معاها شويه وبعدين غنالها...
____________________________
لمست ايدي عملت كونتاكت
الكهربا مسكت في الشرايين
زودت الأدرينالين
قلبي وعيني مش قادرين
مشت قلبي على الخط
ماراحش شمال وماشافش يمين
انا هنجت اتبنجت اتمزجت انا معمولي كمين
الله عالبسمه البسمه
والعود والرسمه الرسمه
جايه في وقتها والله
ماهي جت في اللحظه الحاسمه
الله عالخفه الخفه
والعود واللفه اللفه
جايه في وقتها والله
ماهي جت من بعد اللهفه
لمست ايدي عملت كونتاكت
الكهربا مسكت في الشرايين
زودت الأدرينالين
ثانيه واحده بس نفهم
الجمال ده مش بيرحم
الجمال ده ناره قايده
كل نظره متعه زايده
ثانيه واحده بس ندرس
الجمال ده يهري يفرس
الجمال ده ناره والعه
من الدلع و من الملاوعه
لحظه واحده بس هدّو
الجمال ده مين اللي قده
الجمال ده ناره جنه
معذورين لو اتفتننا
لحظه واحده لحظه واحده
لا بجد احلى واحده
في الطعامه زايده حته
حتتين تلاته سته
الله عالبسمه البسمه
والعود والرسمه الرسمه
جايه في وقتها والله
ماهي جت في اللحظه الحاسمه
________________________
الزهراء. يا روحي عليك بعشق امك
صهيب. ايه دا بقي دا بقي دا بقي دا ؟ دي كلمتي ع فكره ومعايا حقوق ملكية ليها
الزهراء. بتاعت جوزي وحبيبي يعني بتاعتي ولا مش فاكر !
صهيب بضحكه. لا فاكر طبعا
الزهراء. يلا بقي نجهز الشنط
_________________
عند محمود في مصر
الامين. محمود باشا في تفتيش من الوزارة
محمود. مين الرتبه ؟
الامين. مقدم هشام السواح
هشام السواح ضابط شرطة ليه مكانته وهيبته وكل الي اشتغل معاه يشهدله بقوته وذكائه وأنه عنده الجرأة فوق المعتاد والعاطفة شبه معدومة يعني من الاخر مفيش قلب وكمان محمود لحقه في الكليه يعني يعتبر دفعه واحده
دخل هشام وهو لابس ملكي طبنجته في جمبه ودخل المديريه وبمجرد دخوله المديريه وقفت ع رجل واحده والكل قال فيه نصيبه طول ما هشام السواح بنفسه جاي
اول لما دخل كان عارف رايح فين كويس واتجه لمكتب محمود
هشام السواح. افتح الباب يبني
العسكري. تمام يا فندم. وفتح الباب
دخل هشام السواح لقي محمود قاعد علي الكرسي ومريح جسمه ع الاخر ورجليه على المكتب مرفوعه
هشام السواح. صباح الخير يا حظابط
محمود بلامبالا. صباح النور ...بدون اي رد فعل منه ولا اتحرك من مكانه ومش باصص علي هشام كمان
هشام السواح بزعيق. هو أنا مش بكلمك وواقف في مكتبك يبقي تقوم تديني التحيه يا حظابط
محمود. صمت تام ولا اي رياكشن
هشام السواح بصوت عالي. انتا يبني بكلمك
محمود اتعدل بسرعه وبصله بحزم. انا مش ابنك يا هشام ابنك ف بيتك ولو ع التحيه العسكريه فاهي يا سيدي كدا انتا ملكش حاجه عندي اي أوراق محتاج تطلع عليها أو تناقشها عندك معاون المباحث ادخله وهو باذن مني هيخلصلك كل حاجه
هشام السواح بضحكه. إذن منك وانتا مين بقي !
محمود. انا رئيس المباحث هنا انتا مقرتش مكتوب ايه ع الباب ولا ايه
هشام. يا اهلا برئيس المباحث
محمود بتريقه. يا اهلا بسيادة المفتش
هشام. طب اسمع يا محمود انا جايلك انتا مخصوص النهارده لا عاوز اقابل معاون المباحث ولا المأمور حتي
محمود بزهق. اتفضل
هشام. مش هتطلبلي فنجان قهوه !
