رواية عار بلا داعي الفصل الخامس 5 بقلم منصور سيد
الجزء الخامس عار بلا داعى
ولم تكمل سلمى كلامها سقطت سالى فجئه على الأرض مغمى عليها
وحاولت سلمى افاقتها ولكن دون جدوى وضعتها على سرير وذهبت لتحضر لها طبيب
وعندما أتى الطبيب وكشف عليها وجدها حامل
وفى حالة اعياء شديده فسأل الطبيب سالى مين السبب فى الحاله اللى هيا فيها دى واضح انها تعرضت للضرب وتحملت كثيرا
سلمى:اه فعلا يادكتور هى اتعرضت لظروف صعبه اوى وسبحان اللى كان موقفها على رجليها كل الوقت ده
الطبيب:بس كده كان ممكن الحمل ينتهى ودى كانت هتبقى جريمه
سلمى:لا ابدا يا دكتور مش لدرجة جريمه دا خلاف بينها وبين زوجها ان شاء الله خير واحنا مش عاوزين شوشره المهم هى هتكون كويسه وحالة الجنين كويسه
الطبيب:ان شاء الله
المهم الراحه التامه والأدوية اللى هكتبها دى وبلاش تتعرض لأى ضغوطات او زعل.
سلمى:ان شاء الله يا دكتور بس هى هتفضل نايمه كده كتير
الطبيب:شويه كده عشان الحقنه اللى اتدهلها
غادر الدكتور ودخلت سلمى غرفه اخره بشقتها ونامت بعد ان اطمئنت عليها
وفى منتصف الليل سلمى وجدت سالى امامها توقظها وتقول لها قومى معايا انا لازم اروح الشقه اللى روحتها دى تانى لازم اشوف حد من اللى كان فيها
سلمى نظرت فى الساعه :تروحى فين دلوقتى يا سالى انتى عارفه الساعه كام دا احنا فى منتصف الليل وبعدين ما انا روحت الشقه وموجدتش حد فيها استهدى بالله وارجعى نامى انتى تعبانه والدكتور قال لازم ترتاحي
واللى اظن انك متعرفهوش انك حامل
سالى:ايه حامل كمان
ووضعت ايدها على بطنها وقالت تفتكرى حازم هيعترف بالجنين ده
سلمى:انتى بتقولى ايه اكيد طبعا وايه اللى مش هيخليه يعترف بيه انتى زوجته يا بنتى وعلى ذمته هيعترف ولو غصب عنه
سالى:يعنى مش عارفه ايه اللى ممكن يخليه مش هيعترف
سلمى :عارفه يا ستى وفاهمه تقصدى ايه بس ...
سالى:بس ايه انا خايفه ومرعوبه من اللى جي
سلمى:سبيها على الله روحى نامى بس دلوقتى وربك يحلها
سالى رجعت الغرفه اللى كانت راقده فيها وفضلت قاعده على السرير تفكر فى اللى حصل ليها لحد ما راحت فى النوم
استيقظت سالى الصبح على صوت رجل بالخارج يتحدث مع سلمى
قامت سالى وخرجت فوجدت.تابع