محمود. وماله ضرب الجرس دخله عسكري بلغه أنه ينبه ع اتنين قهوه
محمود. خير بقي يا هشام
هشام.. هتعرف دلوقتي
مفيش دقيقتين وكانت دخلت شخصيه زلزلت المديريه من الهيبه والرتبه المأمور نفسه كان في استقباله بس هو كان جاي لمحمود وطلعوه للمكتب
طلع بلغ العسكري ودخل بلغه
محمود. اسمه مين
العسكري.مقالش يا فندم
محمود. دخله يبني لما نشوف اخرة ام اليوم دا ايه
الشخص. صباح الخير محمود بيه ... هشام بيه اخبارك
هشام قام اتعدل بسرعه واداله التحيه. بخير يا فندم
محمود في سره وبعدين ف دا كمان طب مين دا وأقوم اديله التحيه ولا استني ولا ايه
الشخص. متستغربش يا محمود بيه هعرفك بنفسي .. انا العميد سالم دياب جهه سياديه
محمود سمع كلمه عميد وجهه سياديه وقام نط من مكانه با التحيه العسكريه. انا اسف يا فندم الي ما يعرفك يجهلك
سالم بابتسامه. ولا يهمك يا محمود. قهوتي ساده
محمود قام بسرعه فتح الباب. اتنين قهوه يبني ومحدش يدخل علينا ولما القهوة تيجي تخبط وتدخلها بنفسك
العسكري. تمام يا فندم.
محمود. اؤامر معاليك يا فندم
سالم. بص يا محمود احنا عنينا عليك من بدري اووي وكنا شايفينك من نجاح لنجاح ومن ترقيه لترقيه ومراقبين كل حركه ليك فعلا هذا الشبل من ذاك الاسد
محمود عدي الكلمه بدون عدم فهم
محمود بخوف. طيب اقدر اساعد معاليك إزاي
________________
عند صهيب خلصو وكان ميعاد الطياره جيه وركبو والطريق كلها بيفكرو هيعملو ايه مع أهلهم وازاي هيظبطو المفاجاه بعد حوالي عدة ساعات كانو وصلو مصر وصهيب مقالش لاي حد اي حاجه نزل طلب اوبر وع بيتهم عدل اول لما دخل طبعا معاه نسخه من مفتاح بيتهم. شاف أمه واقفه ف المطبخ ... السلام عليكم
عائشه. وعليكم السلام. ولسا بتلف تشوف مين شافت صهيب جريت عليه حضنته. حمدالله على سلامتك يا حبيبي طيب مش كنت تقول.
صهيب. معلش يا امي كانت مفاجاه بقي
عائشه راح نحيت الزهراء وفضلت تحضن وتبوس فيها نورتي البيت يا احلي زهره
الزهراء. تسلميلي يا ماما البيت منور طول منتي فيه
نزلت هدير على الصوت وبسرعه كانت متعلقه ف رقبه صهيب .. اتاخرت اوووووووووووي يا صهيب
صهيب بضحكه. معلش يومين من حق البت عليا
نزلت حضنت الزهراء.. حمدالله على السلامه يا قمري
الزهراء. الله يسلمك يا روح قلبي
صهيب. يلا بقي جهزولنا أكله حلوه كدا واعملوا حسابكم هرن ع عم مصطفي وجماعته يجو
عائشه. ينورو يا حبيبي
راحت الزهراء وهدير وعائشه بيحضرو للعزومه وصهيب كلم عم مصطفي وبلغه أنهم وصلو وعاوزين يتغدو مع بعض
وبا الفعل بعد ساعات وصلو كان صهيب مريح فوق نزلهم وبعد الترحاب وغيره قعدو ع السفره وبياكلو
صفاء.. ما شاء الله عليكي يا الزهراء راجعه محلوه كدا ع السفر
الزهراء بضحكه. انا حلوه من يومي يا ماما
عائشه. طبعا يا حبيبي انتي قمر ف كل اوقاتك
صهيب بضحكه.. لو سمحتو محدش يتغزل في مراتي
غيري
عائشه .ماشي يا عم بس احنا بردو لينا حقوق
صهيب. طيب با المناسبه دي حابب أعلن عن احلي خبر في حياتي جماعه الزهراء حامل
والكل طبعا ف حاله فرحه والي يبوس والي يحضن وفي دموع نزلت كمان
________________
عند محمود.
سالم. احنا عاوزينك معانا يا محمود
محمود. انا
سالم. ايواه انتا ايه مش حابب ولا ايه انتا عارف أننا كل رجالتنا واخدنهم ع فرازه
محمود. عارف والله عشان كدا مستغرب
سالم. متستغربش انتا ضابط كفي وكله يشهدلك بداه حتي هشام الي تقريبا مفيش بينكم اي ارتياح من ايام الكليه شهد بدأ
محمود. يعني حضرتك عاوزني انضم لل
سالم. لجهاز المخابرات العامة
محمود مش عارف ياخد نفسه فرحه مع توتر مع ارتجال
وبعد لحظات. وانا موافق يا فندم ودا يشرفني
سالم. عاش يا بطل . بس طبعا انتا عارف القوانين كويس وعارف حساسيه الجهاز وكمان
محمود. عارف كل حاجه يا فندم
سالم. حلو خالص. طلع ورقه من جيبه امضي يا محمود
محمود مسك الورقه بيقراء فيها لقاها شهاده وفاه باسمه 🙂
محمود. شهاده وفاه!
سالم. اه طبعا حساسيه الجهاز وخطورته تحتم عليك انك تكون ف نظر ناس كتير ميت
محمود. بس
سالم. مبسش هتكون احسن من ابوك يعني مضي ع الورقه دي عادي جدا
محمود باستغراب. ابويا وايه دخل ابويا بشغلنا ابويا كان مهندس زراعي
سالم بابتسامه. دا الي انتو تعرفوه انما الحقيقه ابوك من أكفأ ضباط المخابرات العامة في مصر
محمود .. ابويا انا ؟
سالم. شوفت بقي فضل قد ايه حافظ السر دا وانتا ابنه اهو ومتعرفش
محمود. انا لحد دلوقتي مش مصدق ومش فاهم حاجه
سالم. لا الحاجات دي بقي ابوك بنفسه هو الي يفهمك عليها
محمود. سالم باشا باقي سنه عقل بالله عليك ما تضيعها مني
سالم بضحكه. يبني ايواه ابوك عايش وهتاقبله كمان كتير في طبيعه شغلك الجديده. بس اسمع صم بكمم فاهمني
محمود. انا مبقتش فاهم حاجه
سالم. استوعب براحتك خالص ومن بكرا الصبح تيجي مبني الجهاز طبيعه شغلك هنا انتهت يلا مع السلامه
اتحرك العميد سالم والمقدم هشام ومحمود قاعد مش فاهم اي حاجه. ابويا عايش ازاي. ابويا ظابط مخابرات من امتي انا مش فاهم حاجة
لقي نفسه هيتعب راح ماشي ع البيت لقي الكل متجمع
محمود . سلام عليكم.. صهيب. حمدالله على السلامه يا حبيبي
صهيب. الله يسلمك يا روح قلبي
محمود. يبني مش تقول.
صهيب. معلش كانت مفاجاه بقي
محمود. ماشي يا عم. انا هطلع بقي
صهيب. مالك يلا فيك ايه ليه وشك متغير كدا
محمود. انا كويس
صهيب. طيب ليك عندي مفاجاه
محمود. مش قد الي عندي
صهيب . طب قول
محمود. قول انتا
صهيب. نقول مع بعض
محمود. ابوك عايش
صهيب. الزهراء حامل
الكل اتصدم من كلمه محمود عايش عايش ازاي يعني 😲
ونلقاكم في الفصل القادم إن شاء الله♥️
والسلام عليكم ورحمه الله وبركاته 💙
#م_ياسر_الانصاري
مجرد تشبيه لابطال رواية أحببت منتقبة ♥️👇